Суворов Федор

Материал из Воршуда
Перейти к: навигация, поиск

Федор Александрович Суворов - удмурт поэт-сатирик, фельетонист, журналист.

582.jpg

Улон сюресэз

Суворов Фёдор Александрович вордӥськиз Ува ёросысь Сурӟи (Малые Сюрзи) гуртын 1940-тӥ арын 8-тӥ мартэ. [1] Атаез, Александр Трофимович, – куинь война пыртӥ потэм воргорон: граждан, белофинъёсын но Быдӟым Отечественной. Кышкыт тылӝуысь 1947-тӥ арын гинэ бертӥз, но сӧсырмем воргорон кема ӧз чида ни. 1950-тӥ арын бадӟым семья атайтэк кылиз. Анайзы, Аксинья Фёдоровна, колхозын ужаз. Туж секыт йӧтӥз кышномуртлы пиналъёссэ пыд йылазы пуктон. Со ужысь ветеран ним но басьтӥз. Но тожо кема улыны ӧз кылды. 1969-тӥ арын улонысь кошкиз. Пиналъёссылы но югыт дуннеен туж вакчи куспын люкиськоно луиз: кезьытлы но сютэм улонлы чидатэк витез нылпизы пичиысен кулӥзы. Самой бадӟынэз агаез (1924-тӥ арын вордскемын), менингитэн висьыса, ымтэм-пельтэм (глухонемой) кылиз. [2]

Нош Федя кызьы но озьы каллен катъяськиз ик. Дышетскыны мынӥз Удугучин черкогуртысь шор ёзо школае. Отын дас классэз йылпумъяз. Собере 8-тӥ номеръем технической училищее дышетскыны пыриз. 1961-тӥ арысен электросварщик луыса ужаз заводын, армие ветлӥз. Собере нош ик электросварщик луыса ужаз Мотозаводын. Сӧсырмыны сюрыса но Фёдор Александрович йырзэ ӧз ошты. Азьлань улон сярысь малпаськиз. [2]

Но егит адямилэн тодон-валанзэ будэтон мылкыдыз маза ӧз сёты. 1969-тӥ арын Удмурт кун университетлэн филологической факультетлэн удмурт ёзэтаз дышетскыны пыриз.

Университетэз йылпумъяса, 1973-тӥ арысен «Советской Удмуртия» газетлэн редакцияз корреспондент луыса ужаны кутскиз. Собере арнялы быдэ потӥсь «Шӧкыч» бамез дасяз но нуиз. [3] 2000-тӥ арын Фёдор Александрович пенсие потӥз.

Гожъямъёсыз сярысь

Гожъяськыны Федя кутскиз 1959-тӥ арын, школаын 10-тӥ классын дышетскыкуз. Кылбуръёсыз, вакчияк веросъёсыз нырысь печатласькизы ёрос газетлэн бамъёсаз. [2]

Лыдӟисьёслы Фёдор Суворов нырысь ик тодмо серемес но со дыре ик ӵушкыт кылын гожтэм басняосыныз, памфлетъёсыныз. Со сяна, троссэ сюлэмысь потэм кылбуръёссэ крезьгурчиос кырӟанъёслы пöрмытӥзы. Озьы ик тунсыко луо пöртэм темаослы сӥзем сонет сузьетъёсыз.

2000-тӥ арын «Инвожо» журналлэн бамъёсаз печатласькиз Ф. Суворовлэн «Шаер» нимо сонет тугокоез. Произведениын чакламын медитативной «тугоколэн» йылолэз, кудзэ ас дыраз кутскиз вал А. Белоногов. Та произведенияз автор возьматыны тырше, ӟучъёс верамъя, «вечной» темаез – адями но общество. Художниклэн куректонъёсыз, тулкымъяськонъёсыз, эмоциональной мылкыдыз кисьтӥськиз лирической мылкыдэз веранэ. Та тугоко сӥземын Чечня войнаын бырем удмурт шаерысь пиослы-солдатъёслы. Тугокоын валтӥсь образэз – вордскем шаер. Со трос пӧртэм луэ. Автор сое возьматон понна кутэ пӧртэм лексемаосты – Вордскем шаер, Шаер, Улос. Котькудӥзлэсь ӵемгес автор кутэ Вордскем шаер лексемаез. Та образ борды кутӥсько яратоно, мусо, сяськаяськись, шудо улос эпитетъёс.

