Редактирование: Пукроков Фёдор

'''Фёдор (Фатихян) Пукрокович Пукроков'''   – удмурт кылбурчи, прозаик, драматург, публицист, Россиысь гожъяскисьёслэн огазеяськонзылэн ёзчизы.
[[Файл:Puk.jpg|180px|right|Фёдор Пукроков]]
=Улон сюресэз=

Фёдор Пукроков  вордӥськиз Башкортостанысь Татышлы ёросысь Сирпогуртын (Вязовка) '''1937'''-тӥ арын 16 шуркынмонэ.  <ref name=" марданова "> Марданова Л. Фёдор Пукроков (1937) // Писатели и литературоведы Удмуртии : биобиблиогр. справ. / сост. А. Н. Уваров. – Ижевск, 2006. – С. 98–99. </ref> 

Семьязы шоро-куспо вал, соин ик раскулачить каронэз но адӟизы. Ярам ай, гуртысьтызы ӧз поттэ. Отӥяз ини анаез но атаез колхозын ужазы. Фатых семьяын куатетӥез, берпуметӥез нылпи вал. Анаез сое 41 арес дыръяз ваем на. Солэсь азьло Тимур пиез пичи дыръяз ик пӧсьвуаськыса кулэм. Туж, пе, ӟеч, визьмо но сабырлы пияш вылэм. Фатихян пичи дырысеныз бадӟым агайлы туж вожъяськыса будӥз. Вань ужъёссэ, вамышсэ агаеныз ӵошатылӥз: кызьы Тимур созэ яке тазэ ужез лэсьтысал меда, шуса. <ref name=" пукроков ">  Пукроков Ф. От автора // Тайна трёх иллюзий. – Ижевск, 1990. – С. 4–11.</ref>  
    
Будӥз пияш Башкир музъем вылын, бигер гуртъёс пӧлы пуксем удмурт гуртын. Соин ик со пичиысен пӧртэм калыкъёслэсь культуразэс, кылзэс, сям-йылолъёссэс гажаны но валаны дышиз. <ref name=" пантелеева ">[http://elibrary.unatlib.org.ru/handle/123456789/8598 Пантелеева Т. Дуннеез котыр ласянь адӟись // Кенеш. – 2007. – № 11-12. – С. 96–100.] </ref> 

Дас классэз йылпумъяса, вуоно кылбурчи Ижысь механической институтэ дышетскыны пыриз. Дышетскон куспаз сюлэмезлы кельшымон удыс бырйымтэзэ вала но витетӥ курсысен, дышетсконзэ йылпумъятэк, институтысь кошке. Чидасьтэм сюлэмо пияш комсомоллэн путёвкаезъя котыр ласянь ушъямон (образцовой) гурт улон лэсьтон борды басьтӥське – Красногорск ёросысь Ленин нимо колхозэ мынэ. Нырысь плотник, собере тракторист луыса ужа. Собере витетӥ курсын Гурт удысъя институтын (Сельскохозяйственной институт) одӥг семестр дышетске. <ref name="айтуганова">  Айтуганова Л. Мед шедьтоз сюрессэ «Ошмес син» // Удмурт дунне. – 1997. – 18 нояб. – С. 3. </ref> 
Нырысь-валысь ваньмыз умой мынӥз кадь гуртын ужзы. «Комсомольская правда» газет быдэс бамзэ но висъялляз ӟырдыт мылкыдоослы. Отын ужакуз эшъёсыз но, колхозникъёс но ушъязы удмурт пияшез. Но бадӟым малпан ӧз быдэсмы. Куашканлэн мугез кивалтӥсьёссы бордысен кутскиз кадь. <ref name="перевощиков">  Перевощиков С. Пельтӥз ке ыртӧл // Вордскем кыл. – 1997. – № 6. – С. 53–55. </ref> 

'''1963'''-тӥ арын Фёдор колхозын кык ар пала ужамез бере, Москваысь Ломоносов нимо кун университетысь философия факультетэ дышетскыны пыриз. Огшоры дышетӥсь гинэ, пе, луэме ӧз поты. Улонлэсь мургес сӥоссэ, законъёссэ тодэме потӥз, соин ик, пе, отчы вамыштӥ. <ref name=" айтуганова " />
   
