Арама кузя

Арама кузя ветлон дыръям,

Сьӧд сутэръёс долкатӥз,

Ой, пиньёсме.

Гужемен вож турынэз

By дуръёсын турнакум,

Ӵыжыт бамме миськылӥ

Сайкытыса.

Калыкъёс вылтӥ ветлон дыръям,

Секыт кылъёс чигылӥз,

Ой, сюлэмме.

Чидантэм секыт ужез

Мурт калыклы ужакум

Быриз чебер мугоры,

Ой, куасьмыса.

Бамъёсме шурын миськон дыръям,

Шурлэсь уно кисьтылӥ,

Ой, синвуме.

Улонлэн но туж секытэз

Мынам тодам лыктыку,

Кӧт ӝожъёсме лэзьылӥ,

Ой, кырӟаса.