Чернова Татьяна

Материал из Воршуда
Перейти к навигацииПерейти к поиску

Татьяна Николаевна Чернова – тодмо удмурт нылкышно поэт, Россиысь писательёслэн огазеяськонзылэн ёзчиез, Россиысь журналистъёслэн огазеяськонзылэн ёзчиез, Удмурт Элькунысь лулчеберет удысысь сӥё-дано ужась.

Татьяна Чернова

Улон сюресэз[править]

Татьяна Чернова – тодмо удмурт нылкышно поэт. Вордскиз 1953-тӥ арын 15-тӥ толсуре Игра ёросысь Зура черкогуртын. Будэмын куать нылпиё семьяын. Быдэ вуиз Можга ёросысь Пазял гуртын. [1]

Анаез нырысь ужаз почтальонын – газет-журнал нуллӥз. Нылыз лыдӟе, учке вал соосты. Нош мумиз библиотекаын ужаны кутскыса, Татьяна аслыз книгаослэн кузёзы кадь потылӥз. Вань удмурт книгаосты, оло, пырпотылӥз, соос пӧлын – «Вордӥськем палъёс», «Вуж Мултан», «Лӧзя бесмен»… 2-тӥ классын дышетскыкуз сценарий дасяса, эшъёсыныз концерт пуктӥзы. Со вакытэ ик «Ленинской знамя» ёрос газет конкурс ялӥз: суредъя кылбур яке верос, пе, гожтоно. Анаез но нылзэ ӝутказ. Соиз отчы ужзэ ыстӥз. Бӧрысьгес «Дась лу!» газетэн кусып тупатӥз. Таня пичи дырысеныз вылез, тунсыкоез доры кыстӥськиз. Школаын ӟеч дышетскись нылаш туж яратыса учкылӥз журналъёсты, синмаськылӥз отысь суредъёслы но туспуктэмъёслы. Анайзэ соосты вандылыны курылӥз. Озьы аспӧртэм альбом кылдӥз. [2]

Пазялысь 8 классъем но Бадӟым Учаысь 10 классъем школаосты йылпумъяса, Татьяна дышетскыны пыре Удмурт кун университетлэн филология факультетаз. Татын со ветлӥз Д. Яшинлэн литературно-творческой кружоказ. Соку ик журналист луон сярысь но малпанэз кылдӥз. [1]

1976-тӥ арын дышетсконзэ быдтыса, одӥг арзэ Пичи Пурга ёросысь Вуж Монья школаын ужаз, соку ик бызиз но, сюлэмыз куремъя, Ижевске кошкиз,

1977-1985-тӥ аръёсы «Советской Удмуртия» газетын ужа. Редакцие ужаны туж дӥсьтытэк лыктӥз. Вӧзаз вал Машков, Перевозчиков, Ломагин, Валишин, Федотов, Васильев. Котькудӥзлэн аслаз улон шоры учконэз, ужан манерез, гожъяськонэз. Котькудӥзлэсь маке но басьтӥз. Уже туж шумпотыса ветлӥз.

Анастасия но Елена (Дарали Лели) нылъёсыныз

1986-тӥ арысен «Удмуртия» издательствоын редактор луыса тыршиз. [3]

«Быдэ вуонэ тупаз, Михаил Федотовен ӵош издательствоын ужакум. Мон соку йырысеным пыдозям поэзия «шумесэ» выйылӥ… Редактор луон вирам ик пыӵамын, лэся. Та ужлы вордскемме шӧдӥ, кылсярысь, Арсений Загребинлэн но Любовь Тихоновалэн книгаоссы бордын ужакум. Чуръёссы пӧлы выйыса дась вал уй-нунал пукыны…» [4]

1991-1992-тӥ аръёсы лулчеберетъя министерстволэн научно-методической центраз методист вал

2001-тӥ арын «Вордскем кыл» журналын ужа

2002-2004-тӥ Писательёслэн огазеяськоназы литературной консультант

1996-2001-тӥ аръёсы но 2004-тӥ арысен ужа «Удмурт дунне» газетын журналист луыса [3]

1998-тӥ арын трос кужымзэ сётӥз «Ашальчи» журналэз кылдытонлы. [4]

Татьяна Николаевналэн вӧзаз яратоно нылъёсыз, нуныкаосыз. Соос но творчество пала кыстӥсько. Кыксы но йылпумъязы Удмурт кун университетысь удмурт филология факультетысь финн-угор ёзэтэз (дышетӥзы венгер кылэз). Бадӟымез, Настя бызиз но мадьярлы, утьыса возе «Мынам нырысетӥ кылбуръёсы» зӧк тетрадьзэ. Покчиез но Алёна нылыз гожъяське. 2009-тӥ арын солэн потӥз «Гур сьӧрысь суредъёс» веросъёсын нырысетӥ бичетэз.

