Возь вылын шудонъёс

Вокально-хореографической композиция

Кык палась ик кунулскыса кырӟаса егитъёс пото.

Ураме но потыса

Малы паймиды? Эх!

Ми паймимы, эшъёсы,

Чебересь нылъёслы.

Собере кутско «сяська бичан» шудонэз.

Возь вылэ но мыныса,

Малы паймиды? Эх!

Ми паймимы, эшъёсы,

Италмас сяськалы.

Круг пушкы кыле одӥг адями. Сое косо эктыны яке туганэзлэсь нимзэ вераны. Со эктыны кутске. Ваньмыз кырӟало частушкаос.

Экто али, экто али,

Мед пӧсьтоз колошае.

Неужели мон уг ужа

Со колоша тыр гинэ.

Тӧдьы носки, сьӧд колоша,

Кинлэн сюлмаз уз кельшы.

Аслаз кутэм яратонэз

Кинлэн сюлмаз уз кельшы.

Шораз кылем мурт ӧте эктыны мукет муртэ. Ваньзы «шаль кышетэн» шудо.

Тӧдьы луоз, быгыльтӥськоз,

Улмопулэн сяськаез.

Чебер луоз, мусо луоз,

Ас яратон туганэд.

Эх, шаль кышет, тӧдьы шаль кышет,

Чильпам дуро, пунэм туго.

Тӧдьы льӧмпу сяськаосыз

Весь бур киям возьысал.

Тӥ яратон, ой, эшъёсме,

Весь син азям возьысал.

Льӧмпу ӝужа, ӝужа, котыр ӝужа, ӝужа,

Сяськаеныз шобырске.

Олле, нылъёс, шур сопала,

Арган ке вань эктоме.

Анай-атай тышкаськиз ке,

Ӟазег утчам, шуоме.

Эх, шур кузя, шулдыр возь кузя,

Монэ туганэ келяз балалайкаеныз.

Та шудон бере, шулдыръяськыны пото нылъёс. (Экто «шоръяса-поръяса» гуръя эктонэз).

Катае но лаковой но,

Сапегэ но лаковой.

Вуж туганэ куштылӥз ке,

Туганэ но готовой.

Шоръяса-поръяса, шоръяса-поръяса,

Шедьтэм яратонэ ӧй-а вал.

Весь ӧр кузя ветлысал но,

Весь сьӧд сутэр бичасал.

Тӥ яратон эшъёсыным

Весь мон шулдыръяськысал.

Шоръяса-поръяса, шоръяса-поръяса,

Шедьтэм яратонэ ӧй-а вал.

Нылъёс эктыны ӧтё пиосты. («Переходной» эктон).

Мульы вольыт, мульы вольыт

Мульылэн пасез ӧвӧл.

Быгатозы милям эшъёс,

Быгатонтэмесь ӧвӧл.

Сьӧд айшет вуро али но,

Ӝуткаса вуро али.

Туганэ ке кышно басьтӥз,

Адӟыны мыно али.

Ураме но ми потӥм но,

Ог гур кырӟаса лэзим.

Ог гур кырӟаса лэзим но,

Вань калыкез сайкатӥм.

Салья дано, Салья дано,

Салья маин но дано.

Мак сяська кадь пиосын но,

Италмас кадь нылъёсын.

Кыкен-кыкен кунулскыса сцена вылысь кошко.

Вылӥе тубим ке,

Уз пумиталэ меда?

Улӥе ваським ке,

Келясез уз лу меда?

Возьма, дыр, мемие,

Капка азяз потыса.

Возьма, дыр, дядие,

Капкаоссэ усьтыса.

Сцена вылэ потыса тау каро но кырӟало:

Салья гинэ гуртъёсмы вож-вож сад пӧлын.

Салья гинэ гуртъёсмы вож-вож сад пӧлын.

Кыдёкын но шуыса, пыртэк эн кошке.

Кыдёкын но шуыса, пыртэк эн кошке.

.