Кылдысин: различия между версиями
Admin (обсуждение | вклад) м (1 версия импортирована) |
Ladamiri (обсуждение | вклад) |
||
| Строка 10: | Строка 10: | ||
<references /> | <references /> | ||
| + | |||
| + | [[Категория:Мифологические предания]] | ||
Текущая версия на 12:41, 16 мая 2023
Вашкала дыръя ӵемысь Кылдысин музъем вылын, адями пӧлын, улэм. Калык соку трос вылымтэ, котькудӥзлэн аслаз бусы нош висъёссы кузесь но паськытэсь, пе, вал. Со межаос ик Кылдысинлэн сюресъёсыз вылӥллям, яратэ вылэм со отӥ ветлыны.
Ачиз копак пурысь, тӧдьы кузь дӥсен, ӝужыт, Кылдысин потыса учкылоз вылэм удмуртъёслэсь бусыын ужамзэс. Крестъянъёс сыӵе ик тӧдьы дӥсь нуллӥллям. Му вылэ усем котькуд шепез-тысез Кылдысин ӝутоз вылэм, межа вылэ будэм шепез но лёгатэк ортчылэм. Тӥни озьы музъем вылын узыр ю-нянь будылэм.
Дыр ортчемъя, удмуртъёс пумен тросгес луллям, соин музъемзэс выльысь но выльысь люкылоно луиллям. Музъемез пичи анаослы люкылӥллям, межаос пумен сюбегесь но вакчиесь, пе, луо, бератаз соосты но гырыса потӥллям.
Кылдысинлы ветлон инты кыльымтэ ни. Вылаз ик, удмурт тӧдьы дӥсь нуллэмысь дугдӥллям, тӧдьы дэраоссэс буяны кутскиллям. Ӝоже усьыса, Кылдысин музъем вылысь кошкем. Одӥгьёс верамъя, со инме тубем, мукетъёсыз верало, музъем пушкы ватӥськем шуыса[1].
