Корепанов Сергей Арсентьевич

Мурт шаерлэн кузь иськемъёсыз

Ошмесо шаермы дано луэ кужмо спортсменъёсын. Одйгез соос пӧлысь - ӝог ветлйсь Сергей Арсентьевич КОРЕПАНОВ, со 3 Олимпиадае пыриськемын. Эгра ёросысь Мазьги гуртын вордскем но быдэ вуэм муртлы бадӟым спортэ вамыштыны юрттйз мурт шаер. Ма вуттӥз сое Казахстанэ?

Чилясь гурезьёс, волятэм нюкъёс

- Пичи дыры вунонтэм кылемын, - веранзэ мытэ Сергей Корепанов. - 4 пинал пӧлысь мон куинетӥез луисько, нылпи садэ ӧй ветлы, пересь мамаенымы но сестраосыным пуки. 8 классъем школамы кык этажъем пу юртын вал, спортзалын шудэм сяна, школа котыртй но нюкъёс кузя бызьылӥмы. Озьы ӵем дыръя ёрос ӵошатсконъёсы пыриськылй. Тросэз пиосмы куасэн, пыдын бызьылӥзы, баскетболэн, волейболэн, хоккеен шудӥзы. Пӧлазы мон но котьку вал. Туж ӝог бызьылыны тыршимы ке но, вормонъёс дорозь сузьтйськыны ӧз кылдылы.

Бадӟым спортэн эшьяськонме мытй, шуыны луоз, 8-тй классысен. Сйзьыл кросс дыръя малпамтэ шорысь классысьтымы Володя Корепановен ӵош районын вылй интыос басьтймы. Со гужем эшъёсынымы ӵош трос бызьылймы, пыдтышъёсмы йырберамы вуытозь. Гуртмы котырысь нюкъёсты, гурезьёсты волятыса возимы ыж пастуханы ветлонъямы. Шудон но ужан сямен ик мугормес кыдатӥмы, луоз. Со гинэ мар, ульчаысьтымы пиосын ӵош Кечвыре быдэс стадион лэсьтӥмы. Пила пызь нуллӥмы, кык юбо пуктймы выллане тэтчаны, 200 метр кузьда круг лэсьтӥмы. Отын ик бызьылӥмы, кузьдалае, выллане тэтчамы. Али сыӵе стадионъёсыз многофункциональной шуо. Быдэс гужеммес сыӵе стадионын бызьылыса, тэтчаса ик сйзьыллы ӟечгес кыдаськеммы, дыр.

Со вормонмы бере Эграысь нылпи спортшколалэн директорез дорамы лыктйз но юаз: Эграын дышетскемды потэа? Тросгес тренироваться кариськоды, интернатын улоды. Валамон, ёрос цен- трын мугор кыдатыны луонлыкъёс тросгес вал бере, малпаськытэк эшеным ӵош Эграла кошкимы.

8 ар школаын дышетскытозям, одӥг пол но куасэн бызьылонъя ӵошатсконъёсын вормонъёс ӧй басьтылы вал.

9-тй классысен Владимир Ефимович Никитин бызьылон техникалы дышетӥз. Пайдаез нырысетй ӵошатсконысен ик шӧдйськиз: ёросысь ас ёзо эшъёсы пӧлын вормисе ӧй поты ке но, Мазьги школаын ӵош дышетскем эшъёсме, кинъёс мынэсьтым та дырозь шаплыгес бызьылйзы, кыдё- ке кельтй.

Тӧлатскон

- Спортэн эшъяськон дышетскыны ӧз люкеты. Школаме умой йылпумъяй. Володя Корепановен УдГУ-ысь мугор кыдатон факультета пырыны дасяськимы. Студент луыны одӥгмылы но ӧз удалты: баллъёсмы ӧз окме. Ма карыны паймемысьтымы, вамыштӥмы спортъя «Нефтемаш»клубе. Толалтэзэ куасэн бызьылӥмы, 1-тй разрядэн спортсменъёслэсь куронзэс быдэстймы, нош тулысаз атлетикае выжимы. Кыкетй араз Володя дышетскыны ӧз мыны ни, армие, пе, ветло. Озьы ӵош будэм эшеным нырысьсэ кемалы люкиськимы.

Озьы пӧрмиз: одӥг Корепановез ыштӥ, со интые мукетсэ шедьтй. УдГУ-э дышетскыны пыри гинэ но Балезино ёросысь Анатолий Корепановен эшъяськи. Фамилимы одйг кадь шуыса, лэся, улыны но милемыз общежитиысь одйг комнатае интыязы. Школаын дышетскыкумы, ми соин гожтэт пыр кусып возьылймы, ӵошатсконъёс дыръя пумиськылймы но вал. Соин кыкнамы ик капчи атлетикае гожтйськимы.

