Редактирование: Лаптев Александр

'''Александр Михайлович Лаптев''' - удмурт гожъяськись, критик, журналист, Удмурт Элькунысь гожъяськисьёслэн огазеяськонзылэн ёзчиез, Россиысь сӥё-дано журналист.

[[Файл:La1.jpg|170px|right| Александр Лаптев]]

=Улон сюресэз=

Александр Михайлович Лаптев вордскиз '''1958'''-тӥ арын 28-тӥ инвожое Алнаш ёросысь Юртошур-Какси гуртын. <ref name="уваров"> Уваров А. Александр Лаптевлэн // Писатели и литературоведы Удмуртии : биобиблиогр. справ. / Сост. А. Н. Уваров. – Ижевск, 2006. – С. 159. </ref>
Атаез, Михаил Павлович, «Родина» колхозын тракторист но, дуриськись но луыса ужаз, нош анаез, Дарья Алексеевна, та хозяйствоын ик пудо-живот утялтӥз но будэтӥз. Семьяын, ньыль нылпи пӧлысь, Саша бадӟымез вал. Пичи дырысеныз пияш мае ке но тодны, валаны тыршылӥз, туж тыршыса дышетскиз. Соин ик дышетӥсьёс пияшез котьку мукет пиналъёслы син азязы адӟем карымон пуктылӥзы. Соосызлэн вожзы потылӥз, Сашаез сантэманыгес вырылӥзы. Озьы, пинал дырысен, Сашалэн самой ӟеч но умой эшъёсыз луизы книгаос. Пияш туж трос лыдӟиськиз, но валаса – ки улаз мар сюрем ӧз кыска. Нош 6-тӥ классысен со эшъяськиз «Дась лу!» газетэн. <ref name="арсерги"> Ар-Серги В. «В отношении удмуртской литературы – я не пессимист…» // Вы чаще смотрите на рассвет!.. / Александр Лаптев. – Ижевск, 2011. – С. 3–10. </ref>
[[Файл:La2.jpg|200px|thumb|left|Кузпалэныз [[Игнатьева Римма|Римма Игнатьеваен]]]]
'''1976'''-тӥ арын Саша Лаптев пыриз дышетскыны Удмурт кун университетысь филология факультетэ. Татын огвакыт со дышетскиз али шаерамы тодмо луэм литераторъёсын но журналистъёсын: Сергей Васильевен, Михаил Федотовен, Николай Танаевен, Пётр Сергеевен, [[Хайдар Рашит|Рашит Хайдаровен]] но мукетъёсыныз. Соос мылысь-кыдысь пыриськизы университетысь литературно-творческой кружоклэн ужаз но элькунысь газетъёслэн литобъединениослэн занятиосазы. Саша Лаптев соку ик ини выль потэм книгаослы рос-просэсь рецензиос гожъяны кутскиз. Сыӵе малпаськыса но тыршыса ужамез ик юрттӥз студентлы диплом но гожтыны. Нош диплом Александр гожтӥз Элькунысьтымы калык писательлэн, Семён Самсоновлэн романъёсызлэн но повестьёсызлэн жанровой аспӧртэмлыксы сярысь. <ref name="арсерги" />
   
'''1981'''-тӥ арын, дышетсконзэ быдтыса, Александр Лаптев ужаны интыяськиз «Дась лу!» газетэ. Татын со сюлмысь кутскиз уж борды, командировкаослэсь ӧз палэнскылы. Та аръёсы егит журналист умой тодматскиз удмурт шаереныз, вуылӥз ваньмаз сямен ёросъёсы но гуртъёсы. Нош уйёсы гожъяськиз… <ref name="уваров" />

Ньыль ар тыршемез бере, '''1985'''-тӥ арын сое ӧтизы Удмуртиысь писательёслэн огазеяськонзылэн «Молот» (али «Кенеш») журналазы ужаны. Отын соку валтӥсь редактор А. Н. Уваров вал, Сашалэн аспалмуртэз (землякез). Со туж шумпотыса но бадӟымесь осконъёсын пумитаз пинал ужасьсэ. Александрез кутӥзы поэзияя но критикая ёзэтэ. Валтӥсь редакторлэн возьманъёсыз кема ӧз ӝегалэ. Кык ар ужамез бере, Александр Лаптев Дубултаын (Латвия) ортчем егит критикъёслэн Всесоюзной семинаразы пыриськиз ини.
  
Но '''1991'''-тӥ арын А. М. Лаптев журналысь кошконо луэ. Писательёслэн огазеяськонзылэн Чеберлыко литератураез вӧлмытонъя (пропогандая) бюрояз кӧня ке ужамез бере, берытске ужаны азьло интыяз ик – «Дась лу!» газетэ. 