Вордскем шаер, шудо улос,

Висе сюлэм весь тон понна,

Сое тон шӧдӥськод меда?

Ас вордскем интызэ, шаерзэ автор возьматэ котыр улонэз син азяз пуктыса: поръя Вало, Вадур, тӧдьы Кам шур. Ф. Суворовлэн сонет тугокояз возьматэмын лирической геройлэн вӧсез, вордскем шаерез понна сюлэм висёнэз, туннэ нуналлэн секытэзлы чидантэм куректэмез. Лирической герой со – ожгарчи, пӧяськонэз валаны но соин улыны быгатӥсьтэм адями. Но со ас калыкезлы, вордскем шаерезлы, яратонлы но ӟечлыклы осконзэ ыштымтэ мурт. [4]

Ф. Суворовлэн тросэз кылбуръёсыз кырӟан луизы. Солэн кырӟанъёсыз, басняосыз, юморескаосыз, монологъёсыз ӵем гинэ Удмурт радио пыр чузъяськыло. Сцена вылын быдэсъяло эстрадая ансамбль «Шулдыр ӝыт» но фольклор театр «Айкай». [5] Озьы ик авторлэсь кырӟанъёссэ яратыса быдэсто шаерысьтымы тодмо артистъёс – Любовь Быкова, Александр Катков, Геннадий Бекманов, Ольга Зорина, Алевтина Корепанова, Михаил Ворончихин, Галина Платонова но мукетъёсыз. [6]

Фёдор Александрович дасяз кык выпуск «Шӧкыч» бичетъёс (1979, 1982). Удмурт кылэ берыктӥз кык водевильёсты – «Либыт сюлэм» («Беда от нежного сердца») но «Дано артистлэн нылыз» («Дочь русского актёра»). Соос азинлыко Удмурт Йӧскалык театрлэн сцена вылаз пуктэмын вал. [7]

Фёдор Суворов гожъяськисьёслэн радазы кемалась пырыны быгатысал: книгазэ поттыны ӧз дырты. 2012-тӥ арын Фёдор Александрович Суворов серемес веросъёсын, фельетонъёсын, притчаосын, басняосын, такмакъёсын но кылбуръёсын бадӟым гинэ бичетсэ поттыны быгатӥз. Нош 2013-тӥ арын тулыспал со луиз писательёслэн Огазеяськонзылэн ёзчиез. [8]

Премиосыз

Удмурт Элькунысь сӥё-дано журналист, 2000

Удмурт Элькунысь писательёслэн огазеяськонзылэн ёзчиез, 2013

Библиография

Книгаосыз

Азвесь зоръёс : басняос, кылбуръёс, сонетъёс. – Ижевск : Удмуртия, 2012. – 302 с.

Статьяосыз

А-а-апчхи! : лабыртон // Удмурт дунне. – 2007. – 29 авг. – С. 7. – (Шудэлэ тӥ, серектэ).

Адями ке тон... : сонетъёс // Кенеш. – 2010. – № 3. – С. 46–48.

Азбарын кризис : сценка // Удмурт дунне. – 2009. – 24 июня. – С. 7. – (Шудэлэ тӥ, серектэ).

"Азбука марда" // Удмурт дунне. – 2009. – 23 янв. – С. 15. – (Шӧкыч).

"Азьлань, Миша бусён!" : монолог // Удмурт дунне. – 2006. – 28 июля. – С. 15. – (Шӧкыч).

