Карпов Семён

Семён Карпович Карпов – удмурт кылбурчи, теледраматург но режиссёр, Россиысь писательёслэн огазеяськонзылэн ёзчиез, Удмуртиысь но Россия Федерациысь сӥё-дано ужась.

Улон сюресэз

Семён Карпов вордскиз Пичи Пурга ёросысь Сырьезшур (Тыло) гуртын 1946-тӥ арын 3-тӥ куарусёнэ.

Таиз но тодмо пурга поэт Самсоновъёслэн выжыенызы ик герӟаськемын — Семен Самсоновлэн анаезлэн агаезлэн пиез-ӵужодӥгез луэ. Семьяязы вить кузя пиналъёс будӥзы: куинь пиос но кык нылъёс. Семон – пичиез. Анай-атаез, Карп Ясонович но Ксения Дмитриевна, колхоз ужез быдэсъязы. Пиналъёссылы соос ужез гажан мылкыд пыӵатыны сюлмаськизы. Быдӟым тылож бере ке но вордскемын С. Карпов, но секыт улонэз шӧдытэк ӧз буды. Адӟиз кутэн ветлон-бызьылонэз но, потэн, картошкаен но сулэн сураса пыжем кӧмечъёс но нянь сионэз но. Пичи дырысен туж арганчи, артист луэмез потэ вал. Со малпанзэ атаез быдэстӥз, пиез 4-тӥ классын дышетскыкуз арган басьтӥз. Кыӵе шумпотон вал со пияшлы! Соку ик егитъёслэн шулдыръяськонъёсазы, пинал куно ӧтчаллякузы, Мавра апаез сьӧраз арганчи интые ӧтьылэ вал.

Можга педучилищеын дышетскыкуз

1954-тӥ арын мынӥз нырысетӥ классэ, нырысь ас гуртаз дышетскиз, собере витетӥ классэ эшъёсыныз ӵош Володя (Никвлад), Володя (С. А. Самсоновлэн выныз) Самсоновъёсын, Рая Яковлеваен Бобья-Учаысь семилеткае выжизы. Татын соос трос кружокъёсы ветлӥзы, спортэн эшъяськизы. Туж шунытэн Семён Карпович али но тодаз вайылэ классэн кивалтӥсьсэс, удмурт кыллы но литературалы дышетӥсьсэс – Парасковья Кузьминична Кузьминаез.

Школа бере трос юанъёс вал. Кин луоно, кыӵе сюрес быръёно, кыӵе уж сюлэмлы кельшымон? – кӧня шугъяськытӥсь малпанъёс. Ӵапак соку эшез (Лёня Никифоров), ас сьӧраз Можга педучилищее дышетскыны мыныны ӵектӥз. Отын, пе, баянэн шудыны но дышето… Таиз учыр вань шонаськонъёсты сэрпалтӥз. Ваньмыз кадь умой луиз: экзаменъёс сётэмын, дышетскыны ӧтён вуэмын. Чемодан нерге но дась ини. Но со дыре атаез меӵак пумит кариськиз, механизаторе дышетскыны, пе, мынод. Но гумыр ас сяменыз малпам. Ӵапак соку нуназеяны шуса агроном луыса ужась Вася агаез вуиз. Вынызлэн кияз коньдон донгиз, механизаторе дышетскыны ноку но бер ӧвӧл, нош дышетскем кулэ, шуыса, келяз сюрес вылэ.

Можга педучилище… Ньыль аръёс (1961–1965) туж ӝог ортчизы. Дышетӥсьлэсь ужзэ быдэсъяны дышетскемен валче, етӥз пияш пӧртэм кружокъёсы, спортивной секциосы вутскылӥз. Мыло-кыдо ветлӥз волейболъя, шахматъя, ӝӧк выл тенисъя, капчи атлетикая, куасэн бызьылонъя секциосы, Самсоновъёсын ӵош литературно-творческой, хорын кырӟанъя, эктонъя кружокъёсы. Спортын но Семёнлэн бадӟымесь вормонъёсыз вал. Ваньмаз сямен ӵошатсконъёсы сое бырйылӥзы. Училищезэ йылпумъякуз, шугъяськонэ но вуылӥз. Григорий Данилов пединститутэ филологияя факультетэ пырыны ӵектэ. Физкультурая дышетӥсез ас палаз куасалтыны выре. Семонлы, пе, одно спортъя факультетэ пыроно. Крезьгуръя кивалтӥсезлэн но ас удысаз кыскемез потэ. Глазовысь пединститутэ крезьгуръя факультетэ, пе, мын.

