Редактирование: Кузнецов Николай

'''Николай Спиридонович Кузнецов''' - историк но публицист, Россиысь писательёслэн огазеяськонзылэн ёзчиез, Удмуртиысь сӥё-дано журналист.

[[Файл:Kuznecov2.jpg|thumb|right|]]

=Улон сюресэз=

Кузнецов Николай Спиридонович вордӥськиз Алнаш ёросысь Актэмыр гуртын '''1947'''-тӥ арын 15-тӥ толшоре. <ref name="уваров"> Уваров А. Николай Кузнецов (1947) // Писатели и литературоведы Удмуртии : биобиблиогр. справ. / сост. А. Н. Уваров. – Ижевск, 2006. – – С. 71–72. </ref>

Коля быдэсмиз ӵужанаен-ӵужатаез вӧзын. Соослы анай-атай шуыса вазиськылӥз. Ӵужатаез пияшлы анай-атайзэ воштӥз, сое сюрес вылэ ӝутӥз. Анаез мукет семья кылдытӥз, атаез, Быдӟым ожын куиньпол сӧсыртэм мурт, нимаз улӥз. Но Коля туж ӧз куректы. Пичи дырысен со оломаин но тунсыкъяськылӥз, азьпал улонзэ умой адӟемысь ноку но ӧз дугдылы.  <ref name="федоровазечезлы">[http://elibrary.unatlib.org.ru/handle/123456789/4653 Фёдорова Е. Ӟечезлы осконэн : Николай Кузнецовлы – 60 // Кенеш. – 2007. – № 1. – С.83–87.] </ref>
  
Школаын дышетскыкуз, Колялэн туж дышетӥсь луэмез потэ вал. Ӵужатаез но мылкыдзэ бурдъяз: «Можга педучилищее пырыны быгатӥд ке, со туж умой луысал – дышетӥсьёсыз гажало». Мукет мугез но вал на: ас вакытаз отын дышетскиз Михаил Тимашев, эшез но ӵыжы-выжыез. Оло, маке но шедьтод, пе, со сярысь. Озьы-а, тазьы-а, но Колялэн малпанэз быдэсмиз. '''1962'''-'''1966'''-тӥ аръёсы Можга педучилищеын дышетскиз. <ref name="сараматова"> Сараматова Е. Котькудӥзлэн кылчинэз аслаз // Удмурт кизилиос : очерки, зарисовки, интервью (2001-2007). – Ижевск, 2007. – С. 194–195. </ref>

Дыр вуэмъя Николайлэн армие кошкон дырыз вуиз. Китай кунгож доры сюриз, пограничник вал. Нош арми бере Можгаын «Ленинской знамя» газетлэн редакцияз ужаз. <ref name="уваров" />
Москвае ыстыкузы, туж дӥсьтытэк дышетскыны мынӥз. Ӵужатаез келякуз шуиз: «Быдэс Союзын одӥг гинэ сыӵе дышетсконни. Оскы аслыд! Созэ но эн вунэты: тон музъем бордысь крестьян пияш. Тыныд номырин юрттӥсед уз луы. Мон пересьми ни, атаед тонэн улэмын ӧвӧл. Тон тыпак огнад. Но мылкыдыд вань ке, азьлань гинэ!» Озьы Николай Кузнецов СССР-ысь Кышкытлыклэсь утиськонъя Москваысь вылӥ школазэ (али академия) йылпумъяз, офицер луиз… <ref name="сараматова" />

Берло Удмурт кун университетын англи кылъя дышетӥсьлэсь дипломзэ басьтӥз. Удмурт, ӟуч, англи но немец кылъёсын вольыт вераське. 
Туж троссэ вунэтэм нимъёсты калыклы нырысьсэ берыктӥзы '''1956'''-тӥ арын. Кыкетӥез сыӵе ужрад ӧръяськиз 1989-тӥ арын. Удмуртиын сое быдэстон понна пресс-группа кылдытӥзы. Отчы пыртӥзы ньыльзэ вылӥ кивалтӥсьёсты но   Николай Спиридонович Кузнецовез. Н. Кузнецов со вакытэ майор вал ини. <ref name="федоровашимес">[http://elibrary.unatlib.org.ru/handle/123456789/9957 Фёдорова Е. Шимес пеймытысь поттӥз // Удмурт дунне. – 2012. – 18 янв. – С. 6.] </ref>

