Редактирование: Бобров Иосиф

'''Бобров Иосиф Петрович'''('1943'''-тӥ арын 6-тӥ инвожое, Алнаш ёросысь Сизьгурт - 2013-тӥ арын шуркынмонэ, Алнаш ёросысь Удмурт Гондыр гурт) - удмурт кылбурчи, Удмурт Элькунысь гожъяськисьёслэн огазеяськонзылэн ёзчиез.
[[Файл:Bobrov - 0001.jpg|thumb|right|]]


=Улон сюресэз=

Бобров Иосиф Петрович вордӥськиз '''1943'''-тӥ арын 6-тӥ инвожое Алнаш ёросысь Сизьгуртын (Дятлево). <ref name="уваров7"> Уваров А. Иосиф Бобров (1943) // Писатели и литературоведы Удмуртии : биобиблиогр. справ. / сост. А. Н. Уваров. – Ижевск, 2006. – С. 20. </ref>
Сизьгуртын вордскем пияшлэн пичи дырыз турлы гуртъёсын ортчиз. Анаез быдэс улонзэ сямен турлы интыосын я бухгалтер, я счетовод луыса ужаз. Соин ик сое ӵем гинэ одӥгысьтыз хозяйствоысь  мукетаз ыстылӥзы. Ас тодэмезъя-валамезъя ёзви вырӟемъёсты тупатыны дышетскиз. Трос адямиосты со висён-курадӟонлэсь мозмытӥз. Война вакыт вордскыса но атайтэк будыса,  пияш трос гинэ курытсэ но, кузьытсэ но ӟузиз. Но, котьма ке но, сюлэмыз ӧз сӥялскы, ӧз измы, «курыт» ӧз луы. <ref name="иванов2"> Иванов И. «Я, вай ум тодэ жадёнэз…» // Алнаш колхозник. – 1993. – 5 июня. </ref>
 
'''1960'''-тӥ арын Вуж Утчанысь шор ёзо школаез йылпумъям бераз, Ижкарысь тямыс классъем школаослы физикая но математикая  дышетӥсьёсты дасян курсъёсын дышетскиз, собере Удмурт Гондыргуртысь тямыс классъем школаын. Кӧня ке ар ӵоже Алнашысь комсомоллэн райкомаз кыкетӥ секретарез вал. <ref name="иосиф3"> Иосиф Бобров // Сизьгурт чуръёс, сизьгурт гуръёс. – Алнаши, 2008. – С. 2. </ref>
Иосиф Бобров нырысь пал улоназ математикаен дышетӥсьлэсь ужзэ бырйиз вал, трос аръёс ӵоже дышетӥз, университетысь кӧня ке курссэ но пырпотӥз ни вал, но пумен шӧдӥз: солэн сюлэмыз чотась ӧвӧл – кырӟась. Выльысь Удмурт кун университетэ пыриз. <ref name="романов5">[http://elibrary.unatlib.org.ru/handle/123456789/3935 Романов В. Тулыс мылкыд // Пыштурын / Иосиф Бобров. – Ижевск, 1983. – С. 3–4.] </ref> Ужан висказ кылтодонъя факультетын дышетскиз. Сое '''1979'''-тӥ арын йылпумъяз. Дас тямыс ар Удмурт Гондыргуртысь школаен кивалтӥз. <ref name="иосиф3" />

[[Файл:Bobrov2 - 0004.jpg|thumb|left|Удмурт университетэз йылпумъям егитъёс]]

Иосиф Петрович дасо аръёслэсь трос пиналъёсын «Ошмес син» литературно-творческой кружок нуиз. Трос аръёс ӵоже та объединенилэн одӥгез кивалтӥсез но вал: егит гожъясьёсты дасян-будэтон бордын тыршиз, паймымон кылбур дуннее сюрес усьтӥз, кылбуран амалъёсын тодматылӥз. Котырес ӝӧк сьӧразы шаерысьтымы тодмо писательёсты но кылбурчиосты отьылӥз, пиналъёсты соослэн творчествоенызы но тодматӥз. Егит авторъёслэн кылбуръёсынызы альманах поттӥз. Иосиф Бобровлэсь кутскем ужзэ али егит дышетӥсьёс азьланьто, мӧйы дышетӥсьсылэсь индылэмзэ пелязы поно: дышетскисьёс пӧлын одӥг-кык ке но поэзие кыстӥськись адями сюриз ке, соосты одно синйылтоно. Нош татчы ветлӥсьёс ваньзы литераторъёс ӧз ке но луэ, соос литератураез мургес валалозы но яратозы. <ref name="myudm"> www.myudm.ru </ref>