'''1969'''-тӥ арын дышетсконзэ йылпумъяз но Ижысь медициная институтын философилы дышетӥз. Озьы Фёдор Пукроков удмуртъёс пӧлысь нырысетӥез дышетскем философ луиз. <ref name=" фёдор ">[http://elibrary.unatlib.org.ru/handle/123456789/12196 Фёдор Пукроковлы – 70 // Кенеш. – 2007. – № 11-12. – С. 96–97.] </ref> 

'''1978'''-тӥ арысен «Удмуртия» книгапоттонние интыяське – гожъяськон удыслы но гожъяськисьёслы матэ.

'''1985'''-тӥ арысен – «Молот» журналэ ужаны кариське,

'''1986'''-тӥ арысен ас понназ гожъяське. <ref name=" айтуганова " />

=Гожъямъёсыз сярысь=

Нырысетӥ кылбурзэ Фёдор гожтӥз ньылетӥ классын дышетскыкуз. Со кема юн оскыса улӥз ачиз аспӧртэмлыко кылбур гожтӥз, шуыса. Но куке соку валаз – со А. Пушкинлэсь кылбурзэ ас сяменыз берыктэм ук. Возьдаськеменыз пияш сюй пыдсы выйыны дась вал. Берло малпаз, ма со быдӟым поэт ук солы юрттэм… Нош сизьыметӥ классысен тюрагай сярысь кылбур кылдытӥз.   <ref name=" пукроков " />
Выль Татышлы семилетней школаын дышетскыкуз, пияш литературной огазеяськонзылэн кивалтӥсез но школаысьтызы киын гожтэм журналзылэн редакторез вал. Отчы ветлӥсь пиналъёс Ленинлы, Сталинлы, коммунизмлы сӥзьыса кылбуръёс гожъязы. Но берлогес Фёдялы возьыт луиз со гожъямъёсыз понна. Со кутӥз но сутӥз со журналзэс… <ref name=" пукроков " />  
Студент дыръяз ини Федя Пукроков кутске гожъяськыны. Куд-ог ужъёссэ печатлало ини ёросысьтыз газетазы, собере шаерысьтымы «Советской Удмуртия» газетын, «Молот» журналын. Берлогес «Аврора», «Урал», «Волга» журналъёсын. Мединститутын ужакуз но со писательёсын, журналистъёсын кусыпъёссэ ӧз ыштылы, дырын-дырын вуылӥз редакциосы, выль гожтэм чуръёссэ вуттылӥз. <ref name=" перевощиков " />  
Фёдор Пукроковлэн кылбуръёсын «Вылӥысен учкем потэ» нырысетӥ бичетэз 1969-тӥ арын потӥз. Собере вал «Думем тӧл» (1973), «Сюресъёс» (1980), «Ошмес син» (1984) кылбурен гожтэм роман-малпаськонэз, «В пути» (1983), «Тайна трёх иллюзий» (1990), «Кизили ныл» (1997), «Родниковое око» (2010) но мукетъёсыз. <ref name=" фёдор " />   
Фёдор Пукроков пӧртэм жанрен гожъяськись писатель: кылбур, поэма, выжыкыл, верос, очерк, роман, пьеса. Со удмурт сям-йылолъёсты, кылэз ӟеч, мур тодэ, улонысь ужпумъёсты яркыт, оскымон суреданы быгатэ. Гожъяськоназ Фёдор Пукроков удмут куриськонъёсты, вӧсяськон кылъёсты но пыртэ: «Инбаме выль толэзь ӝужаку, песяе вӧсяське вал котьку: сёты, выль толэзе, выль синдэ, мон уг вунэты ноку  та ӟечтэ». Индылон, чакласькон: «Бодыедлэн пумыз ведь кык, шонер вера вылэм калык, – лулӟиськылэ ини Герей, – огпол пумитаз шуккод муртэ, мукет пумыз аслыд йӧтэ». Яке:    <ref name=" пантелеева " />    

''Мынам анай котькуд ӵукна''

''Ӵужылӥз вань сюресъёсмес''

''Выль вордӥськем Шудбур понна:''

''Со мед ӝоггес шедьтоз дормес!''

