Ӝ, Ӟ, Ӵ букваос
Одӥг кылын кык ӝ, кык ӟ, кык ӵ уг гожтӥськы. Чаклалэ: ӝажы, ӝожон, ӟазег, ӵошен, ӵошкыт.
Ӝ буква гожтӥське кыллэн кутсконаз но сложной кыллэн кыкетй люкетаз: ӝакы, ӝег, ӝог, ӝикыт; ӝик-ӝик, ӝот-ӝот, кӧтӝож, мурӝол, тылӝу. Кыллэн пумаз ӝ буква уг гожтӥськы.
Ӟ буква, кыллэн кутсконаз сяна, гожтӥське: а) б, г, д, й, л (ль), м, н (нь), р согласнойёс но ӧ, у гласнойёс бере: лобӟыны, небӟыны, кугӟаны, могӟыны, пегӟыны, падӟа, бадӟым, лыдӟыны, адӟыны, ӝуйӟектыны, лулӟыны, улӟыны, ыльӟектыны, дэмӟыны, инӟы кенӟали, пеньӟектыны, кырӟаны, зырӟыны, йӧӟектыны, вуӟектыны; б) одӥг кылэз кык пол вераса пӧрмем кылъёсын: ӟар-ӟар, ӟеч-ӟеч.
Кыллэн пумаз ӟ буква уг гожтӥськы.
Ӵ буква, кыллэн кутсконаз сяна, гожтӥське:
а) гласнойёс вискын но куд-ог сложной кылъёсын, соослэн кыкетӥ люкетсы ӵ согласноен кутскс ке: гаӵоло, гуӵин, куӵыктыны, кыӵес, кыӵыртыны, меӵак, коӵыш, куӵо, коӵо, пыӵал, сыӵе, кеӵевыл, таӵе; кортӵог, ӵаж-ӵаж, ӵыж-ӵыж;
б) кыллэн пумаз: кыӵ, пукыӵ, меӵ, муӵ, пыӵ, пуӵ (ӵошатэ: кыш, муш, пыш, пуш).
Валэктон: к согласной азьын гожтӥське ш буква: вышкы, мушко, лушкем, ишкем, лушканы, пушкес, пышкылыны, тушко, ӵошкыт. Нош ӵ букваен гожтӥськись кылъёсын к согласной азьын ӵ ик кыле: меӵ — меӵкыт, меӵкытыны, гаӵоло (гаӵ) — гаӵкес, гаӵкин, гаӵкинтыны [1].
Литература
.