Гожъямъёсыз сярысь[править]

Кызьы адями кылбуръёс-веросъёс гожъяны кутске? Котькудӥз ас сяменыз, луоз. Татьяна нырысь ик мумизлэсь, нылпи кылбурчилэсь Лидия Дмитриевна Черновалэсь, адӟем карылӥз. [2]

Татьяна Чернова аслаз творчествоеныз лыдӟисьёссэ ӟеч-ӟеч шумпоттыны кутскиз университетын дышетскон аръёсаз. Солэн кылбуръёсыз печатласькизы удмурт газетъёсын, журналъёсын но дэмен бичетъёсын-сборникъёсын. [3]

Нырысетӥ кылбур бичетэз «Тыныд тодмотэм кырӟанэ» нимын 1980-тӥ арын потӥз. Отчы чебересь кылбуръёс пыремын, кылсярысь, «Яратӥсько», «Тон понна», «Лэзь монэ» но мукет. Собере 1986-тӥ арын «Та шундыё дуннеямы» но 1991-тӥ арын «Тӥ ӧй тодысалды…» кылбур бичетъёсыз. [1]

Бадӟым кылбур циклъёсын пыриськиз дэмен бичетъёсы-сборникъёсы: «Голубые дали» (Саранск) – 1990, «Мир женской души» (Ижевск) – 1992, «Ньыль тылскем» (Эстония) – 2002. Озьы ик «Молодая гвардия», «Крестьянка», «Урал» но мукет журналъёсын. [3]

«… Гожъяськон гизьы пуромыса, ручкаен кагазлэсь ӧз луы ни куштӥськеме. Удмурт университет, литкружок, удмурт газетлэн редакциез, литобъединение – озьы тросэзлэн сямен. Тау визьнодасьёсылы – соос журналистлэсь но, редакторлэсь но, кылбурчилэсь но перооссэс кузьмазы…» [5]

Chernova4.jpg

Ма сярысь гожъя кылбурчи Татьяна Чернова?

Кудӥз ке – малпамын,

Кудӥз ке – зэмос, чын.

Маин ке шокасько,

Со сярысь гожъясько,

Кызьы ке малпасько,

Со сярысь верасько.


Мон гожъяй ас поннам,

Улонме малпаса,

Эсэпез эсэпе

Весь сямен сузьйыса.

Яратон сярысь. Нырысь ик, вордскем, будэм палъёссэ яратон: «Гондыркуш – кӧкые…», «Мон пукисько Карлуд дурын…», «Тау тӥледлы» но мукет. Малы поэт яратэ вордскем шаерзэ? Со татын вордскемын, будэмын, татын котькудӥз сузэр-вын кадь дуно, удмурт ныл сюлэмез огкадь валало. Татын мусояське турын но, йырсиосты но тӧл веша, татын ӵыжы-выжыос, нылъёсыз-дыдыосыз, нэнэез, кудӥз котьку дась вал буйгатыны, кытын инбам пызырес – лыздари… [2]

Куинь гожъяськисьёс

Кыкетӥез, яратӥсь сюлэмъёс. Яратон тема шӧдӥськымон паськыта но кытӥяз улонлэсь пуштроссэ, адямилэсь кыӵезэ тодон-эскеронъёс вылэ выже. Т. Черновалэн кылбуръёсаз ӵемысь пумиськылэ шудтэм яратон. Но со яратон улонэз карганэ уг вутты. Яратон шудтэм луыкуз но, адямилы дунолэсь но дуно луэ. Поэтессалэн кылбуретаз яратон – кортнаны луонтэм мылкыд. Уродзэ, шушсэ, гольтрэссэ таркам сяна, со ӟечсэ, югытсэ но куашкатыны ворме. Но котькыӵе мед луоз, со котьку яке вырӟытэ-доге, яке лобӟытэ-ӝутэ… Т. Черновалэн творчествояз вылӥе омырскем мылкыдъёс валтӥсь луо. [6]