Иосиф Петровичлэн чеберез яратон мылкыдыз музон арбериос пыр но потылӥз. Ас киыныз укноослы кильтро пужъятэм наличникъёс лэсьтылӥз. Суредаськыны но йӧндыриз. Дышетскисьёсыз пӧлын пуэз вӧлыса чебер арбериос лэсьтонъя кружок радъялляз, технология урокъёсын мастерскойын котькыӵе киужъёслы дышетӥз. Нылпиос али но туж шумпотыса верало солэсь фотокружок нуэмзэ, кылбур гожъяны дышетэмзэ но  огшоры адямиен огшоры вераськон кыл шедьтэмзэ. <ref name="иванов2" />

Иосиф Петрович тэк пукыны уг вала. Шутэтскыны потэмын ке но, нуналлы быдэ школа пала вамышъя. Отын уго сое покчиос витё. Соос тунсыкъясько гуртлэн но ёрослэн, нюкъёслэн но возьёслэн историенызы. Покчиос котыраз люкасько но шып карисько: Иосиф Петрович серемес чуръёссэ но выжыкылъёссэ лыдӟоз. Со куаразэ но артистлэн кадь тупатыны быгатэ: кытӥ серектоз, кытӥ кышкатоз – ӟичылы я кионлы пӧрмытскоз. <ref name="тихонова8">[http://elibrary.unatlib.org.ru/handle/123456789/9691 Тихонова Л. Чеберез усьтэ кылбурчи // Удмурт дунне. – 2010. – 24 авг. – С. 6.] </ref>  
Та школаын ик трос аръёс ӵоже ужаз Иосиф Бобровлэн кузпалыз – Любовь Петровна. Собере – пиез но кенэз вӧзазы султӥзы. Нош Надя нылыз журналистика удысэз бырйиз, семьяеныз Нижневартовскын улэ. <ref name="ар-серги1">[http://elibrary.unatlib.org.ru/handle/123456789/11679 Ар-Серги В. «Слышу шёпот снегов…» // Известия Удмуртской Республики. – 2010. – 16 апр. – С. 5.] </ref>

=Гожъямъёсыз сярысь=

Иосиф Петровичлэсь пичи дырысеныз кылбурет дуннее кыстӥськемзэ дырыз дыръя адӟиз но дунъяз тодмо удмурт писатель Михаил Петров. Солэн кылъёсыз бурдъязы пичи пияшез. Туннэ Иосиф Бобров тодмо кылбурчи, инкуазьлы, вордскем шаерлы мур яратонэн пыӵам кылбуръёс гожъя. <ref name="myudm" />
Литературае Иосиф Бобров пумен но кален пыриз. Уноез егит гожъясьёс сямен ик, со вордскем палъёссэ, ас инкуазьзэ данъясь «диферамбъёс» бордысен кутскиз. Нырысетӥ кылбурзэ '''1959'''-тӥ арын «Алнаш колхозник» газетын печатлаз. <ref name="иванов2" /> 
Со бӧрсьы кылбуръёсыз «Советской Удмуртия», «Дась лу!» но ёросъёсысь газетъёсын, «Молот», «Урал», [http://elibrary.unatlib.org.ru/handle/123456789/164 «Инвожо»], [http://elibrary.unatlib.org.ru/handle/123456789/1426 «Кизили»] журналъёсын печатласькизы. '''1977'''-тӥ арын дасэз кылбуръёсыз егитъёслэн «Пыд улын музъем» огъя бичетазы потӥзы. '''1990'''-тӥ арын Анатолий Петровен но Николай Никифоровен  ӵош «Выжыос-сяськаос» книга поттӥзы, И. Бобровлэн люкетэзлэн нимыз – «Гужеме выже тулыс».  Нош 1983-тӥ арын «Пыштурын» кылбуръёсын нырысетӥ нимаз бичетэз лыдӟисьёс кие вуиз. Собере поэзиез яратӥсьёсты «Ӵук тӧл» (1993) но «Тулыс мылкыд» (2003) бичетъёсыз шумпоттӥзы. <ref name="иосиф3" /> 
И. Бобровлэн «Пыштурын» бичетэзлы шуныт кылъёссэ верам тужгес но матысь эшез – Владимир Романов. «Мыным ӟеч тодмо, кызьы, кытын вордскиз соиз яке таиз кылбур, кызьы поэт шедьтӥз чебер ӵошатон, выль жингрес чур, адӟиз паймымон суредэз…», – шуэ Владимир Васильевич Иосиф Бобровлэн поэзиез сярысь. <ref name="романов5" />

