Редактирование: Ившин Вениамин

'''Вениамин Никонорович Ившин''' – тодмо удмурт поэт, публицист, редактор, кылысь кылэ берыктӥсь, Россиысь писательёслэн огазеяськонзылэн ёзчиез, Удмуртиысь ('''1994''') но Россиысь ('''1998''') лулчеберет удысысь сӥё-дано ужась.
[[Файл:Ivn.jpg|250px|right|Галина Романова]]
=Улон сюресэз=

Ившин Вениамин вордскиз Кез ёросысь Ванялуд гуртын '''1947'''-тӥ арын 30-тӥ коньывуонэ. Гуртсы пичи гинэ вал, ог куамын корка, нош солы бадӟым потылӥз. <ref name="ившин">[http://elibrary.unatlib.org.ru/handle/123456789/8241 Ившин Вениамин Никонорович (1947) // Вордскем кыл. - 2011. – № 3. – С. 35.] </ref>  

Соос анайзылэн ньыль кузя вал. Будӥз Вениамин Ившин крестьян семьяын нокыӵе секыт, сьӧд ужлэсь пыкиськытэк. Тӥр но, кусо но, сюрло но ки улаз бергазы. Но агайёсыз уй но нунал секыт ужын тыршизы, трактористъёс,  индылӥзы: «Нош тон дышетскы, дышетскы…». Веня тыршиз... Секыт вакытэ быдэстӥз Мария Алексеевна нылпиоссэ. Озьы ке но, со быгатӥз пиналъёсызлы кырӟась-верась, капчи мылкыдзэ сётыны, укта ик пичиезлы, Веня пиезлы. Пияш юн эшъяське вал инкуазен, соин ик йыраз малпан кылдӥз: нюлэсчи луоно. Отчы дышето вал Йошкар-Олаын. Кыдёкын шуыса, анаез ӧз лэзьы. Озьы дышетскемезъя со педагог луэ, нош сюлмыныз – инкуазез кырӟась, улэпсэ данъясь, куасьмыны кутскемзэ улӟытӥсь. <ref name="богомолова"> Богомолова З. «Кырӟанэ–марӟанэ, Чупчи йыл ӟардонэ…» // Удмурт дунне. – 1997. – 1 нояб. – С. 3. </ref> 

Школазэ йылпумъяса пыриз дышетскыны Удмурт пединститутысь филологияя факльтетлэн удмурт ёзэтаз, но йылпумъяз сое '''1971'''-тӥ арын. 
Вениамин Ившинлэн вал бадӟым дышетӥсьёсыз. Ӟуч литератураез со Кез черкогуртысь школаын дышетскыкуз, литобъединение ветлыса, О. Поскрёбышев дорын дышетӥз, удмуртсэ университетын – Д. Яшин дорын, нош кылбурет удысын нырысь вамышъёссэ солэсь чакласа возиз Ф. Васильев. <ref name="шкляев"> Шкляев А. Кылбурчилэн выжъёсыз–метафораосыз // Вапумысь вапуме / А. Шкляев. – Ижевск, 2000. – С. 116-120. </ref> 

'''1971'''-тӥ арын «Дась лу!» газетэ ужаны ӧтизы. Ньыль толэзь гинэ ужаса вуттӥз но, сое армие басьтӥзы. Кык арзэ Германиын служить кариз. Озьы со вакытэ Вениамин Ившинлы шуд усиз кунгож сьӧры вуылыны.
 
'''1979'''–'''1983'''-тӥ аръёсы со газетын ик литсотрудник, редактор вал.

'''1972'''–'''1979''', '''1983'''–'''1986'''-тӥ аръёсы «Советской Удмуртия» газетын ёзэтэн кивалтӥз, собере валтӥсь редакторлэн воштӥсез вал. 

