Редактирование: Дарали Лели

[[Дарали_Лели_(рус) |'''Дарали Лели''']] (Елена Владимировна Петрова) – удмурт гожъяськись.

[[Файл:Dar.jpg|160px|right|Дарали Лели]]

=Улон сюресэз=

Дарали Лели вордӥськиз '''1987'''-тӥ арын 15 гудырикошконэ удмурт шаермылэн шоркараз – Ижын. Алёна – тодмо удмурт кылбурчилэн [[Чернова Татьяна|Татьяна Николаевна Черновалэн]] нылыз, нылпиослы гожъяськись [[Чернова Лидия|Лидия Черновалэн]] нуныкоез луэ.  
 
'''1994'''-тӥ арын Алёна Ижкарысь кыкетӥ номеро школа-интернатэ 1-тӥ классэ мынӥз. Нош 5-тӥ классысен 67-тӥ номеро школаын дышетскиз. Соку ик суредаськиз, выжыкылъёс гожъяз, одӥг-ог кылбураз но. Школаын дышетскон аръёссэ Алёна йылпумъяз гуманитарной лицейын (44-тӥ номеро школа). <ref name="лаптев"> Лаптев А. «Уть ай, таосыд кыӵеесь вылӥллям» // Ӟечбур! – 2000. – 6 апр. – С. 1. </ref>
[[Файл:Chernova6.jpg|150px|thumb|left|Анаеныз Татьяна Черноваен но песянаез Лидия Черноваен]] 
Анаез нылызлэсь тунсыкъяськемзэ шӧдыса, лэся, крезьгуръя школае сётӥз. Нош суредаськонэн нылаш ачиз эшъяськиз ини. Куатетӥ классын дышетскыкуз туж синмаськиз итальян Ренесансысь дэраослы. Суредаськонэн поромыса, тодмо суредась [[Морозов Василий Николаевич|Василий Морозов]] дорын «Шундыкар» лагерьын но йӧндыриз. «Озьы ке но буёлэн вырыны ӧйгес пӧрмыты. Угось буёл – со поэзия выллем, нош мон – график-прозаик», – вера али Елена. <ref name="мама">[http://elibrary.unatlib.org.ru/handle/123456789/9687 Дарали Лели. Мама мия! Таӵезэ вити-а?! // Удмурт дунне. – 2010. – 13 авг. – С. 14.] </ref>  

'''2004'''-тӥ арын пыриз дышетскыны Удмурт кун университетысь филологи факультетысь финн-угор ёзэтаз, венгер но удмурт кылъёсты дышетӥз. Нылаш соку ик пыриськиз студент улонэ. Мылысь-кыдысь дышетӥз мадьяр кылэз. Кылэз дышетон но волятон вылысь вуылӥз Венгрие. '''2007'''-тӥ арын быдэс семестр, февральысен июнёзь, улӥз кунгож сьӧрын. Отысен ик апрель толэзе эшъёсыныз вуылӥзы Чехие, пыриськизы Прагаын соку ортчись Удмуртиысь калык писательлэн, [[Ар-Серги Вячеслав|Вячеслав Ар-Сергилэн]] творческой ӝытаз.

Алёна – творческой адями: маин гинэ уг выры! 
Со туж яратыса выриз ана-крезьгур утчан но шудон бордын. «Мон диджей», – шуэ со ачиз сярысь. '''2008'''-тӥ арын Dj Darali нимын «Авиатор» клубын шудылыны кутскиз. Гуртысь вуэм егит нылъёс но пиос туж лӧптыса  люкаськылӥзы со удмурт позыръяськонъёсазы.  Нылаш ачиз но шумпотыса кырӟан бергатылӥз, шудылӥз удмуртъёс понна. <ref name="ваменэс">[http://elibrary.unatlib.org.ru/handle/123456789/9752 Дарали Лели. Ваменэс дыдылэн малпанъёсыз // Удмурт дунне. – 2011. – 26 янв. – С. 7.] </ref>