Мукетыз тодмо кылбурчи, Михаил Федотов «Ӵук тӧл» бичетэз сярысь гожтэ: «Со котькуд чурзэ сюлэм тылыныз улӟытыны быгатэ, лыдӟисезлы жингрес удмурт кылын вазиськыны тырше, ас шаерзэ зэмос яратэмез сярысь вера. Шаерез шоры со учке пичи гуртэз, возьёс но нюлэсьёс пыр. Солы оскиськод, та поэт паллян уг кырӟа вылэм шуыса. Эшелэсь гожъямъёссэ мон кемалась дырысен яратӥсько. Синмаськисько солэн чылкыт сюлэмо луэмезлы но чеберез борды ялан кыстӥськемезлы. Соинтэк-а меда вордӥськысалзы тани таӵе чуръёс» : <ref name="федотов9">[http://elibrary.unatlib.org.ru/handle/123456789/3651 Федотов М. Ӵук омырен шокась чуръёс // Ӵук тӧл / Иосиф Бобров. – Ижевск, 1993. – С. 3–4.] </ref>
[[Файл:Bobrov2 - 0008.jpg|thumb|right|Константин Емельянов гожъяськисен]]
''Сяськаен льӧмпу шонтӥз ке'', 

''Вордӥськем шаер ӧтёз''. 

''Одӥг эш ке но вань на ке'',
 
''Улонэ ӟечсэ витёз''.

Иосиф Бобров кылбуръёсаз пичи дыр аръёсызлы ӵем вазиськылэ. Отын солэн сюлэмыз буйга, вылтырыз капчи омырен шокче.

''Выльысь берыктысал пичи дырме'', 

''Пичи дырме выльысь берыктысал''. 

''Дун лысвуо сяська возьёс вылтӥ'' 

''Али но гольык пыд бызьылысал''.

Быдэс сборник та выллем чуръёсын тырмемын. Умой со. Иське, кылбурчилэн мылкыдыз ялан кырӟа, поръя, синпӧртмась выжыкылзэ кылзыны ӧтe. Озьы ик медло азьланяз но! 

Иосиф Бобров аслэсьтыз книгазэ куинь люкетъёслы сазна; кылбуръёс, Ашальчи Окилы сӥзем сонетъёсын тугоко но пор кылысь берыктэмъёс. Пор кылысь шуисько ке, солы паймоно ӧвӧл. Иосиф Петрович пор нылпиосын артэ будэмын но дышетскемын, пинал дырысеныз соослэсь кылзэс ӟеч тодэ. <ref name="федотов9" /> 
'''2008'''-тӥ арын Алнашын «Сизьгурт чуръёс, Сизьгурт гуръёс» нимо книга потӥз. Татын куинезлэн сизьгуртъёслэн лулчеберет удысын кылдытэм  ужъёссы огазеямын. Книгае пыртэмын Иосиф Бобров поэтлэн кылбуръёсызъя крезьгурчиосын Пантелей Кузнецовен но Сергей Кирилловен кылдытэм кырӟанъёс. <ref name="иосиф3" />     
Иосиф Бобровлэн тросэз кылбуръёсыз кырӟан луизы. Куд-огезлы со ачиз ик крезьгурчи но луиз, нош мукетъёсызлы крезьгуръёс гожтӥзы самодеятельной композиторъёс. <ref name="иванов2" />  

Иосиф Бобровлэн лирической героез ӟырдыт яратэ вордскем шаерзэ, ас гуртсэ, музъем ужась калыкез. Тросэз кылбуръёсыз инкуазьлы сӥземын, арлэн вакытъёсызлы. <ref name="иосиф3" />     
Иосиф Бобровлэн поэзиез – «шыпыт» но «вольыт». Со кельше, дыр, гуртысь огшоры удмурт воргоронъёслэн ӝытазе коръёс вылын куспазы улон-вылон сярысь дыртытэк, лад-лад вераськыса пукемзылы. Кылбуръёсыз пӧлын бен чылкак мукет манерен гожтэмъёсыз но пумиськыло. Но соос, сяська тугокоысь турлы сяськаос музэн, та тугокоез узырмыто гинэ: <ref name="иванов2" />
				
''Ужъёсмы уно'', 

''ужъёсмы пумтэм''.