'''1975'''-тӥ арын егит писательёслэн Москваын ортчем кенешазы пыриськиз. Егит автор азьын выль инвисъёс усьтӥськизы. <ref name="зуева">[http://elibrary.unatlib.org.ru/handle/123456789/8284 Зуева А. Кылбурчилэн паймытӥсь дуннеез : Вениамин Ившинлы – 60 // Кенеш. – 2007. – № 9. – С. 86–91.] </ref> 

Нош '''1986'''-тӥ арын, партилэн Удмурт обкомезлэн куремезъя, Вениамин Ившин пиналъёслы «Кизили» журнал кылдытон бордын ужаз. <ref name="ившин2"> Ившин Вениамин Никонорович (1947) // Удмуртская Республика : энцикл. – Изд. 2-е, испр. и доп. – Ижевск, 2008. – С. 338–339. </ref> 
[[Файл:Ivshin.JPG|thumb|left|В. Ившин Николай Витрукен]]
««Дась лу!» газет но «Кизили» журнал сярысь ог кылын гинэ уд вера. Отын мынам вунонтэм чебер егит дыры ортчиз», – тодаз вае Вениамин Никонорович. Та газетын ужакуз Вениамин Ившин трос лэсьтӥз газетэз чебергес, тунсыкогес карон понна. Ужась эшъёсыныз ӵош, Г. Ходыревен, А. Гребинаен, Е. Глебоваен, К. Михайловен но мукетъёсыныз,  пиналъёсын уно пумиськылонъёс, ӵошатсконъёс, ёросын пинал корреспондентъёслы слётъёс ортчытъязы, выль ужъёссылы дунъет сётылӥзы, устооссэ газет баме вуттылӥзы. Озьы пиналъёслэсь лыдӟиськыны мылкыдзэс пуромытылӥзы, гожъяськыны быгатонлыкъёссэс ӝутыны юрттылӥзы. Аслаз но Вениамин Никоноровичлэн та газетын ужакуз ик сюлэмаз нырысьсэ кенжиз пиналъёслы кылбур гожъян тылгизьыез. <ref name="ившин3"> Ившин В. Сюлэм но йырвизь куремъя улӥсько / записал В. Занчаров // Ӟечбур! – 2007. – 25 окт. – С. 4–5. </ref> 
 
'''1990'''–'''1994'''-тӥ аръёсы туж секыт вакытэ Вениамин Ившин «Кенеш» журналлэн валтӥсь редакторез вал. <ref name="ившин2" />

'''1994'''-тӥ арысен Вениамин Никонорович «Удмуртия» книгапоттониын валтӥсь редактор луыса ужа. <ref name="ившин" /> 

'''2001'''-тӥ арын «Удмуртская Республика» энциклопедия кылдытон бордын ужамез понна Вениамин Никонорович Ившинлы Кун премия сётэмын.
<br clear="both" />
=Гожъямъёсыз сярысь= 

Веня сизьыметӥ классын дышетскыкуз, огпол удмурт кылъя но литературая дышетӥсьсы Раиса Степановна Щепина косӥз ас школазы сярысь сочинение гожтыны. Пияш гожтӥз «витьлы», солэн гожтэм сочинениез кылбурлы пӧрмиз. Со бордысен ик луиз поэзия борды «ӝабырсконэз». <ref name="богомолова" />   