Аллерги : юмореска // Удмурт дунне. – 2006. – 10 нояб. – С. 15.

Анайлы но атайлы ; Дышетӥсьлы ; Нылкышноослы ; Выль арлы ; Вордӥськем нуналэн ; Яратонлы ; Берекет! ; Тыныд гинэ : кылбурен ӟечкыланъёс, сӥзёнъёс // Кенеш. – 2010. – № 9. – С. 47–51.

"Аръян шуккисько. Вася" : бӧтьыртон // Удмурт дунне. – 2007. – 22 февр. – С. 15. – (Шӧкыч).

Атасэз кышно ваё : юмореска // Удмурт дунне. – 2006. – 18 авг. – С. 15.

Берпуметӥ гожтэт : кылбур // Удмурт дунне. – 2005. – 26 июля. – С. 5.

Бӧрдо сюсьтылъёс : кылбур // Удмурт дунне. – 2005. – 25 февр.

Буйгатӥськод юнме монэ ; Эн куректы, Вадур ; Легезьпу ; Оло, тодад на? ; Ӧй вунэты тонэ : кылбуръёс // Даур (Ува). – 2009. – 17 апр.

"Вадур дурысь пужым йылын..." : кылбур // Даур (Ува). – 2009. – 18 сент. – (Кылбур чуръёс).

Вакыт : сонетъёс // Удмурт дунне. – 2013. – 9 апр. – С. 5. – (ИнГОЖ). – Пуштросэз: "Адӟем уг пот мынам куддыр асме..." ; "Кысык гужем уд пукы гур вылын..." ; "Вань сӥзьыллэн но дэлетэз аслаз..." ; "Толэз но витисько мон ӵыдытэк..." ; "Ортче тулыс, гужем, сӥзьыл но тол...".

Валэктӥз ; Дышетӥз : улонысь учыръёс // Удмурт дунне. – 2006. – 11 авг. – С. 15. – (Шӧкыч).

Ваньмемъёс : улонысь учыр // Удмурт дунне. – 2006. – 27 окт. – С. 15.

Вася но Васьса : зулёнъёс // Удмурт дунне. – 2007. – 23 мая. – С. 7. – (Шудэлэ тӥ, серектэ).

Вождэ эн вай яратэме понна : кылбуръёс // Кенеш. – 2011. – № 11/12. – С. 3–5. – Пуштросэз: Черкын ; Иткул ; Ошмес ву вайыкуд ; Вождэ эн вай ; Ой, мылкыды ; Я вай, эше!. ; Луна ; Легезьпу ; Гырлы.

Вормон нуналэн! : кылбур // Герд. – 2007. – № 4. – С. 1.

Вӧт : басня // Удмурт дунне. – 2010. – 12 марта. – С. 15.

Выль арен! : кылбур // Герд. – 2007. – № 12. – С. 1.

Дано лу, солдат! : кылбур // Удмурт дунне. – 2013. – 22 февр. – С. 20.

Дуринчиос : монолог // Удмурт дунне. – 2012. – 16 окт. – С. 7. – (Шудэлэ тӥ, серектэ).

Енвалид : сценка // Удмурт дунне. – 2008. – 14 марта. – С. 15. – (Шӧкыч).

Ӝушмекей : басня // Удмурт дунне. – 2006. – 15 дек. – С. 15.

Зарни куарен азяд мон усьыло... : кылбуръёс // Удмурт дунне. – 2006. – 22 авг. – С. 8. – Пуштросэз: Сӥзьыл уй ; Тонэн пумиськыку ; Эн шуды шудэнымы ; Сюлэм гинэ тодӥз ; Зарни куарен мон усьыло ; Вуыса Вавож доры... ; Куке ӧтид... ; Улон ; Малпай вал ; Ӧй вунэты.

Зоринча : реквием ; Ӧй берты Сурӟие ; Вазь ӵукна : кылбуръёс // Даур (Ува). – 2008. – 28 нояб.

