Редактирование: Дмитриева Наталья Леонидовна

'''Наталья Дмитриева — удмурт движениысь одӥгез синмаськымон кышномурт,   К. Герд нимо гимназиысь дышетӥсь, пӧртэм удмурт но фин-угор проектъёслэн авторзы, трос нылпиё анай. Кылем арын со пыртэмын удмуртлыкез тужгес ӟеч азинтӥсь 25 муртъёс пӧлы, «Удмурт Кенеш» огазеяськонлэн нимысьтыз кузьыменыз пусъемын.''' 

'''— Наталья Леонидовна, тӥ Ижын вордскемын-будэмын. Но кытысь тӥляд удмуртлык, удмурт выжы борды кыстӥськон мылкыдды?'''

— Анае но атае — удмурт  ёросъёсысь. Атае Алнаш палась Азамат гуртысь, анае Кияса ёросысь Тӥгырмен гуртысь. Тӥгырменэ ми ӵем бертылӥськом вал. Выныным кыкнамес отчы келлязы шутэтскон нуналъёсы но, гужем каникулъёслы но. Зэм, огвакытэ, школаын дышетскыкум, удмурт кылме вунэтыны кутски. Атае серекъялляз: кырыж-конгыль вераськиськод ук. Чебер уг пӧрмы шуыса, ачим но возьдаськылӥ.

Ижын мон 46 номеро школаын дышетски. Мыным отын туж кельше вал. Классамы кыӵе гинэ выжыысь нылпиос ӧз дышетске: ӟуч, удмурт, бигер, армян… Милям йырамы но ӧй вал ог-огенымы ваче вуыны, совето вакытъёсы выжыя висъян ик ӧй вал кадь. Но огпол мукет классысь пияш нылашмес «вотянка» шуиз — оло валаса, оло валатэк. Мон ӧй чида, со пияшез мыжгай. Со дырысен школаын сыӵе кылъёсты ӧй ни кылылы. О-о, мон туж чырткем вал. Активистка — пионер отрядлэн тӧроез, дружиналэн кенешезлэн ёзчиез. Дышетски но ӟеч. Туж потэ вал комсомолка луэме. Но вуизы 1990-тӥ аръёс, пионерия но комсомол быризы, куашказы.

'''— Йылпумъяды Ижысь экспериментальной лицеез. Маиз отын сокем кыскисез, пусйымонэз вал?'''

— Ижысь Гуманитарной лицей усьтӥськиз, 8-тӥ классэз йылпумъякум. Тодӥ: ӵуказеяз отчы пырон вылысь экзаменъёс кутско ни. Мынӥ, ваньзэ ӟеч сётӥ.

'''— Тунсыко дышетон амалъёс, ӟеч дышетӥсьёс… Но улонын нокин сомында уз сёты, вылды, кӧня сёто матысь адямиос, анай-атай…'''

— Тодӥськоды-а, али учкисько пичи дыр туспуктэмъёсты, отын мон ӵемысь атаеным, выныным. Анае фотое пуксьыны ӧз яратылы. Со телевидениын режиссёрлэн ассистентэз луыса ужаз, собере — крезьгуръя училищеын кадръёсъя отделын. Мон весь атай сьӧры ветлӥсько вал, уката но Рома выны вордӥськем бере. Выны туж висьылӥсь вал, соос анаеным больницаосын, санаторийёсын ӵем кыллизы.

Монэн тросгес атае выриз, шаплы ветлыны дышетӥз. Сьӧраз бызисько: «Папа, уг вутскиськы…» Шуэ: «Ничё, вуттод…» Атае, Леонид Гусев,  радиоын крезьгуръя режиссёр луыса ужаз. Бадӟым праздникъёсы Шор площадьын демонстрациос ортчылӥзы. Со Правительстволэн юртаз меӵак эфиръёс нуылӥз. Мон сылӥсько вал Правительстволэн юртэзлэн холлаз, вылӥысен учкисько, кызьы адямиос ортчо, чебер сяськаосын, шаръёсын.

