Орехова Лариса

Материал из Воршуда
Версия от 11:22, 9 февраля 2015; Admin (обсуждение | вклад) (1 версия импортирована)
(разн.) ← Предыдущая | Текущая версия (разн.) | Следующая → (разн.)
Перейти к навигацииПерейти к поиску

Орехова Лариса Николаевна - кылбурчи, кылысь кылэ берыктӥсь, журналист,Удмурт Элькунысь лулчеберет удысысь сӥё-дано ужась.

Orehova 2001.jpg

Улон сюресэз[править]

Лариса Орехова вордӥськиз Алнаш ёросысь Шадрасак-Кибья гуртын 1979-тӥ арын 27-тӥ пӧсьтолэзе. Варзи-Ятчи черко гуртысь шор ёзо школаез йылпумъяса, дышетсконзэ азьланьтӥз Удмурт кун университетысь журналистика факультетын. [1]

1999-тӥ арысен Лариса Орехова «Инвожо» журналын корреспондент, реклама утчась, мерлык кусыпъёсты тупатӥсь менеджер, компьютере текстъёсты пыртӥсь но верстать карись оператор луыса ужаз, та дыре ик егитъёсын кусыпъёсты юнматыса, «Инвожолэсь» литературной кружоксэ нуиз, нош 2003-тӥ арысен – журналэз электрон нуллӥсе типографилы дасянъя (допечатной подготовка – верстка но дизайн) тӧролэн кивоштӥсез луиз. Та арын ик «Инвожо» издательство но кылдӥз. Журналын сяна, со, вань кужымзэ но быгатонлыксэ поныса, ужаны кутскиз книгапоттоннилэн кивалтӥсез луыса. 2005-тӥ арын Пётр Захаровлэн – «Инвожо» журналлэн тӧроезлэн – кичӧлтэмезъя Удмурт ПЕН-клуб огазеяськон кылдӥз. Отчы пыризы егит гожъяськисьёс, суредасьёс, фотографъёс, критикъёс. Лариса Орехова Удмурт ПЕН-клублэн директорез луиз. ПЕН-клублэсь ужрадъёссэ дасян бордын ужам сяна, со котькуд аре потӥсь альманахез люкан-радъян бордын тырше.

Лариса Николаевна Орехова туж шаплы, энергичной, творчествоен пачылмыса улӥсь адями. Со мылысь-кыдысь тодматэ но вӧлмытэ Европын асьме удмурт культураез но литератураез. Со дыре дунне литератураез вуттэ асьме удмурт лыдӟиськисьёсмы доры.

Та пинал, етӥз нылашлэсь тыршемзэ адӟытэк уг уло, ужзэ дунъяло. 2001-тӥ арын умойёсыз кылбуръёс номинациын Л. Ореховалы сётэмын вал М. А. Кастрен нимо огазеяськонлэн премиез но дипломез.

2002-тӥ арын финн-угор прессалэн фестиваляз вормисе потӥз но басьтӥз «Лучший журналист года» диплом.

2005-тӥ арын «Шунды» огазеяськон «Шундыкар» альманах поттэмез понна Ларисаез Почётной грамотаен пусйиз.

Гожъямъёсыз сярысь[править]

Гожъяськон удысэн Лариса тунсыкъяськыны кутскиз начальной школаысен ик, соку ини сизьым аресъем нылашлэн вордскизы нырысетӥ чуръёсыз. Школаын дышетскыкуз, Лариса Орехова пӧртэм литературной конкурсъёсы пыриськылӥз. Кылбуръёсыз но веросъёсыз печатласькылӥзы нырысь «Дась лу!»-ын,собере «Инвожо», «Удмурт дунне», «Кенеш» газет-журналъёсын. Школаын котькуд аре мынӥсь литературной кружоке ветлӥз, собере тодон-валанзэ азьланьтӥз «Инвожо» журналлэн литературной кружоказ.

