Редактирование: Голубев Владимир

'''Владимир Васильевич Голубев''' (1923-тӥ арын 24 июле, Пичи Пурга – 2018-тӥ арын 16-тӥ шуркыннмонэ, Москва) – удмурт писатель, журналист.
[[Файл:516.jpg|thumb|right|]]
=Улон сюресэз=

Голубев Владимир Васильевич вордӥськиз Пичи Пурга черкогуртын '''1923'''-тӥ арын 24 июле огшоры крестьян семьяын. <ref name="уваров5"> Уваров А. Владимир Голубев (1923) // Писатели и литературоведы Удмуртии : биобиблиогр. справ. / сост. А. Н. Уваров. – Ижевск, 2006. – С. 144. </ref>
Пичи Володялы кык арес но ӧй вал на, Азинлэн дивизияз ожмаськем атаез Василий Спиридонович '''1924'''-тӥ арын кулӥз. Сирота будӥз Володя.  
Пичи Пургаысь шор ёзо школаын дышетскыкуз ини, дышетӥсьёссэ но эшъёссэ паймытъяз усто дышетскеменыз, трос лыдӟыны вуэменыз. Володя яратэ вылэм А. Гайдарлэсь книгаоссэ, Н. Островскийлэсь «Кызьы андан кыдаз» романзэ лыдӟемез сярысь мадьыны. Школаысь пионеръёс но комсомолецъёс пӧлын ялан азьветлӥсь луэ. Соин, вылды, со «Артек» пионерской лагере но шедьылӥз. Школаез со ушъяно аттестатэн быдтӥз. <ref name="лямин5">[http://elibrary.unatlib.org.ru/handle/123456789/5030 Лямин М. Солдат – журналист // Инвожо. – 2011. – № 7-8. – С. 75 ; Дась лу! – 1978. – 4 мая.] </ref>

Котькуд егит муртлэн вань аслаз малпанэз – кин луыны сюлмаськемез. Володялэн ортчыт потэ вылэм лётчик луэмез, Валерий Чкалов кадь ӧрӟи сямен лобамез. Соин, шор ёзо школаез быдтон азяз, дасяськыны кутске Казаньысь авиационной институтэ пырыны. Люкетэ Быдӟым Отечественной война. <ref name="лямин5" />

Дас классэз «витьёслы» гинэ йылпумъяса, Володя Голубев «Ударник» ёрос газетлэн редакцияз ужаны интыяське. Но '''1941'''-тӥ арын война пуроме. Дас тямыс аресъем егит пи, ас мылкыд каремезъя, фронтэ кошке. <ref name="михайлов6"> Михайлов В. Батыръёсты данъясь батыр // Кизили. – 2003. – № 7. – С. 4. </ref>

Егит пияшлы военно-инженерной училищее мыныны дэмлало. Куать толэзьскын со вал ни младшой лейтенант. Лэзизы Северной Кавказэ, фронт соку ортчиз Ростов город дортӥ. Нырысь со вал нимысьтыз учебной сапёрной батальонын взводлэн командирез, собере луиз стрелковой полкын сапёрной взводлэн командирез. <ref name="лямин5" />

Сапёр. Минаосты утчась. Ньыль ар ӵоже Владимир Голубев туж уно тушмон минаосты октылӥз. Херсон городэз мозмытыку гинэ боецъёсыныз 600 мина утялтӥзы. Кӧня асьме солдатъёсты но офицеръёсты быронлэсь утизы! Та ожын ассэ кышкасьтэм возьматэмез понна, Голубев старшой лейтенантлы сётӥзы Александр Невский нимо орден. Нош азьпалан уно ожмаськонъёс вал на.