Студентлэн улонэзлы дышыны ӧдъяй гинэ, 1-тй курс йылпумъян азьын группаысьтымы пиосмес армие басьтонэн кышкатӥзы. Дышетскимы ӝог, экзаменъёсмес вазьгес сётймы но, милемыз дорамы лэзизы: ӧтён вуоз, вите. Быдэс гужемзэ вень вылын кадь улӥ, нош повестка ӧз ву. 30 мурт пӧлысь биатлонэн вырись 5-6 пиосмес спортротае басьтйллям ик.

Университетын нуналлы быдэ тренировкаосы потамы. Бызьылон вискын футбол шудӥмы. Одйг пол уси, пыдесылэсь вӧсь луэмзэ соку ӧй шӧды кадь, но со дырысен зол бызьылэме ӧйлась. Соин но, дыр, тренере армие ветлыны, тӧлатйськыны ӵектӥз.

Армие басьтйзы 2-тй курсысен октябрь толэзе. Машина нуллыны правое вал бере, автомобильной войскоосы кутйзы. Озьы ми Удмуртиысь 6 мурт Хабаровске шедимы. Ӵапак со вакытэ округын куасэн бызьылонъя ӵошатсконъёс луыны кулэ вал. Физподготовкая начальник дорам лыктйз но куасэн бызьылй ика шуыса, юалляськыны кутскиз. Ватсаз на, тросэзлы пиослы документ лэсьто, нош асьсэлэн куас вылэ султылэмзы но ӧвӧл. -Пие сярысь юалляськыса, мыным но гожтэт ыстылйзы,-вераськонамы итйськиз , ӧз висьылыа шуыса. Пиелэн одӥг пол но тамак кыскемез, вина шӧмъямез ӧвӧл шуыса, армие гожтэт лэзи. -15 пала солдатъёс куспын ӵошатскон ортчытӥзы, - веранзэ азьланьтэ спортсмен.- Мыным пу куас сётӥзы ке но, кыкетй инты басьтй. Кужмоосыз пӧлы шедьыса, Дальневосточный округысь ӵошатсконэ пыриськыны луонлык кылдйз. Благовещенскын гуртысьтымы ӵош будэм эшме Володя Корепановез пумитай. Ми соин быдэс ар ӧм адскылэ, службазэ ортче вылэм Комсомольск-на-Амуре городын. Со ӵошатсконын милям полкмы вормись луиз. Мукет араз Володя гуртэ бертӥз, нош монэ Южно-Сахалинске ыстйзы.

Армиысь бертыса ӧй вутты, висись пыдесы ачиз сярысь тодаз ваӥытӥз. Бызьылэм зол уг луы бере, ас поннам мукет удыс утчан сярысь малпаськыны ӧдъяй. Тазьы курадӟемме адӟыса, бызьылыны мылкыдме шӧдыса, армиысен одйгез эше матысьгес тодматйз ӝог ветлонэн.

Мылкыдлы пумит

- 1-тй курсын дышетскыкум, группаысьтымы пиос - Можгаысь Герман Истомин но Ижысь Олег Садков - ӝог ветлонэ пыриськылӥзы, сьӧразы монэ но бызьылыны ӧтьылйзы, мыным со амал соку ӧз кельшылы. Олег юниоръёс пӧлын СССР-ысь чемпион, спортъя мастер вал ни, нош Герман ӧжытак лябгес бызьылӥз. Арми ын дыръя эшъёсы гожтэт пыр ивортӥзы, Герман, пе, спортъя мастерлэсь куронзэ быдэстйз. Тае кылыса, спор- тысь кошкон мылкыды чутрак воштйськиз: мон Германлэсь маин пӧртэм? Бызьыло, мастерозь будо.

Озьы, армиысь бертыса, 21 аресам спортысь выль амаллы дышетскыны кутски.

Университетэз ӥылпумъятозям, мон но спортъя мастерлэсь куронзэ быдэстй. Монэ ужаны кельтйзы физвоспитаниея кафедрае. Городэ кылемелы нырысь ачим но шумпотй, мугорме кыдатыны луонлыке тросгес луоз кожаса. Янгышаськем. Кафедраын бумагаосын, студентъёсын на лыдпусъёсме умоятыны, спортъя калыккуспо классъем мастерлэсь куронзэ быдэстй.

