Уроме, уроме
Материал из Воршуда
Перейти к навигацииПерейти к поиску— Уроме, уроме, кытчы ветлӥд?
— Мон ик ветлӥ чагпис кораны.
— Уроме, уроме, кытын кӧлӥд?
— Мон ик кӧлӥ капка ӧс вискын.
— Уроме, уроме, маин шобырскид?
— Мон ик шобырски пужей куэн.
— Уроме, уроме, маин пыласькид?
— Мон ик пыласьки лысвуэн.
— Уроме, уроме, маин ӵушкид?
— Мон ик ӵушки бадяр куарен.
— Уроме, уроме, маин сиськид?
— Мон ик сиськи азвесь тусьтыен.
— Уроме, уроме, маин ӟузьылӥд?
— Мон ик ӟузьылӥ зарни пуньыен.
— Уроме, уроме, маин юид?
— Мон ик юи ыргон кобыен. [1]