Кема аръёс ӵоже Николай Спиридонович ворсам структураосын ужаз. Со ас ужзэ ӟеч быдэсъяз, подполковникозь будӥз. Но со удмурт калыкезлы мукет вунонтэм дануж (подвиг) лэсьтӥз – кӧшкемыт аръёсы сантэмам, ыбылэм, пытсэтын сисьтэм удмуртъёсты, пеймыт сюе согем азьмынӥсьёсмылэсь нимъёссэс, данзэс, чылкыт сюлэмзэс выльысь кыре поттӥз, асьмеды соослэн секыт адӟонъёсынызы тодматӥз. <ref name="ломагин"> Ломагин К. Николай Кузнецовен пумиськон // Удмурт дунне. – 1999. – 16 март. – С. 4. </ref>
Николай Спиридонович пенсие потэм бере, чупрес сямо тодосчи [[Яшина Роза|Роза Ивановна Яшина]] сое «Удмурт кенеше» ужаны ӧтиз, вице-президентэ пуктӥз. Соин ӵошен ньылетӥ ӧтчамез дасязы но ортчытӥзы. Но, Роза Ивановна кивалтонысь кошкемен, Николай Спиридоновичлы но «ӟеч» муртъёс ужаны ӧз сётэ ни. <ref name="сараматова" />    
Али Николай Спиридонович ужатэк улыны быгатэ ни. Но со тэк уг пукы. Репрессия улэ сюрем удмурт интеллигентъёс сярысь ньыль но Быдӟым война вакытэ дано луэм удмуртъёс, Александр Невский туж дано орденэн пусъем адямиос сярысь куинь книгаос поттӥз. <ref name="федоровазечезлы" />

=Гожъямъёсыз сярысь=

Гожъяськыны Коля Кузнецов кутскиз Можга педучилищеын дышетскыкуз. Нырысетӥ кылбуръёсыз но вакчиесь веросъёсыз печатласькылӥзы ёросъёсысь но элькун газет-журналъёсын. Куд-ог кылбуръёсыз огъя бичетъёсы но сюрылӥзы. Кылсярысь, 1964-тӥ арын потэм «Чагыр инбам» сборнике пыризы «Гажан ныл» но «Актэмыр»  кылбуръёсыз. <ref name="уваров" />
1989-тӥ арын вунэтэм нимъёсты калыклы берыктон ужрад борды басьтӥськеменызы, пресс-группае Николай Спиридонович но сюриз. Уго, ӧжытак ке но журналистикаен вырыны быгатӥсьёс кулэ луизы. Н. Кузнецов газет-журналъёсы материалъёс гожъялляз, Удмурт телевидениын Семён Карповен ӵош нимысьтыз передачаос нуизы. <ref name="федоровазечезлы" />  
1991-тӥ арын пичи гинэ, брошюра быдӟа сяна ик ӧвӧл, «Ум вунэтэ» книгаез потӥз.

1992-тӥ арозь со нимаз-нимаз печатлам очеркъёс уно гинэ люкаськизы. Малпамын вал «Шимес пеймытысь» нимо книга поттыны. Собере эшшо ӟуч но англи кылъёсын книгаосыз потӥзы: «Из мрака…» (1994), «To Light… To Life» («К свету… К жизни») (1998). Вань очеркъёс  зэмос  материалъёс вылэ пыкиськыса, архивъёсын утчаськыса гожъямын. <ref name="уваров" />
Та книгаяз Николай Спиридонович зэмлыкез шараяны тыршиз. «Дӥсьтыса вамыштӥд, нош дыр воштӥськиз ке, астэ но уз зӥбе меда?», – шуисез но вал. Нош гожъяськись малпамъя, улонмы но, калыкмы но воштӥськизы, репрессиос уз луэ. Со нокин вылэ но пож ву ӧз кисьта ук. «Кызьы вань, озьы гожтӥ, ас малпанъёсме усьтылӥ, югдурез йырин-чукин ӧй берыкъя!», – вера Н. Кузнецов. <ref name="федоровазечезлы" />
  
Вормон нуналлы 60 ар тырмонэн валче, 2005-тӥ арын Н. С. Кузнецов «Славы воинской творцы» книга поттӥз. Таяз учыре но автор удмуртъёслэсь ож лудъёсын кышкасьтэм, сэзь, шаплы луэмзэс возьматӥз. <ref name="федоровазечезлы" /> 
Быдӟым ож дыръя орденъёсын но боевой медальёсын 19 сюрс 229 удмурт адями пусъемын, 11 муртлы Совето Союзлэн Героез ним сётэмын но мукетъёсыз. <ref name="соловьев">[http://elibrary.unatlib.org.ru/handle/123456789/8732 Соловьёв Н. Удмурт батыръёс. Кинъёс соос? // Удмурт дунне. – 2008. – 18 янв. – С. 5.] </ref>