1989-тй аръёсы секыт вакытъёс кутскизы. Уждун ичи, сьӧрло сборъёсы ум потаське. Валамон, пичи стадионэтй, сюрес кузя бызьылыса гинэ, нимо-дано спортсменъёс пӧлын вормон уд басьты. Нош 1991-тй арысен монэ бырйыны косӥзы: уж яке бызьылон, кема малпаськеме бере кыкетйзэ бырӥи.

Юрттӥськон

- Ужысь кошкон мылкыдын улй бере, гужемзэ тросгес бызьылй. Удмуртиысь пӧртэм интыосы, тренерелы, юрттэт курыса, вазиськи, ньӧмыз понна кыйе ке уже мед интыясалзы но сборъёсы потаны луонлык мед сётысалзы шуыса. Монэ валась адямиос Удмуртиын ӧз шеде. 1991-тй арын Россилэн чемпионатэз Сочиын ортчиз, солань-талань шонаськись мылкыдме синйылтэм Казахстанысь тренер. 50 иськеме ходокмы, пе, ӧвӧл, оло, ми понна бызьылод. Соку ик ватсаз, машина яке квартира сётыны ум быгатйське, но военной званиед вань бере, прапорщике уже интыяломы, пичильтык уждун сётомы, уже ветлытэк, бызьылыны быгатод. Мынам соку ик Олимпиада сярысь малпанъёсы чилектӥзы.

1991-тӥ арын гужем вылтй Казахстанысь командаен бызьылыны кутски. Шуныт палъёсын тренировкаос ортчытъян пайдаен берытскиз. Уд но оске, сйзьылаз ик СССР-лэн кубокез понна йошатсконын 4-тй инты басьтӥ, мон понна со вераны луонтэм шумпотон вал. Мукет араз 2-тй лун, жаляса верано, со вормонъёс нокыйе бадӟым йошатсконъёсы пыриськыны, СССР-лэн сборной командаяз шедьыны луонлык ӧз сётэ.

1992-тӥ арын апрель толэзе СНГ-лэн чемпионатаз пыриськи, соку спортсменъёслы луонлык сётӥзы 2 страна понна бызьылыны, мон Россия но Казахстан понна очко люкай. Со чемпионатын ворми- сьёс дорозь сузьтйськыны ӧз кылды. 50 иськемын 10 кужмоез пӧлы гинэ шеди. Мукет араз Казахстанысь тренеръёс шуизы, 2 страна понна, пе, бызьылыны уг яра ни, нош ик бырйыны косйзы: ми пала кылиськод яке дорад бертйськод. Кузпалъяськемын, нылпиосмы вал ни ке но, мон спортэз - мурт шаерез - бырӥи.

Выль 1993-тӥ арез Удмуртиын пумитаммы бере, ян- варьлэн нырысетӥ нуналъёсаз семьяеным йош Казахстанэ, сьӧрамы туж кулэ арбериос гинэ кутыса, кошкимы. Милемыз вӧен-нянен ӧз пумиталэ ке но, тренере юрттйз пиналъёсмес нылпи садэ но школае интыяны. Ӵуказе нуналаз ик мон сборъёсы кошки, вань секытсэ чидано луиз кузпалы Людмила Анатольевна.

Ӝутскон

- Вормонъёс дорам пумен вуыны кутскизы. Германиын ортчоно дуннелэн чемпионатаз шедён понна 1993-тӥ арын гужем ортчиз йошатскон. Мон кыкетй луи. Вот соку Москваысь кивалтйсьёс, Иже жингыртыса, юаллям, малы, пе, тйляд воргоронды мурт страна понна бызьылэ? Шаерысьтымы кивалтйсьёс валэктйллям, квартира, пе, куриз. Улонинты сётыны луонлыкмы ӧй вал. Озьы тйни мон ик янгыше кыли. Сыйе вераськонъёс монэ туж паймытйзы, соку гинэ валай, малы шаерысьтымы но Россиысь тросэз спортсменъёс кунгож сьӧры кӧчоно луо.

1993-тӥ арын дуннелэн чемпионатэз Германиысь Штутгарт городын ортчиз. Удмуртиысь отын вал мон, Герман Скурыгин, Марина Азябина но солэн тренерез. Эшшо ядро зыръясь Сергей Рубцов, Глазовын вордскем, Алма-Атаын службазэ ортчем но отчы ик улыны кылем пияш. Та чемпионатын мон 10 кужмоез пӧлы шеди, со сяна, Казахстанлэсь рекордзэ выльдй, кудӥз 1976-тй арысен возиське вылэм. Нош октябрь толэзе, Словакие ветлыса, 50 иськемез котькинлэсь ӝог ортчи.