Тужгес но дунъямонэз, 2007-тӥ арын Эстониын (Таллинн карын) солэн потӥз «Ярдуртэм нюлэс» книгаез, кудӥз печатламын вал 4 кылъёсын (удмурт, ӟуч, эстон но англи). Та кылбур книга бадӟым резонанс лэсьтӥз Европаысь финн-угор странаосын (Эстониын, Финляндиын но Венгриын), озьы ик адӟизы сое Германиысь, Шведциысь но Франциысь пичи калыкъёслэсь культуразэс эскерисьёс. [2]

Пермьын Галереяын, 2012-тӥ ар

2007-тӥ арын Лариса Ореховаен но солэн ПЕН-клубъя эшъёсыныз, Алексей Арзамазовен но Пётр Захаровен, пумиськиз Эстон президент Томас Хендрик Ильвес, кудӥз шуныт кылъёссэ вераз кылбурчилэн туала лирикаезъя. 2008-тӥ арын Л. Н. Орехова кылбуръёссэ лыдӟиз Парижысь Сорбон университетын, Кылбурет Юртын но Француз ПЕН-клубын. 2009-тӥ арын Лариса Орехова Алексей Арзамазовен но Пётр Захаровен ӵош ӧтемын вал Стокгольмысь туала литераторъёслэн пумиськоназы. 2010-тӥ арын ветлӥзы Финляндие, Оулу каре, кытын ортчиз финн-угор гожъяськисьёслэн но издательёслэн конгрессы. [3]

Лариса Ореховалэн гожъям ужъёсыз берыктэмын дуннеысь пӧртэм кылъёсы: эстон, мадьяр, карел, пор, коми, фин, англи, француз но ӟуче. Печатламын соос трос литературной изданиосын но сайтъёсын. Солэн кылбуръёсыз пыремын дунне кышномурт поэзилэн антологияз (Лондон), кылбурет тугокоеныз усьтӥськиз одӥгез француз «Porche» журналлэн номерез.

Лариса Орехова мылысь-кыдысь тырше дунне литератураез удмурт кылэ берыктон удысын. Со берыктӥз троссэ тодмо гожъясьёсты – Эмили Дикинсонэз, Габриэлла Мистралез, Федерико Гарсия Лоркаез, Кристийна Эхинэз, Эжен Ионесколэсь «Пилеш кырӟась» пьесазэ, Гарольд Пинтерлэсь «Пейзаж» пьесазэ, Жан-Мари Гюстав Леклезиолэсь «Инбамын улӥсьёс» новеллазэ, пичи нылпиослы выжыкылъёсты. Лариса Орехова туж дӥсьтыса гожъяське. Вань кылбурчиос пӧлын аспӧртэм ӧрын визыла. Вань солэн импрессионизм амалэз но, античной образъёсыз но. Соин тазэ авторез валась ӧжытгес. Нош ачиз кылбурчи верамъя, кылбур – со лабиринт кадь, отчы пыриськод но – потыны уг луы. Кылбурчи туж тунсыкъяське кунгожсьӧр гожъясьёсын, вашкала грек но рим философиен, соин кылбуръёсыз пыӵамын отысь малпанъёсын, шӧдонъёсын. [4]

Лариса Орехова удмурт кылбурет удысын – оло нош быдэс финн-угор егит поэзиын – висъяське классика ӧръёсы кабъяськем поэзиез выльдыны быгатэменыз, кызьы форма ласянь, озьы ик пуштросэзъя но. Со бадӟым дуннеез бугыртэ, куд-ог дыръя поэзилэн азьпал улонэз понна кышкаса – античной мифологиысен туала улонысь ненег сюлэм шуккетъёсмы дорозь. Солэн образъёсыз кышкасьтэмесь но сыӵе-ӵемо импрессионизм амалоесь: соин сэрен сак лыдӟисьлы куд-ог дыръя аслыз ик герӟано луэ солэсь шӧдтэк шорысь вошъяськылӥсь малпанъёссэ но амалъёссэ одӥг шӧдонэ огазеян понна. Ӵемысь солэн экспериментъёсыз но малпан сюресъёсыз вордӥськыло туж но туж огшоры улон суредъёсысь, но та вакытэ ик со быгатэ дырлэн но пространстволэн борддоръёсыз сьӧры кыдёке-кыдёке лобӟыны. [5]

Та авторлэн кылбуран дуннеез аспӧртэм, нокинэн сурантэм луэ. Со дуннеын буёлъёсыз но мукетэсь, туж яркытэсь. Адямиос но адямиос ӧвӧл кадь. Соос кесясько куаратэк но бӧрдо синкылитэк. [6]

Л. Орехова Василий Кригинэн но Арво Валтонэн

Синъёсады

улон ӧвӧл ини – тузон гинэ:

кема миськылымтэ

укноосын сямен –

соос пыр коть учкы

коть эн учкы

(Вотэсъёс)

2010-тӥ арын Лариса Николаевна Орехова пусъемын «Удмурт Элькунысь лулчеберет удысысь сӥё-дано ужась» нимен.