Со вакытэ «Кизили» ёрос газет бордын  егит кылбурчиослэн но журналистъёслэн кружоксы ужаз. Соин кибашлы ӟуч кылбурчи но дано дышетӥсь Олег Алексеевич Поскрёбышев кивалтӥз. Со дорын дышетскемез кутскись кылбурчи понна зэмос школа луиз: кылэз шӧдон-валан ласянь но, кылтӥрлык ласянь но, лыдӟыны дышетскон ласянь но. Кружоке ветлӥсьёс печатласькизы ёрос газетазы. Собере дышетӥсез ик, куд-ог кылбуръёссэ бырйыса, келяз «Молот» журналэ.  Собере сое печатлазы «Советской Удмуртия» газетын. Пумен Вениамин Ившинлэн поэтической куараез юнма, творчествоезлы дунъет сёто Ф. Васильев, Д. Яшин, П. Поздеев, Г. Ходырев, [[Кутянова Людмила Дмитриевна|Л. Кутянова]]. '''1976'''-тӥ арын потӥз «Мар дуно»    нырысетӥ кылбурет бичетэз. Азькылаз писатель но редактор  Николай Васильев гожтэ: «Умой мылкыд кельто Вениамин Ившинлэн кылбуръёсыз. Соосты лыдӟыса валаськод: поэт кырӟаны тырше ас куараеныз…». Собере печатласькизы «Инбаммы одӥг» (1980), «Выжъёс» (1983), «Котыртӥ-котыртӥ» (1993) но мукетъёсыз ужъёсыз. «Узел голосов» (2001) бичетэз тужгес но умой пӧрмем. Сое ӟуч кылэ Владимир Емельянов берыктӥз. Татын туала адямилэн ӟырдыт мылкыдыз, глобализация вакытэ калык йылолъёсты, кылэз, удмурт этносэз утьыны тыршон шӧдӥське. Книгаысь книгае авторлэн тыршемез, будэмез шӧдӥське. Удмурт поэзиын революция лэсьтыны со уг тыршы. Постмодернизмлэн тулкымъёсаз но, этнофутуризмлэн кожъёсаз но уг шонскылы. Кылбурчи ичи кылтӥрлыкен бадӟым образъёс суреданы тырше. Огшоры инкуазь суред вылын лыдӟисез философия малпанэ вуттыны тырше. <ref name="зуева" /> 

Чеберлыко гожтэм ужлэн кужымез ӵапак со бордын: лыдӟисен валамон, оскымон, визьмо кылын вераськыны быгатоно. Автор шӧдыны мед быгатоз калыклэсь сюлэм висёнъёссэ но, адӟыны мед пӧрмытоз синмысьтыз югырак чилектӥсь шумпотон тылсиоссэ но. <ref name="никифоров"> Никифоров Н. Кисьман вакыт : Вениамин Ившинлэн гожъямъёсыз сярысь // Кенеш. – 2003. – № 2. – С. 98–101.
 </ref>
[[Файл:Ivshin2.jpg|thumb|right|Удмурт Элькунысь гожъяськисьёслэн огазеяськонзылэн кивалтэтэз]]
''Мае адӟид, шуо,''

''Сьӧрлон сюрес вылын?''

''Уг котыръя, адӟи''

''Кыксэ шумпотонэз:''


''Нырысь ик тодматски''

''Мукет калыкъёсын.''

''Кыкетӥез – мон нош''

''Вуи дорам туннэ.''

Вениамин Ившин, улонлэн куашетӥсь ӧраз вамышъяса но, ноку ӧз тыршы ӵашетыса, куаразэ будэтыса вераськыны, солэн поэзиез «чалмыт» шуыны луоз, визыласа ӧръёсын жильыртыса бызе. Мылкыдзэ мултэс пальккатэк, кылбурчи малпаське со сярысь, мар тужгес но дуно сюлэмызлы: улонлэн ӟеч палъёсыз – чылкыт мылкыдъёс, шумпоттӥсь ужъёс. <ref name="писатели"> Богомолова З. Вениамин Ившин (1947) // Писатели и литературоведы Удмуртии : биобиблиогр. справ. / сост. А. Н. Уваров. – Ижевск, 2006. – С. 55-56. </ref> 
 