'''2009'''-тӥ арын университетын дышетсконзэ  йылпумъяз.
[[Файл:Dar2.jpg|220px|thumb|right|]] 
'''2010'''-тӥ арын тодон-валанзэ будэтӥз Венгриысь Балашши нимо институтын. Кунгож сьӧрысь 10 студентъёсын ӵош мадьяр кылысь анай кылэ берыктонэн выриз. Удмурт кылэ берыктӥз Будапештын ӵем шудылэм туала драмаез. <ref name="ваменэс" />  

Улон – кескич маке, йыр вылэ витьымтэзэ уськытэ. Венгриын дышетскон куспаз, Алёна вуылӥз Италие. Кемалась льӧль малпанэз улонэ но выжиз. Нылашлэн лицейысь хоре ветлэмез юнме ӧз луы. Венгриын дышетскыкуз, одӥгез эшез итальян кылъя кафедрае кырӟаны ӧтиз. Кӧня ке кырӟамзэс тупатэм бере, Дунай гуртысь одӥгаз черкын концерт возьматӥзы, нош берлогес тодмо луиз: Флоренцие мыно! Со нуналъёс нылашлэн сюлэмаз вунонтэм кылёзы! <ref name="мама" />   

'''2010'''-тӥ арын ужез герӟаськиз Удмурт кун филармониен.  Сентябрь толэзьысен со тырше эстрада кырӟанъя «Шулдыр ӝыт» театрын. Татын Алёна [[Марина Галичанина|Марина Галичанинаен]] ӵош малпало выль кырӟанъёс, Женя Сундуковаен артистъёслэн выступлениосазы пырто выль сямъёс. <ref name="ваменэс" /> 

'''2011'''-тӥ арын шаерамы ортчиз егитъёслы пуктэм «Узы-боры» кинофильмлы презентация. Кино сярысь трос пӧртэм вераськонъёс вал. Дарали Лели кинолы сценарий гожтӥз. Капчиен ӧз сётӥськы егит нылашлы та уж. «Дарали – творчество омырын улӥсь адями. Соин куддыръя ог-огмес ӧм валаллялэ, пӧртэм сямен малпаськылӥм», – вера кинолэн режиссёрез, поляк Петыр Палган. Но та уж борды кутскемзы сярысь огзы но пичи но ӧз жалялэ. <ref name="рябина">[http://elibrary.unatlib.org.ru/handle/123456789/9771 Рябина Л. Куинь шӧмо «Узы-боры» // Удмурт дунне. – 2011. – 16 март. – С. 4.] </ref>  

«Ми кылдытӥськом удмурт элита. Со элита кулэ тодыны туала культураез, крезьгурез, модаез, шӧдыса, валаса дӥсяськыны, тунсыко но пӧртэм книгаос лыдӟыны, удмурт газетъёсты но журналъёсты учкылыны…»,– шуэ Петрова Елена Владимировна. <ref name="ваменэс" /> 

'''2011'''-тӥ арын «Зарни вотэс» ӵошатсконъёс ортчизы. Нациосын ужан политикая министерство юнматӥз нимысьтыз приз. Отын ужасьёс синмаськемзэс веразы но туж ӟеч кузьым – ноутбук – кузьмазы Дарали Лелилы. <ref name="рябинина">[http://elibrary.unatlib.org.ru/handle/123456789/9886 Рябинина З. Ми зарни вотэсын! // Удмурт дунне. – 2011. – 16 дек. – С. 14.] </ref>

=Гожъямъёсыз сярысь=

Творческой семьяын будэм бере, нылаш пичи дырысен тэк пукыны ӧз чидалля. Нырысетӥосыз ужъёсыз пӧртэмесь вал. Куараез тупатыса малпам чуръёсыз пӧлын, кылсярысь, таӵеез но пумиське: 
[[Файл:Dar3.jpg|300px|thumb|right|]]
''Ӝӧк сьӧры пуксём ӵошен,''

''Нянез сиём ӵӧж сӥлен.''
 