Ожмаське Кавказ гурезьёс дорын, Кубанез тушмон киулысь мозмытон ожъёсын, Таманской полуостровысь тушмонлэсь «Чагыр гож» обороназэ тӥянын, Донбассын, Днепрез выже. Вормонэн ӵош ӝутске ачиз, пыре партие, луэ сапёрной роталэн командирез.
Прут шур дурысен В. В. Голубевез ысто   Москвае   Высшой офицерской инженерно-минной школае. Фронтэ вуэ войналэн берпум толэзяз. Ӝоген луэ сапёрной батальонын штаблэн начальникез, собере – капитан чинын комбат.
[[Файл:Golubev3.jpg|thumb|left|С. Будённый маршал В. Голубевлы орден сётэ]]
Сапёр огпол гинэ янгыша, шуо. Нош удмурт офицер Голубев ож лудын одӥг янгыш но ӧз лэсьты, ачиз но улэп кылиз, уно ожгарчиосты но быронлэсь утиз. <ref name="лямин5" />
Лек ожъёсын куинь пол сӧсырме. Правительство вылӥ дунъяз солэсь батыр луэмзэ, В.В. Голубев дунъямын Отечественной войналэн 1-тӥ но 2-тӥ степенё но Горд Кизили орденъёсын, «За отвагу», «За боевые заслуги» но мукет дас медальёсын. Вераны кулэ, Удмуртиысь одӥг гинэ военной журналист пусъемын Александр Невский нимо орденэн. Со адями – Владимир Голубев. <ref name="кузнецов3">[http://elibrary.unatlib.org.ru/handle/123456789/8835 Кузнецов Н. Гадь тыраз медальёс, ӝажы тыраз книгаос // Удмурт дунне. – 2008. – 29 июл. – С. 7.] </ref>

'''1946'''-тӥ арын Владимир Васильевич дышетскыны пыре Москваысь Куйбышев нимо военно-инженерной академие, отын куать ар дышетске. Кема аръёс ӵоже отын ачиз но дышетӥз. Академия бере ужа Московской военной округысь инженерной управлениын, кивалтэ кышкыт но секыт ужен – война ортчем интыосыз разминировать каронэн. Офицерлэн службаез ортче Австриын но, Югославиын но, Румыниын но. <ref name="владимир2"> Владимир Голубевлы – 80 // Кенеш. – 2003. – № 7. – С. 63. </ref>
Ваньмон дыръёсаз ужа пӧртэм архивъёсын, утча Удмуртиысь батыръёс сярысь материалъёс.
Полковник луыса, 1974-тӥ арын отставкае потӥз. Берло аръёссэ Москваын улӥз. <ref name="михайлов6" /> Улонысь кошкиз 2018-тӥ арын 16-тӥ шуркынмонэ <ref name="маяк"> Владимир Васильевич Голубев [Электронный ресурс] // «Маяк» - Общественно-политическая газета Малопургинского района Удмуртской Республики. Режим доступа: http://moyaokruga.ru/id-majak/Articles.aspx?articleId=211098 (дата обращения: 10.07.2019. </ref>.

=Гожъямъёсыз сярысь=

'''1936'''-тӥ арын Володя вань сюлэмзэ сётыса гожъяны кутске «Дась лу!», «Егит большевик» газетъёсы. Отын солэн трос гинэ ужъёсыз потылӥзы.  Отӥяз со газетэн ӧз люкиськылы ни.
В. В. Голубев газетъёсты гожъян сямзэ ӧз ышты. Ожмаськон вакытэ но со газетьёсын эшъяськиз. Ӵош служить карись эшъёсыз сярысь очеркъёс кылдытъяз. Собере веросъёс, повестьёс но гожтӥз. Уно удмурт геройёсты шараяз. Гожъямъёссэ нимаз книгаосын поттылӥз. Соос пӧлысь тужгес но тодмоосыз: "Батыръёс" (1963, 1985), "Солдатлэн данэз" (1964), "Виктор Пислегин" (1966), "Ӧрӟи" (1969), "Ми — разведчикъёс" (1974), "Лудӟиысь батыр" (1974), "Солдат иськемъёс"…(1995) но берпуметӥез книгаез «Берпуметӥез ӟардон» (2011) . <ref name="михайлов6" />
[[Файл:Golubev2.jpg|thumb|right|Ӵош ожмаськем эшъёсыныз]]
Озьы ик ӟуч кылын печатламын «Шаги в бессмертие» (1972) книгаез. Татчы пыро куинь повестьёс: Советской Союзлэн Геройёсыз Виктор Пислегин но Василий Зайцев, куинь Слава орденъёслэн кавалерзы Александр Фёдорович Виноградов сярысь. Ваньзэ ӧвӧлзэ Владимир Васильевич Голубевлэн дас одӥг книгаез потэмын. 