Куараосты шӧдонэз, жингрес рифмаосын «шудыны» быгатэмез Вениамин Ившинэз нылпиослы матэ каризы, соос понна ужаны мылкыдыз ӝутскиз. Чур бӧрсьы чур, пичильтыкъёслы сӥзем кылбуръёс люкаськизы, куриськизы нимысьтыз книгае. Озьы потӥзы Вениамин Ившинлэн «Шур сьӧрысь бӧдёно» (1990), «Шуланэ дас вить» (1995), «Ворпо гуждор» (1997), «Паймытӥсь дуннеын» (2002) книгаосыз. Со дыре ик кылбурчи пыриськиз кыкетӥ но витетӥ классъёслы лыдӟон книгаос дасянэ. Та ужъёсаз автор чеберлыко литературалэсь валтӥсь тодметсэ пыӵатыны умой быгатэм – образъёс вылын сюлмо, ӟеч луыны дышетон. <ref name="зуева" />   
 

''…Мыняса Эля сылэ,''

''Мон но, пе, ужай, юрттӥ:''

''– Сӧлиськем тэлкыослэсь''

''Пылызэс, нэнэ, октӥ.''

«Нылпи литератураез лыдӟыса гинэ пиналъёслэсь сямъёссэс уд тоды. Та ласянь улон ачиз узыр сандыксэ усьтэ. Мылкыдыд, чакласькыны быгатонлыкед гинэ мед луозы. Школае, нылпи садэ-а вуисько, бускель пиналъёслэсь шудэмзэс-а адӟисько – аслым уно тунсыкозэ синйылтӥсько, ӵапак отысь темаосы, малпанъёсы кылдо», – вера Вениамин Никонорович. <ref name="ившин3" />  

Кылбурлэн кыӵе куара, крезьгур сётэмезъя но вераны луэ автор сярысь. Вениамин Ившинлэн чуръёсыз кырӟанэ курисько. Тросэз кылбуръёсыз кырӟанъёс луизы. Кылсярысь, Г. Корепанов-Камский гинэ ог дас витезлы крезьгур гожтӥз: «Льӧль кырӟан», «Тэтэ», «Ӵӧжпиос» но мукетсэ. <ref name="богомолова" />  

Вениамин Ившин трос ужа кылысь кылэ берыктон уж бордын. Удмурт кылэ берыктӥз ӟуч классикъёслэсь куд-ог произведениоссэс А. Пушкинлэсь, Ю. Лермонтовлэсь, Н. Некрасовлэсь. А. С. Пушкинлэн вордскем дырысеныз 200 ар тырмонэзлы, поэт берыктӥз «Поп сярысь но солэн визьтэм ляльчиез сярысь выжыкыл» произведенизэ. Та ужлы бадӟым дунъет сётӥз С. В. Михалков. Москваысь Правительствоен ялэм ӵошатсконаз «Лучшие переводы русской классики» номинациын та книга кык премия басьтӥз. <ref name="писатели" />

=Наградаосыз но премиосыз=
 
Эшъяськон орден, '''2008'''.
Удмурт Элькунлэн Кун премиезлэн лауреатэз, '''2001'''. 
Удмуртиысь (1994) но Россиысь (1998) лулчеберет удысысь сӥё-дано ужась.
Россиысь писательёслэн огазеяськонзылэн ёзчиез, '''1984'''. 

=Библиография=

==Книгаосыз==

[http://catalog.unatlib.org.ru/cgi-bin/1/cgiirbis_64.exe?LNG=&C21COM=F&I21DBN=IKNBU&P21DBN=IKNBU&Z21ID= Ворпо гуждор = Разноцветная лужайка : 2-5 аресъем нылпиослы лыдӟон книга / суредаз В. Г. Мустаев. – Ижевск : Удмуртия, 1997. – 158 с. : ил.]

[http://elibrary.unatlib.org.ru/handle/123456789/4102 Воршуд музъем  = Земля Воршуда : кылбуръёс : на удмурт. яз. – Ижевск : Удмуртия, 1997. – 462 с. : ил., 1 л. портр.]