Тазьы чуръёс бӧрсьы чуръёсты лыдӟыса кылбурчилэн улэм-вылэмез, семьяез, эшъёсыз, яратэмез но кайгыремез – ваньмыз син азе пуксе, ӧвӧл отын лыдпусъёс но гурт нимъёс, ужан интыос но книгаослэн йыръянъёссы. [2]

Т. Черновалэн кылбуретэз романтизм пуштросъем. Та тодмет шӧдӥське нимаз кылбуръёсын но («Выжыкыл дунне», «Шедьтэ сяськадэс»), произведениосын валтӥсь, ӵем кутӥськись кылсуретъёс пыр но. Озьы ке но авторлэн быдэсак творчествоез туж аспӧртэм но паськыт, романтизм ӧре гинэ сое тэрытыны уг луы. Темаос ласянь чаклано ке, пумитаны луэ яратонлы сӥзем чуръёсты но («Синъёсамы пиштӥз», «Тон кошкид, мон кыли…», «Вожан сяськаез тӥяло…»), мур философия пуштросъем кылбуръёсты но («Тӧл улля аръёсты…», «Нылы но анае», «Малпаськон»), гражданской лирикаез но («Куштом пурысь кышетмес»). Кылбурчилэн тросэз произведениосыз фольклор поэтикаен герӟаськемын, кылсуредъёсыз, эпитетъёсыз но метафораосыз калык кылосысь асэстэмын кадь. [5]

Удмурт кылбурет удысын Татьяна Николаевна Черновалэн куараез али но жингрес но юн кылӥське. 2000-тӥ арын Удмурт кун национальной театрлэн сцена вылаз пуктэмын вал Василий Ушаковен ӵош гожтэм «Айна» лирико-романтической мылкыдын гожтэм пьесаез.

Татьяна Чернова – СССР-ысь Писательёслэн союзазы кутэм нырысетӥ удмурт поэтесса (1988).

Наградаосыз но премиосыз[править]

Удмурт Элькунлэн Кивалтэтэзлэн литература премиезлэн лауреатэз (2023) «Туривесь» (2021) кылбур бичетэз понна.

Флор Васильев нимо элькун литературной премилэн лауреатэз, 1994.

Матиас Кастрен нимо огазеяськонлэн журналистика удысын радъям конкурслэн лауреатэз, 2009.

Библиография[править]

Книгаосыз[править]

Тӥ ӧй тодысалды... : кылбуръёс. – Ижевск : Удмуртия, 1991. – 112 с.

Та шундыё дуннеямы : кылбуръёс. – Устинов : Удмуртия, 1986. – 104 с.

Тыныд тодмотэм кырӟанэ : кылбуръёс = Тебе незнакомая песня моя : стихи. – Ижевск : Удмуртия, 1980. – 48 с.

Статьяосыз[править]

"А много ли женщине надо?." ; Для тебя ; "Не преследуй меня жалким псом...". "Ты хочешь: я буду – сверкающая роса?.." / пер. А. Баранова // Италмас. – 2009. – № 1. – С. 93–94.

Азьтэм ; Киви ; Бегемот ; Шурын : кылбуръёс / Татьяна Чернова ; иллюстрациез Марина Гузаевалэн // Кизили. - 2014. - № 3. - С. 10.

Бӧчы но Бычы ; Аслам, пе ; Чай юом : кылбуръёс // Кизили. – 2005. – N 2. – С. 7.

Быръем кылбуръёс // Удмурт нылкышно кылбуретлэн тулкымъёсыз / Л. П. Федорова. – Ижевск, 2007. – С. 158–168.

"Вазиськы мыным..." ; Ӵуши ; "Туннэ мон – золтэм векчи си..." ; "Тӥрен лусъемын..." ; "Ӵапак тон со..." ; "Синпӧет со, лысвулэсь..." ; "Кезьытак учкем бордысь адӟо на..." // Инвожо. – 2006. – № 4/5. – С. 52–53.

"Весна и осень, лето и зима..." / пер. Е. Обойминой // Италмас. – 2009. – № 1. – С. 93.

