Нюлэсмуртъёслэн сюанзы сярысь мадь

Кык уромъёс ӵошен тэляськыса ветлозы вылэм.

Куазь ӝытмыса, таос кӧлыны интыяськиллям но тыл

понӥллям. Соку ик соослы олокин адями сямен верам,

ачиз уг адӟиськы, пе: «Кошке татысь чаляк! Йырды быроз!

Сюан татӥ кошкоз». Та адямиос отысь чаляк воштӥсь-

киллям ог веттос улсы. Олокинъёслэн куаразы кылӥське,

пе, ини со кӧлыны медэм интыязы: «Э-э, кошкыса вуил-

лям. Асьмелы татын сиён вань вал».

Озьы вераськемзэс кык адямиос весь кылзыса улӥллям.

Собере отӥ сюан ортчем. Ӵукнаозь пӧйшурасьёслэн йырсизы

валлань сылыса улэм, уйбыт кӧшкемаса соос изиллямтэ ни.