[http://catalog.unatlib.org.ru/cgi-bin/1/cgiirbis_64.exe?LNG=&C21COM=F&I21DBN=IKNBU&P21DBN=IKNBU&Z21ID= Выжъёс : кылбуръёс. – Ижевск : Удмуртия, 1983. – 55 с.]

[http://elibrary.unatlib.org.ru/handle/123456789/3998 Инбаммы одӥг : кылбуръёс. – Ижевск : Удмуртия, 1980. – 96 с.]

[http://elibrary.unatlib.org.ru/handle/123456789/3972 Котыртӥ-котыртӥ : кылбуръёс. – Ижевск : Удмуртия, 1993. – 103 с.]

[http://catalog.unatlib.org.ru/cgi-bin/1/cgiirbis_64.exe?LNG=&C21COM=F&I21DBN=IKNBU&P21DBN=IKNBU&Z21ID= Мадиськонъёс. Буя ачид! / худож. А. М. Андрюшкин. – Ижевск : Удмуртия, 2002. –  с. : ил.]

[http://catalog.unatlib.org.ru/cgi-bin/1/cgiirbis_64.exe?LNG=&C21COM=F&I21DBN=IKNBU&P21DBN=IKNBU&Z21ID= Мар дуно. – Ижевск : Удмуртия, 1976. – 64 с.]

[http://elibrary.unatlib.org.ru/handle/123456789/3955 Паймытӥсь дуннеын : семьяын лыдӟон книга : веросъёс, выжыкылъёс, кылбуръёс. – Ижевск : Удмуртия, 2002. – 223 с. : ил.]

[http://elibrary.unatlib.org.ru/handle/123456789/128 Пуньы буясь коньы : веросъёс, кылбуръёс: семьяын лыдӟон книга. – Ижевск : Удмуртия, 2007. – 158 с. : ил.]

[http://elibrary.unatlib.org.ru/handle/123456789/3988 Узел голосов : стихи / авториз. пер. с удмурт. В. Емельянова. – Ижевск : Удмуртия, 2001. – 230 с.,  ил.]

[http://catalog.unatlib.org.ru/cgi-bin/1/cgiirbis_64.exe?LNG=&C21COM=F&I21DBN=IKNBU&P21DBN=IKNBU&Z21ID= Шуланэ дас вить : тылобурдо гуръёс / суредаз  В. Г. Мустаев. – Ижевск : Удмуртия, 1995. – 16 с. : ил.]

[http://catalog.unatlib.org.ru/cgi-bin/1/cgiirbis_64.exe?LNG=&C21COM=F&I21DBN=IKNBU&P21DBN=IKNBU&Z21ID= Шур сьӧрысь бӧдёно : кылбуръёс. – Ижевск : Удмуртия, 1990. – 48 с. : ил.]

==Статьяосыз==

[http://elibrary.unatlib.org.ru/handle/123456789/2708 Азвесь толэзь ; Тушсы беразы ; Эшъёс ; Чурыт нянь ; Шофёр // Инвожо. – 2007. – № 5/6. – С. 112 : фот.]

[http://elibrary.unatlib.org.ru/handle/123456789/2301 Бусы // Вордскем кыл. – 2009. – № 2. – С. 24–25.]

[http://elibrary.unatlib.org.ru/handle/123456789/9622 Вить вынъёс ; Усьтӥське но пытсаське ; Пичи дурись ; Синучкон ; Юрттӥсь Мики ; Нодтэм парсьпиос ; Выль ар уйин // Удмурт дунне. – 2009. – 23 дек. – С. 7.]

[http://elibrary.unatlib.org.ru/handle/123456789/2551 Ву дурын ; Гульчык ; Шорад учкыса ; Тулыс. Ӝыт ; Зоя Алексеевна Богомоловалы. "Тӧдьы но вож но лыз..." // Вордскем кыл. – 2007. – № 11/12. – С. 30–31 : фот.]