Ӟичы но чечы : басня // Удмурт дунне. – 2010. – 19 февр. – С. 15.

Ивор : басня // Удмурт дунне. – 2013. – 17 мая. – С. 23.

Йыбырттоме : кылбур // Удмурт дунне. – 2005. – 21 дек. – С. 7.

Кенак : гожтэт // Даур (Ува). – 2009. – 25 сент. – (Кылбур чуръёс).

Кенакелы гожтэт ; Тонэ малпай : кылбуръёс // Удмурт дунне. – 2012. – 16 мая. – С. 5 : фот. – (ИнГОЖ).

Кенешчи : сценка // Удмурт дунне. – 2007. – 30 нояб. – С. 15. – (Шӧкыч).

Кечтакаос : сценка // Удмурт дунне. – 2009. – 3 марта. – С. 7.

Кидыс : сонет сузъетъёс // Кенеш. – 2012. – № 10. – С. 3–10. – (Поэзия). – Пуштросэз : "Маин воштод но ӵошатод тылэз..." ; "Выжыкыллы ке пырак осконо..." ; "Пичи гурын-а тыл ӝуа чупрес..." ; "Улон вискын, куке сюлэм сӥя..." ; "Уно дауръёсын калык куспын..." ; "Лӧптылонлэн уг адскы на пумыз..." ; "Уен-нунал, калтак, малпаськыса..." ; "Нош мар понна вожзэ поттэ кылчин..." ; "Бен, валамтэ улэ аналскыса..." ; "О, тыл! Дано лу, тыл! Дауръёсын..." ; "Ю тысьёсын куды ик кутыса..." ; Сюлэм висе вилез нунал понна..." ; Юнме эн шу, кидыс потэ кытысь..." ; "Сыске монэ одӥг кыль-куректон..." ; "Бечолоен уг арало туэ..." ; "Мӧзмыт луиз бусыосын. Гуртын..." ; "Куатаськыны таман мугез ӧвӧл..." ; "Дауръёсын, калтак, курадӟизы..." ; "Ваньмем муртэ уз ӝуты ни колтреч..." ; "Кидыс ке вань, сютэм улӥсь ӧвӧл..." ; "Я кин уг тоды вордӥськем палзэ..." ; "Йырысь ноку уг кошкыло вӧтъёс..." ; "Мӧзмон монэ куарез кадь ӵыжатэ..." ; "Вӧтам понна кылчин вожзэ уз вай..." ; "Мӧйымемъя вӧтъёс но выльдӥсько..." ; "Туно доры мон выльысь бызисько..." ; "Тазэ вӧтме ӧй усьтысал тӥлед..." ; "Вӧтъёс, вӧтъёс... Уг юало соос..." ; "Вӧтын тонэн, зэмен кадь, пумиськи..." ; "Лӧбак вӧтъёс уг адӟиськы туэ...".

Кумаос : басня. И. Крыловъя // Удмурт дунне. – 2013. – 18 янв. – С. 21.

"Кырыж кук" : вӧт // Удмурт дунне. – 2007. – 20 апр. – С. 15. – (Шӧкыч).

Колӟо : шӧкычлэн азбукаез: кылбур // Удмурт дунне. – 2005. – 3 нояб. – С. 15.

Комак но тамак : басняос // Кенеш. – 2012. – № 7. – С. 100–104. – (Оло зэм, оло даур). – Пуштросэз : Алама арама ; Комак но тамак ; Тымет ; Босс но Барбос ; Иннокей но Кей ; Очей но Пычей.

Компрессия но стагнация : сценка-скетч // Удмурт дунне. – 2009. – 14 апр. – С. 7. – (Шудэлэ тӥ, серектэ).

Кӧжы но Пунысюл : басня // Ӟечбур! – 2010. – 4 марта. – С. 18–19.

Куар : вӧт // Удмурт дунне. – 2007. – 8 июня. – С. 15.

Кызьпуос : кылбур // Удмурт дунне. – 2006. – 12 сент. – С. 6.