Журналист Владимир Васильевич Голубев, «Дась лу!» газет выльысь потыны кутскем дырысен, ялан гожъя землякъёсмылэн Быдӟым Отечественной война дыръя батыр ожмаськемзы сярысь. Солэн удмурт солдатъёс сярысь гожтэм нимъёсын списокез быдэс батальонлэсь но уно ни, шуо. <ref name="лямин5" />
Кызьы тӥ военной дӥськутэн адями, басьтӥськиды гожъяськон уж борды, шуыса, юанлы, Владимир Васильевич вера: «Москваын улыкум но удмурт газет-журналлы гожтӥськылӥ. Трос лыдӟиськисько вал. Одӥгзэ материалэз война сярысь лыдӟисько, мукетсэ. Маиз ке но сюлэмам уг лякиськы кадь. Соку Кавказ гурезьёсын ожмаськеме сярысь рукописьме келяй Удмуртиысь Писательёслэн огазеяськоназы, но со М. П. Петров кие сюрем. Михаил Петрович пыр-поч учкем но мыным гожтэт ыстэм…». <ref name="грязев3"> Грязев Г. Мон – документалист // Удмурт дунне. – 1995. – 17 февр. – С. 2. </ref>

Повестез яке очеркез гожтон понна куддыръя кӧня материалъёсты ки пыртӥ поттыны кулэ. Автор со гожтонэз сярысь рос-прос умой тодэ ке, сюлмыныз гожтэ ке книгаез лыдӟисьёс доры пыраклы сюрес шедьтэ. Документальной книга гожтон котьку но кутске материал люкан бордысь. Солдатлэн ожмаськемез сярысь документъёсты зарни пырыосты сямен архивысь утчано луэ. Та бордын лад-лад ужамез сярысь В. В. Голубев «Ож тылӝулэн ӵыныз курыт» бадӟым статья поттӥз «Удмурт дунне» газетын. <ref name="голубев1"> Голубев В. Ож тылӝулэн ӵыныз курыт // Удмурт дунне. – 2003. – 8 мая. – С. 5. </ref>
«Одӥгез но повесте огшоры малпаса гожтэмын ӧвӧл, геройёсы улӥзы, ужазы, улонын вунонтэм инты кельтӥзы. Война сярысь гожъяны кулэ ож пыр, тыл но ӵын пыр потэм адями», – шуэ ачиз журналист. <ref name="грязев3" />
Владимир Васильевич ужзэ али но азинтэ. 

=Премиосыз=

Удмурт Элькунысь писательёслэн огазеяськонзылэн ёзчиез.

Удмурт Элькунысь журналистъёслэн огазеяськонзылэн ёзчиез.

=Библиография=

==Книгаосыз==

[http://elibrary.unatlib.org.ru/handle/123456789/7318 Батыръёс : сборник. – Ижевск : Удмуртское книжное издательство, 1963. – 72 с.] 
 
[http://elibrary.unatlib.org.ru/handle/123456789/7299 Батыръёс : Советской Союзлэн Геройёсыз сярысь очеркъёс. – Устинов : Удмуртия, 1985. – 216 с.]
 
[http://elibrary.unatlib.org.ru/handle/123456789/9902 Берпуметӥез ӟардон : документальной повестьёс, очерк. – Ижевск : Удмуртия, 2011. – 182 с.]
 
[http://elibrary.unatlib.org.ru/handle/123456789/7553 Лудӟиысь батыр : геройлэн улонысьтыз суредъёс. – Ижевск : Удмуртия, 1974. – 112 с.]

[http://elibrary.unatlib.org.ru/handle/123456789/7320 Ми – разведчикъёс : документальной повесть. – Ижевск : Удмуртия, 1974. – 80 с.]
 
[http://elibrary.unatlib.org.ru/handle/123456789/7332 Пыраклы егитэсь : очеркъёс, документальной повестьёс. – Ижевск : Удмуртия, 2001. – 231 с.]
  
[http://elibrary.unatlib.org.ru/handle/123456789/9909 Ӧрӟи : Петр Бабкин сярысь повесть / В. Голубев, Г. Ходырев. – Ижевск : Удмуртия, 1969. – 75 с.]
 
[http://elibrary.unatlib.org.ru/handle/123456789/7554 Виктор Пислегин : документальной повесть. – Ижевск : Удмуртия, 1966. – 111 с.] 

[http://elibrary.unatlib.org.ru/handle/123456789/7300 Солдат иськемъёс : очеркъёс, повестьёс. – Ижевск : Удмуртия, 1995. – 248 с.] 

[http://elibrary.unatlib.org.ru/handle/123456789/7302 Солдатлэн данэз. – Ижевск : Удмуртия, 1964. – 62 с.]