Фёдор Пукроковлэн «Усьтӥськиз кадь ин ӧс» книгаяз туж шуныт мылкыдын гожтэм кылбураз чуръёсыз вань:

''Сюлэмам омырскиз-а ыртӧл?''

''Шуныт зор-а усиз гадь вылам?''

''Няськыт зор но, ыртӧл но ӧвӧл –''

''Тон ваид шумпотон улонам.''

Бадӟым яратон сярысь макем небыт но со дыре ик туж кужмо верамын. Таӵе чебер кылъёс бумага лист вылэ вӧлдэтысь уг усьыло. Автор соосты ӟырдыт сюлэмысьтыз, лэчыт визьмысьтыз поттэ. Кин утча, со шедьтэ, шуо калыкын. <ref name=" перевощиков " />    
Кылбурен гожъямъёссэ чакласа, адӟыны луэ – поэтлэн сюлэмыз тужгес но «висе» удмурт калыклэсь лулзэ умойтэм сямъёслэсь но мылкыдъёслэсь утён пумысь. Та сярысь сюлмаськыса, со гожъя инкуазьлы сӥзем чуръёс. Огшоры ужасез – дояркаез я механизаторез данъясь кылбуръёс, улонысь пӧртэм югдуръёс пумысен малпаськонъёссэ – философской вераськонъёссэ. Куке кылбурчи улонлэсь сӥоссэ ас чакламез, улон опытэз пыр бугыртыса чакла-эскере, соку чуръёсыз бадӟым малпанэн, яркыт образъёсын но сюлэмез вырӟытӥсь мылкыдъёсын узырмо. Тужгес но та ласянь пусйымон луэ «Ошмес син» кылбурен роман малпаськонэз. Та кылбурен гожтэм роман удмурт литератураын нырысетӥез луэ. Произведенилэн удалтэм но удалтымтэ палъёсыз сярысь трос вераз Анна Зуева «Молот» журналын потэм статьяяз (1985, 9 №). Пукроковлэн та книгаезлы критик ӟеч дунъет сётӥз. <ref name=" айтуганова " />  
  
Проза амалэн гожтэм произведениосысьтыз но адӟыны луэ, Ф. Пукроковлэн сюжетъёсыз улонысь басьтэмын. «Макмыр» веросэз мурдалаезъя драмалы матын. Адямилэн улонысьтыз тужгес бадӟым кайгырон вакытсэ басьтыса, писатель, бугроез пумен сэратэм сямен, чырткем, таза, ужась, яратӥсь кузпаллэсь но атайлэсь тордослы пӧрмемзэ шарая.  <ref name="  пантелеева " /> 
    
«Кизили ныл» книгазэ но чакласа, отын роман но кык повестьёс пыртэмын, адӟиськомы, асьсэ пуштросэнызы соос улонысь лэчыт ужпумъёсты ӝуто. Син азе сайкыт пуксё егитъёс. Соослэн улонзы пӧртэм сямен азьланьске. Но ваньзэсты огазея ог-огдэ, атай юрттэ но дор музъемдэ гажан, ненег яратонэз утьыны тыршон мылкыд.
   
Ф. Пукроковлэн тросаз произведениосаз возьматӥське сюреслэн образэз. Со поттылэ пичи дыр сюресъёсыз, малпаське выль сюрес лёгонлэн даногес но секытгес луэмез сярысь, шара вера утчам сюресъёссэ бергес шедьтэмез пумысен. «Сюресъёсын герӟаськем тодметъёс бадӟым инты басьтэ дунне культураын. Котькуд адямилэн улоназ сюрес – со выльзэ, тодмотэмзэ утчан но шедьтон… Мынам вань улонэ сыӵе вал – выль сюрес утчан…» <ref name=" лаптев ">[http://elibrary.unatlib.org.ru/handle/123456789/65 Лаптев А. «Мынам вань улонэ – выль сюрес утчан» // «Тӥ учке ӵемгес ӵукпала…» / А. Лаптев. – Ижевск, 2008. – С. 213–221.]</ref> 

Ф. Пукроков Ф. Холинэн ӵош Мунё театрлы ӟуч кылын пьесаос гожъязы. '''1976'''–'''1977'''-тӥ аръёсы соос возьматэмын вал сцена вылын («Чебурашка ведёт концерт», «Палочка-зажигалочка», «Три доблести»). Фёдор Пукроков гожъяз драматической произведениос но. Одӥгез соос пӧлысь – «Корка пырон» пьесаез Удмурт кун театрын 1984-тӥ арын пуктэмын вал.