2009-тӥ арын «Воинская слава Удмуртии» выль нигаез лыдӟисьёс кие вуиз. Со 1941-1945-тӥ аръёсы ортчем Быдӟым тыложлэн 65 ар тырмонэзлы сӥземын. Татчы шаерысьтымы 1 сюрс 130 ожгарчиосмылэн но озьы ик интернационалистъёслэн нимъёссы пыртэмын, соослэн яркыт подвиг лэсьтэмзы сярысь вакчияк гинэ гожтэмын. Шаерамы Быдӟым тыложлы сӥзем таӵе историко-документальной книга нырысетӥез луиз. <ref name="нянькина">[http://elibrary.unatlib.org.ru/handle/123456789/2978 Нянькина Л. Дауръёслы синпель книга // Кенеш. – 2010. – № 4. – С. 35–41.] </ref>

Та ужез-проектэз борды Николай Спиридонович 2000-тӥ арын басьтӥськиз. Сое «Удмуртилэсь историзэ тодон» шуыса нимаз, нокинлы вазиськытэк, уж борды басьтӥськиз. Кӧня архив матеиалъёсыз бугыръяно, лыдӟиськонниосын пуконо но кӧня калыкен пумиськылоно-вераськоно луиз – ачиз гинэ, дыр, тодэ! Но книга вордӥськиз. <ref name="нянькина" />  

2012-тӥ арын пӧсьтолэзе Николай Кузнецовлэн «Великой славы светлая память» выль книгаез потӥз. Отчы пыртэмын 1 сюрс 280 ожгарчилэн нимтулыз, ваньзы соос вордскем музъеммес утисьёс но асьмелы Быдӟым Вормонэз кузьмасьёс. Соослэн подвигзы пӧрэм бадӟым наградаосын пусъемын. Книга дасямын энциклопедия выллем, бичет люкемын темаосъя: тужгес яркыт подвигъёс (300 нимтул), асьме кышномуртъёс войнаын ( 405 нимтул), фронтэ ветлэм агай-вынъёс (15 семья), 1945-тӥ арын 24-тӥ июне Вормонлы сӥзем парадэ пыриськемъёс (50 мурт), фронтовик тодосчиос (12 адями) но мукетъёс. <ref name="семенова">[http://elibrary.unatlib.org.ru/handle/123456789/10042 Семёнова Г. Вормонын котькудӥзлэн аслаз интыез // Удмурт дунне. – 2012. – 11 июля. – С. 2.] </ref>
Николай Кузнецовлэсь ужзэ адӟытэк ӧз кельтэ. Со – Удмуртиысь сӥё-дано журналист, Удмуртилэн Кун премиезлэн, Кузебай Герд нимо премилэн лауреатсы луэ. <ref name="федоровашимес" />

=Премиосыз=

Удмурт Элькунлэн Кун премиезлэн лауреатэз, '''2010'''

Кузебай Герд нимо премилэн лауреатэз, '''2007'''

=Библиография=

==Книгаосыз==

[http://catalog.unatlib.org.ru/cgi-bin/1/cgiirbis_64.exe?LNG=&C21COM=F&I21DBN=IKNBU&P21DBN=IKNBU&Z21ID= Воинская слава Удмуртии. – Ижевск : Удмуртия, 2009. – 415 с.]

[http://catalog.unatlib.org.ru/cgi-bin/1/cgiirbis_64.exe?LNG=&C21COM=F&I21DBN=IKNBU&P21DBN=IKNBU&Z21ID= Из мрака... – Ижевск : Изд-во Удмурт. ун-та, 1994. – 496 с.] 

[http://catalog.unatlib.org.ru/cgi-bin/1/cgiirbis_64.exe?LNG=&C21COM=F&I21DBN=IKNBU&P21DBN=IKNBU&Z21ID= Славы воинской творцы. – Ижевск : Удмуртия, 2005. – 358 с.]

[http://catalog.unatlib.org.ru/cgi-bin/1/cgiirbis_64.exe?LNG=&C21COM=F&I21DBN=IKNBU&P21DBN=IKNBU&Z21ID= Ум вунэтэ... – Ижевск : Б. и., 1991. – 40 с.]
 
[http://catalog.unatlib.org.ru/cgi-bin/1/cgiirbis_64.exe?LNG=&C21COM=F&I21DBN=IKNBU&P21DBN=IKNBU&Z21ID= Шимес пеймытысь. – Ижевск : б. и., 1992. – 303 с.] 

