Редактирование: Ожмег

Кам шур сьӧрын улэм Ожмег. Огпол со тӥр, лопата, ожон но

мукет тӥрлык басьтэм, пуппылэсь шуккем пыж вылын тапала, туала

Вятской губерние, выжем. Сьӧраз басьтэм яратоно пунызэ гинэ. Туж

ӝог со мынэм, сьӧраз пуныез но бызьыны ӧвӧл вуэм. Тани вуэм со

Вотка шурозь, нуназеяны кутскем. Нош пуныез бере кылем. Сиськыса 

Ожмег умме усем. Кӧлыкуз пуны но вуэм, сайкатыны кутскем:

кытын кӧлоно, пе, мыным?

— Та интыын уг яра тыныд кӧлыны. Татын завод луоз (туала Вотка завод). 

Азьланегес мын, — шуэм Ожмег.

Пуны кылзӥськем, азьпала кошкем. Шутэтскемез бере Ожмег

азьлань вамыштэм. Мынэм-мынэм но, Шегъян йылозь вуыса, сиськыны 

кутскем. Сиськем-марам но нош ик умме усем. Кӧлыкуз пуны

вуэм но сайкатыны кутскем: кытын, пе, кӧлоно?

— Татчы эн выды, татын гурт луоз (али Шегъян), — шуэм Ожмег.

Пуны кылзӥськем но азьпала мынэм. Кӧня ке шутэтскыса, Ожмег

нош ик азьлань вамыштэм. Мынэм-мынэм но одӥг интые вуэм со.

(Ӵапак отын али Быги гурт сылэ.) Дугдэм бадӟым сюрес доры. Та

сюрес дурын бызьыны вуэм нылыныз одӥг пересь улэ вылэм. Пырем 

отчы. Пересь сое умой пумитам. Ожмеглы ныл ярам. Пересьлы со шуэм:

— Сёт мыным нылдэ.

Пересь соглаш луэм нылзэ сётыны. Нылэз кураса, Ожмег селое 

мынэм — вармайлы но курам ныллы кузьымъёс басьтыны. Ныллы

трос кузьым ваем, нош вармайзэ ӟеч гинэ утялтэм.

Собере Ожмег кышноеныз нюлэскы тылыс кораны мынӥллям,

пе. Тылыс дась луэм бере, Ожмег вармаез доры берытскем но сое

куное ӧтем. Нош кышноез соку гуртаз кылем. Вармай "ӵуказеяз

лыкто" шуэм.

Дыр вуыса, вармай куное вырӟем. Ожмеглэн тылысэз доры вуыса,
 
ассэ шарае поттылытэк, коръёс вискытӥ тылыс пушкы учкыны

кутскем: мар, пе, каре меда мынам эмеспие? Ожмег шӧдэм вармайлэсь 

вуэмзэ но вазем солы:

— Нырысь дукъяез вӧсяны сӥзь но собере дорам пыр.

Вармай дукъяез сӥзем но тылысэ пырем. Ожмег вармайзэ утялтэм но, 

соиз гуртаз бертэм.

Трос-а, ӧжыт-а дыр ортчем, Ожмеглэн нылпиосыз трос луиллям.

Инты но тылысын уг ни, пе, тырмы. Бадӟым корка лэсьтоно луэм.

Бадӟым коркан нылпиос улыны кутскиллям, нош ачиз улэм нимысь-

тыз лэсьтэм пичи коркан. Кӧня ке ортчыса, нылпиосыныз люкись-

кыса, корка огназ кылем, нош пичи корказэ сутэм. Нылпиосыз 

кошкиллям мукет нюлэсъёсы, отын асьсэлы быдэн корка но мунчо

пуктӥллям, ог-огзы доры куное ветлыны кутскиллям.

Огпол нылпиос доры Нюлэсмурт лыктэм, сое умой кунояллям.

Сием-юэм бераз Нюлэсмурт бертыны дасяськем но юа: кытӥ, пе,

бертыны дэмлалоды — возьёс вылтӥ-а, куш сюресъёс вылтӥ-а?

— Возьёс вылтӥ,— шуиллям солы.

— Яралоз, возьёс вылтӥ берто,— соглаш луэм Нюлэсмурт но солэсь
 
кызьы бертэмзэ учкыны косэм. Нюлэсмурт гурезь улэ, мунчоос

палась возь вылэ, васькем. Мунчоос доры вуыса дугдэм. Олокытысь-

марысь сильтӧл ӝутскем но — мунчоос пограллям.

Нош дыр ортче но ортче. Ожмеглэн бадӟым пиосызлы но кышнояськыны 

дыр вуэм. Кыкезлы пиосызлы кышно ваем, нош одӥгзэ

кензэ малы ке ӧвӧл яратэм. Одӥг пол Ожмеглэн коньдонэз ышем.

Со малпаны кутскем, сюлэм веськантэм кенэз лушкам шуыса. Нош

кен ас вылаз, пе, уг басьты сьӧлыкез. Ожмег тодэ вылэм одӥг туночиез. 

Со туж кыдёкын улэ вылэм. Ӵапак со доры ик потэм Ожмег

аслаз яратоно пичи пиеныз. Туночи ву вылын тунам. Ву ваёно вылэм 

ошмесысь. Ожмег ву вайыны кошкем. Со куспын солэн пиез

мукет висъетэ потэм. Отын ву бекче, пе, сылэ. Гур вылэ ватскем.

Ожмег вуэн берытскем, сое бекчеен висъетэ пыртэм но ачиз потэм.

Туночи вузэ бекчее кисьтэм но котыртӥз бергаса шуэм:

— Пот, пот.

Кӧня ке улыса, бекчеысь Шайтан потэм но туночилы верам: Ожмеглэсь 

коньдонзэ, пе, скал сием. Нош туночи, пе, мед вералоз,

коньдонэз Ожмеглэн кенэз лушкам шуыса. Кензэ, пе, Ожмег ошиз

ке, солэсь лулзэ Шайтан аслыз басьтоз.

Ваньзэ сое кылэм но адӟем Ожмеглэн гур вылын пукись пиез.

Ачиз Ожмег мукет висъетын пукем, Шайтанлэсь верамзэ ӧвӧл кылэм. 

Шайтанлэсь визь-нод басьтыса но кызьы вераны кыл сётыса,

туночи Ожмег доры потэм но ивортэм: коньдондэ, пе, кенэд лушкам. 

Ожмеглэн пиез соку атаезлы номыр ӧвӧл верам.

Туночилы коньдон тырыса, Ожмег сюрес вылэ потэм. Тӥни соку

ини пияш ваньзэ бубизлы верам — мае адӟиз но кылӥз. Гуртэ вуыса,

Ожмег скалзэ вандыны косэм. Скаллэн ӝушысьтыз ышем коньдонэз

шедьтӥллям. Со дырысен Ожмег туночиослы оскымтэ ни. <ref name="r2">[http://elibrary.unatlib.org.ru/handle/123456789/7764 Мелодия небесной росы = Инву утчан гур / сост. и пер. прозы Т. Г. Перевозчиковой. - Ижевск : Удмуртия, 1988. - С. 196-198.]</ref>

=Литература=

<references />