''Лыктӥсез нунал'' 

''мед луоз ӟечгес''.

''Уз, уз лу милям''

''кылъёсмы тырттэм'':

''Вормомы котькуд'' 

''удысэз''.

И. Бобровлэн кылбуретаз синъёсты кымесэ ик тубымон паймытӥсез но сюлэмез шымыртӥсез номыр но ӧвӧл кадь. Но со пичи но уг вера, солэн кылбуръёсыз тырттэмесь шуыса. Ӧвӧл соос пушкын – ачиз улон: куддыр огшоры пурысь гинэ, куддыр бугрес но трос буёло, куддыр шумпоттӥсь, куддыр мур кайгырытӥсь… <ref name="иванов2" />

=Премиосыз=

Удмуртиысь Писательёслэн огазеяськонзылэн Данъян грамотаез, '''2008'''

=Библиография=

==Книгаосыз==

[http://elibrary.unatlib.org.ru/handle/123456789/3672 Выжыос-сяськаос : кылбуръёс. – Ижевск : Удмуртия, 1990. – 128 с.] 

[http://elibrary.unatlib.org.ru/handle/123456789/3935 Пыштурын : кылбуръёс. – Ижевск : Удмуртия, 1983. – 40 с.] 

[http://catalog.unatlib.org.ru/cgi-bin/1/cgiirbis_64.exe?LNG=&C21COM=F&I21DBN=IKNBU&P21DBN=IKNBU&Z21ID= Сизьгурт чуръёс, сизьгурт гуръёс : кырӟанъёс / Иосиф Бобров, Пантелей Кузнецов, Сергей Кириллов. – Алнаши : Алнашский колхозник, 2008. – 91 с.]

[http://elibrary.unatlib.org.ru/handle/123456789/3651 Ӵук тӧл : кылбуръёс, сонетъёсын тугоко, берыктэмъёс. – Ижевск : Удмуртия, 1993. – 71 с.]

==Статьяосыз==

[http://elibrary.unatlib.org.ru/handle/123456789/17084 Алнаше : кылбур // Анлаш. Троицкое. Алнаши : страницы истории = дауръёсысь чуръёс . – Ижевск, 2011. – С. 75.]

[http://elibrary.unatlib.org.ru/handle/123456789/2723 Ашкынэм ; Толшор ; "Капчи бурдо тӧдьы бубылиос..." : кылбуръёс // Кизили. – 2005. – № 1. – С. 3.]

[http://elibrary.unatlib.org.ru/handle/123456789/10042 "Беризь сяськая садын..." : кылбур // Удмурт дунне. – 2012. – 11 июля. – С. 4. – (ИнГОЖ) (Маин воштод асьме пал гужемез!).]

[http://elibrary.unatlib.org.ru/handle/123456789/4455 Вормо ; Ма со ток? : кылбуръёс // Кизили. – 2008. – № 2. – С. 8.]

Выжыкыл : кылбур // Зарни дэремен шунды : семьяын лыдӟон книга. – Ижевск, 2006. – С. 23.

[http://elibrary.unatlib.org.ru/handle/123456789/1329 Выль ар : кылбур // Кизили. – 2009. –  №11/12. – С. 2 обл.]

Гужеме выжись тулыс : кылбуръёс // Алнаш куара. – 2007. – 29 июня.
 
Гуртлэн адӟонэз : кылбур // На переломе эпох : Союзу писателей Удмуртии 70 лет, 1934–2004 : ст., стихотворения, прозаич. произведения, док. – Ижевск, 2006. – С. 213.

Ӝӧк сьӧрын : Выль арен ӟечкылан-кылбур // Удмурт дунне. – 2006. – 29 дек. – С. 14. – ("Вералом верано кылъёсмес" конкурсэ).