1965-тӥ арын Можгаысь педучилищеез йылпумъяз но армие служить карыны басьтӥзы. Служить карыны шедиз Азербайджанэ, Иранэн кунгож дуре. Куинь арлэсь кема служитьтоно луиз.

1968-1970-тӥ аръёсы отысь бертыса, Пичи Пурга но 1970-1975-тӥ аръёсы Бобья Уча шор ёзо школаосын физкультураен, берлогес кырӟанъя дышетӥсьын ужаз, заочно дышетскыса йылпумъяз Удмурт кун университетлэсь филологической факультетсэ.

1976-тӥ арлэн толшор толэзьысеныз вуиз ужаны Удмурт кун телевидение но радиовещание комитетэ. Отын куамын кык ар ӵоже ужа: 1986-тӥ арын литературно-художественной передачаосъя валтӥсь редактор, 1991-тӥ арын творческой огазеяськонлэн валтӥсь кивалтӥсь, нош 1994-тӥ арын «ЛИК» студилэн кивалтӥсезлэн воштӥсез, 1997-тӥ арын специальной корреспондент, 2005-тӥ арысен «Удмуртия» ГТРК-ын корреспондент луыса ужаз. Аслаз кылдытэм передачаосыз но вань: пиналъёслы – «Визьмын, кужмын, эшъёсын», нуиз «Чингыли» (берло со «Рос-прос» нимаськыны кутскиз), егитъёслы «Ӟардон», дышетскись нылпиослы «Ми будӥськом». С. Карповлэн данакез удмурт но ӟуч писательёсмылэн, суредасьёслэн, крезьгурчиослэн но мукет усточиослэн творчествозыя гожтэм сценарийёсызъя пуктэмын телефильмъёс. 1989-тӥ арын удмурт литературалы 100 ар тырмонэзлы сӥзьыса, «Даур» передача кылдытӥз; 1997–1998-тӥ аръёсы Кузебай Гердлэн но Ашальчи Окилэн 100 ар тырмонзылы сӥзем телефильмъёс, озьы ик репрессиос улэ шедем но бырем писательёслэн тврчествозылы сӥзем «Доре бертон» передачаос-сузьетъёс. Но трос мукет программаос но передачаос. Удмуртиысь лулчеберетъя, печатья но иворъёсъя, нациосын ужан политикая министерствоослэн конкурсъёсазы нырысетӥ инты басьтӥзы «Ӵӧжи сиён» но «Удмурт шӧмын, удмурт сямен» программаосыз. Озьы ик пӧртэм конкурсъёсын пусйылӥзы «Воршуд», «Лулгур» но мукет ужъёссэ.

2008-тӥ арысен Семён Карпович Карпов пенсиын. Но гожъяськон удысын тыршонзэ азьланьтэ.

Гожъямъёсыз сярысь

Удмурт кылэз но литератураез яратыны но гожъяськон борды басьтӥськыны юрттӥзы Бобья-Учаысь сизьым классъем школаысь дышетӥсьёс П. К. Кузьмина но Ф. Д. Зайцева. Витетӥ классын дышетскыкуз ик кылбуръёс лушкем гожъяны тыршиз. Озьы ке но, ачиз Семён Карпов шуэ: «Умой-умой валаса гожъяськыны училищеын кутски, отын туж кужмо кружокмы вал». Одӥгзэ соос пӧлысь "Ударник" ёрос газетын печатлазы, соин ик пияшлэн мылкыдыз лобӟыны дась вал. Собере уката но ӟеч тыршылӥз пӧртэм творческой ужъёсты — изложениосты, сочинениосты мылысь-кыдысь быдэстыны. Со сяна, егит пияшлы вунонтэм кыльылӥзы писательёсын пумиськылонъёс, соос школаын но, педучилищеын но дышетскыкуз ӵем ортчылӥзы.