[http://elibrary.unatlib.org.ru/handle/123456789/8524 Вужерзэ уйылӥсь гондыр : выжыкыл / худож. Галина Иванова // Кенеш. – 2013. – № 3. – С. 88-93 : рис.]

[http://elibrary.unatlib.org.ru/handle/123456789/6294 "...Два моих живых крыла" // Луч. – 2007. – № 11/12. – С. 77–79.]

[http://elibrary.unatlib.org.ru/handle/123456789/2837 Ӟичы но куака : выжыкыл / иллюстрациез В. Мустаевлэн // Кизили. – 2010. – № 7. – С. 11 : цв. ил.]

[http://elibrary.unatlib.org.ru/handle/123456789/1595 Йырсиме ачим пунӥ ; Вож шашы ; Жильыртӥсь Вало ; Ву нуны ; Пукон ; Уйин / иллюстрациез М. Водикинуслэн // Кизили. – 2007. – № 10. – С. 6–7 : фот.]

Губи салам ; Кудыын ӟаӟег пуке ; Нэнэзы изён дыръя ; Мисьтӥськид-а, Мики? // Покчи эше : 1–2-тӥ классъёсын ватсаса лыдӟон книга / М. П. Лаврентьева, Е. Н. Дмитриева, В. Н. Ившин. – Ижевск, 2006. – С. 8, 11, 19, 36.

[http://elibrary.unatlib.org.ru/handle/123456789/8166 "Камский берег терзают бугристые сизые волны..." : Олегу Алексеевичу Поскребышеву : стихи / пер. В. Емельянова // Италмас. – 2010. – № 3. – С. 8. – (Памятные посвящения).]

[http://elibrary.unatlib.org.ru/handle/123456789/8502 Куата-куата-куатали : выжыкылъёс / худож. Галина Иванова // Кенеш. – 2013. – № 2. – С. 82-87 : рис.]

[http://elibrary.unatlib.org.ru/handle/123456789/5085 Кызьы латтьы мульы кырӟа : выжыкыл // Кизили. – 2012. – № 1. – С. 10 : цв.ил.]

[http://elibrary.unatlib.org.ru/handle/123456789/2890 Кызьы чабак оскытӥз : выжыкыл / иллюстрациез В. Мустаевлэн // Кизили. – 2010. – № 10. – С. 8 : цв. ил.]

Лобасьтэм туриос ; Лапчи // Ӟечбур! – 2007. – 25 окт. – С. 5.

[http://elibrary.unatlib.org.ru/handle/123456789/9647 Лымы ; Мар шуоз? // Удмурт дунне. – 2009. – 31 дек. – С. 23.]

Материнский дом / пер. с удмурт. В. Емельянова // На переломе эпох : Союзу писателей Удмуртии 70 лет, 1934–2004 : ст., стихотворения, прозаич. произведения, док. – Ижевск, 2006. – С. 215–216 ; Изв. Удмурт. Респ. – 2005. – 10 нояб. – С. 14. – (Сияние рифм). 

Миськем час ; Дэременым, пе // Азвесь кышетэн толэзь : веросъёс : семьяын лыдӟон книга. – Ижевск, 2007. – С. 47.

Мон – агай ; Пиосмурт ; Обыда ; Ӵӧж но коӵыш. Сьӧд таки // Зарни дэремен шунды : семьяын лыдӟон книга. – Ижевск, 2006. – С. 46–47.

[http://elibrary.unatlib.org.ru/handle/123456789/8035 Мон – кылбурлэн ляльчиез, дыр... // Кенеш. – 2007. – № 9. – С. 3–10 : фот.]

[http://elibrary.unatlib.org.ru/handle/123456789/9084 Мушъёслэн юлтошъёссы : верос // Ӟечбур! – 2008. – 17 июля. – С. 8.]

[http://elibrary.unatlib.org.ru/handle/123456789/205 Мылкыдам – гажан кож // Кенеш. – 2006. – № 1. – С. 9–12.] 