[http://elibrary.unatlib.org.ru/handle/123456789/1507 Ӟазег ; Дыртэ тулыс ; "Кизили питырскиз тэль йылтӥ..." : кылбуръёс // Кизили. – 2006. – № 4. – С. 10.]

Ӟеч луэ ; Егит ик кылё ; Узыгырлы : кылбуръёс // Удмурт дунне. – 2006. – 14 июня. – С. 7.

[http://elibrary.unatlib.org.ru/handle/123456789/4136 Крезьгурен тырмо кылъёс : кылбуръёс // Кенеш. – 2011. – № 8. – С. 3–5. – Пуштросэз: Малы? ; Лулъёс ; Ӧпкелён ; Эктон ; Ма каром?]

[http://elibrary.unatlib.org.ru/handle/123456789/522 Кузёяське йӧно гужем : кылбуръёс // Кенеш. – 2008. – № 7. – С. 3–9.]

[http://elibrary.unatlib.org.ru/handle/123456789/782 Кырӟан ӧрын веттаськисько... : кылбуръёс // Кенеш. – 2009. – № 11/12. – С. 3–6.] 

[http://elibrary.unatlib.org.ru/handle/123456789/9735 Лымыя : кылбур // Удмурт дунне. – 2010. – 8 дек. – С. 8.]

[http://elibrary.unatlib.org.ru/handle/123456789/2783 Мадиськонъёс : кылбурен гожтэмын // Кизили. – 2005. – № 10. – С. 11.]

[http://elibrary.unatlib.org.ru/handle/123456789/1655 Мар шуоно? : кылбур // Кизили. – 2008. – № 11/12. – С. 2.]

"Мынекъясь синъёстэ..." ; Витисько : кылбуръёс // Алнаш куара. – 2008. – 14 марта.

[http://elibrary.unatlib.org.ru/handle/123456789/5505 "Нырулонъяз чалме нюлэс..." : кылбур // Инвожо. – 2011. – № 9/10 : Ижевск межкультурный город. – С. 39. – (Специальный выпуск газеты "Известия Удмуртской Республики" и журнала "Инвожо").]

[http://elibrary.unatlib.org.ru/handle/123456789/10188 Осконэн гинэ выльме улон : кылбуръёс // Кенеш. – 2013. – № 5-6. – С. 3-5 : фот. – Пуштросэз : Одӥгнам ; Шат луэ тазьы? ; Мед юнматод выжыосме! ; Мӧзмон ; Кизили ; Тулыс мылкыд ; Вуюись ; Пилемъёс ; Аслаз шулдырез]

"Отын но, татын палэзь кисьмамын..." : кылбур // Алнаш куара. – 2007. – 24 авг.

[http://elibrary.unatlib.org.ru/handle/123456789/1574 Пӧсьтолэзь : кылбур // Кизили. – 2007. – № 7. – С. 2.]

Пӧя, иське... ; Шумпотон ; "Кемалы егит ик кыльыны..." ; "Мынэсьтым малпанъёсме тон..." ; "Лык али дорам...". "Тон сяна но..." : кылбуръёс // Алнаш куара. – 2008. – 7 марта.

Солдат синъёс : кылбур // Алнаш куара. – 2005. – 6 мая.

Солдатские глаза : стихотворение // Алнашский колхозник. – 2005. – 15 апр.

[http://elibrary.unatlib.org.ru/handle/123456789/1558 Тулыс : кылбур // Кизили. – 2007. – № 3. – С. 12.]

[http://elibrary.unatlib.org.ru/handle/123456789/1638 "Ха-ха-ха, хи-хи-хи, хо-хо-хо..." ; "Турлы-турлы кылъёсыз..." ; "Гули-гули, дыдые..." : кылбуръёс // Кизили. – 2008. – № 8. – С. 8.]

[http://elibrary.unatlib.org.ru/handle/123456789/5107 Чебер ук, чебер тон, вордскем шаере! : кылбур // Кизили. – 2011. – № 8. – С. 3.]

[http://elibrary.unatlib.org.ru/handle/123456789/7511 Чебере мынам : кылбур / иллюстрациез Марина Гузаевалэн // Кизили. – 2012. – № 9. – С. 2.]