Туж сак кылзылӥз С. Карпов гуртысьтызы тодмо луэм писательлэсь С. Самсоновлэсь верамъёссэ, яратыса лыдӟылӥз солэсь печатлам ужъёссэ но радио пыр верамъёссэ.

1961-тӥ арысен Можга педучилищее пыриз. Егит пияшлы уката ик мылкыдызъя вал литературно-творческой кружоклэн ужаз пыриськемез. Кружокен со вакытэ кивалтӥз туж тунсыко адями Г. Д. Данилов, поэт но прозаик. Татысен ик С. Карповлы ӟеч визь-кенешъёс сётылӥзы Н. Байтеряков, Александр но Николай Белоноговъёс, А. Леонтьев.

С. Карповлэн нырысетӥ кылбурез Пичи Пургаысь районной газетын печатласькизы, собере солэн кылбуръёсыз потыны кутскизы ини республиканской газетъёсын, "Молот" журналын, пӧртэм сборникъёсын: "Пыд улын — музъем", "Вуюись", "Шӧкыч".

Cемён Карпов тросгес кылбуръёс гожъяз пичи нылпиослы сӥзьыса, соос пӧлысь умойёссэ люкаса, А. Леонтьев юрттэмъя, поттӥз 1986-тӥ арын "Лымыпог" сборникен. Та нырысь книгаяз ик умой шодӥське нылпиослэсь психологизэс ӟеч валамез но тодэмез, автор быгатэ котькуд нылпилэсь ас сяменыз мадемзэ но, малпаськемзэ но шараяны. Со ласянь туж тунсыко луэ "Шудыса но кӧт тыре" кылбур:

Туннэ нош ик Онтонэз

Индылэ ни анаез:

— Олокытӥ ветлӥськод,

Нунал лумбыт калгиськод.

Тон, пие, чик сиськытэк

Кылёд, ява, будытэк.

Ӝамдэ чус улӥз Онтон

— Мон?

Пӧяськод тон, — серектӥз

Шудыса но кӧт тыре.

Чурс! Потӥз Онтон кыре.

Кисыяз нош — нянь шорем.

"Учкисько синучконэ" кылбурын мултэс индылон кылъёстэк гинэ Семён Карпов валэктэ пичи пияшлы, сапрес сямзэ куштоно шуыса. Та бичетаз ик «Монъяськись Гирой» выллем кылбуръёсаз авор возьматэ мултэс ушъяськись пиналъёсты. Кыкетӥез «Чильтэръёс» (1994) нимо бичетэз нош ик нылпиослы сӥземын. Но таяз сборникын тросгес пумиськыло ини дышетскись пиналъёслы сӥземъёсыз но. Соослэн улонзы, дышетскемзы, малпанъёссы возьматэмын. Удмурт луэменыд данъяськон мылкыдын пыӵамын «Тон малы-о удмурт?» кылбурез:

Кылыным но вирыным –

Ас ӵыжы-выжыеным,

Гуртэным, шаереным,

Вань улон-вылонэным

Шӧдӥсько мон удмуртме!..

Та бичетэ ик пыртэмын кылын шудонъёс, мадиськонъёс, соос нылпиосты кылмылэсь узырлыксэ валаны дышето, кылбур дуннее ӧтё. Куинь ар ортчыса, Семён Карпов мӧйы лыдӟисьёслы «Малпанъёс» (1997) нимо бичетсэ кузьмаз. Улон-вылон кылбурчиез пӧртэм интыосы вуттэ, пӧртэм адямиосын пумиськытэ. Ваньзэ сое поэт кылбуръёсаз пыртыны тырше.

Таиз но мукет бичетъёсызъя шӧдыны луэ ини авторлэн будэмез, гожъяськыны быгатонлыкезлэсь юнмамзэ, кылбуръёсыз бордын тыршыса ужамзэ но тунсыко произведениос кылдытэмзэ. Но уката дуноез луэ котькуд кылбураз нылпилэсь сюлэмзэ, малпаськонзэ, мылкыдзэ усьтыны тыршемзэ.

