Мурт лэсьтэмез пеллян кыл

Сизьымдон но сизьым-дас сизьым пӧртэм кӧс пислэсь-пулэсь йыл

тульымзэ герӟаны быгатӥд ке, собере, тушмон, си-ю та адямиэз!

Азӥз гурезез паӟӟээн тубаны быгатӥд ке, зарезь гурезь пыртӥз потаны

быгатӥд ке, собере, тушмон, си-ю та адямиэз!

Инвожээз, ин кизилиез лыӟӟыса быттӥд ке, ин зарни букоен

кыткыса ветлэмед луиз ке, собере, тушмон, си-ю та адямиэз!

Кылчин-тукез ньылэмед луиз ке, мораысь куке шукызэ кырмыса

басьтэмед луиз ке, собере, тушмон, си-ю та адямиэз!

Азӥз кунлэн зарни тусьты-пуниеныз сиемед-юэмед луиз ке, эбеклэсь

гонзэ куке кырмыса басьтэмед луиз ке, собере, тушмон, си-ю та адямиэз!

Муръё пыртӥ пельтыса лулыд корка вуиз ке, пысытэм вень куке

писъяны быгатӥд ке, собере, тушмон, си-ю та адямиэз!

Ӟырдам изэз куке кылыныд пась карыны быгатӥд ке, кын кортэз

сииськыны-ньылны быгатӥд ке, собере, тушмон, си- ю та адямиэз!

Сизьымдон но сизьым-дас сизьым пӧртэм ошмесэз огазе карны

быгатӥд ке, валлань кошкысь карны быгатӥд ке, собере, тушмон,

си-ю та адямиэз!

Пыдпыдсысьтыд дэризэ чепыльтыны быгатӥд ке; кӧс эгырез, кӧс

улэз-ваез куке сиемед-юэмед луиз ке, собере, тушмон, си-ю та адямиэз!

Ньыльдон пужымлэсь куке лыссэ лыӟӟыса быттӥд ке, ньыльдон

майыглэсь куке кенер кусулзэ вандыса басьтыны быгатӥд ке, собере,

тушмон, си-ю та адямиэз!

Дас кык замокез куке пыртӥз потаса усьтыны быгатӥд ке, дас кык

усьтон пыртӥ пельтыса лулыд шорад вуиз ке, собере, тушмон, си-ю

та адямиэз!

Сизьымдон но сизьым-дас сизьым лякма пыртӥ пыраны- потаны

быгатӥд ке, азвесь кульчо пыртӥ пыраны-потаны быгатӥд ке, собере,

тушмон, си-ю та адямиэз!

Тугез уллань выйтыны быгатӥд ке, изэз куке лӧптытны быгатӥд

ке, собере, тушмон, си-ю та адямиэз!

Кунул ӟыбыме куке вандыса басьтыны быгатӥд ке, собере, тушмон,

си-ю та адямиэз!

Гуреӟез гуреӟ уртсы карны быгатӥд ке, гуреӟлэсь гиӟызэ лыӟӟыса

быттӥд ке, собере, тушмон, си-ю та адямиэз!

Шактапи (Большая Цибирь), Малмыж у.