[http://elibrary.unatlib.org.ru/handle/123456789/9354 Шур шорысь шормуӵын : кылбуръёс / иллюстрациез Вячеслав Михайловлэн // Кизили. – 2013. – № 5/6. – С. 12-13 : ил. – Содерж.: Буйга ; Возьмаськон ; Гужем ; Дыр ; Тӥялтӥд ке ; Чуиктэ чипчирган ; Ӵошатскон ; Шуналоз]

[http://elibrary.unatlib.org.ru/handle/123456789/5081 Шушыос // Кизили. – 2012. – № 1. – С. 2.]

Эркынак шокаса пужалске инкуазьмы : кылбуръёс // Удмурт дунне. – 2007. – 31 июля. – С. 6–7. – Пуштросэз: Малы? ; Ӝоже ӧвӧл ; Ортчем гужем ; Уйвӧт ; Лулъёс ; Ӧпкелён ; Алнашелэн уӵыосыз.

[http://elibrary.unatlib.org.ru/handle/123456789/7585 Яратонэд ышиз ке... : кылбуръёс // Кенеш. – 2012. – № 9. – С. 3-5. – Пуштросэз: Улонмес яратом ; Мӧзмон ; Чида тон ; Лулылэн шунытэз ; "Мынам шаере..." ; Льӧмпу сяськаяськон дыръя ; "Серем пырыостэ..."]

==Кырӟанъёсыз==

Венчиков А. Кызьпу-сузэръёсы : "Веськрес кызьпуослэн нош..." // Ашальчи. – 2007. – № 1. – С. 39.

[http://elibrary.unatlib.org.ru/handle/123456789/4253 Волкова Л. Кӧня возьмай : "Яратӥсько шуид, синмаськиськем..." // Кенеш. – 2011. – № 5/6. – С. 85.]

[http://elibrary.unatlib.org.ru/handle/123456789/2944 Кириллов С. Алнаше : "Ӵын зыныд но тынад аспӧртэм..." // Кенеш. – 2010. – № 2. – С. 105–106.]

[http://elibrary.unatlib.org.ru/handle/123456789/3202 Крестьянинов В. Лык дорам : "Лык али дорам..." // Кенеш. – 2011. – № 3. – С. 108.]

[http://elibrary.unatlib.org.ru/handle/123456789/9789 Крестьянинов В. Тулыс лыктэ : "Дыртӥд ке но, кошкид ке но..." // Удмурт дунне. – 2011. – 27 апр. – С. 6. – (Шудэлэ тӥ, серектэ).]

Кузнецов П. Берен берыктысал... : кылбур-кырӟан // Ашальчи. – 2009. – № 1. – С. 26, № 3. – С. 21.

[http://elibrary.unatlib.org.ru/handle/123456789/9809 Кузнецов П. Губи зор : "Яратэ губи шуныт зорез..." // Удмурт дунне. – 2011. – 21 июня. – С. 6. – (Шудэлэ тӥ, серектэ).]

[http://elibrary.unatlib.org.ru/handle/123456789/9774 Кузнецов П. Доре : "Воринъяса пиштэ толэзь..." // Удмурт дунне. – 2011. – 23 марта. – С. 6. – (Шудэлэ тӥ, серектэ).]

[http://elibrary.unatlib.org.ru/handle/123456789/9965 Кузнецов П. Ӟеч мылкыд : "Яратонтэк луэ шат улыны..." // Удмурт дунне. – 2012. – 7 февр. – С. 8.]

Кузнецов П. Инвожо кадь... : "Инвожо кадь, италмас кадь..." // Вакыт (Игра). – 2005. – 21 янв.

Кузнецов П. Лык дорам : "Лык али дорам..." // Удмурт дунне. – 2007. – 24 окт. – С. 6. – (Шудэлэ тӥ, серектэ).

[http://elibrary.unatlib.org.ru/handle/123456789/9890 Кузнецов П. Лымыя : "Лымыя, лымыя, лымыя..." // Удмурт дунне. – 2011. – 27 дек. – С. 6. – (Шудэлэ тӥ, серектэ).]

[http://elibrary.unatlib.org.ru/handle/123456789/9809 Кузнецов П. Мыным шуд ваёд-а? : "Эх, инвожо, инвожо, монэ возьмаськод-а?.." // Удмурт дунне. – 2011. – 21 июня. – С. 6. – (Шудэлэ тӥ, серектэ).]