Фёдор Пукроков али но гожъя очеркъёс, рецензиос.  <ref name="  марданова " />

=Библиография=

==Книгаосыз==

[http://catalog.unatlib.org.ru/cgi-bin/1/cgiirbis_64.exe?LNG=&C21COM=F&I21DBN=IKNBU&P21DBN=IKNBU&Z21ID= В пути : стихи / пер. с удмурт. С. Зяблицев. – Ижевск : Удмуртия, 1983. – 40 с.] 

[http://elibrary.unatlib.org.ru/handle/123456789/4862 Вылӥысен учкем потэ : кылбуръёс. – Ижевск : Удмуртия, 1969. – 26 с.] 

[http://elibrary.unatlib.org.ru/handle/123456789/4623 Думем тӧл : кылбуръёс. – Ижевск : Удмуртия, 1973. – 100 с.] 

[http://elibrary.unatlib.org.ru/handle/123456789/4883 Кизили ныл : роман, повестьёс. – Ижевск : Удмуртия, 1997. – 310 с.]
  
[http://elibrary.unatlib.org.ru/handle/123456789/4611 Кильмезьысь батыр : очерк. – Ижевск : Удмуртия, 1977. – 56 с.]
  
[http://catalog.unatlib.org.ru/cgi-bin/1/cgiirbis_64.exe?LNG=&C21COM=F&I21DBN=IKNBU&P21DBN=IKNBU&Z21ID= Милям дормы : нылпиослы кылбуръёс / суредаз Л. Прозоров. – Ижевск : Удмуртия, 1994. – 24 с. : ил.] 

[http://elibrary.unatlib.org.ru/handle/123456789/4621 Ошмес син : роман-малпаськон. – Ижевск : Удмуртия, 1984. – 110 с.]
 
[http://catalog.unatlib.org.ru/cgi-bin/1/cgiirbis_64.exe?LNG=&C21COM=F&I21DBN=IKNBU&P21DBN=IKNBU&Z21ID= Родниковое око : роман в стихах / пер. с удмурт. А. Демьянов. – Глазов : Глазов. тип., 2010. – 114 с.]

[http://elibrary.unatlib.org.ru/handle/123456789/4622 Сюресъёс : кылбуръёс, балладаос, поэма но легенда. – Ижевск : Удмуртия, 1980. – 104 с.] 
 
[http://catalog.unatlib.org.ru/cgi-bin/1/cgiirbis_64.exe?LNG=&C21COM=F&I21DBN=IKNBU&P21DBN=IKNBU&Z21ID= Тайна трех иллюзий : повесть-исповедь. – Ижевск : Удмуртия, 1990. – 272 с.]

==Статьяосыз==

[http://elibrary.unatlib.org.ru/handle/123456789/6517 Вселенский человек : (фрагм. поэмы) / послесл. и пер. с удмурт. А. Демьянова // Луч. – 2005. – № 9/10. – С. 3–5. – (К 85-летию государственности Удмуртии).]

[http://elibrary.unatlib.org.ru/handle/123456789/619 Вылӥысен учкем потэ : кылбуръёс // Кенеш. – 2009. – № 3. – С. 13–17.] 

[http://elibrary.unatlib.org.ru/handle/123456789/6260 Где ж ты, мама моя? : поэма / пер. с удмурт. А. Демьянов // Луч. – 2007. – № 11/12. – С. 4–6.]

Дунне Адями : поэма // Удмурт дунне. – 2006. – 16 авг. – С. 6–7.

[http://elibrary.unatlib.org.ru/handle/123456789/8462 Дунне Адями : поэма : (вакчиятыса сётэмын) // Вордскем кыл = Родное слово. – 2012. – № 11/12. – С. 42- 43 : фот. – (Милям юбиляръёсмы = Наши юбиляры). – Вакчияк авторез сярысь гожтэмын]

[http://elibrary.unatlib.org.ru/handle/123456789/4152 Зангари : выжыкыл // Кенеш. – 2011. – № 7. – С. 78–82. – Башкортостанысь Татышлы ёросысь удмуртъёслэн мадемзыя гожтэмын.]