Вить арес ; Азьтэм ; Куное // Удмурт дунне. – 2009. – 18 нояб. – С. 7.

Власка, сипед но геолог : пичи дырысь тодэ ваёнъёсы... // Ӟечбур!. - 2014. - 20 марта. - С. 4 : фот.

Вордскемзэс одӥг нуналэ (16 ноябре) пусйись писательёслы эшлыко чуръёс / суредъёсыз Леонид Прозоровлэн // Удмурт дунне. – 2008. – 22 февр. – С. 15 : рис.

Выль ар азьын ; "...Тонэ уг яратӥськы мон..." ; Ӵуши ; "Мар тыныд эшшо кулэ на?.." ; "Чебер муртлы ке синмаськид..." ; "Югыт, укыр югыт нунал..." ; Куасьмем сяськаос ; Озьы вылымтэ... ; "Сюлмад пичи ке но кылиз ке..." ; "Туж пыдлоын..." ; Туспуктэмдэ учкыса ; Пӧртмо уе ; "Дуннеед арбериё..." ; Котьма мед... ; Городын ; "Мон уг тырмиськы ваньмаз..." ; "Кызьы меда луэ на чиданы?." ; "Кесэген–кесэген..." ; "Берпум чиданэ пырдӥз ке..." : сонет // Удмурт дунне. – 2006. – 20 дек. – С. 7.

"Выль лымы, выль тӧлэн шокчыса..." // Удмурт дунне. – 2006. – 14 нояб. – С. 1.

"Гозы" ; Бегемот ; Куное // Удмурт дунне. – 2010. – 16 июля. – С. 13.

Городын ик умой : кылбур // Удмурт дунне. - 2014. - 15 апр. - С. 1. - (инГОЖ)

Гудырикошкон : кылбур // Кизили. - 2013. - № 8. - С. 2.

Гуждор вылын / Т. Чернова // Удмурт дунне. – 2006. – 2 июня. – С. 15.

Дуно, мусо песяйёсы... : шуныт кыл // Удмурт дунне. – 2009. – 2 окт. – С. 15.

Есенинлэн со огпарыз : Иосиф Бобровлы сӥзьыса // Удмурт дунне. – 2008. – 17 июня. – С. 7.

Ӝушысь ӝук : верос // Удмурт дунне. – 2010. – 31 марта. – С. 7.

Зор улын ; Бӧчы но Пучы ; Нумыр – номыр ; Роза ; Ӝожомем ; Ӵуж, анай ; Мишамы ; Маши : кылын шудонъёс // Удмурт дунне. – 2009. – 29 мая. – С. 13.

Ӟечбур, выль ӵукна! // Кенеш. – 2010. – № 1. – С. 3.

Ӟечкыланъёс // Удмурт дунне. – 2006. – 22 дек. – С. 3. – ("Вералом верано кылъёсмес" конкурсэ).

Из гутёям... // Удмурт дунне. – 2010. – 12 марта. – С. 14.

Йӧ пырызэ инбам пазя... // Удмурт дунне. – 2010. – 15 дек. – С. 6.

Йылпумъя чуръёсты : мадиськонъёс // Вордскем кыл. – 2013. – № 1. – С. 10.

Кык адӟонэ ; Лаур ; Дыдыкае ; Митрей ныл ; Атыкае ; Вокзалын ; "Тодад вайиськод-а меда..." ; Кезьыт ; "Кынтэмын, гуньдытэмын..." ; Обыда ; Тылпу ; Курыт ; "Луэ на шат..." ; Син пӧет // Удмурт дунне. – 2008. – 19 дек. – С. 12.

"Лушкаськись" : "Удмуртия" издательствоысь редакторлы, "Чорыглэсь лушкам кылбуранъёс" книгалэн авторезлы Сергей Матвеевлы : эшлыко чуръёс / суредаз Л. Прозоров // Удмурт дунне. – 2008. – 21 марта. – С. 15. – (Шӧкыч).

Лыдъясь-чотась : вакчи верос // Кизили. – 2011. – № 4. – С. 10.

Лымыпог, эмезясь но тӧдьы вусяська // Ӟечбур!. - 2014. - 6 февр. - С. 3 : фот.

