Ярашон гур / Свадебный напев родственников невесты / д. Калашур

14. Ярашон гур / Свадебный напев родственников невесты / д. Калашур

Оло, гынэ лыктоно, оло, гынэ лыктонтэк. Ӟеч ивордэс кылӥмы но, лыктоно но кожамы. Ӟеч ивордэс кылӥмы но, лыктоно но кожамы. Милям гынэ сузэрмы ӧй ке гынэ луысал, Кытын бон вал, кытын бон вал милемлы но та ӟечъёс? Кытын бон вал, кытын бон вал милемлы но та ӟечъёс? Анаймы но лэзьылӥз, бурччинен но бинь_са, Атаймы но лэзьылӥз, азвесен но дурыса. Атаймы но лэзьылӥз, азвесен но дурыса. Милям г_нэ(й) сузэрмы(й) сузэр кадь-а бон? Писпу йылӥсь писпу йылэ чеччаллясь но коньы кадь. Писпу йылӥсь писпу йылэ чеччаллясь но коньы кадь. Милям гынэ эмеспимы эмеспи кадь ик-а бон? Гур юбое думылэм али ке но кунян кадь. Гур юбое думылэм али ке но кунян кадь. Чеччылом но чигтылом выж пул сайгактэс, Ӝутылом но поттылом пурисьтам но бекчедэс. Ӝутылом но поттылом пурисьтам но бекчедэс. Секталлям но(й) бекчеды(й) жаль ке потылэ, Эн вае вал, эн вае вал милесьтым но сузэрмес. Эн вае вал, эн вае вал милесьтым но сузэрмес. Сектаськоды ке, секталэ, тужгес секталэ! Милям гынэ сюлэмамы шудылыса мед улоз. Милям гынэ сюлэмамы шудылыса мед улоз.

Текст ячейки