Ятцаз

Исполнитель: Пост-дукес.

Слова и музыка – народные, аранжировка – Пост-дукес

Ятцаз

Улмо сётозы тыныд но,

Тон эн сиы, туганэ,

Тон эн сиы, туганэ.

Муртлэсь кылзэ кылзӥськыса,

Эн люкиськы, туганэ,

Эн люкиськы, туганэ.

Яратӥсько мон тӥледыз,

Уг лу тӥтэк улэме,

Уг лу тӥтэк улэме,

Яратонэ дунне вылын

Ӧвӧл тӥ кадь мусоез,

Ӧвӧл тӥ кадь мусоез.

Уӵы чирдэ ӵын меда но,

Тэльлы быдэ вань меда,

Тэльлы быдэ вань меда.

Тӥ, туганэ, весь тодам но,

Тӥляд тодады вань меда,

Тӥляд тодады вань меда.

Яратонъёс, яратонъёс.

Яратонъёс дас вылаз,

Яратонъёс дас вылаз.

Яратонъёс дас вылаз но

Кылдэмез одӥг вылаз.

Тӧдьы Камлэн тӧдьы чорыг,

Кутыло, дыр, вань калык,

Кутыло, дыр, вань калык,

Милям таӵе визьтэм вылэ

Паймыло, дыр, вань калык,

Паймыло, дыр, вань калык.

Шудом, эшъёс, шудом, эшъёс,

Шудом кызь вить аресозь,

Шудом кызь вить аресозь.

Шудом кызь вить аресозь но

Дауръёсмы ортчытозь,

Дауръёсмы ортчытозь.

Узы но, боры но Кам дур емыш,

Али ке ӧвӧл, ку-о сиём,

Али ке ӧвӧл, ку-о сиём,

Ортчоз, быроз пинял даур,

Али ке ӧвӧл, ку яратом,

Али ке ӧвӧл, ку яратом.

Чилялоз но ворекъялоз

Кузон лапка замокед,

Кузон лапка замокед.

Кыдёкысен мусо адскоз

Ас яратон туганэд,

Ас яратон туганэд.

Дуно йэвол юэммы но,

Дуно йэвол сиеммы,

Дуно йэвол сиеммы.

Туж но дуно асьмелэн но

Тазьы валче(й) улэммы

Тазьы валче(й) улэммы.