Пичи дырысеным ик мон ваньзэ ачим лэсьтыны тыршылӥ, асме бадӟымен туж вазь лыдъяй ни. Кытчы ке классэн потыкумы но, анай-атайме келяны ӧй лэзьылы. Рюкзакме кутыса, огнам кошкылӥ. Озьы нырысетӥ классысен ик огнам ветлӥ «Октябрь» культура юртэ, бальной эктонъёсъя кружоке. 7-тӥ классозь эктӥ, пӧртэм профессиональной ӵошатсконъёсы пыриськылӥ. Но огпол партнёреным керетӥм. Со шуиз, мон, пе, тонэн уг ни экты. Нош сыӵе арескын (мыным соку 13 тырмиз) выль партнёр шедьтыны туж секыт вал ни. Мон бӧрдӥ-бӧрдӥ но эктонысь воксё кошки. Секыт вал, но ас поннам малпай: бальной эктонын конкуренция бадӟым, нырысетӥ инты дорозь сузьтӥськыны уг быгаты. Озьы аслам луонлыкъёсы шоры лемлет очкиосме куштыса учки. Пумен буйгай но вамыштӥ пиналъёслэн наукая «Мысль» огазеяськоназы.

Туж жалясько, ас вакытаз монэ крезьгуръя школае ӧз сётэ шуыса, туж вожъяськисько вал фортепианоен шудыны быгатӥсьёслы. Крезьгуро инструментэн шудон, кырӟаны быгатон туж юртто секыт но капчи вакытъёсы, со аспӧртэм буйган — релаксация — выллем луэ. Зэм, лицейын дышетскыкум, туж мыло-кыдо ветлӥ «Зорай» фольклор коллективе. Со Удмурт кун  университетысь «Чипчирганлэн» ёзэз вал.

Али малпаса, мон туж паймисько анай-атаелы. Кызьы соос оскизы сыӵе егит директорлы? Михаил Петрович Черемныхлы соку 28 арес гинэ вал ай. Ма, лицейлэн аслаз юртэз ик ӧй вал, отын бадӟым ремонт мынӥз. Ми дышетскимы али филармонилэн юртаз. Ӝыны арзэ — нимаз-нимаз кабинетъёсын. Но 1992-тӥ арын отчы интыяськиз филармония, милемыз уллязы, шуыны луоз. Дышетским ӧсъёс сьӧрын, холлъёсын. Кабинетъёсысь кылӥсько ариос, нош ми историяя лекция кылзӥськом. Ӝыны арзэ озьы дышетским. 100-лэсь трос пинал пӧлысь соку лицеез йылпумъямы 96 кузя. Мон али но туж-туж бадӟым тау карисько анай-атаелы: соос монэ та лицейысь ӧз басьтэ, сое йылпумъяны луонлык сётӥзы.

Гуманитарной лицейын дышетскон мынӥз, историысь пӧртэм вакытъёс вылэ пыкиськыса: первобытно-общинной, феодальной, капитализм вакытъёс, социализм, коммунизм лэсьтыны вырон дыръёс… Озьы милемлы возьматыны тыршизы, кызьы азинскиз адями, со системаос пыр милемыз поттӥзы. Татын ик нырысьсэ кутскимы проектъёс бордын ужаны.

'''— Паймытэ тӥляд асьтэды котыр ласянь утчамды, дӥсьтэмды. Мынам тодэмея, тӥ нырысетӥ удмурт «Чеберина» конкурсэ но пыриськылэмын?'''

— Озьы. Нырысетӥез «Чеберина» вожвылъяськон ялэмын вал 1994-тӥ арын. Отчы туж трос удмурт нылъёс пыриськизы. Али соос быдэс элькунмылы тодмо луо. Милемыз дышетӥзы сцена вылтӥ ветлыны, астэ йӧно возьыны. «Чеберина» 3 турен ортчиз. Берпуметӥез радъяськиз 1995-тӥ арын 8-тӥ мартэ. Али паймисько: сцена вылэ пыласькон дӥськутэн но потыны дӥсьтоно вал ук! Собере ачид аслыд кыӵе ке дизайнерской дӥськут малпано вал, удмурт дӥсен но потано, туала эктон быдэстоно, пӧртэм юанъёслы валэктон шедьтоно, отын ик творческой номер дасяно. Кызьы но ӧз эскере милемыз! Ми понна «Чеберинае» пыриськон туж бадӟым школа вал. Нокыӵе вожпотонъёс, вожъяськонъёс ӧз шӧдӥське. Ӵошатскон туж шуныт ортчиз. Улонын озьы тупаз, нырысетӥ «Чеберинае» пыриськисьёс пӧлысь 4-ез нылъёс али одӥг  гимназиын ужаськомы: мон, Ольга Перевозчикова (Васильева), Татьяна Швецова (Арикеева) но Светлана Ильина. «Чеберинаын» мон куинетӥ инты басьтӥ, «Визьнодӥ» луи. Паймымон, нылпи садэ ветлыкуз, «Пичи чеберайёс но батыръёс» вожвылъяськонын нылы но «Визьнодӥ» номинациын пусъемын вал.