''Чай юом пирожкиен,''

''Нош табанез вареннен.''

''Ваньмыз вань ӝӧк вылын:''

''Банка тырмен йӧлвылын,''

''Пельменмы но милям вань,''

''Маме сие кутэмнянь,''

''Апи вандэ колобок,''

''Нош мон сико чырс яблок.'' <ref name="лаптев" /> 

Дыр ортчемъя Алёналэсь ужъёссэ газет-журнал бамъёсысь ӵем но ӵем адӟылыны луэ ни вал: [http://elibrary.unatlib.org.ru/handle/123456789/2716 «Ӟечбур!»], [http://elibrary.unatlib.org.ru/handle/123456789/2712 «Удмурт дунне»], [http://elibrary.unatlib.org.ru/handle/123456789/164 «Инвожо»], [http://elibrary.unatlib.org.ru/handle/123456789/165 «Кенеш»]. Гожъяськон – туж мудрон удыс. Вакчиесь веросъёс, выжыкылъёс, новеллаос, этюдъёс сяна со гожъя статьяос. Городын будэм удмурт нылашлы тунсыко потэ гуртысь егитъёслэн улэмзы, малпанъёссы, улон шоры учкемзы. 

'''2009'''-тӥ арын куартолэзе Дарали Лели Удмурт театрын ортчытӥз творчествоя ӝыт: перформанс но ток-шоу. Отын Кумышка но Клаудия нимын Ефремова Надя эшеныз вань йӧспӧртэм малпанъёссэс кисьтӥзы. Отын ик калыке поттӥз соку гинэ вордэм книгазэ: «Гур сьӧрысь суредъёс» нимо аспӧртэмлыко веросъёсын нырысетӥ бичетсэ. <ref name="ваменэс" />   
 
Бичетлэн геройёсыз – нылъёс но кышномуртъёс. Соослэн сюлэмшугъяськонъёссы герӟаськемын синмаськонэн, яратоно муртсэс утчанэн-возьманэн. Вужмисьтэм тема выль сямен усьтэмын. Выль удмурт кылъёс пыр. «Малпанъёсме кужмогес, мылкыдъёсме шонергес возьматыны кылъёс шедьтымтэен, лэся, бичетам выль, литературае та дырозь пыӵамтэ кылъёс пыртылӥ», – сюлэмзэ усьтэ егит автор. <ref name="дмитриева">[http://elibrary.unatlib.org.ru/handle/123456789/9969 Дмитриева Л. Ческыт кылъёсты пӧрась // Удмурт дунне. – 2012. – 15 февр. – С. 5.] </ref> 

Блогъёсаз со, эрико амалъя ӟучо-удмурто гожъяськыса, выль кыл образъёсын шудэ. Кылмылэн чылкытлыкез понна сюлмаськись муртъёс Интернетын кыл вератэк ӧз кельтэ со пумысен. Но сыӵе экспериментъёстэк выль кылъёс, выль мылкыдъёс-сюжетъёс кылдозы шат?  
«Гур сьӧрысь суредъёс» бичетын выль кылъёс текстэ мур пыӵамын. Соос текстын интыязы сыло, кырӟанысь сямен, одӥгзэ но куштыны уг луы. Та гожтосъёсты веросъёс гинэ шуыны уг тупа кадь. Со – пичи зарисовкаос но новеллаос. <ref name="ваменэс" /> 

Та бичетысь троссэ произведениосты огазея кунгож сьӧрен герӟаськем тема: уноез геройёс – Европаын улисьёс, действие ортче Хельсинкиын, Ибицаын, яке, шуом, одӥгезлэн героинялэн льӧль малпанэз кыстӥське Италие. Запад шоры учкон, соя кариськон мылкыд котькуд веросын шӧдӥськымон луэ. <ref name="дмитриева" />   
 
