Редактирование: Поторочина Светлана

'''Поторочина Светлана Юрьевна''' (1980-тӥ арын 9-тӥ шуркынмонэ, Эгра ёрос, Чумой гурт) – кылбурчи, журналист.

[[Файл:Potorochina.jpeg|200px|thumb|right|Светлана Поторочина]]

=Улон сюресэз=

Поторочина Светлана Юрьевна вордскиз 1980-тӥ арын 9-тӥ шуркынмонэ Эгра ёросысь Чумой гуртын. 
Дышетскиз Дэбес педучилищеысь удмурт группаын. Бертыса, Эгра ёросысь Чумой школаын дышетӥз <ref name="mih"> Вӧлмыт бурдъёс / С. Поторочина; беседу вел В. Михайлов // ГТРК «Удмуртия» : [сайт]. – URL:  http://www.udmtv.ru/news/volmyt_burdes_efir_ot_22_03_2023/ – Дата публикации: 22 марта 2023.</ref>. Ужаз ГТРК «Удмуртия» телерадиокомпаниын диктор луыса.  2003-тӥ арын «Ингур» радиоын удмурт эфирез нуиз. Оксана Бисарен «Уйлы пумит» егитъёслы шоу-программалэн ведущийёсыз вал <ref name="bis"> Бисар О. «Кылзэ милемыз, учке милемыз!» – бӧтьырало Окси но Светӥ : [беседу вела с журналистами радио "Ингур" О. Калилина] / Оксана Бисар, Светлана Поторочина // Ашальчи. – 2003. – № 3. – С. 8–9.</ref>. 

Заочно амалэн Удмурт кун университетысь удмурт кылосбур факультетын дышетскиз. Ужаз «Удмурт дунне» газетлэн редакцияз. 2003-тӥ арын семьяеныз улыны выжиз Чутыр гуртэ <ref name="papa"> Поторочина, Светлана Юрьевна. Папа ныл: эссе // Удмурт дунне. – 2021. – 11 нояб. – С. 18. </ref>. Ужаз Мазьги (Лонки-Ворцы) школаын, Чутырысь нылпи садын <ref name="mih"/>. 

Собере Чутырысь культура юртлэн чеберлыкъя кивалтӥсез вал. 2020-тӥ арын Чутыр муниципал кылдытэтлэн кивалтӥсез Василий Корепанов ӵектӥз Светлана Поторочинаез «Удмурт дунне» газетлэн «Гурт адями» премиезлэн «Выжыоссэ утись» номинацияз вожвылъяськыны. В. Корепановлэн ивортэмезъя, «Деревенька моя» улоскуспо конкурсын «Тужгес азинлыко улос» номинациын вормиз, 2019-тӥ арын С. Поторочиналэн дышетэм пиналъёсыз фольклоръя Россиысь улосвыл конкурсын 3-тӥ инты басьтӥзы. Чутырын гуртоос пӧлын сям-йылолъёсты утён бордын тыршиз <ref name="kor"> Корепанов, Василий.  «Уг» шуыны дышемын ӧвӧл / Чутыр муниципал кылдытэтлэн кивалтӥсез Василий Корепанов // Удмурт дунне. – 2020. – 13 февр. – С. 28. </ref>. 

2022-тӥ арын Ижкарысь Н. А. Некрасов нимо библиотекаын удмурт кылъя курс нуиз. Али «Иднакар» издательствоын ужа.

=Гожъямъёсыз сярысь=

Кылбур гожъяны кутскиз 15 арескысен. Ачиз пусъе, «удмурт литературае но бадӟым улонэ сюрес усьтӥз Ирина Фёдоровна Тимирзянова» шуыса <ref name="pot"> Поторочина, Светлана Юрьевна. [Авторез вакчияк ачиз сярысь] // Нылкышно дауре: гуртысь удмурт кышномуртъёслэн чуръёссы. – Ижкар, 2021. – С. 90. </ref>. Дэбес педучилищеын удмурт группалэн кивалтӥсез И. Ф. Тимирзянова бурдъяз С. Поторочинаез литературной творчествоен вырыны. Удмурт университетын дышетскыкуз, печатласькиз «Удмуртский университет» газетын, «Инвожо» журналын. 2003-тӥ арын «Вордскем кыл» журналын «Тодосэ – нырысетӥ вамышъёс» рубрикаын С. Поторочиналэн «Ах, кылбурчи, ӵуж уӵы» нимо Михаил Федотовлэн улонэзлы но творчествоезлы сӥзем статьяез потӥз <ref name="pot1"> Поторочина С. Ах, кылбурчи, ӵуж уӵы!. : [о творчестве М. Федотова] / Светлана Поторочина // Вордскем кыл. – 2004. – № 2. – С.68–71 </ref>. 