Тужгес дуноез луэ 1993-тӥ арын декабрь толэзе Филиппиныын ортчем Азилэн чемпионатаз басьтэм туй медале. 20 иськемез сокем ӧй гажа ке но, медальлы шумпотй. Отйяз вормонъёсы уноязы гинэ. 1994-тӥ арын, Азиатской шудонъёсы пыриськыса, 50 иськемез котькинлэсь ӝог ортчи. Со вормонме Казахстанын туж вылй дунъязы, служебной квартира висъязы.

Олимпиадае мынон понна котькуд стартын 10 кужмоез пӧлы шедёно вал. 1995-тӥ арын Пекинын ортчем дуннелэн кубокез понна йошатсконын 8-тӥ инты басьтй, Швециын ортчем дуннелэн чемпионатаз 9-т ӥлуи. 1996-тй арын ортчоно гужем Олимпиадае шедёнме тодйсько вал ини ке но, апрель толэзе Германиысь Гран-при йошатсконэ мынй, 8-тӥ инты басьтй, озьы вань куронъёсты быдэстӥ.

Казахстанэ улыны кошки вал, 1996-тӥ арын Олимпиадае ветлытозь гинэ. Олимпиада ортчиз США-ысь Атлантаын, мон, 50 иськемез 3 час 38 минут но 42 секунд куспын ортчыса, 8-тӥ инты басьтй. Отысь бертыса, вуоноез Олимпиада сярысь малпаськыны кутски. Аслым шуи: кужыме вань дыръя, бызьыло. Озьы ик лэсьтй, бӧрсьысь бӧрсе 3 Олимпиадае пыриськи. Тужгес ӟеч лыдпус возьматыны удалтйз нырысетйяз, соку егитгес вылйськем, лэся, нош собере 15-тӥ, 20-тӥ луи.

Мӧзмон

- 2008-тӥ арын бадӟым спортысь кошки, шуыны луоз, но ас поннам туннэ но мугорме кыдатйсько. Тамак уг кыскиськы, вина уг юиськы. Казахстанын бадӟым саклык висъяло спортивной ориентированилы, арлы быдэ со йошатсконэ пыриськисько. Бызьылэм куинетй инты басьтй.

Кылем ар мон понна кемалы вунонтэм кылёз. 50 арес тырмиз, декабрь толэзе пенсие потй, вордскем палъёсам бертылй. Выль арысен табере выль ужан удысэ выжыны малпаськонылпи тренере. Кин тодэ, оло, дасо аръёс ортчыса, Казахстанын выль чемпионъёс кылдозы.

Удмурт шаерез, пичи дыр- ме тодам вайисько ке, толалтэлэсь мӧзмисько. Алматыын лымы ичи, куазь лапак сульпаське. Шаермылэн палэназ улыса но, кузпалэным йош удмурт сямен вераськисько- мы. 20 ар йоже казах кыллы дышыса ӧй вутты. Ужаны кутскеме бере кун кылэз тодыны кулэ шуыса веразы вал. Ярам коть, вань документъёсты со вакытэ ӟуч кылын гожъяны лэзё вал, ни¬мысьтыз переводчикъёс ужазы, нош табере сыйе луонлыкъёс ӧвӧл ни.

Семьяе сярысь но шу¬ныт кылъёс верасал. Вор¬мон басьтыны соостэк ӧй быгатысал. Кузпалы Дэри ёросысь Сентек гуртысь, Костя но Катя нылпиосмы вань. Школаын дышетскы- кузы, кыкназы ик спортэн эшъяськизы. Бадӟым будыса, сюрестӥм одйгзы но ӧз вамыштэ. Пенсие потыса, вордскем палъёсамы бертыны мылкыдъёсмы вал, табе¬ре Казахстанэ выжы лэзиськомы ни кадь. Нылмы бызиз, внукмы вань. Кемалась ик ӧвӧл бакча басьтймы. Гуртын будэм адями чидалоз шат, музъемын бугыръяськытэк? Сад котырын берганы, лыдӟиськыны яратӥсько.

Источник:

С.А. Мурт шаерлэн кузь иськемъёсыз / С. А. Корепанов; записала В. Еемельянова // Удмурт дунне. – 2015. – 16 января – №3 - С. 10, 15. - (Удмурт кизилос).

За предоставление материала выражаем огромную благодарность редакции газеты "Удмурт дунне"