"Макаронэн ма каром..." ; "Школа, школа, кыӵе тон?." ; "Йыр усто мынам ужа..." ; "Бакчаын будэ сяртчы..." ; "Настя эгес бергатэ..." // Кизили. – 2008. – № 11/12. – С. 8 : ил.

Огъя бадӟым семья ; Ӵуж выжы ; Песяймы, ӵужаймы ; Ӵуж, анай / иллюстрациез И. Лопатиналэн // Кизили. – 2010. – № 3. – С. 2 обл. : цв. ил.

Ӧз на лобӟы... // Удмурт дунне. – 2007. – 7 авг. – С. 7.

Пазял // Удмурт дунне. – 2007. – 13 июля. – С. 12.

Пинал кызьпу // Удмурт дунне. – 2007. – 17 июля. – С. 7.

"Пужмерен ӵуштаськем яратон" пьесалэн авторезлы Анатолий Григорьев драматурглы лавр куарлэсь тугоко : эшлыко чуръёс / суредаз Л. Прозоров // Удмурт дунне. – 2008. – 29 февр. – С. 15.

Пуньы буясь : эшлыко чуръёс: "Удмуртия" издательствоысь валтӥсь редакторлы Вениамин Ившинлы / суредаз Л. Прозоров // Удмурт дунне. – 2008. – 14 марта. – С. 15.

Сэндра, шекера но мукетыз : пичи дырысь тодэ ваёнъёсы... // Ӟечбур!. - 2014. - 13 марта. - С. 4 : фот.

Тӥледлы, зарни пиос : кылбур // Удмурт дунне. - 2014. - 18 февр. - С. 2. - (инГОЖ)

Тол бабай дыртэ // Удмурт дунне. – 2009. – 15 дек. – С. 7. – (Шудэлэ тӥ, серектэ).

"Тон бичад но люкад котырад..." // Вордскем кыл = Родное слово. – 2010. – № 10. – С. 31. – (Гуртысь дышетӥсьлы сӥзьыса).

Тӧдьы пужыё инкуазе : кылбуръёс // Кенеш. - 2013. - № 11/12. - С. 3-9 : фот. - (Поэзия). - Пуштросэз : Суредысь сяськаез адӟыкум ; Сяськаос ; Эш сярысь ; Ваньмыз йӧспӧртэм ; Пазял ; Кызь арес ; Нош мон гожъяй... ; Тӧдьы пужыё... ; Одӥг пол ке но... ; Тани со йыгаськоз... ; Уй шобрет ; Уг тырмы... ; Тодэ ваёнэ гинэ... ; "Дорад пыраз шушань..." ; "Мон но тон. Тон но мон..." ; "Быдэсак мон чагыр малпанэн чильпамын..." ; "Минут гинэ, минут гинэ, секунд гинэ кылиз..." ; "Гуждоре но тон ӧвӧл..." ; "Сыӵе кема бертӥсько дорад..." ; "Мынам тӧлперие шоры ӝимид..." ; "Мынам йыры пороме..." ; Олокин кадь ; Гужем нуналъёсы ; "Асме мон жугысал..." ; Мон ; "Сурасько азьёс но..." ; "Инмар сётӥз мыным вылӥ..." ; Возьман ; Буд на, анае

Туривесь, тури весе... // Кенеш. – 2008. – № 11/12. – С. 3–9.

"Ты ко мне черной тучей и градом плывешь..." : стихи / пер. Т. Кузнецовой // Италмас. – 2009. – № 1. – С. 93–94.

Ты ушел... / пер. Г. Пагирева // Италмас. – 2009. – № 1. – С. 94.

Тынад нимыд // Ребристые берега души : художеств. произведения. Публицистика. О Валерии Батуеве / Эрик Батуев. – Ижевск, 2009. – С. 361–362.

Уд лобӟы : кылбур // Удмурт дунне. - 2014. - 16 сент. - С. 4. - (инГОЖ)

Удмуртлы ; Анайлы ; Выль кенлы но эмеспилы ; Нуны сюанлы ; Зарни сюанэн ; Выль арен ; Сӥзёнъёс ; Витьтон аресэн ; Витьтон вить аресэн ; Куатьтон аресэн ; Дышетӥсьлы ; Воргоронъёслы // Кенеш. – 2010. – № 9. – С. 4–10.