[http://elibrary.unatlib.org.ru/handle/123456789/7701 Зарни : кузьмадёс // Кенеш. – 2012. – № 10. – С. 11-26.]

Зэрпал : Д. А. Яшинлы сӥзьыса : кылбур // Удмурт дунне. – 2005. – 5 июля. – С. 5.

[http://elibrary.unatlib.org.ru/handle/123456789/9890 Инкуазьын – сюан ; Пыро чагыр вӧтад : кылбуръёс // Удмурт дунне. – 2011. – 27 дек. – С. 7. – (Шудэлэ тӥ, серектэ).]

[http://elibrary.unatlib.org.ru/handle/123456789/8899 Йыр берыктон мӧль : кылбуръёс // Кенеш. – 2012. – № 7. – С. 3-5 : фот. – Пуштросэз : Тынад мусо тӧдь Кызьпуад... ; Муспотон кылчинэ ; Маин тон пӧртэм ; Йыр берыктон Мӧль ; Йӧспӧртэм эктон ; Уӵы чирдон вай ; Кинлы ке но потэ сыӵе оскем]

Кызьпуо арамаын : верос // Азвесь кышетэн толэзь : веросъёс : семьяын лыдӟон книга / люказ но радъяз В. Н. Ившин. – Ижевск, 2007. – С. 92.

Кызьпуо арамаын : верос // Покчи эше : 1–2-тӥ классъёсын ватсаса лыдӟон книга / М. П. Лаврентьева, Е. Н. Дмитриева, В. Н. Ившин. – Ижевск, 2006. – С. 28–29.

[http://elibrary.unatlib.org.ru/handle/123456789/5287 Лабрес кызьпу : баллада // Кенеш. – 2011. – № 11/12. – С. 64–66.]

Мадиськон : кылбур // На переломе эпох : Союзу писателей Удмуртии 70 лет, 1934–2004 : ст., стихотворения, прозаич. произведения, док. – Ижевск, 2006. – С. 244.

[http://elibrary.unatlib.org.ru/handle/123456789/10223 Макмыр : верос // Кенеш. – 2013. – № 5-6. – С. 76-79.]

[http://elibrary.unatlib.org.ru/handle/123456789/3302 Ошмес син : кылбурен роман-малпаськонысь оглюкетэз // Инвожо. – 2010. – № 1/2. – С. 42–43.]

[http://elibrary.unatlib.org.ru/handle/123456789/4116 Пи-пи-пи : выжыкыл сӥё кузьмадёс  // Кенеш. – 2011. – № 4. – С. 28–58.]

[http://elibrary.unatlib.org.ru/handle/123456789/6835 Похмелье : рассказ // Луч. – 2008. – № 9/10. – С. 68–73.]

[http://elibrary.unatlib.org.ru/handle/123456789/5628 Родниковое око : роман в стихах / авториз. пер. с удмурт. А. Демьянова // Луч. – 2010. – № 1/2. – С. 68–88 ; № 3/4. – С. 82–88 ; № 5/6. – С. 69–80.]

[http://elibrary.unatlib.org.ru/handle/123456789/5628 Родниковое око : роман в стихах : (отрывок) / авториз пер. А. Демьянова // Италмас. – 2010. – № 2. – С. 20–22.]

[http://elibrary.unatlib.org.ru/handle/123456789/7537 Сезьы ; Чуньы ; Ыгы : кылбуръёс / иллюстрациез Василий Мустаевлэн // Кизили. – 2012. – № 11/12. – С. 12.]

[http://elibrary.unatlib.org.ru/handle/123456789/8594 Сюлэм герд : малпаськон // Кенеш. – 2007. – № 11/12. – С. 73–75.]

[http://elibrary.unatlib.org.ru/handle/123456789/9523 Усьтӥськиз кадь инӧс ; Ӟечъяськон нунал ; Пыро чагыр вӧтад ; Улӥськод сюлэмам : кылбуръёс // Удмурт дунне. – 2009. – 31 июля. – С. 11.]