Тросэз-а меда тодэ Семён Карпович Карповлэсь кырӟанъёс кылдытъямзэ?! Нош со туж кемаласен, Можга педучилищеын дышетскон аръёсаз нырысьсэ кырӟанзэ гожтӥз. Али но аслаз но куд-ог мурт кылбуръёсъя пӧрмытэ кырӟанъёс.

Наградаосыз но премиосыз

УАССР-ысь ВЛКСМ-лэн Обкомезлэн Данъян грамотаез, 1980.

УАССР-ысь Вылӥ Кенешлэн Президиумезлэн Данъян грамотаез, 1986.

УАССР-ысь телевидения но радиовещания комитетлэн Данъян пулаз пыртэмын, 1986.

Удмурт Элькунысь Йӧскалык политикая министерстволэн Данъян грамотаез, 2002.

Россиысь журналистъёслэн огазеяськонзылэн Данъян грамотаез, 2006.

Библиография

Книгаосыз

Лымыпог : кылбуръёс. - Устинов : Удмуртия, 1986. - 16 с. : ил.

Паньтэм = Тёзка : нылпиослы кылбуръёс, поэма. - Ижевск : Инвожо, 2008. – 36 с. : ил.

Тӧлпи : покчи нылпиослы кылбуръёс = Ветрёнок : стихи для малышей. - Ижевск : Инвожо, 2009. - 52 с. : ил.

Ульча Кузё : кылбурьёс, поэма. - Ижевск : Удмуртия, 2006. - 53 с. : ил.

Чильтэръёс : кылбуръёс / художникез Л. Прозоров. - Ижевск : Удмуртия, 1994. - 20 с. : ил.

Красикова Р. В. Сбегаются ручьи = Люкасько пичи шуръёс : стихи = кылбуръёс. - Ижевск : Удмуртия, 2005. - 158 с. : ил.

Статьяосыз

23-тӥ тулыспал : кылбур / Семён Карпов // Кизили. – 2012. – № 2. – С. 2.

"Ай-яй-яй!." ; "Кымы" мыным, "кымы"..." ; "Уф-уф-уф!." ; "Кӧжылэсь весе киргаз но..." / иллюстрациосыз В. Мустаевлэн // Кизили. – 2006. – № 9. – С. 6–7.

"Бускель! Сосед! – свищу с утра..." ; "В тайнах песни-души..." : стихи / пер. с удмурт. Анатолий Демьянов, Василий Глушков // Луч. – 2006. – № 11/12. – С. 36.

Ваньмыз ук со – мынам доре // Кенеш. – 2008. – № 8. – С. 3–8.

Вордскем нунал / суредаз В. Мустаев // Вордскем кыл. – 2008. – № 8. – Вкл. л. : ил.

Вӧт-телик ; Кузьым ; Ӵок : кылбуръёс / Сёмен Карпов ; иллюстрациез Марина Гузаевалэн // Кизили. – 2011. – № 2. – С. 9.

Вӧтъёс / иллюстрациез Е. Каракуловалэн // Кизили. – 2008. – № 8. – С. 2 обл. : рис.

Гочи-гочи : кылбуръёс / Семён Карпов // Кенеш. – 2011. – № 9. – С. 44-46. – Пуштросэз: Кузьым ; Малпай ; Малы озьы? ; Уг поты дыртэмзы ; Зор ; Тау ; Мыл уг поты... ; Кӧлэме кылем ; Кыӵе меда? ; Ӵукна ; Пужнӥське ; Тубат ; Сьӧдманы вуэмын ; Бельтэмын ; Ватскем ; Шумпотто ; Гочи-гочи ; Анай кыл

Гырезь гурезь : кылбуръёс / Семен Карпов ; суредъёсыз Галина Ивановалэн // Кенеш. – 2013. – № 8. – С. 93-97.

Дӥнязы вамышто / иллюстрациез Н. Быковлэн // Кизили. – 2009. – № 11/12. – С. 2 обл. : цв. ил.

Ёрос музъем ; Кырӟа но, вера но // Малая Родина – большая любовь. – Малая Пурга, 2010. – С. 5–6.

"Жильыр-жиль..." ; "Эк, дыртыто..." ; Леленчи // Вордскем кыл. – 2006. – № 8. – С. 30.