Кызьы уло Марья, Дарья... ; Оскисьтэм Фома : такмакъёс, кылбур // Удмурт дунне. – 2009. – 22 сент. – С. 7. – (Шудэлэ тӥ, серектэ).

Кытысь потӥд тон, фу, турист? : юмореска // Удмурт дунне. – 2005. – 22 апр. – С. 15.

Кыӵе улӥськод, нэнӥе? : кылбур // Удмурт дунне. - 2013. - 22 нояб. - С. 20.

Лӧпшо Педунь дорын : басня // Удмурт дунне. – 2009. – 25 дек. – С. 15.

Лулӟон : романс // Даур (Ува). – 2009. – 18 сент. – (Кылбур чуръёс).

Маня – маньяк : юмореска // Удмурт дунне. – 2006. – 1 сент. – С. 15.

Мудрон кырныж но Мудӥсь шыр : басня // Удмурт дунне. – 2006. – 24 марта. – С. 15.

Музъем : сонетъёсын тугоко // Удмурт дунне. – 2007. – 24 июля. – С. 7.

Мунчо азьын : сценка // Удмурт дунне. – 2008. – 18 янв. – С. 15. – (Шӧкыч) ; 25 апр. – С. 15. – (Шӧкыч).

Мушко йыр : бӧтьыртон // Удмурт дунне. – 2007. – 18 мая. – С. 15. – (Шӧкыч).

Нимысьтыз нунал ; Вӧт : кылбуръёс // Удмурт дунне. – 2013. – 12 апр. – С. 21.

Нош али – реклама! : пышкылон // Удмурт дунне. – 2005. – 25 февр.

Нош ик монэ ӝутӥзы : кылбур // Удмурт дунне. – 2010. – 24 марта. – С. 4.

Нош ик ортчиз Гербер : сценка-фантасмагория // Удмурт дунне. – 2010. – 27 июля. – С. 7. – (Шудэлэ тӥ, серектэ).

Нюлэс кушысь стиляга : юмореска // Удмурт дунне. - 2014. - 3 окт. - С. 23.

Ой садэ, садэ : кылбур // Даур (Ува). – 2009. – 9 окт.

Оло, тодод на? : кылбур // Удмурт дунне. - 2014. - 16 сент. - С. 4. - (инГОЖ)

О-о-о! : кылбур // Удмурт дунне. – 2006. – 20 янв. – С. 15. – (Шӧкыч).

Ӧй вунэты : кылбур  ; Тымет : басня // Удмурт дунне. – 2011. – 26 окт. – С. 7. – (Шудэлэ тӥ, серектэ).

Ӧс ; Бӧтьыртӥсь Бӧчы : басняос // Удмурт дунне. – 2013. – 25 янв. – С. 23.

Ӧ-чӧч-чӧч! : сценка // Удмурт дунне. – 2007. – 18 апр. – С. 7. – (Шудэлэ тӥ, серектэ).

Пеньпуз : сценка // Удмурт дунне. – 2006. – 24 нояб. – С. 15.

Пислэг но Нумыр : басня // Удмурт дунне. – 2006. – 17 нояб. – С. 15. – (Шӧкыч).

Пӧрась : кылбурен веран // Удмурт дунне. – 2008. – 25 марта. – С. 6. – (Шудэлэ тӥ, серектэ).

Пуксет ; С-с-с... ; Уж но сиён : юморескаос // Удмурт дунне. – 2005. – 12 авг. – С. 15.

Пур келясьёс : басня // Удмурт дунне. – 2013. – 1 марта. – С. 23.

Пушнер : басня // Удмурт дунне. - 2013. - 20 сент. - С. 23.

Пырак – матично : сценка / Ф. Суворов, А. Шкляев, Р. Хайдар // Удмурт дунне. – 2007. – 24 окт. – С. 7. – (Шудэлэ тӥ, серектэ).