Наградаосыз но премиосыз[править]

М. А. Кастрен нимо огазеяськонлэн дипломеныз но премиеныз дунъямын, 2001.

Удмурт Элькунысь егитъёсын ужанъя комитетлэн данъян грамотаез, 2006.

Удмуртиысь печатья но иворъёсъя министерстволэн грамотаез, 2008.

Библиография[править]

Книгаосыз[править]

Ярдуртэм нюлэс : кылбуръёс = Безбрежный лес : стихотворения. – Ижевск : Инвожо, 2009. – 127 с.

Ярдуртэм нюлэс = Ääretu laas = Безбрежный лес = The boundless woods : кылбуръëс. – Tallinn : Kirjastuskeskus, 2007. – 95 с.

Ehin Kristiina (1977). Laulujõgi : luulet ja proosat = Кырӟан шур : поэзия но проза. – Ижкар : Инвожо, 2009. – 114 lk.

Статьяосыз[править]

"а трубочист Н2SO4..." : стихотворение // Инвожо : спец. вып. газ. "Известия Удмурт. Респ." и журн. "Инвожо". – 2011. – № 9/10. – С. 35.

Бырисьтэм шундые сюрес = Дорога к вечному солнцу : кылбуръёс // Инвожо. – 2012. – № 4/5. – С. 82-87. – (Удмурт ПЕН-клуб. Альманах).

Витетӥ компас : кылбуръёс // Инвожо. – 2009. – № 5/6. – С. 104–105.

Дырлэн эктонэз : кылбуръёс // Инвожо. – 2008. – № 9/10. – С. 60.

"Жди меня..." = "Attends-moi..." ; Моление = Priere ; "Я смотрю на тебя..." = "Je te regarde..." ; "Радуюсь когда..." = "Je me rejouis quand..." ; "В сундуках моей бабушки..." = "Dans les coffres de ma grand-mere..." ; Паутины = Toiles d'araignee ; "Увидев цветы на песке..." = "Ayant vu des fleurs sur le sable..." / пер. с удмурт. Л. А. Пушина // Инвожо. – 2008. – № 5/6. – С. 134–137.

Инбам ву ; Вӧсяськон ; "та дуннеын..." ; Луо вылысь сяськаосты адӟыса ; Тынад – монтэк но монэн ; "мон дугдытӥ..." : кылбуръёс // Инвожо. – 2006. – № 4/5. – С. 56.

Малевичлэн квадратысьтыз = Из квадрата Малевича ; Правительство юрт азысь лыз кыз азьын = Перед синей елкой Правительства ; Улӥысен учкон = Взгляд снизу ; Вылӥысен учкон ; "йыры нош ик..." ; Пунылэн историез : кылбуръёс // Инвожо. – 2008. – № 7/8. – С. 28–31.

"мон – нюлэс ныл..." = "я – лесная девушка..." : стихи // Арт (Лад). – Сыктывкар, 2008. – № 2. – С. 26.

На свою родину средневековыми французскими глазами ; "и было ещё и такое время..." : стихи / Л. Орехова // Инвожо. – 2011. – № 11/12. – С. 29.

"нестись по всем..." : стихотворение / Larisa Orekhova // Инвожо. – 2011. – № 7/8. – С. 13.

Ой! : кылбур // Удмурт дунне. – 2006. – 18 окт. – С. 7.

Ӧсъёс = Двери : стихи // Финноугория. Этнический комфорт. – Сыктывкар, 2008. – № 3. – С. 41.

Про город : стихотворение // Инвожо. – 2012. – № 3. – С. 24.

Тямыс пыдо вал вылысен учкон : кылбуръёс // Инвожо. – 2005. – N 9 (сент.-окт.). – С. 70-74. – Пуштросэз: Война ялон ; Бардо дырлэн вордӥськонэз. – Вакчияк авторез сярысь гожтэмын

"Яратӥсько пичиосты..." = "Väikseid lapsi armastan..." ; Мунёос = Nukud ; Война ялон = Sõja kuulutamine ; "Мон кышкасько..." = Kardan... : кылбуръёс // Kuum ӧӧ : suome-ugri ranvaste tanapaeva luulet. – Tallinn, 2006. – С. 526–547.

Ярдуртэм нюлэс = Безбрежный лес = The boundless woods : кылбуръёс / предисл. Арво Валтон // Инвожо. – 2007. – № 5/6. – С. 77–93 : фот.