[http://elibrary.unatlib.org.ru/handle/123456789/9899 Тылӝу пыр : ёзъёсылэн адӟонзы – мынам адӟонэ : солдатлэн тодэ ваёнъёсыз. – Малая Пурга : Издательский дом "Маяк", 2003. – 191 с.]

[http://elibrary.unatlib.org.ru/handle/123456789/7014 Шаги в бессмертие : очерки. – Ижевск : Удмуртия, 1978. – 124 с.]

==Статьяосыз==

[http://elibrary.unatlib.org.ru/handle/123456789/3730 Берпуметӥез ӟардон : документальной повесть // Кенеш. – 2005. – № 5/6. – С. 3–38.]

[http://elibrary.unatlib.org.ru/handle/123456789/5031 Бугрыш пи : очерк // Инвожо. – 2011. – № 7/8. – С. 76–79.]

[http://elibrary.unatlib.org.ru/handle/123456789/8513 Буре ваён бусы : кузьмадёс // Кенеш. – 2013. – № 3. – С. 3-31. – (Проза). ; Кенеш. – 2013. – № 4. – С. 8-22. – (Проза). ; Кенеш. – 2013. – № 5-6. – С. 6-20. – (Проза).]

[http://elibrary.unatlib.org.ru/handle/123456789/12606 Виктор Пислегин, погибший под Лугой // Удмуртская правда. – 2008. – 11 апр. – С. 8.]

[http://elibrary.unatlib.org.ru/handle/123456789/5280 Вормон сюреслэн кутсконэз // Кенеш. – 2011. – № 11/12. – С. 57–59.]

Вунонтэм подвиг : верос / В. Голубев, Г. Ходырев // Покчи эше : 1–2-тӥ классъёсын ватсаса лыдӟон книга. – Ижевск, 2006. – С. 135–136.

Выльысь вераськыны дышиз : верос // Азвесь кышетэн толэзь : веросъёс : семьяын лыдӟон книга. – Ижевск, 2007. – С. 30–31.

Днепрез тодам возисько... // Удмурт дунне. – 2005. – 20 дек. – С. 6–7.

[http://elibrary.unatlib.org.ru/handle/123456789/427 Дорен люкиськон // Кенеш. – 2008. – № 4. – С. 34–39.]

К 70-летию подвига танкиста В. Пислегина // Увинская газета. – Ува, 2011. – 12 июля. – С. 3.

[http://elibrary.unatlib.org.ru/handle/123456789/635 Кайгу кыӵес : повесть // Кенеш. – 2009. – № 4. – С. 3–35.]

Кунгожез выжонын нырысьёсыз пӧлын // Иднакар. – Глазов, 2005. – 18 марта. – (К 60-летию Победы).

[http://elibrary.unatlib.org.ru/handle/123456789/3698 "Мон – солдат..." : очерк // Кенеш. – 2005. – № 2. – С. 75–85.]

На войне – снайпер, а в дни мира – учитель // Маяк. – Малая Пурга, 2012. – 22 июня. – С. 2, 7.

Нимтэм вырйыл понна // Удмурт дунне. – 2005. – 26 апр. – С. 8.

[http://elibrary.unatlib.org.ru/handle/123456789/9085 Ожын – снайпер, гуртаз – дышетӥсь : очерк // Ӟечбур! – 2008. – 24 июля. – С. 14–15.]

[http://elibrary.unatlib.org.ru/handle/123456789/10194 Ортчемез уг вуны : тодэ ваёнъёс // Кенеш. – 2013. – № 5-6. – С. 22-30 : фот.]

Останутся в памяти навечно // Земляки : удмурт. землячество в Москве. – Ижевск, 2008. – С. 46–48.

[http://elibrary.unatlib.org.ru/handle/123456789/2984 Тылож суредъёс // Кенеш. – 2010. – № 4. – С. 52–61. – (Быдӟым Вормонлы – 65). – Пуштросэз: Днепр шур дурын ; Будапештэз мозмытон ; Вормон тулыс.]


'''Татчы 2005-тӥ арысен потэм чеберлыко статьяос гинэ пыртэмын, кылемъёсыныз тодматскыны быгатӥськоды [http://unatlib.org.ru/index.php?option=com_content&view=article&id=474&Itemid=319 Удмурт Элькунысь йӧскалык библиотекалэн электрон каталогъёсызъя].'''

=Уже кутэм литература=

<references />

[[Категория:Современные удмуртские писатели|Голубев Владимир]]