Чумой гуртын 2 ар ӵоже ужакуз, пиналъёслы веросъёс гожъяз. Чутырысь нылпи садын ужан вакытаз, ас мылкыд каремезъя ӟучомем пиналъёслы удмурт кылын нимысьтыз занятиос ортчытӥз, нылпиослы кылбур малпалляз <ref name="mih"/>. Гожъяськиз, статьяосыз потазы Эгра ёросысь «Светлый путь», «Вакыт» ёрос газетъёсын.

Кылбуръёс гожъяз ас понназ, шараяз кылбуръёссэ 2019-тӥ арын, писателен Алексей Коробейниковен тодматскемез бере <ref name="mih"/> <ref name="pot2"> Поторочина С. Улон уг радъя юнме пумиськон // Коробейников А. В., Поторочина С. Ю. Классики: гражданская и любовная лирика, стихотворные переводы. – Ижевск: Иднакар, 2022. – С. 9–11. </ref>. Соин валче С. Поторочина поттӥз книгаос – «Игры без игрушек» (2020) пьесаосын сборник, ӟуч но удмурт кылын «Удм точка ру» (2021) кылбур бичет, берыктэм кылбуръёсын «Классики» (2022) бичет. «Игры без игрушек» (2020) пьесаосын сборнике С. Поторочиналэн 3 пьесаез пыриз. 

2021-тӥ арын кылбуръёсыз печатламын вал «Нылкышно дауре» бичетын. Отчы пыртэмын гуртысь удмурт кышномуртъёслэн чуръёссы.

«Удм точка ру» (udm.ru) книгаязы авторъёс пыртӥллям ог-огзылэсь кылысь кылэ берыктэм кылбуръёсэ. А. Коробейников ӟуче выжтэм С. Поторочиналэсь удмурт кылын гожтэм чуръёссэ, мукет дыръя удмурт кылбурчи ӟуч кылын гожъясь авторлэсь гожъямъёссэ удмуртэ берыктэ. Озьы, гожтэ А. Шумилова, «книгаын 2 пӧртэм дуннеос пӧлэстӥськыса кошко: удмурт но ӟуч кылъёс, нылкышнолэн но воргоронлэн дуннеез шӧдэмзы, гуртысь но городысь улӥсьёслэн малпанъёссы» <ref name="shum"> Шумилова, Анастасия Петровна. Кык ярдуръёсысен учкыса / Анастасия Шумилова // Удмурт дунне. – 2021. – 18 марта. – С. 15. </ref>. 

2023-тӥ арын А. Коробейников но С. Поторочина поттӥзы  «Музон улон = Потусторонний мир» выль кылбур бичет. В. Шибанов гожтэ, кык кылын книга тодэ вайытэ эпистолярной жанрез, куке ог-огзылы синмаськем муртъёс Интернет пыр кусып возё. Эгра ёросысь Светлана удмурт кылын гожтэ, Ижкарысь Алексей солы ӟучен вазиське. Таӵе гожтэтъёс кылысь кылэ берыктон ӧвӧл ни, шонерзэ вераса, соос эрико переложение луо – «скорее, являются вольными переложениями» <ref name="shib"> Шибанов, Виктор Леонидович. Незрячестью кичиться глупо. О гражданской лирике сегодняшней Удмуртии / Виктор Шибанов // Литературная Россия. – 2023. – № 5. – 09 февраля. </ref>.    

2022-тӥ арын «Удмурт дунне» газетлэн «Атай» конкурсаз пыриськыса, «Папа ныл» эссе гожтыса, С. Ю. Поторочина нырысетӥ инты басьтӥз. 

2023-тӥ арын Удмуртиысь Писательёслэн союззылэн ёзчиез луиз.

=Библиография=

==Книгаосыз==

Коробейников А. В., Поторочина С. Ю. Игры без игрушек: пьесы про войну. – Ижевск, 2020. – 128 с.

Коробейников А. В., Поторочина С. Ю. Удм точка ру : [двуязычная поэтическая антология]. Ижевск: Иднакар : Институт компьютерных исследований, 2021. – 235 с. 

Коробейников А. В., Поторочина С. Ю. Классики: гражданская и любовная лирика, стихотворные переводы. – Ижевск: Иднакар, 2022. – 234 с.