'''— Тодӥсько на: УдГУ-ын дышетскыкуды тӥ активист вал, котьку син азьын. Но одӥг вакытэ бадӟым шумпотон но кайгу ваче шуккиськизы…'''

— Верано меда со сярысь… Мон вазь бызи, студент дыръям ик пинал ваёно кариськи. Секытэн больницаын кыллисько вал. Со вискын улонысь кошкиз анае. Туж куректӥ. Картэ, Коляе, кызьы ке монэ со гуысь поттыны быгатӥз, юрттӥзы эшъёсы. Нош кӧня ке улыса, вордӥськиз пие… Удмурт кун университетэз мон эшъёсыным ӵош ик йылпумъяй, историк-регионовед луи. Малы историез бырйи? Анае но, атае но егит дыръязы историкъёс луыны малпало вылэм. Атае историяя факультетэ пыремын вал. Огдыре ик пырыны быгатэм Москваысь актёръёсты дасясь Щукин нимо училищее. Валамон ини, быръем Москваез. Нош анаелэн истфаке пырыны баллъёсыз тырмиллямтэ. Озьы мынам историк луон мылкыды вирам пыӵамын вал, дыр.

'''— Нош кызьы Финляндие шедиды? Малы отысь христианской училищеын дышетсконо кариськиды на?'''

— Университетын дышетскыкум, ветлӥ Ижысь 56 номеро гимназие фин кылэз дышетыны. Дышетӥсе Ирина Петровна Мясникова — репрессиос улэ шедьылэм фин кышномурт. Совето вакытъёсы анай кылзэ вунэтонтэм вылысь со ас понназ фин кылын вераськылэм. Нош 1990-тӥ аръёсы со аслаз выжыез сярысь шара вераз, мылкыд карисьёсты фин кыллы дышетыны кутскиз. Быгатонлыкъёсме адӟыса, монэ Финляндие келямез потӥз. Тӥни озьы, УдГУ-ын 3-тӥ курсын дышетскыкум, мон шеди Юлиторнио интые. Со Швеция вӧзын ик, Лапландиын. Татын мон дышетски педагогикая христианской училищеын. Отын пӧртэм специализациос вал: нылпиосты школае мынытозязы дышетон, ляб визьем нылпиосты дышетон, сӧсыръёсты визьман но мукет.

Мон аслым трос выльзэ усьтӥ. Сӧсыр, ляб визьем нылпиосын ужаны асьмеды ӧз дышетылэ. Нош отын ваньмыз рос-прос радъямын. Шуом, адямилы 40 арес ни, нош визьмызъя со 5 аресъемлы тупа. Кызьы соин ужано? Ма кароно, анай-атайзэ ыштыса но, ас понназ улыны мед быгатоз шуыса? Сӧсыр пиналэз ватыса возёно ӧвӧл, солы но шудо луыны, ассэ шедьтыны юрттоно.

'''— Али тӥ К. Герд нимо гимназиысь дышетӥсь. Тодон-валан сётӥськоды пӧртэм удысъёсъя: история, шаертодон, фин кыл но трос мукетыз. Зэмос сюрестэс шедьтӥды кадь потэ ни-а?'''

— Школаын дышетӥсьлэн ужез огинтыын пукыны уг сёты. Мыным кельше сыӵе улон: ялан выльзэ тодоно, нылпиосын ӵош пӧртэм ужрадъёсы, проектъёсы пыриськоно. Огвакытэ рос-прос малпаськисько вал Ижын анай-атайёслы, нылпиослы ваньмон дырзэс радъянъя удмурт клуб усьтыны. «Шудон корка» проектэз но туж мыло-кыдо нуи. Но валасько: удмурт нылпиослы клубъёс кылдытон уж капчи ӧвӧл, мукет ласянь, со ноку коньдон уз вайы.

