Бадретдинов Ульфат

Ульфат Шайхутдинович Бадретдинов – удмурт гожъяськись, Россиысь гожъяськисьёслэн огазеяськонзылэн ёзчиез, Россиысь журналистъёслэн огазеяськонзылэн ёзчиез, Удмурт Элькунысь сӥё-дано ужась, Россиысь огъя дышетон удысысь сӥё-дано ужась, Удмурт Элькунысь калык писатель.

Улон сюресэз

Ульфат Бадретдинов вордскиз Башкортостанысь Бурай ёросысь Алтау гуртын 1957-тӥ арын 21 толшоре.

Семьяын кык пиос будӥзы. Школаын но пияш дышетскем сяна пӧртэм ужъёсы пыриськиз. «Юннат отрядмы, зэм но, вал. Ми нырысь лушкем выримы. Собере быдэс республикамы ми сярысь тодӥз. Ма, Башкирия гинэ ӧвӧл, быдэс Совето Союзын дано луим. Ми сярысь Москваысь радио пыр вераллязы. Соку нуналлы быдэ витьтон-куатьтон гожтэт басьяськом вал…»

Вордӥськем гуртысьтыз тямыс классъем школаез йылпумъяса, 1972-тӥ арын Можга педучилище дышетскыны лыктӥз. Татысен со литературно-творческой кружоке ветлӥз, кружокен со вакытэ прозаик Григорий Данилов но поэт Николай Байтеряков кивалтӥзы.

"Кизили" журнал бордын ужасьёс

Ульфат Бадретдинов училищезэ йылпумъяса, одӥг арзэ дышетӥз аслаз гуртаз. Собере, вань пиосмуртъёс сямен, солы но пӧськытоно луэ солдат сапегъёсты.

Бӧрысь кык арзэ Башкортостанысь Калтасы ёросысь Большекачак шоръёзо школаын дышетэ пиналъёсты. Со дыре ик ачиз но заочно пыре дышетскыны Удмурт кун университетысь удмурт филология факультетэ.

1982-тӥ арын кутске ужаны «Советской Удмуртия» газетлэн редакцияз.

1990–1992-тӥ аръёсы «Инвожо» журналын валтӥсь редакторлэн воштӥсез.

1992-тӥ арлэн куарусён толэзьысеныз – «Кизили» журналын валтӥсь редакторлэн воштӥсез.

1995-тӥ арлэн шорысеныз – та журналлэн валтӥсь редакторез.

«Серекъян – адскисьтэм кужым» книгаяз со гожтэ: «Нимы мынам Шуд. Араб кылысь берыктыса, озьы луэ. Нош нимтуллэсь нырысь букваоссэ вераса – БУШ. Тазэ удмурт кылын валано ӧвӧл, сое политикаен герӟало… БУШ – со буш ӧвӧл. Мынам вань семьяе, эшъёсы, лыдӟисьёсы, вордскем палэ…».

Ульфат Бадретдинов трос выре общественной ужен, Кам сьӧр удмуртъёс, писательёс сярысь сюлмаське. Со ужрадъя трос гожъям статьяосыз удмурт периодикаын печатласько.

Гожъямъёсыз сярысь

Ульфат Бадретдиновлэн литература дуннее сюресэз «Дась лу!» газетысен кутскиз, шуыны луоз. 1969-тӥ арын, дас кык арес дыръяз, татын солэн нырысетӥ выжыкылэз печатласькиз. Со дырысен пияш газетэн кусыпъёссэ ӧз ышты ни.

Со заметкаез ласянь тодэ вайонъёсыз али но паль потто. «Мади тылобурдоосты рогаткаен ыбылыса виылӥсь пиналъёс сярысь. Нимтулъёссэс кызьы ке вань озьы ик гожтӥ вал. Редакциын пиослэсь нимъёссэс кельтӥллям, фамиллиоссэс букваен гинэ пусйиллям. Гуртоослы секыт ӧй вал соосты тодманы. Одӥгезлэн анаез мынэсьтым анайме тышкаськем. Собере анаелэсь мыным но йӧтӥз, эн ни гожъяськы, шуиз. Озьы ке но гожъяськемысь ӧй дугды. Критика борды гинэ малпаськытэк ӧй кутскылы ни. Верам-гожтэмъёсыд понна ачид ик кыл кутоно луиськод».