[http://elibrary.unatlib.org.ru/handle/123456789/9768 Чебер ныл : кылбур // Удмурт дунне. – 2011. – 9 марта. – С. 7.]

Чонари но кут ; Нингуби ; Сӥзьыл. Зӧкныд : кылбуръёс // Зарни дэремен шунды : семьяын лыдӟон книга. – Ижевск, 2006. – С. 91.

Шебелямъёс : повесть // Ӟечбур! – 2006. – 23 марта, 13, 20 апр., 11, 18 мая, 8, 22, 23 июня.

[http://elibrary.unatlib.org.ru/handle/123456789/5969 "Шудтэмлык юрттӥз" : лекмыт-серемес верос // Кенеш. – 2012. – № 2. – С. 94-97 : фот.]

[http://elibrary.unatlib.org.ru/handle/123456789/5231 Шумпотон синкыли но кузьыт... : кылбуръёс // Кенеш. – 2011. – № 10. – С. 3–8.]
 
[http://elibrary.unatlib.org.ru/handle/123456789/2495 Шундыпи ; Зор сярысь : кылбуръёс // Кизили. – 2009. – № 5/6. – С. 12 : ил.]

[http://elibrary.unatlib.org.ru/handle/123456789/8242 Юбер : кылбур // Вордскем кыл = Родное слово. – 2011. – № 4. – С. 4 обл.]

[http://elibrary.unatlib.org.ru/handle/123456789/2825 "Яратон анае, атае..." : "Ошмес син" нимо кылбурен романысьтыз люкетэз // Кизили. – 2010. – № 5/6. – С. 9. – (Быдӟым Вормонлы – 65 ар).]

=Берыктэмъёсыз=

[http://elibrary.unatlib.org.ru/handle/123456789/867 Ворончихин А. С. "Мон – Русьын будэм пи..." ; "Мар кельтӥськом дунне вылэ..." ; "Кудӥз-огез аслаз улытозяз..." ; "Усё, усё вир горд пипу куаръёс..." ; "Кин ке тани быдэс юртсэ кельтэм..." ; "Ӝожмыт мӧзмон ке омырскиз сюлмам..." ; "Туж уноез ачиз ассэ ыштэ..." ; "Виясь..." ; "Улон чиге..." ; "Кытчы гинэ эн вамышты Русьын..." ; "Тынад улонад..." : кылбуръёс // Инвожо. – 2007. – № 7/8. – С. 52.]

Ворончихин А. С. Валаме потэ ; Азвесь тылы : кылбуръёс // Ӟечбур! – 2006. – 11 мая. – С. 7.

[http://elibrary.unatlib.org.ru/handle/123456789/2976 Ворончихин А. С. Возьмалод на-а? : кылбур // Инвожо. – 2009. – № 10/12. – С. 79 ; Кенеш. – 2006. – № 10. – С. 51–53 ; Кенеш. – 2010. – № 4. – С. 34.]

Ворончихин А. С. Кузь ӝажы ; Возьмало меда? : кылбуръёс // Ӟечбур! – 2006. – 16 февр. – С. 7.

[http://elibrary.unatlib.org.ru/handle/123456789/4835 Ворончихин А. С. Яратон Михаил пиелы ; "Кутскем ужме мон уг куспаськы..." ; "Дунне вылэ потэмезлы..." ; "Изпоттонысь мрамор бордысь..." ; Алексеенко Ларисалы // Инвожо. – 2005. – № 11/12. – С. 82–83.]

[http://elibrary.unatlib.org.ru/handle/123456789/8129 Лейно Эйно. Дорлэн ӝожтӥськемез : кылбур // Кизили. – 2009. – № 8. – С. 12.]


'''Татчы 2005-тӥ арысен потэм чеберлыко статьяос гинэ пыртэмын, кылемъёсыныз тодматскыны быгатӥськоды [http://unatlib.org.ru/index.php?option=com_content&view=article&id=474&Itemid=319 Удмурт Элькунысь йӧскалык библиотекалэн электрон каталогъёсызъя].'''

=Уже кутэм литература=

<references />

[[Категория:Современные удмуртские писатели|Пукроков Фёдор]]