Тексты песен обряда Вӧй: различия между версиями
Ladamiri (обсуждение | вклад) |
|||
| Строка 87: | Строка 87: | ||
Ачидэс вылэм лул кайик, ай-гай! | Ачидэс вылэм лул кайик, ай-гай! | ||
| − | ''Улынгурт (Ошторма-Юмья), Мамадыш у., Кузон губ.''<ref name="Ингур">[http://elibrary.unatlib.org.ru/handle/123456789/1403 Ингур: | + | ''Улынгурт (Ошторма-Юмья), Мамадыш у., Кузон губ.''<ref name="Ингур">[http://elibrary.unatlib.org.ru/handle/123456789/1403 Ингур: УдюпЦе |
| + | мурт фольклоръя лыдӟет: Шор ёзо школаослы/ Люказ, радъяз но валэктонъёссэ гожтиз Т.Г. Владыкина - Ижевск: Удмуртия, 2004. - С.132-133.]</ref>. | ||
== Литература== | == Литература== | ||
Текущая версия на 23:34, 12 июля 2024
Вӧй келян гур
1. Армись гинэ лыктылэм
Вӧй юонмес
Вае шулдыртом, быратъёсы, йыбырттом.
Сюмыкмы кабыл мед луоз,
Ӟеч, шуныт зоръёссэ мед сётоз Инмармы,
Ӟеч ю-нянь мед удалтоз.
Мешер (Мещеряково), Грахово ёрос
2. Гын вылтӥ но вӧй вылтӥ
Вӧй юонэз келяськом.
Ӟеч аръёссэ-вапумъёссэ мед сётылоз Иньмармы.
Покчи гынэ бусйез но — тыросаз ик ю кисьма.
Зарни шепо, азвесь тӥсё — вань калыклы тырмымон.
Ой, эшъёсы, эшъёсы,
Гырон шурын палтури черекъя.
Ойдолэ(й) али, эшъёсы, со туриез кузъялом.
Ойдо дыртэ, ойдо дыртэ, эш гинэ кайёсы.
Медаз кыльы, медаз кыльы
Вӧймы кирень арнялы.
Уд-а меда сётэлэ ньыльдон вожен чалмадэс.
Ньыльдон вожен чалмаёсты жаль ке гинэ потылэ,
Уд-а меда сётэлэ огшоры ӵушкон чалмадэс.
Гожня, Пичи Пурга ёрос
Кубо чук куран
Кубо чук кулэ милемлы, ай-гай!
Кубо чуктёсты эвол ке, ай-гай,
Чоняри вотосты дяралоз, ай-гай!
Чоняри вотосты эвол ке, ай-гай,
Кунь кузя сӥнысты дяралоз, ай-гай!
Кунь кузя сӥнысты эвол ке, ай-гай,
Коньдон уксёды дяралоз, ай-гай!
Коньдон уксёды эвол ке, ай-гай,
Черык басмады дяралоз, ай-гай!
Черык басмады эвол ке, ай-гай,
Ок сюмык аракты дяралоз, ай-гай!
Ок сюмык аракты эвол ке, ай-гай,
Ок сюмык суръёсты дяралоз, ай-гай!
Ок сюмык суръёсты эвол ке, ай-гай,
Ыштан калъёсты дяралоз, ай-гай!
Ойдолэ потом со корка, ай-гай!
Куасам но няньдэ сийыны, ай-гай.
Куасам няннёсты нянь кайик, ай-гай,
Ачидэс вылэм лул кайик, ай-гай!
Улынгурт (Ошторма-Юмья), Мамадыш у., Кузон губ.[1].
Литература[править]
- ↑ [http://elibrary.unatlib.org.ru/handle/123456789/1403 Ингур: УдюпЦе мурт фольклоръя лыдӟет: Шор ёзо школаослы/ Люказ, радъяз но валэктонъёссэ гожтиз Т.Г. Владыкина - Ижевск: Удмуртия, 2004. - С.132-133.]