Дэбес ёросысь лыдӟиськисьёсын пумиськон

У. Бадретдинов пӧртэм арлыдо пиналъёслы гожъя. Уноез учыръёс, суредъёс, тодметъёс, геройёсыз но, аслаз улонысьтыз – пинал дыр вакытысьтыз басьтэмын. Инкуазез яратон но сое утён, эшъяськон, синмаськон, ог-огед азьын кыл кутон, серемес учыръёсы шедён, улон сюрес быръён, анай-атай юрт, выжы-кумыос, тодмоос сярысь-а вераськон мынэ – ваньмыз герӟаськемын ас палъёсыныз, дореныз, Алтау улосэн…

«Куд-ог учыръёсты нокыӵе писатель но малпаны уз быгаты, ачиз нылпи сяна. Кылсярысь, таӵе учыр. Гуртамы вал пичи пи. Сое ваньзы пӧяло. Нош пияш оске. Одӥг пол ачиз малпам кинэ ке алданы. Клубе мынэм но киномеханиклы вить коньы сётэм. Нош ачиз дораз бызьыса кошкем. Атаезлы, пе, шуэ: киномеханикез алдай, солы вить коньы сётӥ, нош кинозэ учкыны ӧй пыры. Таӵезэ юри но уд малпа.» Та авторлэн тунсыко нылпи литературамес пӧртэм жанръёсын узырмытыны тыршемез. Нылпилэн дуннеяз песянай-песятайёс бадӟым инты басьто. Ульфат Бадретдиновлэн соос сыӵе мусоесь, адямилыкоесь. Сыӵе пересьёс вӧзын пинал амалтэк ӟеч сямо будоз кадь потэ.

Сюлэмын сайкыт буёло оскон – сяська ӝужатон У. Бадретдиновлэн творчествоезлэн одӥгез валтӥсь тодметэз луэ. Верос дунне, таиныз тужгес чебер со, чильпамын лопыръясь, ненегъясь няськыт омырен.

Гожъямъёссэ огъя учкыса валано: У. Бадретдинов пичи муртъёслэсь дуннезэс возьматон борды юнме шорысь ӧз басьтӥськы, со вань лулыныз-сюлмыныз пичи адямилэсь вӧзысьтыз паймонозэ, шуаксэ, серекъянозэ, шулдырзэ сайкатыны, усьтыны тырше. Со ӟеч тодэ: пичи мурт лыдӟетысь серекъян-горон интыоссэ юнгес яратэ. Но Ульфатлэн маскаръяськон, серекъятон учыръёсыз мадён радлыкез туж аспӧртэмлыко пыро. Со улонысь учыръёсты чурытаса кадь быръе, суредан амалъёсыз ӝикыт сямзэ возьмато, кыл ласянь но автор туж чакласькыса ужа. Но таин ӵош мадёсчи пезьгыт сюжет ӧръёс шедьтыны тырше, лыдӟисьсэ ас сьӧраз валтыны быгатэ.

2010-тӥ арын Эстониысь эшъёсыз Ульфат Бадретдиновлы «Ӵушъял вордӥське веньёстэк» книгаезлы вылӥ дунъет сёто но ӵыжы-выжы калыкъёслэн литературной премизылэн лауреатэз луэ.

Наградаосыз но премиосыз

Эстониысь ӵыжы-выжы калыкъёслэн литературной премизылэн лауреатэз, 2010.

Удмурт Элькунлэн Кивалтэтэзлэн литература премиезлэн 2023-тӥ ар понна лауреатэз луиз «Айгуль — Толэзь сяська» книгаез (Ижкар: Удмуртия, 2020) понна.

Удмурт Элькунысь калык писатель, 2024.

Библиография

Книгаосыз

Мар луоз ӵуказе? : веросъёс но пьеса. – Ижевск, 1991. – 63 с.

Мар со кадик? : пиналъёслы вероъёс / суредаз А. Абрамов. – Ижевск : Удмуртия, 1995. – 23 с. : ил.

Пальпотон но малпаськон : пиналъёслы веросъёс, сценкаос, кылбуръёс. – Ижевск, 2002. – 31 с.

Серекъян – адскисьтэм кужым : серемес веросъёс, юморескаос, сценкаос. – Ижевск : Алфавит, 1997. – 37 с. : ил.

Сяська сюлэмын но ӝужа : веросъёс. – Ижевск : Удмуртия, 1988. – 64 с.

Ӧте... : пиналъёслы сценкаос, сценарийёс / суредаз В. Г. Мустаев. – Ижевск : Удмуртия, 1997. – 31 с. : ил.

Ӵушъял вордӥське веньёстэк : повестъёс, веросъёс, пьесаос. – Ижевск : Удмуртия, 2007. – 245 с. : ил.

Шордин, сердцевина моя зоревая : повесть / пер. с удмурт. А. Демьянова. – Ижевск, 2004. – 119 с.

Статьяосыз

Адями но вужер : одӥг действиен вакчи пьеса: (перфоманслы) // Инвожо. – 2008. – № 7/8. – С. 85–86.

