Милям гинэ коркамы

Милям гинэ коркамы,

Казарма дорын,

Кыдёкын но шуыса,

Пырытэк эн кошке.

Сьӧд нюлэслэн шоръёсаз

Кезьыт ошмесэд,

Кезьыт гинэ шуыса,

Ютэк эн кошке.

Чебересь но нылъёслы

Тӥ эн синмаське,

Чебересь нӧ нылъёсыз

Шудтэм, шуо.

Чебересь но пиослы

Тӥ эн синмаське,

Чебересь но пиослэн

Туганзы тырос.

Ӵужо-вожо басмалы

Тӥ эн синмаське,

Ӵужо-вожо басмаез

Шунды басьтэ .