Александр Михайловичлэн творчество удысын эшшо одӥг тунсыкъяськон ӧрез вань на. Со калык куспо эсперанто кылэз удмуртъёслы валамон каре. '''2000'''-тӥ арын Екатеринбургын потэм эсперантоя учебниклэн одӥгез авторез луэ.

'''2000'''-тӥ арын Александр Михайлович Лаптевлы сётэмын вал «Россиысь сӥё-дано журналист» ним. Берло аръёсы А. Лаптев быдэсак потӥз профессиональной гожъяськон ужэ. <ref name="арсерги" />

=Гожъямъёсыз сярысь=

Гожъяськыны Саша кутскиз школаын дышетскыкуз. Нырысь публикациосыз: пичияк заметкаос, веросъёс но кылбуръёс – печатласькизы «Дась лу!», «Алнаш колхозник», берлогес «Советской Удмуртия» газетъёсын но «Кенеш» журналын. Авторлэн куд-ог веросъёсыз печатласькизы [http://elibrary.unatlib.org.ru/handle/123456789/1408 «Быльырам синкыли»] (1997) огъя бичетын. Николай Байтеряковлэн улонэзлы но творчествоезлы сӥзем интервьюысьтыз оглюкетэз пыртэмын 8-тӥ класслы чаклам «Удмурт литература» учебнике-хрестоматие, кӧня ке кылбуръёсыз потӥзы Таллинын дасям «Азвесь лодка» антологиын. Покчи лыдӟисьёслы [http://elibrary.unatlib.org.ru/handle/123456789/1426 «Кизили»] журнал дэмлалля Александр Лаптевлэсь веросъёссэ. <ref name="уваров" />
[[Файл:La3.jpg|350px|thumb|right|]]
'''1997'''-тӥ арын поттӥз веросъёсын но визь-нодъёсын «Хи-хи» бичетсэ. Удмурт писательёслэн произведениосынызы оградын та книга сярысь тодосчи В. Л. Шибанов гожъяз «Литературная Россия» газетын «Лики и отражения» статьяяз. <ref name="хайдар">[http://elibrary.unatlib.org.ru/handle/123456789/8829 Хайдар Р. Шып гожъяськись // Удмурт дунне. – 2008. – 15 июля. – С. 6.] </ref>
 
Александр Лаптев веросъёсаз сьӧд буёлзэ уг жаля. Югыт дуннеез сьӧдмаса возьматон ӧвӧл со. Автор сюлэм пыртӥз поттэ туала улонысь лэчыт ужпумъёсты, шара возьматэ кырсь интыосты, чеберъятэк суреда азгынмем кивалтӥсьёсты. Со вакытэ ик веросчи ас понназ серекъя но. Серекъямаз мӧзмытэз вань. "Хи-хи" книгаез аспӧртэм каро визь-лул быртыкъёс — визьысь но лулысь потэм веран шапыкъёс. Соос нырысьсэ печатласькизы [http://elibrary.unatlib.org.ru/handle/123456789/164 "Инвожо"] журналын. Лаптевлэн "быртыкъёсызлы" журнал бамъёсы вуыны капчи ӧй вал. Редколлегилэн членъёсыз пӧлын но со гожъямъёсты поттыны пумитъяськисьёс сюризы. Номыр вылез, ӟечез отын ӧвӧл, пе. Укыр лек верамын но мыскыл каремын. Татын лулысь потэм шапыкез уг шӧдӥськы. Адями визьлэн малпанэз со. Кызьы, малы, кыӵе муген, ку кылдэмын? — таиз ини мукет ужпум. Александр Лаптев семья кылдытон пумысен индылон уг сёты, ас малпанзэ гинэ вера. Лыдӟисьлы кельшон сярысь автор уг сюлмаськы. Со нырысь интые пуктэ верано кылзэ.

Визь-лул быртыкъёсыз пыр Лаптев учке уно адями сямъёс, удысъёс, ужпумъёс шоры. <ref name="бадретдинов"> Бадретдинов У. Малпан но дӥсьтон // Кенеш. – 1998. – № 9. – С. 55–56. </ref>

Газет-журналъёсын кызь вить арлэсь кема тыршытозяз, литература удысэз ялан нуыса, Александр Михайлович удмурт писательёслэн улонзы, творчествозы сярысь лачак ужъёссэ лыдӟись доры вуттӥз. Берло аръёсы уго пӧлысьтызы тросэз сярысь чылкак гожъямысь но дугдӥзы ни вал. Кылсярысь, вуныны кутскем писательёслэн ӵыжы-выжыоссылэсь, эшъёссылэсь, тодмооссылэсь юалляськыса кылдытӥз Евграф Баранов, Николай Васильев, Пётр Блинов, Льӧм Маня (Мария Баженова), Степанида Иванова, Георгий Петухов, Тимофей Иванов, Георгий Архипов но данак мукетъёсыз сярысь портретъёс – тодмотэм учыръёсты шараянъёс, писательёсмылэн та югыт дуннеысь пӧртэм сямен куспетӥ кошкемзылы паймыса, адӟонзылэсь мугзэ валаны турттыса. Выль шедьтонъёс вылын син азе пуктэмын, шуыны луоз, ортчем XX даурысь удмурт литературалэн трагедиен вужерам сюресэз. <ref name="хайдар" /> 