Lua vjulaste lilladat lativ ; IIman veta ; "Mina todin..." ; Elejaste Parmtnidaja jos ; Lamo udmurto kua ; Shjerokataste mono malmas francjo silmage ; Elijo kada ; Alga pushkaste iso tarkat sodima ; Pjulo lolat Kinsima ; Kem ke no so : ститхотворения // Инвожо. – 2009. – № 5/6. – С. 46–48 : фот.

Uksed : luuletused / tolkinud A. Valton // Sirp : eesti kultuurileht. – Tallinn, 2007. – 19. oktoober. – Lk. 6.

Берыктэмъёсыз[править]

Гарсия Федерико. Сизьым нылашъёслэн кырӟанзы ; Кык ӝыт толэзьёс ; Тымет ; Европаын Китай кырӟан ; Клоун ; Пӧйшурась ; Адямиос мынӥзы... ; Со кулӥз шунды ӝужаку ; Кошкись нуналлэн кырӟанэз ; Эктон ; Сяська ; "Апельсин но лимонъёс..." ; Яратон усиз умме поэтлэн гадяз ; Ӵуж баллада ; Сюрес вож ; Шыпытлык ; Солеа ; Эктон ; Малагенья ; Писпуос ; Пӧяськись синучкон : (вуюисьлэн гурез) : кылбуръёс // Инвожо. – 2007. – № 5/6. – С. 136–139 : фот.

Ионеско Эжен. Пилеш кырӟась : антипьеса // Инвожо. – 2008. – № 5/6. – С. 108–121.

Куинь гондыръёс : выжыкыл / суредъёсыз Марина Малкуслэн // Инвожо. – 2006. – № 8/9. – С. 86–87.

Куинь парсьпиос : выжыкыл // Инвожо. – 2006. – № 10. – С. 90–91.

Леклезио Жан-Мари Гюстав. Инбамын улӥсьёс : верос // Инвожо. – 2009. – № 5/6. – С. 150–159.

Маша но гондыр : выжыкыл // Инвожо. – 2006. – № 4/5. – С. 85–87.

Пинтер Гарольд. Пейзаж : драма // Инвожо. – 2007. – № 11/12. – С. 54–59. – (Туала драма).

Сяртчы : ӟуч калык выжыкыл / суредъёсыз С. Островлэн // Инвожо. – 2006. – № 6/7. – С. 85–87.

Толкиен Джон Рональд Руэл. Элессар // Инвожо. – 2006. – № 1. – С. 10–11.

Эхин Кристийна. Чидало-а мон? ; Южтолэзьлэн ӝытэз льӧля ; Милям улон юртмы ; Капка юбоосын каллен ; Мон та дырозь ӧй быгаты на поттыны : кылбуръёс // Инвожо = Альманах удмуртского ПЕН-клуба. – 2010. – № 5/6. – С. 193–194.

Эхин Кристина. "Али со дыр ку адӟыны луэ..." ; "Выйыны нылпиос..." ; "Шуо адямилэн..." ; Музъем вылтӥ туннэ мынэ покчиарня ӝытэд ; Зарни кышно ; "Тынад синмыд сяськаяса..." ; "Нуллыса чыртыяд егит дыр..." ; "Кулӥмы ке кошком кулэмъёс шаере..." : кылбуръёс // Инвожо. – 2009. – № 5/6. – С. 165–167.

Эхин Кристина. "улын шаетэ город..." ; "мон – ву..." ; "уйвӧтам адӟи..." ; "тон кошкид но маяк..." ; "Куд-ог дыръя ошиськылэм езъёс борды..." ; "Дас укмыс азвесь коньыосын..." ; "Асьмелэн улонмы..." ; "Сибирь сокем пурысь..." ; "мынам нылпие вордӥськиз мобильникен кияз..." ; "тон утчад аслэсьтыд синъёстэ..." : кылбуръёс // Инвожо. – 2008. – № 5/6. – С. 214–216 : фот.

Юсь ӟазегъёс : ӟуч калык выжыкыл // Инвожо. – 2007. – № 1/2. – С. 78–79 : рис.

Татчы 2005-тӥ арысен потэм чеберлыко статьяос гинэ пыртэмын, кылемъёсыныз тодматскыны быгатӥськоды Удмурт Элькунысь йӧскалык библиотекалэн электрон каталогъёсызъя.

Уже кутэм литература[править]