Туганэ, туганэ

Туганэ, туганэ,

Лыкты мон доры,

Буйгаты мынэсьтым

Мӧзмем сюлэмме.

Буйгаты мынэсьтым

Мӧзмем сюлэмме.

Гожтэт но гожтыса

Тыныд лэзьысал —

Ӧвӧл химической,

Ой, карандаше.

Вань чебер пиосыз

Аслым карысал —

Ӧвӧл шор чиниям

Зарни зундэсэ.

Туганэ, туганэ,

Яратско тонэ,

Тон понна уг изиськы

Пеймыт уйёсме.

Туганэ люкиськиз

Кайта тулысозь,

Уг кушты но шуыса,

Бур кизэ сётӥз.

Туганэ, туганэ,

Лыктоз мон доры,

Буйгатоэ мынэсьтым

Мӧзмем сюлэммэ.