Пыэд : памфлет // Инвожо. – 2012. – № 1. – С. 60–61.

Репетиция : сценка // Кенеш. – 2008. – № 4. – С. 103–108.

Солдат котьку солдат : выжыкыл-сценка // Удмурт дунне. – 2010. – 16 февр. – С. 7. – (Шудэлэ тӥ, серектэ).

Соос : индылон // Удмурт дунне. – 2005. – 18 февр.

"Стреск" : юмореска // Удмурт дунне. – 2006. – 21 апр. – С. 15. – (Шӧкыч).

Сюло ке вань... : сценка // Удмурт дунне. – 2009. – 15 дек. – С. 7. – (Шудэлэ тӥ, серектэ).

Сюрес урдсын ; Малпай вал... : кылбуръёс // Удмурт дунне. – 2008. – 25 янв. – С. 14.

1945 : кылбур // Удмурт дунне. – 2007. – 8 мая. – С. 3.

1941 ; Тодэ ваён : кылбуръёс // Удмурт дунне. – 2007. – 20 июня. – С. 7.

1941. Гожтэт ; 1945 ; Вормон кизили : кылбуръёс // Удмурт дунне. – 2010. – 21 июля. – С. 5. – (Быдӟым Вормонлы – 65 ар).

Сям : басня // Удмурт дунне. – 2013. – 22 марта. – С. 23.

Така но Нюртака  : басня // Удмурт дунне. – 2010. – 25 авг. – С. 6. – (Шудэлэ тӥ, серектэ).

Такмакъёс ; Урдсэто такмакъёс // Кенеш. – 2010. – № 9. – С. 108–110.

"Татали" : элегия // Даур (Ува). – 2009. – 18 сент. – (Кылбур чуръёс).

Тон юг-юг пишты ; Тыр толэзь шорын // Удмурт дунне. – 2012. – 19 сент. – С. 4. – (ИнГОЖ).

То-то! ; Тырмоз тыныд соин ; Сазёмытӥз : юморескаос // Удмурт дунне. – 2005. – 25 марта.

Тулыс : басня // Удмурт дунне. – 2010. – 9 апр. – С. 15.

Туназы кизилиос : кылбуръёс // Кенеш. – 2009. – № 8. – С. 65–69. – Пуштросэз: Атае ; Пастухов урам, 13 ; Палэзьпу ; Легезьпу ; Кыл ; "Тон мынэсьтым уд мозмы нокытчы но..." ; "Мон тодысал ке азьлогес..." ; Адӟон ; Туназы кизилиос ; Пилемъёс ; Улон : кылбуръёс ; Перепеч но пересьмон : басня.

Тунсыко вӧт : кылбур // Удмурт дунне. – 2006. – 14 апр. – С. 15. – (Шӧкыч).

Тэлясь Толя : Анатолий Григорьевлы – сатириклы, юмористлы но драматурглы : кылбур // Удмурт дунне. – 2012. – 16 нояб. – С. 15.

8-тӥ Март : кылбур // Алнаш куара (Алнаши). – 2005. – 4 марта.

"Удмурт дунне" : газетлы сӥзем кылбур // Удмурт дунне. - 2014. - 24 янв. - С. 4.

9-тӥ Май : кылбур // Удмурт дунне. – 2013. – 3 мая. – С. 9. – (Тылож чуръёс).

Улон вордске яратонэн : сонетъёс // Кенеш. – 2011. – № 2. – С. 79–81. – Пуштросэз: "Ортчиз ке тол, вуоз тулыс..." ; "Аръёс ортчо нош амалтэк..." ; "Улон золъя биньгозызэ..." ; "Нош одӥг пол улон шӧлкын..." ; "Кикы силе ке нюлэскын..." ; "Нош кин янгыш ваньмыз понна..." ; "Тулыс тудву музэн улон..." ; "Пересьмыса писпу погра..." ; "Шушы сямен шулан сяна..." ; "Кык пол одӥг мажес вылэ...".

