Редактирование: Ганькова Любовь

'''Любовь Леонидовна Ганькова''' - удмурт кылбурчи.
[[Файл:Gankova.jpg|thumb|right|]]
=Улон сюресэз=

Любовь Леонидовна Ганькова вордӥськиз '''1949'''-тӥ арын 12 куартолэзе Алнаш ёросысь Вуж Ӟуння гуртын трос нылпиё семьяын. Пиналъёс пӧлысь самой бадӟымез. 

Аресэз вуыса, дышетскыны Ӟуння гуртаз ик мынӥз. Любалэн нырысетӥ дышетӥсез Зоя Григорьевна Григорьева-Богомолова вал. Нылаш школае лыдӟыны но гожъяськыны дышыса мынӥз. Дышетскиз умой, но, ачиз верамъя, туж аляк вал, пиослы ассэ обиде ӧз сётылы.  <ref name="ганькова2">Ганькова Л. Пичи дыр тодэ ваёнъёс // Уходят корни в глубь веков…= Даур ортче – пытьы кельтэ / Любовь Ганькова. – Алнаши, 2006. – С. 5-16.</ref>

Школаез йылпумъяса, 15 аресын ас мылкыд каремезъя скал кыскыны мынӥз. Туж шумпотӥз кутэмзылы, угось дояркаос гуртын дано адямиос вал, туж йӧноесь. Татын басьтӥз нырысетӥ Данъян грамота но синпелет (дэрем тыр китайской буртчин кесэг). Со туж дано вал. <ref name="ганькова1">Ганькова Л. Азькыл // Мон кышномурт : кылбуръёс, кырӟанъёс, веросъёс / Л. Ганькова. – Ижевск, 2012. -  С. 3-4.</ref>

Но егит нылашлэн шулдыръяськем но потэ. Со вакытэ гуртазы туж умой радъямын вал художественной самодеятельность. Отчы ачиз мыло-кыдо ветлэм сяна, Люба эшъёссэ но сьӧраз кыскиз. Калыкез огазеяны быгатэмзэ шӧдыса-а, яке ужаны-кыданы вуымтэ мугорзэ жаляса-а, колхозысьтызы парторгзы Михаил Михеев солы мукет уж ӵектӥз: гуртысь клубен, пе, кивалтод. Туж шулдыр ужазы. Любалэсь ӟеч, сюлмысь ужамзэ кузёос адӟытэк ӧз кельтэ. Алнашысь чебер тодосъя ёзэт солы Москвае ВДНХ-е ветлыны путёвка сётъязы, Данъян грамотаен но пусйизы.  <ref name="тихонова8">[http://elibrary.unatlib.org.ru/handle/123456789/10033 Тихонова Л. Сандык тыр буртчин басмаосы // Удмурт дунне. – 2012. – 26 июня. – С. 5.]</ref>

'''1968'''-тӥ арын пинал нылаш, Любовь Дмитриевна Вершинина дышетӥсез ӵектэмъя, дышетскыны кошкиз. Бухгалтере дышетскиз но Байтэрег сельпоын, сельхозтехникалэн Алнаш огазеяськоназ ужаз. Татысь ӟуч коллективен ачиз но Любовь Леонидовна воксё воштӥськиз: дӥсьтӥсьтэм, востэм, возьдаськись сямыз быриз, ӟуч кыллы умой дышиз. Та коллектив сямзэ кыдатӥз, аслыз осконзэ юнматӥз. Тылӝуэз но солэсь бервылъёссэ адӟем арлыдо адямиос пинал нылкышноез ас нылзэс кадь яратӥзы, визь-кенешен, улон интые нюрттӥзы. Татын Любовь Леонидовна 20 ар ужаз. Берло ӵош ужам эшъёссэ гажаса но буре вайыса, соос сярысь книга гожтӥз. 2007-тӥ арын «Жива во мне и в тебе МТС» нимын поттӥз. Сӥземын вал со Алнаш МТС-лэн 75 ар тырмонэзлы. Сюлмысь, быгатыса ужамез кызьлэсь трос Данъян грамотаосын пусйылэмын. <ref name="карпушина5">Карпушина Н. Любовь Ганькова : «Лулы буйга гожъяськонэн» // Алнаш куара. – 2012. – 7 дек. – С. 2.</ref>