Та ужъёссэ огазе люкаса, 2008-тӥ арын А. Лаптев «Тӥ учке ӵемгес ӵукпала…» книгазэ поттӥз. Книга куинь люкетлэсь: рецензиос, статьяос но интервьюос. Рецензиос люкетаз автор эскере пиналъёслы гожъясьлэсь Аркадий Клабуковлэсь [http://elibrary.unatlib.org.ru/handle/123456789/7531 «Палбам»] повестьсэ, Николай Байтеряковлэсь [http://elibrary.unatlib.org.ru/handle/123456789/1406 «Сьӧд валъёс»] прозаен книгазэ, [[Бадретдинов Ульфат|Ульфат Бадретдиновлэсь]] [http://elibrary.unatlib.org.ru/handle/123456789/63 «Ӵушъял вордӥське веньёстэк»] гожтэмзэ но мукетъёссэ. <ref name="гаврилова">[http://elibrary.unatlib.org.ru/handle/123456789/9432 Гаврилова-Решитько М. «Тӥ учке ӵемгес ӵукпала…» // Удмурт дунне. – 2009. – 31 март. – С. 7.] </ref>
Кыкетӥ люкетаз автор пыртэ вуныны кутскем писательёс сярысь статьяоссэ.

Книгалэн куинетӥ люкетаз автор пыртэ Н. Байтеряковен, Г. Ходыревен, А. Уваровен, П. Черновен интервьюоссэ. Александр Лаптев туж умой лэсьтэм: нырысь ик писательёсты буре ваён мынэ, собере соосын выльысь пумиськиськод но, сюлмаськонъёссэс, малпанъёссэс быдэстытэк кошкемзэс шӧдӥськод. Та книгаяз А. Лаптевлэн малпаськись, трос лыдӟыны но тодыны тыршись автор луэмез шӧдӥське. Кин ке сярысь гожтон азяз со уг аналскы вуж газетъёсты бугыръяны, архиве вамыштыны. <ref name="гаврилова" /> 
А. Лаптевлэн гожъяськон манерез (стилез) вольыт, валамон, лыдӟисез бордаз кыскись. <ref name="бадретдинов" />

=Библиография=

==Книгаосыз==

Гизьыриё улмо но велик : нылпиослы веросъёс. - Ижевск : Удмуртия, 2020. – 93 с.

Пуньылэн пыдыз потӥз : нылпиослы веросъёс. - Ижевск : Удмуртия, 2018. - 93 с.

[http://catalog.unatlib.org.ru/cgi-bin/1/cgiirbis_64.exe?LNG=&C21COM=F&I21DBN=IKNBU&P21DBN=IKNBU&Z21ID= Вы чаще смотрите на рассвет!.. – Ижевск : Изв. Удмурт. Респ., 2011. – 23 с. – (Библиотека "Известия Удмуртской Республики" / авт. сер. Вячеслав Ар-Серги. Ближние родники).] 

[http://elibrary.unatlib.org.ru/handle/123456789/65 "Тӥ учке ӵемгес ӵукпала..." : кылдунъетъёс, кылужъёс, юан-валэктонъёс. – Ижкар : Инвожо, 2008. – 246 с.]
 
[http://elibrary.unatlib.org.ru/handle/123456789/7265 Хи-хи : веросъёс, визь-лул быртыкъёс. – Ижевск : Тодон, 1997. – 95 с.]

Чупа-чуп! : нылпиослы веросъёс. - Ижевск : Удмуртия, 2013. - 93 с.

==Статьяосыз==

[http://elibrary.unatlib.org.ru/handle/123456789/7944 Азьветлӥсь : верос // Ӟечбур! – 2012. – 14 июня. – С. 4.]

[http://elibrary.unatlib.org.ru/handle/123456789/4300 Гаӵоло : верос // Инвожо. – 2011. – № 3/4. – С. 76–79.]

[http://elibrary.unatlib.org.ru/handle/123456789/2481 Гуштон : верос // Кизили. – 2009. – № 3. – С. 4–5.]

[http://elibrary.unatlib.org.ru/handle/123456789/5399 Йӧнтэм из : нылпиослы верос // Вордскем кыл = Родное слово. – 2011. – № 8. – Вкл. л. – ("Вордскем кыллэн" книжкаез).]