Алтау просыпается / пер. с удмурт. А. Демьянова // Луч. – 2006. – № 5/6. – С. 4–7. – (К 450-летию присоединения Удмуртии к России). – Посвящ.: Удмуртскому просветителю и поэту Максиму Прокопьеву посвящается.

Бертон : верос // Кенеш. – 2007. – № 7. – С. 67–71 ; Инвожо. – 2008. – № 5/6. – С. 182–184.

Беспокойная соседка // Муравейник : дет. журн. о природе для семейн. чтения. – 2008. – № 12. – С. 26

Буй : фантастика верос // Удмурт дунне. – 2007. – 20 июня. – С. 8 ; Инвожо. – 2007. – № 5/6. – С. 165–167 : фот.

В полночь : юмореска // Вилы : журн. сатиры и юмора Башкортостана. – 2006. – № 6. – С. 13.

Вакчияк вераса : зулён // Удмурт дунне. – 2008. – 25 марта. – С. 7. – (Шудэлэ тӥ, серектэ).

Вакчияк вераса : серемес веросъёс // Кенеш. - 2013. - № 9. - С. 62-67. - (Серемес веросъёс). - Пуштросэз : Ярдур...кылбур ; Шукыяськись малпан ; Жалясез ӧвӧл ; Уйшоре ; Мар со пробка?

Вань но Ӧвӧл : выжыкыл выллем верос / Ульфат Бадретдинов ; иллюстрациез Галина Ивановалэн // Кизили. – 2011. – № 7. – С. 10.

Велосипед : рассказ / пер. В. Нуриахметов, Т. Комарова // Удмурт. правда. – 2006. – 17 мая. – С. 3. – (Литературный клуб). – Крат. биогр. справка.

Витька : верос // Кизили. – 2012. – № 1. – С. 6-7 : цв.ил.

Выльмиз ; Ма каром? ; Лобасал ; Укное ноку уг кӧл ; Бӧчы ; Тэльмы ӝуа... ; Ачиз ; Тушо пилем ; Ку вуоз кезьыт? // Ӟечбур! – 2007. – 29 марта. – С. 15.

Где вы, фаэты? / пер. с удмурт. А. Демьянова // Луч. – 2007. – № 5/6. – С. 32–35.

Дыртӥсьёс : сценка / иллюстрациез Василий Мустаевлэн // Кизили. – 2012. – № 7. – С. 3 : рис.

Зэмлык уз вужмы // Удмурт дунне. – 2010. – 29 июня. – С. 7 : фот.

Ӟичы но Луд кеч : калык выжыкылъя // Ӟечбур! – 2007. – 18 янв. – С. 4.

Ӟичы но Лудкеч–2 : туала выжыкыл // Ӟечбур! – 2007. – 18 янв. – С. 5.

Ӟоз но кузьыли : суредъёсын верос // Кизили. – 2009. – № 9. – С. 12–13 : ил.

Ӟӧно! // Вордскем кыл. – 2009. – № 5/6. – Вкл. л. – ("Вордскем кыллэн" книжкаез).

Кин кышкасьтэм? ; Вужер но вӧт : шудон-сценка // Удмурт дунне. – 2008. – 20 февр. – С. 7. – (Шудэлэ тӥ, серектэ) ; Кизили. – 2006. – № 4. – С. 4–5.

Кускыли но ӵыжин : верос // Ӟечбур! – 2010. – 4 февр. – С. 8.

Кучыран : верос // Кенеш. – 2009. – № 3. – С. 3–11.

Кый сюр : кык ёзэн романтической драма // Кенеш. – 2007. – № 1. – С. 9–40.

Кымын судта? / комиӧдiс Александр Некрасов ; серпасалiс Владимир Моторин // Би кинь. – 2009. – № 1. – С. 5.

Лӧбекей ; Ӧбыли // Кизили. – 2010. – № 8. – С. 12 : цв. ил.

Липисин : верос // На переломе эпох : Союзу писателей Удмуртии 70 лет, 1934–2004 : ст., стихотворения, прозаич. произведения, док. – Ижевск, 2006. – С. 246–247.

Лобо лудӵӧжъёс... // Покчи эше : 1-2-тӥ классъёсын ватсаса лыдӟон книга / М. П. Лаврентьева, Е. Н. Дмитриева, В. Н. Ившин. – Ижевск, 2006. – С. 111–113.

Молчанью обреченные уста... / пер. с удмурт. А. Демьянова // Инвожо. – 2009. – № 5/6. – С. 138–140 : фот.

Мумы кор // Вордскем кыл. – 2008. – № 5. – Вкл. л. – ("Вордскем кыллэн" книжкаез).

Ньыль ӵужкушман // Азвесь кышетэн толэзь : веросъёс : семьяын лыдӟон книга. – Ижевск, 2007. – С. 8.