'''1992'''-тӥ арын, районысь кивалтӥсьёслэн куремзыя, Алнашысь вытъя инспекцие ужаны выжиз. Отын но ас ужзэс тодӥсь-валась бухгалтеръёс кулэ луизы. Татын но Любовь Леонидовна адямиосын одӥг кыл шедьтыса 18 ар ӵоже ужаз. Уно данъян пусъетъёсыз пӧлысь со тужгес но дуно каре Удмуртиысь налоговой службалэсь Данъян грамотазэ. <ref name="карпушина5" />

Буйганы валасьтэм кышномурт коть кытчы вутскыны тырше. Ачиз сярысь тазьы маде:
— Сямыя мон чурыт, лякыттэм адями. Котырысь чеберзэ адӟытэк куддыръя кыӵе ке шекъёсыз синйылтӥсько но маке аламазэ кинлы ке меӵак синмаз верано кожасько, ӟурисько. Зэмлык синмез ӵогыртэ, шуо. Куд-огезлы со уг яра, куатаськисез но сюре. Соин ик эшъёсы ӧжыт. Аръёс ортчемъя валай: зэмос эшъёс трос уг луо вылэм. Рос-прос, чырткем, ужлы сюлмо, сётэм кылзэс быдэстӥсь адямиос сюлэмылы матын. Дуно машинаен ворттылӥсьёслы, кунгож сьӧрын шутэтскисьёслы, куинь-ньыль этажъем коттеджъёсын улӥсьёслы уг вожъяськиськы. 
Кибашлы муртъёслы синмаськисько. Малы меда мон озьы уг быгатӥськы шуыса малпасько. <ref name="любовь7">[http://elibrary.unatlib.org.ru/handle/123456789/13055 Любовь Ганькова // Кенеш. – 2013. – № 7. – С. 10-11.]</ref>

Любовь Леонидовна вань улытозяз общественной ужен выриз: комсомольской организацилэн секретарез, совхоз правленилэн членэз, профсоюзной комитетлэн тӧроез, ог 20 ар пала народной заседатель вал. <ref name="ганькова1" />

'''2012'''-тӥ арын пӧсьтолэзе ас мылкыд каремезъя ужысьтыз кошкиз, ял каремез потӥз. Али пенсионер ке но, тэк пукыны уг чида, аслыз уж шедьтэ. <ref name="карпушина5" />

=Гожъямъёсыз сярысь=

Гожъяськыны Люба егитысен кутскиз. Но кылбуръёссэ нокинлы возьматыны ӧз дӥсьтылы. Одӥг пол, ассэ вормыса, кылбуръёсын тетрадьзэ «Советской Удмуртия» газетэ ыстӥз ик вал. Но оло кылбуръёсыз кисьмамтэгес вылӥллям, оло ыштӥллям, газет бамысь кылбуръёссэ ӧз адӟы. Тетрадьзэ но ӧз берыктэ. Пенсие потыса ини, мылкыдыз ӧръяськиз. <ref name="карпушина5" />

Гожъяськыны кутскем бераз нош зэмос эшъёсыз ручка но кагаз луизы. Со понна гожъяськон — сюлэм буйгатон, ӝож мылкыдэз, шумпотэм лулэз ӧръяса кыре лэзён.

Али кылбуръёссэ, кырӟанъёссэ, веросъёссэ, сям-йылолъёс сярысьгожъямъёссэ газет-журналъёс шумпотыса печатлало. Любовь Леонидовна егит дырысеныз шаертодонэн тунсыкъяськиз. Гуртлэсь историзэ мургес тодон вылысь шутэтскон нуналъёсаз, ас дырзэ жалятэк, коркась корка пыраса, пересьёс дортӥ ветлыса, верамъёссэс гожъяз. Казаньысь архивын но трос бугыръяськиз, Ижысь, Москваысь, Кировысь архивъёсын кусып тупатӥз. '''2005'''-тӥ арын «Уходят корни в глубь веков» книгаез потӥз.

'''2009'''-тӥ арын веросъёсын но кылбуръёсын «Анае вералоз вал…» бичетэз вуиз. Туж ӧжыт тиражен ке но, '''2012'''-тӥ арын гожъямъёсыныз нимысьтыз «Мон кышномурт» нимо бичетсэ поттыны быгатӥз на. Та книгаосызлы дунне вылэ вордскыны юрттӥз «Алнаш колхозник» ёрос газетлэн со вакытэ валтӥсь редакторез [[Иванов Иосиф|Иосиф Иванов]]. <ref name="тихонова8" />

Та арын ик удмурт калык такмакъёсты люкаса, автормы [http://issuu.com/national_library_of_udmurtya/docs/untitled.fr15 «Ӟуння кырӟа, эктэ, вера»] нимо книга поттыны быгатӥз на.