Ӟардон буёлъёс : кылбуръёс / Семен Карпов ; худож. И. Н. Лопатина // Вордскем кыл = Родное слово. – 2012. – № 4. – Вкл. л. – ("Вордскем кыллэн" книжкаез).

Ӟеч кыл // Удмурт дунне. – 2010. – 27 авг. – С. 11 ; Вордскем кыл = Родное слово. – 2010. – № 3. – С. 9.

Кизили луо // Удмурт дунне. – 2006. – 11 июля. – С. 6 ; Кизили. – 2006. – № 7. – С. 2.

Кто хитрей? ; Снеговик / пер. с удмурт. В. Парамонова ; худож. Е. Волкова // Рюкзачок с сюрпризом. – 2010. – № 6. – С. 10–11 : цв. ил.

Куара // Удмурт дунне. – 2006. – 5 сент. – С. 6.

Куара-ланга // Кенеш. – 2008. – № 2. – С. 42–44.

Лӧптэмын ; Кӧня арес ; Дышетскись луи ; Бертӥськомы : кылбуръёс / иллюстрациосыз Марина Гузаевалэн // Кизили. – 2011. – № 9. – С. 2-3 : цв. ил.

Лыдӟиськон веме // Кенеш. – 2010. – № 1. – С. 82–83.

Лымыпог ; Ме, тани ; Кызьы нимы?. Возь // Зарни дэремен шунды : семьяын лыдӟон книга. – Ижевск, 2006. – С. 52.

Мон ӧй вал на соку : поэма // Инвожо. – 2011. – № 3/4. – С. 56–59.

Мон тодӥсько ини... ; "Мемиелэн песятаез..." ; Ньыль кызьпуосмы артэ / иллюстрациосыз В. Михайловлэн // Кизили. – 2010. – № 5/6. – С. 8 : цв. ил. – (Быдӟым Вормонлы – 65 ар).

Мынам вуюисе / худож. И. Лопатина // Вордскем кыл. – 2006. – Вкл. л. – ("Вордскем кыллэн" книжкаез) ; Ӟечбур! – 2006. – 25 мая. – С. 12.

Мынам юлтошъёсы но Турпар : выжыкыл / иллюстрациез Вячеслав Михайловлэн // Кизили. – 2011. – № 7. – С. 16-17 : цв. ил.

На летних каникулах ; Маму не займешь / пер. с удмурт. В. Глушкова // Италмас. – 2007. – № 1. – С. 84.

Нунал : поэма // Ӟечбур! – 2006. – 20 июля. – С. 8.

Нунал усьтэ ни синъёссэ // Кенеш. – 2011. – № 4. – С. 3–8.

Оштолэзь // Кизили. – 2007. – № 4. – С. 2 обл.

Павилэн выль ӵукнаез : серемпыр мадёс // Инвожо. – 2012. – № 4/5. – С. 139-140. – (Удмурт ПЕН-клуб. Альманах)

Паймытӥсь ӵукна ; Кайталы кельтомы : кылбуръёс / Семён Карпов // Кизили. – 2005. – N 9. – С. 10.

Пиньтэмъёс : кылбуръёс // Вордскем кыл. - 2005. - № 8. - Вкл. л. – ("Вордскем кыллэн" книжкаез)

Родной округе отдаю поклон : стихотворение / пер. Василия Глушкова // Луч. – 2005. – N 9/10. – С. 54.

Сакыр Вася : поэма // Кенеш. – 2006. – № 8. – С. 72–75. – (Нылпи дунне).

Серемпырыос ; Ымдурад лякиськиз ; Пӧртмам инкуазь ; Куараё-лангаё / иллюстрациез В. Михайловлэн // Кизили. – 2008. – № 4. – С. 2 обл.

Сюлэм сяська : кылбуръёс / Семен Карпов // Кенеш. – 2005. – N 11/12. – С. 3-5.