Дарали Лелилэн веросъёсаз удмурт сям нырысь ик возьматӥське нылкышно характер, солэн пиосмурт шоры учконэз пыр. Кылсярысь, со адӟиське «Чайник», «Удмурт колӟо» но мукетъёсаз веросъёсаз… Мадись мурт серекъя кышномуртэз, кудӥзлы карт гинэ мед луысал: сое ас тодэмезъя утялтыны, сюдыны-вордыны гинэ мед кылдоз. Трос вераськисьтэм ке – соку ини воксё йыр поромон идеал. Удмурт нылкышнолэн малпанъёсыз шоры автор серекъяса учке. <ref name="дмитриева" /> 

Тодмо тодосчи [[Ванюшев Василий|Василий Михайлович Ванюшев]] гожтэ: «Тросаз отын («Гур сьӧрысь суредъёс») нокыӵе учырез ӧвӧл кадь, сюжет чуртнаське геройлэн яке мадись муртлэн мылкыдъёсаз, малпаськон радаз. Автор эркын пылаське удмурт кыл пушкын, кылъёсын шудэ, соосыз озьы яке тазьы «позыръя», выль кылъёс кылдытэ. Со чотын но азинске сюжет, мылкыд-малпан нюжа». <ref name="ванюшев">[http://elibrary.unatlib.org.ru/handle/123456789/9969 Ванюшев В. Будон сюрес // Удмурт дунне. – 2012. – 15 февр. – С. 4.] </ref>

=Наградаосыз но премиосыз= 

Бадӟым проза гожтӥсьёс пӧлын «Кенеш» журналлэн литературной конкурсаз вормись («Зорнамер но Занна» роман), 2018 <ref name="darali2"> [http://elibrary.unatlib.ru/handle/123456789/37359 Векшина М. М. 100 выль произведение / Мария Векшина // Удмурт дунне. – 2018. – 23 янв. – С. 2.] </ref>. 

Эстониысь ӵыжы-выжы луись калыкъёслэн программазылэн «Древо мира» премиез удмурт кар лулчеберетэз кылдытэмез но вӧлмытэмез понна, '''2014''' <ref name="darali"> [http://elibrary.unatlib.ru/handle/123456789/16161 Дарали ке Дарали! // Удмурт дунне. - 2014. - 30 мая. - С. 1.] </ref>.

Удмурт журналистика удысысь Эрик Батуев нимо премия, Егитъёсын ужанъя министерстволэсь нимысьтыз приз «Удмурт дуннеысь» егитъёслы сӥзем «Дарт» ватсэтсэ дасямез но тунсыко материалъёс гожъямез понна, 2012 <ref name="darali1"> [http://elibrary.unatlib.ru/handle/123456789/8188 Рябинина З. К. Паймыто Ленаос  / Зинаида Рябинина // Удмурт дунне. – 2013. – 25 янв. – С. 21.] </ref>. 
 
«Зарни вотэс» чошатсконын нимысьтыз приз – ноутбук, '''2012'''.

«Удмурт кенешлэсь» егитъёслы нырысети удмурт кино пуктэм понна Таукарон, '''2011'''.

«Юмшан-promo» «Удмурт блогиня» ним сётиз, '''2010'''.

=Библиография=

==Книгаосыз==

[http://elibrary.unatlib.org.ru/handle/123456789/4607 Гур сьӧрысь суредъёс : веросъёс. – Ижкар : Инвожо, 2009. – 81 с. – (Удмурт ПЕН-клуб но туала тулкым).]

==Статьяосыз==

[http://elibrary.unatlib.org.ru/handle/123456789/9691 Анай шӧм : верос // Удмурт дунне. – 2010. – 24 авг. – С. 7.]