Оген но дэмен : новелла // Кизили. – 2007. – № 1. – С. 4–5 : фот. – Крат. биогр. справка об авт.

Ӧдйӧ ветеринар дӧро! ; Йиа налькйын ; Тӧждысьысь сусед // Би кинь. – 2003. – № 4. – С. 10.

Пальыштык... бӧрдэ?! : верос / Ульфат Бадретдинов // Кизили. – 2005. – N 1. – С. 10.

Пашпу : верос // Кизили. – 2012. – № 3. – С. 9 : фот. цв.

Писпу пӧлын писпу данак но... : новеллаос // Кенеш. – 2006. – № 2. – С. 77–82 : фот.

Писпуос // Вордскем кыл. – 2007. – Вкл. л. – ("Вордскем кыллэн" книжкаез).

Попутчица : рассказ / Ульфат Бадретдинов ; пер. с удмурт. Анатолия Демьянова // Инвожо = Альманах удмуртского ПЕН-клуба. – 2011. – № 5/6. – С. 81-84.

Сапег : верос // Кенеш. – 2011. – № 7. – С. 51-56.

Седе курок ветеринарнэнь! ; Эень туворсо // Чилисема. – 2009. – № 3. – С. 11.

Сова : рассказ / пер. с удмурт. А. Демьянова // Инвожо = Альманах удмуртского ПЕН-клуба. – 2010. – № 5/6. – С. 95–99.

Сюресчиос : верос // Кенеш. – 2010. – № 4. – С. 3–8.

Тӧдьы но сьӧд : сценка // Кизили. – 2007. – № 11/12. – С. 4–5 : рис.

Тетя Сакия / пер. А. Демьянова // Удмурты. – М., 2005. – С. 375–381.

Туала сяртчы : пьеса / худож. Зоя Лебедева // Инвожо. – 2012. – № 4/5. – С. 92-97. – (Удмурт ПЕН-клуб. Альманах)

Туннэ вордӥське ӵуказе : кылбуръёс // Кенеш. – 2012. – № 1. – С. 36-37 : фот. – Пуштросэз: Пумпус ; Удмурт кылысь берыктӥсьлы ; Пумтэмлык ; Ӧвӧл ; Вал ; Шундыберган ; Веньёс ; Пӧзь но пӧсь ; Ӵуказе

Ульчаын : сценка // Ӟечбур! – 2007. – 26 июля. – С. 6–7.

Чагиськон яке юрттон / малпаз Ульфат Бадретдинов ; суредаз Василий Мустаев // Кизили. – 2013. – № 1. – С. 8-9 : цв. ил.

Чагы пӧсьтурын ; Валаз : юмореска ; сценка // Инвожо. – 2007. – № 1/2. – С. 54–57 : фот.

Чаркаосмес ӝутом! ; Кузьым – туспуктэме! ; Апайлы ; Кырсилы ; Выль кенлы но эмеспилы ; Удмурт кылысь берыктӥсьлы // Кенеш. – 2010. – № 9. – С. 51–53.

Шайтан-гора : рассказ / пер. А. Демьянова // Удмурт. правда. – 2008. – 13 февр. – С. 3 : фот. – (Литературный клуб). – Крат. биогр. справка.

Берыктэмъёсыз

Абдулаев, Александр. Ышем шунды : выжыкыл / Александр Абдулаев ; ӟуч кылысь берыктӥз Ульфат Бадретдинов // Кизили. - 2013. - № 10. - С. 6.

Ватэм ваньбур : финн калык выжыкыл // Кизили. – 2009. – № 8. – С. 4.

Кион но вуриськись : бигер калык выжыкыл // Кизили. – 2008. – № 9. – С. 5 : рис.

Лудкеч но Арыслан : башкир калык выжыкыл // Кизили. – 2008. – № 9. – С. 9.

Московкина М. Кылбурчи : верос // Кизили. – 2010. – № 3. – С. 10.

Попов А. Сӧсырмем шунды : верос // Кизили. – 2008. – № 5/6. – С. 8–9 : рис.

Попов А. Тол бабайлэн кузьымез : верос // Кизили. – 2010. – № 1. – С. 8–9.

Салимов М. Ш. Маршал ; Комедьянлэн комедиез // Кенеш. – 2008. – № 11/12. – С. 97–100.

Салимов М. Юрттӥсь : юмореска // Удмурт дунне. – 2008. – 23 апр. – С. 6

Татчы 2005-тӥ арысен потэм чеберлыко статьяос гинэ пыртэмын, кылемъёсыныз тодматскыны быгатӥськоды Удмурт Элькунысь йӧскалык библиотекалэн электрон каталогъёсызъя.