==Кылбуръёсыз==

Сяськаялоз нылкышно дауре! : [кылбуръёс] : Эгра ёросысь Чутыр черкогуртысь Светлана Поторочиналэн чуръёсыз // Удмурт дунне. – 2021. – 18 марта. – С. 17. – (инГОЖ). – Пуштросэз: Пӧсьтэм чидан ; Сӥзьыла ; Кузьым ; Ӟеч сям ; Ныл юон ; Бер потэм чипы.

Сӥзьыла ; Тау карисько ; Пӧсьтэм чидан ; "Вылыз кильтро, пушкыз колтро..." ; Ӟеч сям ; Ныл юон : [кылбуръёс] / Светлана Поторочина. // Нылкышно дауре : гуртысь удмурт кышномуртъёслэн чуръёссы. – Ижкар, 2021. – С. 90–93. 

Сяськаясь ныл дыр выллем : Светлана Поторочиналэн пӧртэм буёло чуръёсыз // Удмурт дунне. – 2022. – 15 сент. – С. 17. - (инГОЖ). – Пуштросэз: Герд ; Узырлык ; Тон – усьтон ; Нылкышнолэн адӟонэз ; Ныл юон ; Воштӥськон ; Тазьы, дыр, улоно ; Дунъет ; Ачим сярысь.

Кошкисез мед кошкоз ; Герд ; Сӥзьыл ; Улон - со улон! : [кылбуръёс] // Инвожо. – 2022. – № 3. – С. 30–31.

Удмурт сям ; Вашкала шыкыс ; Вунэтод шат со дырез ; Воштӥськон ; Тазьы, дыр улоно ; Кошкисез мед кошкоз ; Тон – усьтон ; Нуныям пинал ; Укно сопалан ; Сӥзьыл мылкыд ; Аслам ; Яратса гинэ ; Асме ӵошатӥсько ; Сояз улонам луо мон бурдо ; Мон улӟо ; Лыдъян ; Капчизэ утчаса ; Лымыпогъёс ; Дырлы ёрмем ; Уло тодэваёнъёсын ; Сыӵе но луиськом, уга ; Ку улом? ; Выль ар уе ; Пумыз : [кылбуръёс] / Светлана Поторочина. // Классики : гражданская и любовная лирика, стихотворные переводы / Коробейников А. В., Поторочина С. Ю. – Ижевск, 2022. – С. 27–28, 30–32, 34–51, 53, 55–58, 63–70, 74–75, 79–81.

==Статьяос, интервью==

Ортчиз даур, сюлэм висе..." : [о заслуж. учителе УР, бывшем зав. роно Алнаш. райисполкома В.А. Ильине] / Поторочина С. // Удмурт дунне. – 2001. – 19 сент.

Школае вамышто... анай-атайёс : [о гимназии им. К. Герда] / Поторочина С. // Удмурт дунне. – 2001. – 4 сент.

Шунытэн пыӵатэм даур : [о бывшей учительнице Чумойс. шк. Игрин. р-на А.И. Ипатовой] / С. Поторочина // Удмурт дунне. – 2002. – 12 марта.

Исламгареев, В. Кизили-а зориз, башкир вир-а юрттӥз? : [беседа с композитором, артистом и журналистом] / В. Исламгареев ; С. Поторочина. // Удмурт дунне. – 2002. – 22 янв.

Просто фантастика! : [о студентке УдГУ Е. Шутовой, пишущей фантаст. сказки] / Светлана Поторочина // Удмурт. ун-т. – 2004. – 2 июня. – С. 13.

Знай лучших! : [о науч. деятельности студентки 5-го курса фак. удмурт. филологии Удмурт. гос. ун-та Е. В. Родионовой] / Светлана Поторочина // Удмурт. ун-т. – 2004. – 28 сент. – С. 5.

Живи, село, и процветай! / С. Поторочина // Светлый путь. – Игра, 2019. – 27 авг. – С.2.

==Творчествоез но улэмез сярысь ужъёс==

Шумилова, Анастасия Петровна. Кык ярдуръёсысен учкыса / Анастасия Шумилова // Удмурт дунне. – 2021. – 18 марта. – С. 15.

Шибанов, Виктор Леонидович. Незрячестью кичиться глупо. О гражданской лирике сегодняшней Удмуртии / Виктор Шибанов // Литературная Россия. – 2023. – № 5. – 09 февраля. 

=Уже кутэм литература=

<references />

[[Категория:Современные удмуртские писатели |Поторочина Светлана]]