[http://elibrary.unatlib.org.ru/handle/123456789/9579 Бабасыр ; Шляпа улысен учкон : вакчи веросъёс // Удмурт дунне. – 2009. – 21 окт. – С. 7.]

[http://elibrary.unatlib.org.ru/handle/123456789/929 Ӟазег лобон сюрес : верос-антиутопия // Инвожо. – 2008. – № 1/2. – С. 80–84.]

[http://elibrary.unatlib.org.ru/handle/123456789/9156 Кезьыт лымы, яратон... но пуны : верос // Ӟечбур! – 2009. – 12 февр. – С. 4.]

[http://elibrary.unatlib.org.ru/handle/123456789/9219 Кильтырна, "шузи" лыдӟисьёс но ноутбук : выжыкыл // Ӟечбур! – 2009. – 3 сент. – С. 2.]

[http://elibrary.unatlib.org.ru/handle/123456789/909 Лыздари : верос // Инвожо. – 2007. – № 11/12. – С. 65–67.]

[http://elibrary.unatlib.org.ru/handle/123456789/697 Сьӧд зарезьлы пумит : кылбуръёс // Кенеш. – 2009. – № 7. – С. 69–70.]

[http://elibrary.unatlib.org.ru/handle/123456789/1087 "Тодӥськод-а, кызьы..." ; "Мон гур..." ; "Тысьтэм сема кадь пияшен..." ; "Синъёс – питрес колӟоос – пальпото..." ; "Шуш шушы шу сюпсе..." : кылбуръёс // Инвожо. – 2008. – № 11/12. – С. 30.] 

[http://elibrary.unatlib.org.ru/handle/123456789/1039 Удмурт пирог : верос / суредэз А. Гизатуллиналэн // Инвожо. – 2008. – № 5/6. – С. 187–191 : фот.] 

[http://elibrary.unatlib.org.ru/handle/123456789/2692 Урмон : радиоверос // Инвожо. – 2007. – № 5/6. – С. 171–173 : фот.]

[http://elibrary.unatlib.org.ru/handle/123456789/8753 Чайник : верос // Удмурт дунне. – 2008. – 27 февр. – С. 8.]

[http://elibrary.unatlib.org.ru/handle/123456789/1208 Шляпа улысен учкон : верос // Инвожо. – 2009. – № 5/6. – С. 148–149 : фот.]

[http://elibrary.unatlib.org.ru/handle/123456789/9432 Шормуӵын йыромон : верос // Удмурт дунне. – 2009. – 31 марта. – С. 8.]

==Берыктэмъёсыз==

[http://elibrary.unatlib.org.ru/handle/123456789/9810 Галицкий Я. Лыз кышет : кылбур // Удмурт дунне. – 2011. – 22 июня. – С. 8.]

[http://elibrary.unatlib.org.ru/handle/123456789/9810 Исаковский М. Катюша : кылбур // Удмурт дунне. – 2011. – 22 июня. – С. 8.]

[http://elibrary.unatlib.org.ru/handle/123456789/1158 Козин А. Цок : верос // Инвожо. – 2009. – № 3/4. – С. 76–77.]

==Кырӟанъёсыз==

[http://elibrary.unatlib.org.ru/handle/123456789/9726 Галичанина М. Пишты мыным : "Пумиськон – вакчи вакыт..." // Удмурт дунне. – 2010. – 17 нояб. – С. 8 ; Кенеш. – 2011. – № 5/6. – С. 65.]


'''Татчы 2005-тӥ арысен потэм чеберлыко статьяос гинэ пыртэмын, кылемъёсыныз тодматскыны быгатӥськоды [http://unatlib.org.ru/index.php?option=com_content&view=article&id=474&Itemid=319 Удмурт Элькунысь йӧскалык библиотекалэн электрон каталогъёсызъя].'''

=Уже кутэм литература=

<references />

[[Категория:Современные удмуртские писатели |Дарали Лели]]