Шунды пуксиз, ой, табере

Материал из Воршуда
Перейти к навигацииПерейти к поиску

Шунды пуксиз, ой, табере,

Уз ӝужа ни ӵукнатэк.

Шунды пуксиз, ой, табере,

Уз ӝужа ни ӵукнатэк.


Уг адӟо ни сьӧд синъёсы,

Уг мыно ни пыдъёсы.


Уӵы лоба садысь садэ —

Ми ветском гуртысь гуртэ.


Кенер дуре сяська кизи,

Ваньзэ ик пушнер басьтӥз.


Чебер пиез туган кутӥ,

Армие но басьтӥзы.


Чагыр бумага кутӥ но

Гожтэт гожъяны пукси,


Гожтэт гожъяны пукси но,

Чигиз зарни перое.


Зарни перое ӧз чигы —

Чигиз пинал сюлэмы.

Гожтэмын 1974-тӥ арын Балезино районын.