Редактирование: Ельцов Алексей

А. А. Ельцов вордӥськиз Яр (азьло Пудем) ёросысь Дӧжигуртын (ӟуч кылын Тум) '''1955'''-тӥ арын 13-тӥ шуркынмонэ.<ref name="решитько"> Гаврилова-Решитько М. В.  Сюрес ӧте азьлане // Ӟечбур! - 2005. - 10 нояб. - С. 8.</ref>  

Алексей гожъяськыны вазь кутскиз. <ref name="Бадретдинов">[http://elibrary.unatlib.org.ru/handle/123456789/3789 Бадретдинов У. Ш.  Тумпи, кылбур дунне но "13" лыдпус // Кенеш. - 2005. - № 10. - С. 89-92.]</ref> Баяран школаын дышетскыкуз «Сельская правда» ёрос газетын ужась кылбурчи Г. Архипов вуылӥз. Кунолэн кылъёсыз Алёшалэн йырвизьмаз мур пыӵазы, гожъяськыны мылкыдзэ ӝутӥзы. Ӵапак та вакытэ школаязы КВН ортчиз. Алёшалэн классэз но отчы пыриськиз. Командазэс «Сианом» (та ним «синоним», «антоним», «омоним» кылъёсысь нырысетӥ слогзэ басьтыса пӧрмемын) нимазы. А. Ельцовлэн та ужрад сярысь ёрос газетэ гожтӥз. Со вал вуоно писательлэн нырысетӥ заметкаез. Командазылэсь нимзэ янгышаса «Сианом» интые «Слалом» кариллям ке но, пияшлэн бурдъяськем мылкыдыз ӧз сӧриськы. Та вакытэгес ик сое мукетыз ивор шумпоттӥз на: удмурт пиналъёс понна Ижевскын «Дась лу!» газет потыны кутскем. Ӝоген Алёша Ельцов ачиз но отчы гожъяны ӧдъяз. <ref name="Бадретдинов"> </ref>  

Баяран школаысь тямыс классэз йылпумъяса Алексей, гуртысьтызы тросэз эшъёсыз сямен ик, Глазовысь совхоз-техникуме дышетскыны пыриз. <ref name="Бадретдинов"></ref> «Малпасько вал пичиысен ик нюлэсчи яке охотовед луыны. Но валэктӥсь ӧвӧлэн со удысэ сюрес ӧй шедьты»  <ref  name="Ельцов"> Ельцов А.  Бурдъясе мынам - инкуазь / записал Вл. Михайлов // Удмурт дунне. - 2002. - 28 июня.</ref> Татын ӟеч радъямын вал общественной уж, спорт. Волейболэн но со шудӥз, футболэн но шахматэз но, капчи атлетикаез но, кырӟан-эктонэз но мултэс ӧз кары. Со сяна туж трос книгаос лыдӟылӥз.

Татын куинь толэзь чертежъёс лэсьтэмез бере, армие мынон дырыз вуиз. Алексей  Сахалинэ шедиз. <ref  name="Ельцов"> </ref>

Со взводлэн командирезлэн воштӥсез, нырысетӥ классъем телеграфист вал.  Будӥз старшинаозь, солэсь погонъёссэ нуллыса ӧз ке но вуы. Ротаын комсомол секретарь вал, дивизиысь но армиысь газетъёсы служба сярысь гожъяз.<ref name="решитько" </ref>

Кылбуръёс но гожъяз. Сахалин шормуӵын со аръёсы литературалы сӥзем нуналъёс ортчизы, лыктэмъёс пӧлын вал тодмо писательёс Р. Казакова, Ю. Шесталов. Таджик эшеныз ӵош та пумиськонэ ветлӥзы. <ref name="Ельцов" </ref>

'''1977''' арысен  Алексей Ельцов «Советской Удмуртия» газетын корреспондент луыса ужаны кутске.<ref  name="писатели"> </ref>

'''1989''' арысен «Вестник Гостелерадиолэн» редакторез вал.<ref  name="писатели"> </ref>

Нош '''1996''' арсен «Кизили» журналлэн валтӥсь редакторезлэн воштӥсез луэ.<ref  name="писатели"> </ref>

А. Ельцов пӧртэм жанръёсын гожъяське: очеркъёс, вакчи веросъёс, повестьёс, юморескаос, басняос, кылбуръёс но поэмаос. Озьы ик со «Удмурт чорыг нимъёс» статьялэн авторез луэ.<ref  name="писатели"> </ref>  

Произведениосаз валтӥсь инты басьто анайзэ но ӵыжы-выжыоссэ яратон, пичи но бадӟым шаерзэ гажан, инкуазез ас сяменыз учкон, туала удмурт гурт <ref  name="решитько"> </ref>:

Кылбурчи удмурт нылпи литературае но пумен йыгмыт пыре. Куд-ог ужъёсыз учебникъёсы, пособиосы но пыремын. Алексей Алексеевич кылшудонъёс, мадиськонъёс, но серемес кылбуръёс кылдытон бордын тросгес ужа.<ref name="Бадретдинов"> </ref>  

Пиналъёслы «Кӧжыпог» нимо нырысетӥ бичетэз '''1995''' арын потӥз <ref  name="писатели"> </ref>.

Алексей Ельцовлэн нырысетӥ бичетэз, книгапоттонние сётэм маке, малы ке но ышиз. Николай Васильевлэн но Владимир Романовлэн рецензиоссы кияз кылизы, нош кылбуръёссы – ӧвӧл. Соин ик нырысетӥ бичетэз  потӥз '''1989'''-тӥ арын  куинь авторъёслэн «Егит дыр» книгаенызы.<ref  name="Ельцов"> </ref>

А. Ельцовлэн кылбуръёсыз трос пол печатласькизы коми, чуваш, мари кылъёсын <ref name="решитько"> </ref>. Вань бигер кылэ берыктэм кылбуръёсыз но. Ачиз Россиысь ог куамын авторъёслэсь кылбуръёссэ берыктӥз.

А. Ельцовлэн кылбуръёсызъя ог куатьтон кырӟан гожтэмын. Соосты гожтӥзы Е. Копысова, Л. Душников, [[Котков Владимир|В. Котков]], В. Байков, С. Соснов, А. Санникова, С. Кириллов, «Эмезё но, палэзё но» кырӟан «Играй, гармонь» передачаын чузъяськиз. <ref name="решитько"> </ref>

«Урт» книгаез понна Владимир Романов нимо литература преми, '''2000'''. <ref name="решитько"> </ref>

«Кенгугу уг си гуры» книгаезлы Кастрен нимо финн-угор обществолэн премиез, '''2005'''. <ref name="решитько"> </ref>

Озьы ик со трос пол "Кенеш" журналлэн, Удмурт Элькунысь журналистъёслэн огазеяськонзылэн <br /> ӵошатсконъёсаз лауреат луылӥз. <ref  name="писатели"> </ref>