'''— Удмурт визь люкъёслэн «Шудком» шудоназы «Валамон, Паримон» командады кылем ар понна нырысетӥ интые потӥз. Командаын удмурт пиосмуртъёс пӧлын тӥ огнады кышномурт. Кызьы пӧлазы басьтӥзы?'''

— Асьсэос ӧтизы. «Удмурт Кенеш» огазеяськонлэн Ижысь Индустриальной ёросысь ёзэныз кивалтӥсь Юрий Мишкин кема аръёс ӵоже Ижысь визь люкъёслэн «60 секунд» шудоназы пыриське. Мон но та шудонъёсы пыриськылэмын. Кӧня асме тодӥсько, ялан учкисько вал «Что? Где? Когда?» телепередачаез. Анай-атае но сое яратӥзы. Али но, огзэ но кельтытэк, учкисько, уйшор бере мынэ ке но. Вань знатокъёсты нимын-тулын тодӥсько.

'''— Нылкышно но пиосмурт визь висъясько-а?'''

— Висъясько. Мон ӵемысь шӧдонэ вылэ пыкиськисько. Командаысьтымы пиослы озьы ик шуисько: та юанлы валэктонэз уг тодӥськы, но шӧдӥсько, тани тазьы луыны кулэ. Паймоно кадь, озьы ӵем луэ. Нош али ми, К. Герд нимо гимназиысь анай-атайёс, «60 секунд» ӵошатсконэ асьме командаен пыриськиськом. Бадӟым вормонъёс дорозь кыдёкын на, но мылкыдмы туж задор. Али сьӧрам визьзэ сынаны кузпалы но куриське ни. Со Удмурт кун университетысь психолого-педагогической факультетэз йылпумъямын, ӟеч дышетскемын. Нош тодматским ми, «Чипчирганэ» ветлыкумы. Коля отын арганэн шудэ, кырӟа вал. Но ачиз туж востэм. Репетициос бер ӝыт йылпумъясько. Коля монэ эшеным ӵош дорозямы келялляз. Эше матынгес улӥз, соин нырысь сое келяськом, собере — монэ. Эшеным серекъяськом вал: кинлы меда та Коля Дмитриев луоз ни?

'''— «Семья на 5» — тазьы гожтэмын тӥляд Интернет вотэсэ интыям одӥгаз туспуктэмды улын. Тӥ понна ӟеч семья — кыӵе со?'''

— Тодӥськоды-а, мон, 3-тӥ пиналме вайыса гинэ, буйгай. Ваньмыз интыяз пуксиз кадь. Али мон 1 аресъем Маринаеным дорын пукисько. Бадӟым пиелы — Мишалы — 18 арес ни. Со ИжГТУ бордысь колледжын дышетске. Полинамы — К. Герд нимо гимназиын 6-тӥ классын.

Тросгес вырисько семья ужъёсын, киужен, пӧраськонэн. Котькыӵе удмурт нылкышно сямен, яратӥсько, семьяын лад-лад, ваньмыз дорын, котырак ӝӧк сьӧрын пуко ке. Зэм, висказ тыршисько на пӧртэм проектъёсы пыриськыны, общественной ужен вырыны, «Удмурт нылкышно кенешлэн» правлениезлэн ёзчиез луисько. Али Интернет вотэсын «Путешествующая открытка» проектэз нуисько, Ижкарысь нылпиос понна «Шудон корка» проектэ пыриськисько, «Школа этнокультурной политики» проектлэн оргменеджерез луисько. Семьяе сыӵе мылкыдылы дышиз ни кадь. Зэм, ваче вуонъёстэк уг луы. Сыӵе дыръя кин ке нырысь вамыш лэсьтыны кулэ. Мынам туж ӟеч картэ, туж чидась, ужась. Со туж дунъя но яратэ нылпиоссэ.

Азьвыл мон тросгес улӥ мылкыдъёсы вылын. Адямиез вӧсь карисько но бӧрысь туж куректӥсько, асме сиисько вал. Нош али гань-ганьгес, лякытгес луи. Улон дышетэ. Семьяе, нылпиосы дышето. Улонын мон соосты нырысетћ интые пуктӥсько. Туж жаль пото семьятэк, нылпитэк улӥсь адямиос, соос пал туриос кадесь. Тодмо гожъяськись Александр Герцен 19-тӥ дауре ай шуиз: «Семья кутске нылпи бордысен». Шумпотӥсько, куке кышномуртъёс, картсы ӧвӧл ке но, пинал вайыны дӥсьто, быгато. Со но семья ини.

