Вӧсяськон кыл

Иньмаре, козма, Быдӟым Иньмаре, Кылчин Иньмаре, ӟеч Иньмаре, му Кылчин, ю Кылчин, ӟеч шуддэ-бурдэ сёт, Иньмаре, Кылчин Иньмаре. Аминь!

Быдӟым Иньмаре, Кылчин Иньмаре, ӟеч Иньмаре, му Кылчин, ю Кылчин, пудо тӧрлыклы ӟеч сӧллык сёт, вужен буре ваиськом, вильзэ но сётысалыд ке, Иньмаре, Кылчин Иньмаре. Аминь!

Цыпья черкогурт, Малмыж уезд Вятка губерниысь

2. Осто, Иньмаре, Быдӟым Иньмаре, Кылдӥсь-Вордӥсь Иньмаре, сӧллык, тазалык, тынӥсьлык1 сёт, Иньмаре, шумпотымон шуддэ-бурдэ сёт, Иньмаре, Быдӟым Иньмаре. Аминь!

Ош.-Юмья черкогурт, Мамадыш уезд Казань губерниысь

3. Осто, Иньмаре, Быдӟым Иньмаре, Кылдӥсь-Вордӥсь Иньмаре, Быдӟым Иньмаре. Аминь, Иньмаре! (Йыбыртто.)

Вӧсяськем вӧсьме кабыл басьты, Иньмаре, Быдӟым Иньмаре, шуныт нуналэн, шуныт валэн-пасен уть-ворды, Иньмаре, Быдӟым Иньмаре. Аминь, Иньмаре! Гид тыр, луд тыр пудодэ сётыса, икем (лит.: итым) трос юдэ сётыса улысалыд ке, Иньмаре, Быдӟым Иньмаре. Аминь, Иньмаре! (Йыбыртто.) Гырон валэз кӧй карыса, кизем юэз бур поттыса, вить чиньыен пальткемме куатьтон куроё карыса дылтытысалыд ке, Иньмаре, Быдӟым Иньмаре. Аминь, Иньмаре! (Йыбыртто.)

Йыбырттысько, йырме тыныд поныса, дышмонэз палэн карыса, ӟечсэ пумит ваиса улысалды ке, Иньмаре, Быдӟым Иньмаре. Аминь, Иньмаре! (Йыбыртто.) Вуж берекетын йыбырттысько, виль берекеттэ тыр сётыса, Быдӟым Эксэйлы выт тырыса, ачмелы кӧт тырыса улыны кылдытысалыд ке, Иньмаре, Быдӟым Иньмаре. Аминь, Иньмаре!

Ки ортчемлэсь кыл ортчемлэсь уть, Иньмаре, Быдӟым Иньмаре! Аминь, Иньмаре!

Мон сьӧлыко, Иньмаре, Быдӟым Иньмаре, ваньзэ вераны мон уг тодӥськы, Иньмаре, булганзэ кабыл басьты, Иньмаре, Быдӟым Иньмаре. Аминь, Иньмаре!

Шунбаш гурт, Мамадыш уезд Казань губерниысь

4. Остэ, Иньмаре, сёт, эн кушты. (Йыбыртто.) Тон куамын куроен потты (нош ик), чумолё вӧзы чумолё пуктымон сёт (нош ик). Сильлэсь-тӧллэсь ачид уть, эн кушты, Иньмаре (нош ик). Вӧсяськиськом Тыныд со понна, буре вайытэк ум кельтйське (нош ик).

Водзимонья черкогурт, Мапмыж уезд Вятка губерниысь

5. Остэ, Иньмаре, Кылдысинэ, шуддэ сёт, Кылдысинэ, ӟеч нылын-пиен улымон. Быдӟым Эксэймы ӟеч мед улоз, солэсь вытсэ воштыны, казназэ тырмыть!ны мед юрттод. Остэ, Иньмаре, Кылдысинэ, ӟеч живот, шуд сёт, ӟеч животэн ӟеч улыны мед кылдоз, ӟеч уанен-бу-рен улыны мед кылдоз. Быдӟым Эксэймы милосьсэ мед сётоз, ӟеч арзэ мед сётоз. Всякой притчалэсь возьма, Кылдысинэ, кьшлэсь, дэйлэсь возьма, тыллэсь-пулэсь возьма. Остэ, Иньмаре, гербер юдэ ӟеч мед вуттод.

Баран починка, Глазов уезд Вятка губерниысь

Текстъёс басьтэмын: Гаврилов Б. Произведения народной словес-ности, обряды и поверья вотяков Казанской и Вятской губерний.— Казань, 1880.