Кузнецов П. Оло нош вормом : "Кемалы егит ик кыльыны..." // Удмурт дунне. – 2007. – 18 июля. – С. 7.

Кузнецов П. Пӧя, иське... : "Шат монэ пӧяны малпаськод..." // Удмурт дунне. – 2007. – 18 июля. – С. 7.

[http://elibrary.unatlib.org.ru/handle/123456789/478 Кузнецов П. Та дунне вылэ лыктӥ мон : кылбур-кырӟан / крезьгурез кык – Пантелей Кузнецовлэн, Римма Шкляевалэн // Кенеш. – 2008. – № 5/6. – С. 59.]

Кузнецов П. Юртты, арганэ : "Арганэлы верало ай инӧслэсь усьтӥськемзэ..." // Удмурт дунне. – 2006. – 29 авг. – С. 6.

Плотникова А.  Эн ни яраты монэ : "Эн ни, эн яраты монэ..." // Ашальчи. – 2006. – № 6. – С. 32. – (Кырӟа Анна Плотникова).

[http://elibrary.unatlib.org.ru/handle/123456789/489 Плотникова А. Выльысь берыктысал : "Выльысь берыктысал пичи дырме..." // Кенеш. – 2008. – № 5/6. – С. 62–63 ; Кенеш. – 2011. – № 5/6. – С. 59.]

[http://elibrary.unatlib.org.ru/handle/123456789/8155 Постников Н. Выль арен! : "Вужмиз, вужмиз дырмы..." // Кенеш. – 2010. – № 1. – С. 99–101 ; Малпасько тонэ : кырӟанъёс = А мне бы увидеть тебя : песни / Николай Постников. – Ижевск, 2010. – С. 75–76.]

Постников Н. Кытӥ калгисьгод? : "Яратӥсько, – шуид, – синмаськиськем..." // Малпасько тонэ : кырӟанъёс = А мне бы увидеть тебя : песни / Николай Постников. – Ижевск, 2010. – С. 77.

Постников Н. Эн усьты : "Ӧстэ тон эн усьты..." // Малпасько тонэ : кырӟанъёс = А мне бы увидеть тебя : песни / Николай Постников. – Ижевск, 2010. – С. 73.

Постников Н. Эх, инвожо... : "Эх, инвожо, инвожо..." // Малпасько тонэ : кырӟанъёс = А мне бы увидеть тебя : песни / Николай Постников. – Ижевск, 2010. – С. 72.

Постников Н. Юртты, арганэ! : "Арганэлы верало ай..." // Малпасько тонэ : кырӟанъёс = А мне бы увидеть тебя : песни / Николай Постников. – Ижевск, 2010. – С. 74.

Санникова А. Юртты, арганэ : "Арганэлы верало ай инӧслэсь усьтӥськемзэ..." // Удмурт дунне. – 2006. – 15 нояб. – С. 8 ; Инвис (Шаркан). – 2007. – 12 янв.

[http://elibrary.unatlib.org.ru/handle/123456789/8587 Шкляева Р. Музъемлы вазиськон : "Яратско тонэ, музъеме..." // Кенеш. – 2007. – № 9. – С. 111 ; Ашальчи. – 2011. – № 1. – С. 39.]

[http://elibrary.unatlib.org.ru/handle/123456789/478 Шкляева Р. Та дунне вылэ лыктӥ мон... : кылбур-кырӟан // Ашальчи. – 2006. – № 5. – С. 36. ; Кенеш. - 2008. - N 5/6. - С. 59.]

[http://elibrary.unatlib.org.ru/handle/123456789/499 Шкляева Р. Яратӥ : кылбур-кырӟан // Кенеш. – 2005. – № 9. – С. 20 ; Кенеш. – 2008. – № 5/6. – С. 68 ; Ашальчи. – 2008. – № 6. – С. 27 ; Ашальчи. – 2011. – № 1. – С. 40.]


'''Татчы 2005-тӥ арысен потэм чеберлыко статьяос гинэ пыртэмын, кылемъёсыныз тодматскыны быгатӥськоды [http://unatlib.org.ru/index.php?option=com_content&view=article&id=474&Itemid=319 Удмурт Элькунысь йӧскалык библиотекалэн электрон каталогъёсызъя].'''

=Уже кутэм литература=

<references />

[[Категория:Современные удмуртские писатели|Бобров Иосиф]]