Чапчара : кылбур / иллюстрациез Марина Гузаевалэн // Кизили. - 2013. - № 11/12. - С. 10-11.

Ческыт чечым : верос / иллюстрациез Галина Ивановалэн // Кизили. – 2011. – № 9. – С. 6-7.

Ӵош потоз ; Кисаль ; Сиид ке ӝук : кылбуръёс // Зарни дэремен шунды : семьяын лыдӟон книга. – Ижевск, 2006. – С. 114.

Ӵушонтэмесь... // Удмурт дунне. – 2006. – 28 нояб. – С. 3.

"Шаермы – вож куар тусъем..." ; "Лудкечпи потӥз куше..." ; "Йырсияз – бантик-сяська..." // Кизили. – 2008. – № 8. – С. 11.

Шаермы – гондыр ; Татали ; Инӟыбирды ; Туж ческыт // Кизили. – 2006. – № 5/6. – С. 10.

Шурум-бурум : эшлыко сӥзёнъёс // Удмурт дунне. – 2007. – 7 сент. – С. 15. – (Шӧкыч).

Эшлыко чуръёс / дасяз Т. Чернова ; уже кутэмын Х. Бидструплэн суредъёсыз // Удмурт дунне. – 2006. – 29 дек. – С. 15.

Эшлыко чуръёс // Кенеш. – 2009. – № 1. – С. 103–105.

Эшлыко чуръёс // На переломе эпох : Союзу писателей Удмуртии 70 лет, 1934–2004 : ст., стихотворения, прозаич. произведения, док. – Ижевск, 2006. – С. 246–247 ; Кенеш. – 2007. – № 1. – С. 57, 104.

Юбилейзэс таяз аре пусъем писательёслы эшлыко чуръёс / суредъёсыз Л. Прозоровлэн // Удмурт дунне. – 2008. – 15 февр. – С. 15 : рис.

Кырӟанъёсыз[править]

Зорина О. Сизьымдон сизьым коть : кылбур-кырӟан // Ашальчи. – 2009. – № 1. – С. 25.

Кузнецов П. Н. Оскисько : "Шудбурлы-а, кайгулы-а..." // Удмурт дунне. – 2006. – 29 марта. – С. 7.

Кузнецов П. Н. Тынад ӧвӧл со... : "Чебер муртлы ке синмаськид..." // Удмурт дунне. – 2008. – 18 янв. – С. 14.

Кузнецов П. Н. Шаере мынам : "Шаере мынам, Вало палъёс..." // Удмурт дунне. – 2007. – 25 июля. – С. 7.

Кузнецов П. Н. Шумпотон : "Ми доры но шумпотон йыгаське, лэся, куддыр..." // Удмурт дунне. – 2006. – 12 мая. – С. 14.

Кузнецов П. Сирене сяськаяськоз но : "Куарадэ но вунэтӥ ни..." // Удмурт дунне. – 2009. – 24 нояб. – С. 7. – (Шудэлэ тӥ, серектэ).

Кузьмина Ю. И. Мон мӧзмисько тынэсьтыд : "Мон мӧзмисько тынэсьтыд..." // Удмурт дунне. – 2008. – 19 дек. – С. 12.

Лобасько, кырӟасько, эктӥсько... : Татьяна Черновалэн кылъёсызъя кырӟанъёс // Удмурт дунне. - 2013. - 17 дек. - С. 5. - (инГОЖ). - Пуштросэз: Доре ; Трос-а кулэ милемлы? ; Италмас ке шуисько... ; Мон тынад тодад-а? ; Сизьымдон сизьым коть ; Сиренед сяськаяськоз но... ; Чеберина-чеберай ; Выжыкыл дуннее ; Мынам шумпотонэ ; Мар луиз?

Михайлова Л. П. Сизьымдон сизьым коть сюресъёс медло : "Сюлэмы уз буйга..." // Кенеш. – 2008. – № 8. – С. 110.

Михайлова Л. П. Чеберина : "Капчи сер кадь мугорыд но..." // Пою тебя, мой край родной : сб. песен композиторов–любителей Удмуртии. – Ижевск, 2008. – С. 25.

Михайлова Л. Чеберина : "Тэль шорын-а, буш кырын-а..." // Кенеш. – 2008. – № 5/6. – С. 29.