'''— Ӝожомон, жадён вакытъёсты луо ке, мар кариськоды?'''

— Сыӵе вакытъёсыз котькинлэн луо, дыр. Но мон котькуд нуналме тыршисько «Улонмы — чебер!» ӧтёнъя улыны. Озьы ик нимаське одӥгез яратоно кинофильме, режиссёрез Роберто Бениньи. Ачиз ик со валтӥсь рользэ но шудэ. Критикъёс та киноез дуннеысь дас устоосыз пӧлы пырто. Италиысь еврей пичи пиеныз но кышноеныз концлагере сюре. Шимес инты. Солэсь урод та дуннеын луыны уг ни быгаты, дыр. Но валтӥсь герой улонлы, солэн чеберлыкезлы осконзэ уг ышты. Пизэ дышетэ юзыресэз, кӧшкемытэз шоры шудон шоры сямен учкыны. Автор шуэ кадь: та улонын вӧзысьтыд куд-ог адямиос ӧз ке но луэ, ачиз улон озьы ик азинскоз ук, номыр шоры учкытэк, улонмы — чебер! Валтӥсь герой тужгес секыт вакытэ но сыӵе сайкыт пальыша.

Елена Миннигараева
@@ Строка 1: / Строка 1: @@
-=Мон тодӥсько: улон чебер!=
-[[Файл:Nataliya Dmitrieva.jpg|thumb|left|Дмитриева Н. Л.]]
 '''Наталья Дмитриева — удмурт движениысь одӥгез синмаськымон кышномурт,   К. Герд нимо гимназиысь дышетӥсь, пӧртэм удмурт но фин-угор проектъёслэн авторзы, трос нылпиё анай. Кылем арын со пыртэмын удмуртлыкез тужгес ӟеч азинтӥсь 25 муртъёс пӧлы, «Удмурт Кенеш» огазеяськонлэн нимысьтыз кузьыменыз пусъемын.'''
@@ Строка 30: / Строка 27: @@
 '''— Паймытэ тӥляд асьтэды котыр ласянь утчамды, дӥсьтэмды. Мынам тодэмея, тӥ нырысетӥ удмурт «Чеберина» конкурсэ но пыриськылэмын?'''
-[[Файл:Cheberina.jpg|thumb|left|«Чеберина» ӵошатскон бере анаеныз, атаеныз, выныныз но эктонъя эшеныз.]]
 — Озьы. Нырысетӥез «Чеберина» вожвылъяськон ялэмын вал 1994-тӥ арын. Отчы туж трос удмурт нылъёс пыриськизы. Али соос быдэс элькунмылы тодмо луо. Милемыз дышетӥзы сцена вылтӥ ветлыны, астэ йӧно возьыны. «Чеберина» 3 турен ортчиз. Берпуметӥез радъяськиз 1995-тӥ арын 8-тӥ мартэ. Али паймисько: сцена вылэ пыласькон дӥськутэн но потыны дӥсьтоно вал ук! Собере ачид аслыд кыӵе ке дизайнерской дӥськут малпано вал, удмурт дӥсен но потано, туала эктон быдэстоно, пӧртэм юанъёслы валэктон шедьтоно, отын ик творческой номер дасяно. Кызьы но ӧз эскере милемыз! Ми понна «Чеберинае» пыриськон туж бадӟым школа вал. Нокыӵе вожпотонъёс, вожъяськонъёс ӧз шӧдӥське. Ӵошатскон туж шуныт ортчиз. Улонын озьы тупаз, нырысетӥ «Чеберинае» пыриськисьёс пӧлысь 4-ез нылъёс али одӥг  гимназиын ужаськомы: мон, Ольга Перевозчикова (Васильева), Татьяна Швецова (Арикеева) но Светлана Ильина. «Чеберинаын» мон куинетӥ инты басьтӥ, «Визьнодӥ» луи. Паймымон, нылпи садэ ветлыкуз, «Пичи чеберайёс но батыръёс» вожвылъяськонын нылы но «Визьнодӥ» номинациын пусъемын вал.
@@ Строка 61: / Строка 57: @@