Любовь Леонидовна ассэ зэмос кылбурчиос радэ уг пырты. «Соос мынам лябесь, норедэсь, вылаз ӝог лыктымтэ кутэмнянь кадесь пото», – вера  кылбурчи аслаз кылбуръёсыз сярысь. Соин но, дыр, али веросъёс бордынгес ужа. Нош удмурт калыклэн улэм-вылэм сюресэз эшшо но тунсыко йӧтэ, дауръёс пыр потэм шумпотонъёсыз, яратонэз, кайгу адӟонъёсыз бордазы кыско. <ref name="любовь7" />

Любовь Леонидовна пыриське элькунамы но ёросын ортчись пӧртэм ӵошатконъёсы (конкурсъёсы). '''2002'''-тӥ арын «Инвожо» журнал ялӥз удмурт вӧсьёслы сӥзем ӵошатскон. «Ӟуння вӧсьёс» ужез куинетӥ инты басьтӥз. '''2005'''-тӥ арын Удмурт нылкышно кенеш но Ижевскысь Пастухов нимо библиотека «Табань» нимо конкурс ялӥзы. Шаерчи табань сярысь газетэ материал дасяз, кылбур но кылдытӥз – Николай Постников соя  крезьгур гожтӥз. Мукет но куд-ог кылбуръёсыз кырӟан луизы. Кылбурчи ачиз ик крезьгурчи но луэ. <ref name="губкина3">[http://elibrary.unatlib.org.ru/handle/123456789/9501 Губкина М. Даур ортче, пытьы кыле // Удмурт дунне . – 2009. – 24 июня. – С. 5.]</ref>

Нош алигес та синмаськымон кышномурт быдэс журналэн поттымон гожъямъёссэ «Кенеш» журналлэн редакцияз сётӥз. Маиз но отын ӧвӧл! Тужгес бадӟымез — [http://elibrary.unatlib.org.ru/handle/123456789/12229 «Яйкан выжы»] кузьмадёсэз. Таоссэ поттыны дасяса ӧз вуттэ на вал, жингыртэ ини: калыкысь меӵкытъянъёс, лэчыт, визьмо веранъёс люканы кутски, пе, тӥледлы кулэ луозы-а? Ма, кызьы кулэ уз луэ? <ref name="любовь7" />

'''2005'''-тӥ арын ёросысьтызы Ашальчи Оки нимо премия сётӥзы, нош 2011-тӥ арын Алнаш ёрослэн дано муртэз каризы.

'''2013'''-тӥ арлэн кутсконаз Любовь Леонидовна Ганьковаез Удмурт Элькунысьтымы гожъяськисьёслэн радазы кутӥзы. <ref name="дарали4">[http://elibrary.unatlib.org.ru/handle/123456789/8343 Дарали Лели. Вормонтэм кӧ // Удмурт дунне. – 2013. – 9 апр. – С. 3.]</ref>

=Премиосыз=

Алнаш ёрос Ашальчи Оки нимо премилэн лауреатэз, '''2005'''

Алнаш ёрослэн дано муртэз ним, '''2011'''

Удмуртиысь писательёслэн огазеяськонзылэн ёзчиез, '''2013'''

Удмурт Элькунысь Правительстволэн литературая премиезлэн лауреатэз луиз «Устоез чеберлыко литературая произведение (верос, повесть, роман)» «Палтури» книгаеныз, '''2022'''.

=Библиография=

==Книгаосыз==

[http://catalog.unatlib.org.ru/cgi-bin/1/cgiirbis_64.exe?LNG=&C21COM=F&I21DBN=IKNBU&P21DBN=IKNBU&Z21ID= Уходят корни в глубь веков...  = Даур ортче - пытьы кельтэ : статьи, рассказы, стихи, песни, фотодокументы. - Алнаши : Ред. газ. "Алнаш. колхозник", 2006. - 173 с.]