Улон тӧлъёс : кылбуръёс // Кенеш. - 2014. - № 8. - С. 3-7. - Пуштросэз : Эн вунэты ; Выль Мултан ; Буд, пие ; Герд ; Пумиськон ; Тол ; Анай кылмес утём ; Ноку эн вунэты ; Туйву куаръёс ; Уӵыос чирдо ; Сӥзьылэд но вуоз ; Южтолэзь ; Тау тыныд!

Усё беризь куаръёс ; Сӥзьыл уй : кылбуръёс // Ӟечбур! – 2009. – 5 нояб. – С. 1.

Уӵы : басня // Удмурт дунне. – 2010. – 14 мая. – С. 15.

Физика пумысен : юмореска // Удмурт дунне. – 2006. – 29 сент. – С. 15.

Честа : юмореска // Удмурт дунне. – 2008. – 27 авг. – С. 8.

Чибориё буко : кылбур // Удмурт дунне. – 2005. – 11 февр. – (Шӧкыч).

Чильым : кылбур // Удмурт дунне. – 2011. – 27 дек. – С. 7. – (Шудэлэ тӥ, серектэ).

Чипей сярысь : басня // Удмурт дунне. - 2014. - 31 окт. - С. 23.

Чирды, уӵые : кылбур // Удмурт дунне. – 2010. – 9 февр. – С. 7.

Чоръяло атасъёс : кылбур // Удмурт дунне. – 2005. – 9 февр.

Ӵӧжы ; Аркаш но Каркуш ; Авангард : юморескаос // Удмурт дунне. – 2005. – 8 апр. – С. 15.

Шабаш Вася но мон кадьёс : серемес веросъёс // Удмурт дунне. – 2006. – 2, 16, 30 июня.

Шабаш Вася но мукетъёс : серемес веросъёс // Удмурт дунне. – 2007. – 14 дек. – С. 15. – Пуштросэз: Пунэм пунем ; Хандроз.

Шабаш Вася но мукетъёсыз : серемес веросъёс // Удмурт дунне. – 2007. – 21 дек. – С. 15. – (Шӧкыч). – Пуштросэз: Филантроп ; Атаспиос.

Шаньги : юмореска // Удмурт дунне. – 2006. – 15 сент. – С. 15.

Шильк-шальк : юмореска // Удмурт дунне. – 2009. – 21 янв. – С. 7. – (Шудэлэ тӥ, серектэ).

Шӧкычлэн азбукаез : кык чурен кылбуръёс // Удмурт дунне. – 2005. – 21, 28 янв.

Шӧртчи ляльчи ; Кӧжы но Пунысюл : басняос // Кенеш. – 2008. – № 11/12. – С. 101–103.

Шӧртчи маскарчиос : выжыкыл-сценка // Удмурт дунне. – 2008. – 10 дек. – С. 7. – (Шудэлэ тӥ, серектэ).

Шуд ай, шуд : такмакъёс // Удмурт дунне. – 2007. – 6 февр. – С. 7. – (Шудэлэ тӥ, серектэ).

Шунды, Шундые!. : сонетъёсын тугоко // Удмурт дунне. – 2006. – 12 дек. – С. 8.

Шушыед шулалоз ; Яратонэд нош ӝуатэ ; Тӥляд синъёсты ; Шильырто писпуос : кылбуръёс // Удмурт дунне. - 2014. - 1 авг. - С. 18.

Экзаменын ; Вӧт ; Янгышазы ; Атасъёс : улонысь учыръёс // Удмурт дунне. – 2005. – 11 марта.

Эмезь вӧльыын : басня // Удмурт дунне. - 2013. - 19 июля. - С. 23.

Эн абдра тон, дусыме : такмакъёс // Удмурт дунне. – 2007. – 13 марта. – С. 7. – (Шудэлэ тӥ, серектэ).

Эн иса : кылбур // Даур (Ува). – 2009. – 11 сент.