Мынам люкмесэ ; Мисьтаськисьёс // Ӟечбур! – 2007. – 26 июля. – С. 9.

[http://elibrary.unatlib.org.ru/handle/123456789/5491 "Мыным возьыт..." : кылбур // Инвожо : спец. вып. газ. "Известия Удмурт. Респ." и журн. "Инвожо". – 2011. – № 9/10. – С. 36.]

[http://elibrary.unatlib.org.ru/handle/123456789/8477 Нюлэс иськавынъёс но Тол буба – тодьы шуба : выжыкыл / худож. Галина Иванова // Кенеш. – 2013. – № 1. – С. 66-71 : фот.]

[http://elibrary.unatlib.org.ru/handle/123456789/2520 Нюлэс мадён / иллюстрациез В. Мустаевлэн // Кизили. – 2009. – № 10. – С. 10 : цв. ил.]

[http://elibrary.unatlib.org.ru/handle/123456789/8571 Тау : кылбур // Кенеш. – 2007. – № 10. – С. 2.]

[http://elibrary.unatlib.org.ru/handle/123456789/9693 Тӧдьы бус ; Уй инмын нянь сукыри ; Кышкасьтэм тэль ; Буяськись // Удмурт дунне. – 2010. – 27 авг. – С. 11.]

[http://elibrary.unatlib.org.ru/handle/123456789/4628 Тулыс ярдур ; Дыдык гурлам ; Берыктӥськыса вазён ; Кузё кышно ; "Дэремысьтыз бирдыез..." ; "Жинге улон кубыз..." ; "Зарни угы пельёсад" ; Шапык ; Кыкнамы ; "Бусы но вож..." ; Ныл мӧзмон // Инвожо. – 2006. – № 4/5. – С. 54–55.]

[http://elibrary.unatlib.org.ru/handle/123456789/3113 Тушъяськем, шу, улошо : выжыкылъёс / суредъёсыз  Г. Ивановалэн // Кенеш. – 2010. – № 11/12. – С. 50–55 : ил. – (Нылпи дунне).]

[http://elibrary.unatlib.org.ru/handle/123456789/14616 "Ты скромна, моя песня, как вешний рассвет перламутровый..." ; "Камский берег терзают бугристые сизые волны..." : О. А. Поскребышеву : стихи  / пер. В. Емельянова // Италмас. – 2009. – № 1. – С. 94–95.]

"Ты скромна, моя песня..." ; Материнский дом ; Шундыберган ; "Камский берег терзают бугристые сизые волны..." : Олегу Алексеевичу Поскребышеву / пер. В. Емельянова // Удмурты. – М., 2005. – С. 256–260.

[http://elibrary.unatlib.org.ru/handle/123456789/3033 Чучо-мучо-мучоло : выжыкылъёс / суредъёсыз Г. Ивановалэн // Кенеш. – 2010. – № 8. – С. 75–81 : ил. – (Нылпи дунне).] 

[http://elibrary.unatlib.org.ru/handle/123456789/3096 Шумпотэ сӥзьыл дэри : выжыкылъёс / суредъёсыз Г. Ивановалэн // Кенеш. – 2010. – № 10. – С. 86–91 : ил.]

==Кырӟанъёсыз==

Кузнецов П. Н. Мынам мунёе : нылпиослы кырӟанъёс. – Ижевск : Удмуртия, 2010. – 23 с.

Шкляева Р. Шумпотон // Ашальчи. – 2009. – № 1. – С. 22.

Постников Н. Е. Тау : "Тау визьмын шӧдӥсезлы, сюлмыныз малпасезлы..." // Малпасько тонэ : кырӟанъёс = А мне бы увидеть тебя : песни / Н. Постников. – Ижевск, 2010. – С. 98–99.