[http://catalog.unatlib.org.ru/cgi-bin/1/cgiirbis_64.exe?LNG=&C21COM=F&I21DBN=IKNBU&P21DBN=IKNBU&Z21ID= To Light... to Life... = К Свету... К Жизни... : memory. Kuzebai Gerd. 100 years. – Izhevsk : Udmurt University Press, 1998. – 336 p.]

==Статьяосыз==

[http://elibrary.unatlib.org.ru/handle/123456789/9766 Асьсэды дунъяса, выжызэс данъязы // Удмурт дунне. – 2011. – 2 марта. – С. 6. – (Герд ; № 3).]

[http://elibrary.unatlib.org.ru/handle/123456789/13599 В чем феномен Борисова? // Удмуртская правда. – 2011. – 15 февр. – С. 3.]

[http://elibrary.unatlib.org.ru/handle/123456789/11147 Великая битва на Волге // Известия Удмуртской Республики. – 2008. – 7 февр. – С. 4. – (Воинская слава России).]

[http://elibrary.unatlib.org.ru/handle/123456789/8835 Гадь тыраз медальёс, ӝажы тыраз книгаос // Удмурт дунне. – 2008. – 29 июля. – С. 7.]

Герд: уберечь удмуртов от беспамятства... // Новый путь (Дебесы). – 2008. – 11 апр.

Герои битвы за Ленинград // Долг. – 2009. – 5 февр. – С. 4.

9 декабря – День героев Отечества // Долг. – 2007. – 7 дек. – С. 4 : фот.

Его долг – родине служить // Долг. – 2010. – 18 нояб. – С. 2 : фот.

Женские лики нашей Победы // Долг. – 2010. – 7 мая. – С. 2 : фот.

Жить и помнить – это вечный призыв // Долг. – 2008. – 19 июня. – С. 6 : фот.

"Контрреволюционная группа Коновалова" // На переломе эпох : Союзу писателей Удмуртии 70 лет, 1934–2004 : ст., стихотворения, прозаич. произведения, док. – Ижевск, 2006. – С. 62–63.

[http://elibrary.unatlib.org.ru/handle/123456789/5737 Крест поэта : ист.-филос. осмысление судьбы Кузебая Герда // Луч. – 2010. – № 11/12. – С. 83–87. – (90 лет государственности Удмуртии).]

[http://elibrary.unatlib.org.ru/handle/123456789/9763 Кышкасьтэм луэмзы паймымон // Удмурт дунне. – 2011. – 22 февр. – С. 5.]

[http://elibrary.unatlib.org.ru/handle/123456789/3703 Литературае сюрес возьматӥсе // Кенеш. – 2005. – № 2. – С. 95–96.]

[http://elibrary.unatlib.org.ru/handle/123456789/12992 Личный радист командующего // Удмуртская правда. – 2009. – 17 февр. – С. 4 : фот. – (Эксклюзив).]

Наши земляки на "Огненной дуге" // Долг. – 2008. – 10 июля. – С. 3 : фот.

Наши учителя в боях за Родину // Вестник образования и науки Удмуртской Республики. – 2010. – № 1. – С. 60 : фот.

О земляках-сотрудниках спецслужб на фронте // Долг. – 2007. – 22 февр. – С. 6.

Письма Ильи Зорина к жене // На переломе эпох : Союзу писателей Удмуртии 70 лет, 1934–2004 : ст., стихотворения, прозаич. произведения, док. – Ижевск, 2006. – С. 69–70.

[http://elibrary.unatlib.org.ru/handle/123456789/5004 Трофим Борисов. Феномен личности // Инвожо = Альманах удмуртского ПЕН-клуба. – 2011. – № 5/6. – С. 161–164. – (Трофиму Борисову – 120 лет).]

Уходят герои Второй мировой... // Долг. – 2005. – 9 сент.
 
Учителя-фронтовики // Долг. – 2010. – 9 апр. – С. 5 : фот.

Эта свадьба запомнилась многим // Долг. – 2007. – 20 дек. – С. 4–5 : фот. ; Долг. – 2010. – 18 июня. – С. 4 : фот.


'''Татчы 2005-тӥ арысен потэм  чеберлыко статьяос гинэ пыртэмын, кылемъёсыныз тодматскыны быгатӥськоды [http://unatlib.org.ru/index.php?option=com_content&view=article&id=474&Itemid=319 Удмурт Элькунысь йӧскалык библиотекалэн электрон каталогъёсызъя].'''

=Уже кутэм литература=

<references />


[[Категория:Современные удмуртские писатели|Кузнецов Николай]]