Похоронно-поминальные песни
Э, нюняе, нюняе, кулӥд ук тон! Кулӥд но
кошкид ни тон, номырдэ уд шӧдылы ини.
Ми таччы кылём ини, кыӟы шунды пыӝе,
ми но оӟы ик пыӝом.
Э, нюняе, нюняе, усыдэ но герыдэ но мон вылам кельтӥд ук.
Э, нюняе, нюняе, геры дуре султысько ке,
тонэ тодад лыктэ мынам.
Туж ик гырыны секыт вылэм, тон кулӥд но кошкид табере.
Э, нюняе, нюняе, нылдэ-пидэ жук мында
кельтӥд сюдыны мыным,
кыӟы соосты вордыны кылдэм мыным?
Э, нюняе, нюняе, нылпиед куттэк но, дӥсьтэк но ёрме,
тон уд аӟӟыськы ини сое.
Тон неноку но кулоно кадь ӧй вал...
Малы медам тон кулӥд?..
Мазьги, Зура вол.
Ой, нэнэе, нэнэе, тон малы меда кулӥд?
Таччы милемды кельтӥськод ук кураӟӟыны.
Кызьы меда улыны кылдэм милям нэнэтэк?
Тон дыръяд ӟеч улӥм, таре олокызьы улом ини.
Милемдыс сюдӥд но, вордӥд но,
Сӥтьысь- кызьысь поттӥд но,
Куака пиосты сямен куштӥд но кельтӥд...
Кызьы медам таре уймес-нуналмес орччытом тонтэк?
Тон дыръя неномыре но ӧм сюлмаське,
Тарезэ кӧтмы но сюмаса, оло, улом ин?
Тон дыръяд кыӵе ке ческыт сиыса улӥм,
Таре бубы бордын олокызьы улод на ини?..
Ӟеч ул ни сояз дуннеяд, дуно нэнэе ...
Мазьги, Зура вол.
Э, нылы, нылы, тон тазы, егит мурт, ма туртӥд?..
Тон калыке медыськод вал ин, кузлы-паллы,
Таре пеймыт гуэ, вумульы кадь, понысько ин табере.
Э, Оринэ, Оринэ, кӧӵе ке но чебер пырыськод ин гуэ.
Э, Оринэ, Оринэ, черсонэд но кыле ук.
Черсон шортэд кыле ук, кин медам сое куоз?
Оӟы ик, вылды, тӧласа улоз, тӧл-тӧл...
Кенсы ке потыськод вал, син шорам шыкысэд аске вал.
Сюры вылэ учкисько ке – тямыс выртэн валес шобыретэд аске вал.
Кенсы ке мынысько, бӧрдэменым потэме но уг лу.
Кенсысь ке потыськод, корка ке мынысько,
Валес вылысь аӟӟисько кадь вужердэ.
Ӵукна ке султыськод, ву дуре мынысе но ӧвӧл ин.
Пыдме но воштысе ӧвӧл ин таре,
Тон воштыськод вал ялан пыдме.
Э, Оринэ, Оринэ, уйин кӧлыкум гинэ тодам уд лыктыськы,
Уй но нунал но кӧтам бергаськод.
Мазьги, Зура вол.
Анна гинэ кенаклы искал сётӥськом,
Зарни гинэ сюро но азвесь гижыё,
Зарни гинэ сюро но азвесь гижыё.
Сётэм гинэ искалмы но йӧло-вӧё мед луоз,
Сётэм гинэ искалмы но йӧло-вӧё мед луоз.
Бер гинэ но кылемез но сӥлы мед луоз,
Бер гинэ но кылемез но сӥлы мед луоз.
Анна кенак, азяд мед усёз.
Мед удалтозы на кылемез пудоосмы,
Мед удалтозы кылем пудоосмы, туж мед удалтоз!
Поттэлэ но поттэлэ пурысьтам бекчедэс!
Ӧд ке потгэ пурысьтам но бекчедэс,
Лёгомы но чигомы, ой, сайгакъёстэс.
Дас кык ӵошен лёгимы ке, сайгактэс чигомы.
Дас кык ӵошен лёгимы ке, сайгактэс чигомы.
Ваелэ но, ваелэ но ог сюмык ныръёстэс.
Сётэм гинэ искалмы но йӧло-вӧё мед луоз.
Сётэм гинэ искалмы но йӧло-вӧё мед луоз.
Ваелэ но, ваелэ но ог пуньы ӝукъёстэс.
Ваелэ но, ваелэ но ог пуньы ӝукъёстэс.
Тпуе-э, тпуе-э! Ой, та скал провор луоно.
Йӧло-вӧё мед луод ини.
Ваелэ но, ваелэ но ог черык ӵак юондэс.
Ӧд ке сётэ ог сэрег но басмаостэс,
Сандык гинэ пыдэсъёстэс но ӵемись коралом.
Сэрего но, сэрего но Вожой урамед,
Сэрегезлы быдэ но чибор юбоез,
Юбоезлы быдэ но бо кӧйтыл ӝуалоз,
Со кӧйтыллэн югытъяз но ми лыктӥмы,
Со кӧйтыллэн югытъяз но ми лыктӥмы.
Иназ мед мыноз таберезэ, искал сётӥськом.
Бер гинэ но кылемез но сӧл мед луоз,
Бер гинэ но кылемез но сӧл мед луоз.
Лолошур-Возжи, Грах ёрос.
Осто гынэ, Иньмаре но, вордэм мемей-атае,
Та сётоно йыр-пыдме кияд куты, мемее.
Вордэм нылпиелы, пудо-животлы азиндэ сёт, Иньмаре.
Вордэм нылпиелы, пудо-животлы азиндэ сёт, Иньмаре.
Вожъёстэ но(й) эн потты, вордылэм но мемее,
Последной силамес поныса ми турттӥськом сётыны.
Юр(ы)то калыклэсь, иськавын-бӧляклэсь медаз люкиське, мемее.
Юр(ы)то калыклэсь, иськавын-бӧляклэсь медаз люкиське, мемее.
Вожъёстэ но(й) эн вайы, вордылэм но мемее,
Вожъёстэ но(й) эн вайы, вордылэм но мемее.
Шубшади, Пичи Пурга ёрос.
Сьӧд тӧри но(й) ужпиме мон сётӥсько, дядяе.
Сётылэм но животмес кияд-пыдад кутылы.
Сётылэм но животмес кияд-пыдад кутылы.
Кыльылэм но животмес гид тыр, луд тыр карылы.
Кыльылэм но животмес гид тыр, луд тыр карылы[1].
Улын Юри, Пичи Пурга ёрос.
Литература
.