==Берыктэмъёсыз==

===Книгаос===

[http://catalog.unatlib.org.ru/cgi-bin/1/cgiirbis_64.exe?LNG=&C21COM=F&I21DBN=IKNBU&P21DBN=IKNBU&Z21ID= Рудольф Р. Алэм пионеръёс : верос. – Ижкар, 1932. – 32 с. –  Запрещенные пионеры.]

[http://catalog.unatlib.org.ru/cgi-bin/1/cgiirbis_64.exe?LNG=&C21COM=F&I21DBN=IKNBU&P21DBN=IKNBU&Z21ID= Пушкин А. С. Сказка о попе и о работнике его Балде  = Поп сярысь но солэн визьтэм ляльчиез сярысь выжыкыл / худож. В. П. Коркин. – Ижевск : Удмуртия, 1999. – 23 с. : ил.]

[http://catalog.unatlib.org.ru/cgi-bin/1/cgiirbis_64.exe?LNG=&C21COM=F&I21DBN=IKNBU&P21DBN=IKNBU&Z21ID= Самсонов А. А. Курочкина песенка : книжка-раскраска. – Ижевск : Удмуртия, 2003. – 8 с. : ил.] 

===Статьяос===

Лермонтов М. Ю. "Ӧвол мон Байрон, мон мукет..." ; Бородино ; Жильыетын пукись ; "Куке вогыр гыа ӵуж ю бусы понназ..." ; Мӧзмыт но ӝожмыт но ; Малы Тусбуй борды ; Сьӧд пилемъёс ; Меӵ яр ; Вӧт ; Куар ; "Потӥсько огнам сюрес вылэ мон..." ; Зарезьысь эксэй ныл ; "Эн бӧрд, эн бӧрд, муспотонэ..." : кылбуръёс // Избранные произведения : стихотворения / М. Ю. Лермонтов. – Ижевск, 2008. – С. 96–216.

Некрасов Н. А. "Мон соин асме туж адӟонтэм карисько..." ; Туала ода ; Зор азьын ; Ӟеч сямъем адями ; Вунэтэм гурт ; Зӧк корка азь дорын малпаськонъёс ; "Тон малы, сюлэмы, вожомид али..."; Ужась Ермолай сярысь притча ; Добролюбовез буре вайыса ; Дорын – умойгес! ; Зиналы : кылбуръёс // Избранные произведения : стихотворения, отрывки из поэм / Н. А. Некрасов. – Ижевск, 2005. – С. 23–267. 

Пушкин А. С. Роза ; М...лы мадригал ; Сосницкаялэн альбомаз ; "Токма, мусо эше, малпай мон ватыны..." ; "Тӥ жаль ӧвӧл, юнме яратонлэн..." ; Дионея ; Улонлэн уробоез ; "Уйин зефир..." ; Сутэм гожтэт ; Веросчи но кылбурчи ; Нылпи утялтӥсьлы ; Тол сюрес ; Арион ; Тон но тӥ ; "Эн кырӟа, чебер ныл, мыным..." ; Сӥзён ; "Мон тӥледды гажай: гажан шунды ай..." ; "Мон ӵаш урамъёстӥ-а юмшасько..." ; Ярдур куашкан ; Е. П. Полторацкаялы ; "Мон татын, Инезилья..." ; Куара чузъяськон ; Сӥзьыл ; Сьӧд пилем ; "...Мон нош вуи..." : кылбуръёс // Избранные произведения : стихотворения, отрывки из поэм / А. С. Пушкин. – Ижевск, 2007. – С. 28–240.


'''Татчы 2005-тӥ арысен потэм чеберлыко статьяос гинэ пыртэмын, кылемъёсыныз тодматскыны быгатӥськоды [http://unatlib.org.ru/index.php?option=com_content&view=article&id=474&Itemid=319 Удмурт Элькунысь йӧскалык библиотекалэн электрон каталогъёсызъя].'''

=Уже кутэм литература=

<references />

[[Категория:Современные удмуртские писатели|Ившин Вениамин]]