Кузь сюресэз вакчи карса

Кузь сюресэз вакчи карса,

Ми лыктӥмы тӥ доры.

Мылкыдъёсмес, ой, ӝуткаса,

Ми пыримы тӥ доры.

Укно улад мерттэм садэд

Укно тырад веттаське.

Коркаяд пырем ӟеч калыкед

Корка тырад сэзъяське.

Тӥ эн куштэ милемыз но,

Ми ум куштэ тӥледыз.

Тушмон виске ӧз ке пыры,

Весь огазьын уломы.

Малы сии сьӧд сутэрез,

Табере ку кисьмалоз на?

Малы тӥледыз яратӥ,

Табере ку вунэтом на?

Ожмос-Пурга (Бабино), Завьялово ёрос.