Вож-вож гинэ ӝужалоз: различия между версиями
Материал из Воршуда
Перейти к навигацииПерейти к поискуAdmin (обсуждение | вклад) (Новая страница: «Вож-вож гинэ ӝужалоз Тулыс но кызьпу куар. Со малы-о куашкалоз? Сӥзьыл толлы чидатэк. Ӵу…») |
Admin (обсуждение | вклад) м (1 версия импортирована) |
(нет различий)
| |
Текущая версия на 14:40, 30 марта 2015
Вож-вож гинэ ӝужалоз
Тулыс но кызьпу куар.
Со малы-о куашкалоз?
Сӥзьыл толлы чидатэк.
Ӵуж-ӵуж гинэ ӝужалоз
Италмас но сяськаед.
Со малы-о сьӧдэктоз?
Ӵук кезьытлы чидатэк.
Юг-юг гинэ ӝужалоз
Льӧмпу но сяськаед.
Со малы-о шуялоз?
Шунды пӧсьлы чидатэк.
Весьтырак но будылоз
Тэль шоръёсын кызъёсыд.
Со малы-о погралоз?
Сильтӧлъёслы чидатэк.
Вож бадяр кадь вож мугор
Та пинал калыклэн.
Со малы-о пересьмоз?
Арлыдэзлы чидатэк.
Яблок кадь ик бамъёсыз
Та пинал йыръёслэн.
Со малы-о ӟаректоз?
Малпаськонлы чидатэк. [1]