[http://elibrary.unatlib.org.ru/handle/123456789/5859 Квартирант : рассказ / пер. с удмурт. Риммы Игнатьевой // Луч. – 2011. – № 7/8. – С. 65–70. – (Библиотека малого жанра).]

[http://elibrary.unatlib.org.ru/handle/123456789/1668 Керо курег : верос // Кизили. – 2008. – № 10. – С. 4–5.]

[http://elibrary.unatlib.org.ru/handle/123456789/1561 Кири : верос // Кизили. – 2007. – № 4. – С. 6–7.]

Кӧйыз-а сюриз, пие? : верос // Азвесь кышетэн толэзь : веросъёс : семьяын лыдӟон книга / люказ но радъяз В. Н. Ившин. – Ижевск, 2007. – С. 71.

[http://elibrary.unatlib.org.ru/handle/123456789/2390 Лӧбы : нылпиослы верос // Вордскем кыл. – 2009. – № 7. – Вкл. л. – ("Вордскем кыллэн" книжкаез).]

[http://elibrary.unatlib.org.ru/handle/123456789/6383 Ляпа : верос // Кизили. – 2012. – № 5/6. – С. 4–5.]

[http://elibrary.unatlib.org.ru/handle/123456789/3006 Муртъёс : верос // Удмурт дунне. – 2009. – 22 апр. – С. 6–7 ; Кенеш. – 2010. – № 5/6. – С. 76–82.]

[http://elibrary.unatlib.org.ru/handle/123456789/7376 Ӧпкелён : верос // Кенеш. – 2012. – № 8. – С. 30-33.]

[http://elibrary.unatlib.org.ru/handle/123456789/3404 Ӧтьымтэ куно : верос // Инвожо = Альманах удмуртского ПЕН-клуба. – 2010. – № 5/6. – С. 87–92.]

[http://elibrary.unatlib.org.ru/handle/123456789/9361 Пуньылэн пыдыз потӥз : верос / иллюстрациез Галина Ивановалэн // Кизили. – 2013. – № 5/6. – С. 6-7 : ил.]

[http://elibrary.unatlib.org.ru/handle/123456789/10042 Пыжем картофка : верос // Удмурт дунне. – 2012. – 11 июля. – С. 6–7. – (ИнГОЖ).]

[http://elibrary.unatlib.org.ru/handle/123456789/9637 Скаллэн йӧлыз кыл вылаз ; Пась кенер : нылпиослы веросъёс // Удмурт дунне. – 2010. – 1 июня. – С. 7.]

[http://elibrary.unatlib.org.ru/handle/123456789/9838 Чагы : нылпиослы верос // Удмурт дунне. – 2011. – 24 авг. – С. 8.]

[http://elibrary.unatlib.org.ru/handle/123456789/9622 Чарли : верос // Удмурт дунне. – 2009. – 23 дек. – С. 7.]

[http://elibrary.unatlib.org.ru/handle/123456789/2833 Чуп! : верос // Кизили. – 2010. – № 7. – С. 4–5.]

[http://elibrary.unatlib.org.ru/handle/123456789/8829 Ӵынкыт дунне : верос // Удмурт дунне. – 2008. – 15 июля. – С. 6 ; Инвожо. – 2009. – № 1/2. – С. 74–81.]

[http://elibrary.unatlib.org.ru/handle/123456789/10196 Шымыран : верос // Кенеш. – 2013. – № 5-6. – С. 34-54.]

[http://elibrary.unatlib.org.ru/handle/123456789/1627 Эрке писей : верос // Кизили. – 2008. – № 7. – С. 6–7.]

[http://elibrary.unatlib.org.ru/handle/123456789/7056 Югыт дуннелэсь кин ӵыдэм : верос // Инвожо. – 2012. – № 4/5. – С. 98–103. – (Удмурт ПЕН-клуб. Альманах).]

[http://elibrary.unatlib.org.ru/handle/123456789/9726 Юрттӥськизы : верос // Удмурт дунне. – 2010. – 17 нояб. – С. 7.]

==Берыктэмъёсыз==

Ӟичы, тылобурдо но кырныж ; Куинь вынъёс : ненец выжыкылъёс // Ӟечбур! – 2006. – 12 окт. – С. 4.

Лев Ф. Чукай : верос // Ӟечбур! – 2006. – 2 февр. – С. 12–13.


'''Татчы 2005-тӥ арысен потэм чеберлыко статьяос гинэ пыртэмын, кылемъёсыныз тодматскыны быгатӥськоды [http://unatlib.org.ru/index.php?option=com_content&view=article&id=474&Itemid=319 Удмурт Элькунысь йӧскалык библиотекалэн электрон каталогъёсызъя].'''

=Уже кутэм литература=

<references />

[[Категория:Современные удмуртские писатели|Лаптев Александр]]