Редактирование: Э мумие

Э мумие, э мумие,

Тӥ монэ мал вордӥды?

Монэ вордылытозь,

Лучше сьӧд ӟазегдэс вордэ вал.

Сьӧд ӟазегдэс вордэ вал но

Гонзэ-турзэ вуза вал.

Гонзэ-турзэ вуза вал но

Йырад кышет басьты вал.

Э аие, э аие,

Малы милемыз вордӥды?

Милемыз вордылытозь,

Льӧмпудэс мерттэ вал.

Тулыс вуысал ке,

Тӧдьы сяськазэ адӟысал.

Гужем вуысал ке,

Сьӧд льӧмзэ сиысал.

Сӥзьыл вуысал ке,

Ӵуж куарзэ адӟысал.

Ӵуж куарзэ адӟысал,

Музэ усемзэ учкысал.

Э мумие, э аие,

Тӥ монэ мал вордӥды?

Мон ведь тӥлед уг ни яра:

Монэ службае басьто! <ref name="r2">[http://elibrary.unatlib.org.ru/handle/123456789/4927 Жингырты, удмурт кырӟан!: Нотаосын кырӟан книга. - Устинов: Удмуртия, 1987. - С. 175-176.]</ref>

=Литература=

<references />