Редактирование: Кыйсинез пеллян

1. Кыйсинь корт выуэ куке потоз, сокы мед потоз та муртлы!

Кыйсинь андан выуэ куке потоз, сокы мед потоз та муртлы!

Кыйсинь зарни выуэ куке потоз, сокы мед потоз та муртлы!

Кыйсинь азвесь выуэ куке потоз, сокы мед потоз та муртлы!

Кыйсинь миньчо из выуэ куке потоз, сокы мед потоз та муртлы!

Кыйсинь ву выуэ куке потоз, сокы мед потоз та муртлы!

Кыйсинь ошмес синьме куке потоз, сокы мед потоз та муртлы!

''Малмыж у.''


2. Жоб потос, пуӵ потос, кыйлэн синмаз куке потэмед луиз ке, 

сокы та адямилэн [татын пелляно адямилэсь нимзэ верано] синмаз пот!

Сизьымдон но сизьым черс йылаз куке потэмед луиз, 

сокы та адямилэн синмаз пот; сокытэк та адямилэн синмаз потны уд быгаты!

Сьӧд ӵушъяллэн гон йылаз куке ӝуӝад, сьӧд потос, пуӵ потос,

сокы та адямилэн синмаз пот.

Сьӧдчайылэн, сьӧд вудорлэн синмаз куке ӝуӝамед луиз, 

сокы та адямилэн синмаз ӝуӝа.

Сьӧдкынылэн куке синмаз ӝуӝамед луиз ке, сокы та адямилэн

синмаз мед ӝуӝалод; сокытэк инты ӧвӧл татын тӧныд.

Сьӧд кырныӝлэн бурд йылаз, чечеглэн бурд йылаз ӝуӝамед ке

луоз тынад, жоб потос, пуӵ потос, сьӧд потос, 

сокы та адямилэн синмаз ӝуӝамед луоз!

Сизьымдон но сизьым чорыглэн синмаз куке ӝуӝад, жоб потос,

пуӵ потос, сокы ӝуӝа та адямилэн синмаз!

Сьӧд тэччась бакалэн синмаз куке ӝуӝад, 

сокы та адямилэн синмаз ӝуӝа!

Сьӧд кый вань, со кыйлэн куке синмаз ӝуӝад; лобась кый вань,

лобась кыйлэн синмаз куке ӝуӝад, жоб потос, пуӵ потос, сьӧд потос,

сокы та адямилэн синмаз ӝуӝа! Сокытэк инты ӧвӧл татын тӧныд! <ref name="r2">[http://elibrary.unatlib.org.ru/handle/123456789/1403 Ингур : удмурт фольклоръя лыдзет : шор ёзо школаослы / люказ, радъяз но валэктонъёссэ гожтиз Т. Г. Владыкина. - Ижевск : Удмуртия, 2004. - С. 273.]</ref>

''Шактапи (Большая Цибирь), Малмыж у.''

=Литература=

<references />