[http://catalog.unatlib.org.ru/cgi-bin/1/cgiirbis_64.exe?LNG=&C21COM=F&I21DBN=IKNBU&P21DBN=IKNBU&Z21ID= Мон кышномурт : кылбуръёс, кырӟанъёс, веросъёс. - Ижевск : Инвожо, 2012. - 142 с.]

[http://catalog.unatlib.org.ru/cgi-bin/1/cgiirbis_64.exe?LNG=&C21COM=F&I21DBN=IKNBU&P21DBN=IKNBU&Z21ID= Анае вералоз вал... : кылбуръёс, веросъёс, кырӟанъёс. - Алнаши : Алнашский колхозник, 2009. - 100 с.]

Озьы вылэм... : удмурт калык фольклор (калыкысь верам визьмо кылъёс, меӵкытъянъёс, ӵошатонъёс, Алнаш пал такмак кырӟанъёс, ӵыжы-выжылы вазиськонъёс), кылбуръёс, веросъёс. - Ижевск : Инвожо, 2014. – 135 с.

Куӵыктӥсь мылкыд : кылбуръёс, веросъёс. - Ижкар : Инвожо, 2015. – 87 с.

Малпанъёсам уло аръёс : кылбуръёс, веросъёс, мадёсъёс, визькылъёс. - Ижевск : Удмуртия, 2016. – 197 с.

Кышномурт мылкыд : кылбуръёс, веросъёс, визькылъёс, дунъетъёс. - Ижевск : Удмуртия, 2017. - 135 с.

Палтури : тодэ ваёнъёс, веросъёс но мадёсъёс, инкуазь суредъёс, визькылъёс, кылбуръёс. - Ижевск : Удмуртия, 2019. - 239 с.

Кулак пиос : визьбыртыкъёс, кылбуръёс, инкуазь суредъёс, веросъёс, кузьмадёс. - Ижевск : Удмуртия, 2020. - 239 с.

Мар сярысь бӧтьыртэ Палды шур : веросъёс, тодэваёнъёс, кылбуръёс, визькылъёс. - Ижевск : Удмуртия, 2022. - 288 с.

==Статьяосыз==

Адями мар шуоз : верос // Алнаш куара. – 2009. – 9 окт.

[http://elibrary.unatlib.org.ru/handle/123456789/9890 Анаелы : кылбур // Удмурт дунне. – 2011. – 27 дек. – С. 7. – (Шудэлэ тӥ, серектэ).]

[http://elibrary.unatlib.org.ru/handle/123456789/8311 Вакытэз сыӵе вал... : кылбуръёс // Кенеш. – 2012. – № 8. – С. 56–58. – (Лыдӟисьёсмылэн чуръёссы). – Пуштросэз : "Вунэто ай тонэ: валасько сюлмыным..." ; "Оло кылчин, оло шайтан..." ; "Яратонлэсь шӧмзэ уг тодӥськы на вал..." ; Вакытэз сыӵе вал... ; Анай.]

Вордӥськем нунал : верос // Алнаш куара. – 2012. – 12 окт. – С. 2. – (Арлыдоослы сӥзем толэзь азьланьтӥське).

Вунэтэм ӟуч кыл ; Ӟумӟа килен (Ӟуння кен) ; Сьӧд пӧзьыос : веросъёс // Алнаш куара. – 2013. – 29 марта. – С. 2.

Гурт кышномуртлы сӥзисько : кылбур // Ашальчи. – 2005. – № 3. – С. 21.

[http://elibrary.unatlib.org.ru/handle/123456789/5237 Дыр ортче ; "Шунды но пиштӥз..." ; Эзель огпол лыктэ ; "Кулон сярысь вазьгес ай малпаськын..." ; Куакагырлы но Чуньыбыж : кылбуръёс, басня // Кенеш. – 2011. – № 10. – С. 54–55.]

[http://elibrary.unatlib.org.ru/handle/123456789/4552 Зарни зундэс : верос // Алнаш куара. – 2005. – 18 февр. ; Ашальчи. – 2005. – № 1. – С. 38–40 ; Кенеш. – 2005. – № 3. – С. 49–51. – ("Мон тодам ваисько" конкурсэ) ; Уходят корни в глубь веков... : ст., рассказы, стихи, песни, фотодок. / Л. Л. Ганькова. – Алнаши, 2006. – С. 126–127.]