Мон тынад тодад-а? : кылбур-кырӟан / кылъёсыз Татьяна Черновалэн ; крезьгурез Николай Уткинлэн // Кенеш. - 2014. - № 5-6. - С. 78.

Постников Н. Е. Кезьыт : «Кезьыт синъёсын учкид мон шоры…» ; Чеберина-Чеберай : «Тэль шорын-а, буш кырын-а…» // Малпасько тонэ : кырӟанъёс = А мне бы увидеть тебя : песни / Н. Постников. – Ижевск : Удмуртия, 2010. – С. 88–91.

Трос-а кулэ милемлы : кылбур-кырӟан / кылъёсыз Татьяна Черновалэн ; крезьгурез Пантелей Кузнецовлэн // Кенеш. - 2014. - № 5-6. - С. 45-46.

Шкляева Р. И. Монэ яратӥсь пиосмурт : "Монэ яратӥсь пиосмурт..." // Удмурт дунне. – 2007. – 14 февр. – С. 7.

Берыктэмъёсыз[править]

Верина А. Яратонэ – со синпӧет... // Удмурт дунне. – 2008. – 23 апр. – С. 5.

Вознесенский А. А. Юнона но Авось ; Миллион льӧль сяськаос // Удмурт дунне. – 2010. – 16 июня. – С. 8.

Высоцкий В. С. Ож лудысь со ӧз берты ; Музъем сярысь кырӟан // Удмурт дунне. – 2008. – 25 янв. – С. 11.

Евтушенко Е. А. Бызе шур ву ; "Лымыос усё юг–юг..." // Удмурт дунне. – 2010. – 20 июля. – С. 8.

Казакова Р. Ф. Ӵужанай ; "Мар киземын, ваньмыз потэ..." // Удмурт дунне. – 2008. – 27 мая. – С. 4.

Куратов И. А. Тон кылёд, мон кошко... // Кенеш. – 2009. – № 8. – С. 34–36.

Мадиськонъёс // Удмурт дунне. – 2009. – 26 июня. – С. 12.

Поскрёбышев О. А. "Воринъяса лэйка шур выл..." ; Красильниковез буре вайыса ; Ашальчи ; " Сыӵе мон тонэн герӟаськи..." // Удмурт дунне. – 2010. – 13 июля. – С. 8.

Твардовский А. Т. Кык чурен ; "Пилоткаен, гольык пыдын..." ; "Мон, тодӥсько, янгыш ӧвӧл..." ; "Мар верало, мар малпанме усьто мон..." // Удмурт дунне. – 2010. – 23 июня. – С. 4.


Татчы 2005-тӥ арысен потэм чеберлыко статьяос гинэ пыртэмын, кылемъёсыныз тодматскыны быгатӥськоды Удмурт Элькунысь йӧскалык библиотекалэн электрон каталогъёсызъя.

Уже кутэм литература[править]

  1. 1,0 1,1 1,2 Федорова Л. Татьяна Чернова (1953) // Удмурт нылкышно кылбуретлэн тулкымъёсыз / Л. П. Федорова. – Ижевск, 2007. – С. 214-216.
  2. 2,0 2,1 2,2 2,3 Гаврилова М. «Сюлэмы пуксиз кыл бурд вылэ…» // Ӟечбур! – 2003. – 18 дек.
  3. 3,0 3,1 3,2 3,3 Яшина Р. Татьяна Чернова (1953) // Писатели и литературоведы Удмуртии : биобиблиогр. справ. / сост. А. Н. Уваров. – Ижевск, 2006. – С. 120–121.
  4. 4,0 4,1 Чернова Т. Парнас, Пегас но пегась / записал А. Шкляев // Удмурт кизилиос : очерки, зарисовки, интервью (2001-2007). – Ижевск, 2007. – С. 84–85.
  5. 5,0 5,1 Пантелеева В. Татьяна Чернова (1953) : улон но ужан сюресэз // Удмурт литература : 10-11-тӥ классъёслы учебник / С. Т. Арекеева [и др.]. – Ижевск, 2008. – С. 368-377.
  6. Зуева А. Тунаськон-веднаськон йылолъёс – нылкышно кылбуръёсын / А. Зуева, Е. Галеева // Кенеш. – 2001. – № 3. – С. 53-58.