Бусы вӧсь карон: различия между версиями
Admin (обсуждение | вклад) м (1 версия импортирована) |
Ladamiri (обсуждение | вклад) |
||
| Строка 25: | Строка 25: | ||
=Литература= | =Литература= | ||
<references /> | <references /> | ||
| + | |||
| + | [[Категория:Этническая культура]] [[Категория:Обычаи,традиции и обряды удмуртов]] [[Категория:Календарные обряды удмуртов]] | ||
Текущая версия на 17:59, 11 мая 2023
Остэ, Инмаре, Кылчинэ, бусы вӧсяд султӥськом иськавынъёсын, бускельёсын.
Осто, му-Кылчин Инмаре, тыныд гуртэн сӥзем-ӵектэм горд ошпидэ сётком, му-Кылчин Инмаре, остэ!
Остэ, му-Кылчин Инмаре, та тыныд сётэм ошпиедлэсь сӥльзэ кие кутэм колдӥеныд, курегпуз табаненыд, вӧеныд вылэ мычисько ини, му-Кылчин Инмаре, остэ!
Ӟеч, мусо, мыло-кыдо калыкеныд тыныд вӧсяськиськом, остэ, та армись возьмам бусы вӧсяд-кушад люкаськем калыкед понна, му-Кылчин Инмаре, остэ!
Кизем-пазьгем юдэ-няньдэ камыж куроем борддор кадь удатыты, му-Кылчин Инмаре, остэ! Шуныт-небыт зоръёсыныд узыдэ-борыдэ сямен кисьматыса, мулятыса зарни тысё, азвесь тысё кар, Инмаре, остэ!
Лудэ-выре поттэм-лэзем животтэ урод синлэсь, тушмон кӧтлэсь, сьӧсьлэсь-каблэсь ачид уть-ворды, му-Кылчин Инмаре, остэ!
Та вӧсяськем кылме ачид ик тустыты-пӧртыты. Мон пинал мурт: оло веранозэ, оло верантэмзэ шедьтӥ вераны.
Остэ, кие кутэм няньме тыласько ини: кабыл кар та куриськем-вӧсяськемез, му-Кылчин Инмаре, остэ!
Остэ, вылэ мычемдэ васькытко ини, та вылэ мычемез кабыл кар, му-Кылчин Инмаре, остэ!
Вуж дасеныз вӧсяськом ини, Инмаре, остэ, выльзэ пӧртыты! Тазьы ик ӟеч калыкеныд шудыса, серектыса, капчи мылын-кыдын улоно-вылоно кар! Тани йыбырттйськом ини, му-Кылчин Инмаре, остэ!
Оло вераноез, оло верантэмез сюриз, та куриськем-вӧсяськемез ачид ик кабыл басьты, му-Кылчин Инмаре, остэ!
Вӧсяським ини: веръялэ пересьёс, люкаськем калыкъёс![1]
Литература[править]
- ↑ Удмурт оскон: Вашкала куриськонъёс, вӧсяськонъёс, статьяос / Дасязы В.Е. Владыкин, С.Н. Виноградов=Удмуртская вера: Древние молитвы-заклинания, статьи / Составители В.Е. Владыкин, С.Н. Виноградов. - Ижевск: Удмуртия, 2010. - С. 62.