Сяськаяськон вакыт : кылбуръёс // Кенеш. – 2012. – № 8. – С. 3-6. – Пуштросэз : Мар сётэмын ; "Мылкыд-а ныргетэ..." ; Сяськаяськон вакыт ; Нуналэз келян ; Кылсуред ; Эчешон ; СемСам ; Кин ке понна но... ; Шудо-буро кыл ; Малы ке... ; Сайкам шур ; Тымет ; Лушкем зор ; Куарусён ; Мон... Тон... ; Мӧзмон ; Валче

Толсур // Кизили. – 2007. – № 11/12. – С. 3.

Тонэ ӧти мон кылбурам // Кенеш. – 2010. – № 2. – С. 3–5.

Уг ваньмо... ; Суч-суч жадьытозяз ; Ярамон : кылбуръёс / Семён Карпов ; иллюстрациез Марина Гузаевалэн // Кизили. – 2013. – № 1. – С. 7.

Уд басьты пунэмен // На переломе эпох : Союзу писателей Удмуртии 70 лет, 1934-2004 : ст., стихотворения, прозаич. произведения, док. – Ижевск, 2006. – С. 220–221.

Улонлэсь уг поты жадеме... // Инвожо. – 2009. – № 5/6. – С. 124–127.

"Чагыреныз чагырласа..." ; "Укноысь укное но..." ; "Ӝабыр-ӝабыр..." ; "Нюк улысь пичи шурмы..." // Вордскем кыл. – 2006. – № 7. – С. 32.

Чал-чал поръялоз ; Медъяй ; Асме жаляй ; Колтыр ; Гожтытоз ассэ... ; Вужме : // Вордскем кыл = Родное слово. – 2010. – № 8. – С. 22.

Шырбыж : сценка / Семён Карпов ; иллюстрациез Марина Гузаевалэн // Кизили. – 2012. – № 7. – С. 8-9.

Кырӟанъёсыз

Адаков В. Азвесь гырлы : "Кемалась но кема витимы..." // Кизили. – 2006. – № 8. – С. 5.

Ежов В. Паймытӥз монэ ӵукна : "Паймытӥз монэ ӵукна..." // Кизили. – 2011. – № 1. – С. 14.

Карпов С. К. Витё вӧтъёс : "Тылсиосын пужыятэм..." // Кизили. – 2009. – № 7. – С. 6.

Карпов С. К. Йыромо : "Ой, кыӵе тон, макем учкымон..." // Кенеш. – 2010. – № 11/12. – С. 105–106.

Карпов С. К. Пӧрмостэм : "Уӵыпи но ӧвӧл..." // Кенеш. – 2010. – № 11/12. – С. 106.

Карпов С. К. Уд вера ук шара... : "Малы-о мылкыдыд..." // Кенеш. – 2010. – № 11/12. – С. 107.

Кузнецов П. Н. Ӟеч кыл : "Ӟеч кыл вань ке..." // Кенеш. – 2011. – № 5/6. – С. 8.

Орлова Р. Арган : "Арган кадь ке мылкыды..." // Кенеш. – 2007. – № 3. – С. 111.

Орлова Р. Мылкыды – арган : "Арган кадь ке мылкыды..." // Кенеш. – 2011. – № 5/6. – С. 106.

Постников Н. Е. Арганэн кенешон : "Ӝожмытме шӧдыса ик, вылды..." // Кенеш. – 2008. – № 5/6. – С. 7–8 ; Малпасько тонэ : кырӟанъёс = А мне бы увидеть тебя : песни / Н. Постников. – Ижевск, 2010. – С. 92–93.

Постников Н. Е. Выль кырӟан : "Ворекъя тылгизьы-а меда..." // Малпасько тонэ : кырӟанъёс = А мне бы увидеть тебя : песни / Н. Постников. – Ижевск, 2010. – С. 94–95.

Берыктэмъёсыз

Глушков В. Ижкар вальс // Инвожо. – 2006. – № 8/9. – С. 61.

Красикова Р. В. Сюресэ аслам ук... / ӟуч кылысь берыктӥзы Коньы Толя, С. Карпов // Кенеш. – 2007. – № 7. – С. 37–40.

Татчы 2005-тӥ арысен потэм чеберлыко статьяос гинэ пыртэмын, кылемъёсыныз тодматскыны быгатӥськоды Удмурт Элькунысь йӧскалык библиотекалэн электрон каталогъёсызъя.