 Тросгес вырисько семья ужъёсын, киужен, пӧраськонэн. Котькыӵе удмурт нылкышно сямен, яратӥсько, семьяын лад-лад, ваньмыз дорын, котырак ӝӧк сьӧрын пуко ке. Зэм, висказ тыршисько на пӧртэм проектъёсы пыриськыны, общественной ужен вырыны, «Удмурт нылкышно кенешлэн» правлениезлэн ёзчиез луисько. Али Интернет вотэсын «Путешествующая открытка» проектэз нуисько, Ижкарысь нылпиос понна «Шудон корка» проектэ пыриськисько, «Школа этнокультурной политики» проектлэн оргменеджерез луисько. Семьяе сыӵе мылкыдылы дышиз ни кадь. Зэм, ваче вуонъёстэк уг луы. Сыӵе дыръя кин ке нырысь вамыш лэсьтыны кулэ. Мынам туж ӟеч картэ, туж чидась, ужась. Со туж дунъя но яратэ нылпиоссэ.
-Азьвыл мон тросгес улӥ мылкыдъёсы вылын. Адямиез вӧсь карисько но бӧрысь туж куректӥсько, асме сиисько вал. Нош али гань-ганьгес, лякытгес луи. Улон дышетэ. Семьяе, нылпиосы дышето. Улонын мон соосты нырысетӥ интые пуктӥсько. Туж жаль пото семьятэк, нылпитэк улӥсь адямиос, соос пал туриос кадесь. Тодмо гожъяськись Александр Герцен 19-тӥ дауре ай шуиз: «Семья кутске нылпи бордысен». Шумпотӥсько, куке кышномуртъёс, картсы ӧвӧл ке но, пинал вайыны дӥсьто, быгато. Со но семья ини.
+Азьвыл мон тросгес улӥ мылкыдъёсы вылын. Адямиез вӧсь карисько но бӧрысь туж куректӥсько, асме сиисько вал. Нош али гань-ганьгес, лякытгес луи. Улон дышетэ. Семьяе, нылпиосы дышето. Улонын мон соосты нырысетћ интые пуктӥсько. Туж жаль пото семьятэк, нылпитэк улӥсь адямиос, соос пал туриос кадесь. Тодмо гожъяськись Александр Герцен 19-тӥ дауре ай шуиз: «Семья кутске нылпи бордысен». Шумпотӥсько, куке кышномуртъёс, картсы ӧвӧл ке но, пинал вайыны дӥсьто, быгато. Со но семья ини.
 '''— Ӝожомон, жадён вакытъёсты луо ке, мар кариськоды?'''
@@ Строка 67: / Строка 63: @@
 — Сыӵе вакытъёсыз котькинлэн луо, дыр. Но мон котькуд нуналме тыршисько «Улонмы — чебер!» ӧтёнъя улыны. Озьы ик нимаське одӥгез яратоно кинофильме, режиссёрез Роберто Бениньи. Ачиз ик со валтӥсь рользэ но шудэ. Критикъёс та киноез дуннеысь дас устоосыз пӧлы пырто. Италиысь еврей пичи пиеныз но кышноеныз концлагере сюре. Шимес инты. Солэсь урод та дуннеын луыны уг ни быгаты, дыр. Но валтӥсь герой улонлы, солэн чеберлыкезлы осконзэ уг ышты. Пизэ дышетэ юзыресэз, кӧшкемытэз шоры шудон шоры сямен учкыны. Автор шуэ кадь: та улонын вӧзысьтыд куд-ог адямиос ӧз ке но луэ, ачиз улон озьы ик азинскоз ук, номыр шоры учкытэк, улонмы — чебер! Валтӥсь герой тужгес секыт вакытэ но сыӵе сайкыт пальыша.
-'''Источник:'''
+Елена Миннигараева
-Дмитриева, Наталья Леонидовна. Мон тодӥсько: улон чебер! [Текст] : [беседа] / Наталья Дмитриева ; записала Елена Миннигараева // Удмурт дунне. - 2017. - 9 марта. - С. 10, 15 : фот. - (Тӧр шорын).
-'''За предоставление материала выражаем огромную благодарность редакции газеты
-[http://www.udmdunne.ru/ "Удмурт дунне"]'''
-[[Категория:Удмуртские звезды]]