[http://elibrary.unatlib.org.ru/handle/123456789/5369 Ӟудэм сюлэм : верос // Кенеш. – 2012. – № 1. – С. 64–71. – (Улон гердъёс).]

Ӟуння табань : кылбур // Алнаш куара. – 2005. – 28 янв.

Кантор Гарась : верос // Алнаш куара. – 2011. – 6, 13 мая. – С. 2.

"Кизилиос мыным сипыртыло..." ; "Вунэто ай тонэ: валасько сюлмыным..." ; "Оло кылчин, оло шайтан..." ; "Яратонлэсь шӧмзэ уг тодӥськы на вал..." ; "Куддыръя шундыё нуналлэн шорсюлмаз но..." ; "Анаед кужымзэ ик сётэм." ; Эн ветлы, эн иса ; Кожасько вал... : кылбуръёс // Алнаш куара. – 2012. – 3 февр. – С. 2. – (Лыдӟисьёсмылэн творчествозы).

[http://elibrary.unatlib.org.ru/handle/123456789/9374 Колхоз кузё : верос // Удмурт дунне. – 2009. – 20 янв. - С. 6–7.]

[http://elibrary.unatlib.org.ru/handle/123456789/9853 Кужым мед сётозы аръёс : кылбур // Удмурт дунне. – 2011. – 28 сент. – С. 4.]

[http://elibrary.unatlib.org.ru/handle/123456789/3082 "Куке уг радъяськы улон..." ; "Кӧня улонам янгыш лэсьтэмын..." ; "Маин дунъялом калыклэсь юрттэмзэ..." ; Малы меда? : кылбуръёс // Кенеш. – 2010. – № 10. – С. 74.]

[http://elibrary.unatlib.org.ru/handle/123456789/266 Кытчы ышиз егит дыры? ; Эшелы ; Лушкем яратон : кылбуръёс // Кенеш. – 2006. – № 3. – С. 70.]

Лушкам шуд : верос // Алнаш куара. – 2005. – 7, 14, 21, 28 окт., 7 нояб.

[http://elibrary.unatlib.org.ru/handle/123456789/326 Лушкам яратон : верос // Кенеш. – 2006. – № 8. – С. 89–98 ; Уходят корни в глубь веков... : ст., рассказы, стихи, песни, фотодок. / Л. Л. Ганькова. – Алнаши, 2006. – С. 71–78.]

[http://elibrary.unatlib.org.ru/handle/123456789/8343 Льӧмпу сяська : кылбур // Удмурт дунне. – 2013. – 9 апр. – С. 5. – (ИнГОЖ).]

[http://elibrary.unatlib.org.ru/handle/123456789/8518 Мар луиз, мусое? : кылбуръёс // Кенеш. – 2013. – № 3. – С. 59–60. – (Лыдӟисьёсмылэн чуръёссы). – Пуштросэз : Пумитай тонэ бер ; Нуналъёс ; Тон понна, мусое? ; Буре ваён ; Солдат бертӥз ; Мар луиз, мусое?..]

Мар уг тырмы сюлэмлы? : верос // Алнаш куара. – 2011. – 11, 18 марта. – С. 3. – (Лыдӟисьёсмылэн творчествозы).

[http://elibrary.unatlib.org.ru/handle/123456789/10033 Мон кышномурт ; "Пие понна уг сяськая льӧмпу..." ; Курисько : кылбуръёс // Удмурт дунне. – 2012. – 26 июня. – С. 5.]

Мон уло ай : верос // Алнаш куара. – 2010. – 29 окт., 3 нояб. – С. 6 ; Удмурт дунне. – 2011. – 17 янв. – С. 6–7.

Очан Биктур, Сонгро Лёгор но мукетъёс : верос // Алнаш куара. – 2011. – 11,18 нояб. – С. 2.

Ӧтьымтэ куноос ; Эн кушты, инмаре! ; Шудо кожасько : кылбуръёс // Алнаш куара. – 2009. – 15 мая.

Председатель : верос // Алнаш куара. – 2009. – 30 янв., 6, 13, 27 февр., 6, 13, 20, 27 марта.

Такое было время : стихотворение / пер. с удмурт. Л. Курбатова // Алнашский колхозник. – 2011. – 25 нояб. – С. 1.

[http://elibrary.unatlib.org.ru/handle/123456789/10065 Тон мынам одӥг гинэ : кылбур // Удмурт дунне. – 2012. – 28 авг. – С. 7. – (Шудэлэ тӥ, серектэ) (Кин гожтоз гурзэ?).]

"Уг тодӥськы анаелэсь вешаськемзэ..." ; Анай : кылбуръёс // Алнаш куара. – 2011. – 25 нояб. – С. 2. – (Анайёслэн нуналзылы).

[http://elibrary.unatlib.org.ru/handle/123456789/4945 Улон-адӟон ; Улын кулэ ; Кожасько вал... ; Албастыос ; Кӧттырмостэм : кылбуръёс // Инвожо. – 2011. – № 11/12. – С. 64–65.]

[http://elibrary.unatlib.org.ru/handle/123456789/8883 Улэм потэ : улонысь учыр // Инвожо. – 2005. – № 5/6. – С. 57-61.]

[http://elibrary.unatlib.org.ru/handle/123456789/9561 Шуд аграндэ, выны ; Сюрес ; Ӵошен... но огнам ; Акшан вакыт ; Кылдымтэ туганэ ; Эн суралэ йырвизьме ; Мон кышномурт : кылбуръёс // Удмурт дунне. – 2009. – 15 сент. – С. 7.]

Яратон сьӧлык ӧвӧл : верос // Удмурт дунне. – 2013. – 19 марта. – С. 6–7. – (ИнГОЖ).

==Кырӟанъёсыз==

[http://elibrary.unatlib.org.ru/handle/123456789/5382 Постников Н. Аслам кадь : "Вордӥськем гуртэд но..." / кылъёссэ гожтӥз Л. Ганькова // Кенеш. – 2012. – № 1. – С. 106. – (Жингырты, удмурт кырӟан).]

Постников Н. Кин шуиз : "Кин шуиз, ми – пересьёс..." / кылъёссэ гожтӥз Л. Ганькова // Уходят корни в глубь веков / Л. Л. Ганькова. – Алнаши, 2006. – С. 170.

[http://elibrary.unatlib.org.ru/handle/123456789/5381 Постников Н. Табань : "Котькыӵе изэм пызьлэсь..." / кылъёссэ гожтӥз Л. Ганькова // Алнаш куара. – 2005. – 18 февр. ; Ашальчи. – 2005. – № 1. – С. 36 ; Уходят корни в глубь веков / Л. Л. Ганькова. – Алнаши, 2006. – С. 68 ; Малпасько тонэ : кырӟанъёс = А мне бы увидеть тебя : песни / Николай Постников. – Ижевск, 2010. – С. 81–82 ; Кенеш. – 2012. – № 1. – С. 104–105. – (Жингырты, удмурт кырӟан).]

[http://elibrary.unatlib.org.ru/handle/123456789/9501 Постников Н. Шуд аргандэ, выны : "Туэ бертам вордскем гуртам..." / кылъёссэ гожтӥз Л. Ганькова // Удмурт дунне. – 2009. – 24 июня. – С. 6. – (Шудэлэ тӥ, серектэ) ; Малпасько тонэ : кырӟанъёс = А мне бы увидеть тебя : песни / Николай Постников. – Ижевск, 2010. – С. 84–85.]

Постников Н. Эшелы : "Ӝамдӥсяк пумиським но..." / кылъёссэ гожтӥз Л. Ганькова // Уходят корни в глубь веков / Л. Л. Ганькова. – Алнаши, 2006. – С. 169 ; Малпасько тонэ : кырӟанъёс = А мне бы увидеть тебя : песни / Николай Постников. – Ижевск, 2010. – С. 83.

[http://elibrary.unatlib.org.ru/handle/123456789/7795 Трубачев Н. Тон мынам одӥг гинэ : "Аръёс ортчо, мон улӥсько огнам..." / кылъёссэ гожтӥз Л. Ганькова // Кенеш. – 2012. – № 11/12. – С. 103. – (Жингырты, удмурт кырӟан).]


'''Татчы 2005-тӥ арысен потэм чеберлыко статьяос гинэ пыртэмын, кылемъёсыныз тодматскыны быгатӥськоды [http://unatlib.org.ru/index.php?option=com_content&view=article&id=474&Itemid=319 Удмурт Элькунысь йӧскалык библиотекалэн электрон каталогъёсызъя].'''

=Уже кутэм литература=

<references />

[[Категория:Современные удмуртские писатели|Ганькова Любовь]]