Эсьмаса, колбаса! : супыльтон // Удмурт дунне. – 2005. – 20 мая. – С. 15.

Э-э-э, кума, кума!? : телефон пыр вераськон // Удмурт дунне. – 2007. – 21 сент. – С. 15. – (Шӧкыч).

Ягын : басня // Удмурт дунне. - 2013. - 7 июня. - С. 23.

Ярам шуид вал ; Малпаськон : кылбуръёс // Даур. – 2011. – С. 4. – (Кылбур чуръёс).

Яратонэд нош ӝуатэ ; Адӟон ; Бус лӧске возь вылъёсы ; Шудо бадьпуос ; Ой, садэ, садэ ; Сильтӧлъёс пыртӥ ; Кылъёс гинэ : кылбуръёс // Удмурт дунне. – 2010. – 5 марта. – С. 13.

Кырӟанъёсыз

Бекманов Г. Раялы : "Укно дурам пуксиз тылобурдо..." / кылъёссэ гожтӥз Ф. Суворов // Кенеш. – 2005. – № 9. – С. 55–56. – (Жингырты, яратоно кырӟанэ).

Бекманов Г. Тодам лыкто : кылбур-кырӟан / кылъёссэ гожтӥз Ф. Суворов // Кенеш. – 2005. – № 9. – С. 33–34.

Блюз : "Инмын толэзь пазя азвесь..." / кылъёсыз Фёдор Суворовлэн ; крезьгурез Сергей Кирилловлэн // Кенеш. – 2010. – N 2. – С. 102-103.

Зорина О. Вутурын ке луысал мон : кылбур-кырӟан / кылъёссэ гожтӥз Ф. Суворов // Ашальчи. – 2006. – № 3. – С. 45 ; Ашальчи. - 2007. - № 4. - С. 26 ; Ашальчи. – 2008. – № 3. – С. 20 ; Ашальчи. – 2010. – № 5/6. – С. 35.

Зорина О. Ой, дуно но мусо нэнӥе : кылбур-кырӟан / кылъёссэ гожтӥз Ф. Суворов // Кенеш. – 2005. – № 9. – С. 32 ; Кенеш. – 2008. – № 5/6. – С. 56.

Карпов В. Лымы мурт : "Нош вуизы кезьытъёс = Снеговик : Наступили холода..." / крезьгурез но кылъёсыз В. Карповлэн ; ӟуч кылысь берыктӥз Ф. Суворов // Ӟечбур! – 2005. – 1 дек. – С. 7.

Корепанова А. Ум вунэтэ : кылбур-кырӟан / кылъёссэ гожтӥз Ф. Суворов // Ашальчи. – 2008. – № 3. – С. 21.

Кузнецов П. Ай ымаз пыроз куака : "такмакъёс..." / кылъёссэ гожтӥз Ф. Суворов // Удмурт дунне. – 2006. – 10 февр. – С. 15.

Кузнецов П. Буд, пие : "Изь ин, изь ин, нуные..." / кылъёссэ гожтӥз Ф. Суворов // Удмурт дунне. – 2005. – 13 дек. – С. 7.

Кузнецов П. Куакагырлы : "Вож возь вылтӥ ӵошен ветлыкумы..." / кылъёссэ гожтӥз Ф. Суворов // Удмурт дунне. – 2006. – 23 июня. – С. 14.

Кузнецов П. Сурӟи : "Мӧзмыса бертӥсько вордӥськем палъёсам..." / кылъёссэ гожтӥз Ф. Суворов // Даур (Ува). – 2005. – 14 окт. ; Удмурт дунне. – 2005. – 18 нояб. – С. 14.

Кузьмина С. Тол : "Нош вуиз ни тол..." / кылъёссэ гожтӥз Ф. Суворов // Удмурт дунне. – 2009. – 15 дек. – С. 6. – (Шудэлэ тӥ, серектэ).

Медведев В. Тон мынам, мон тынад : "Одӥг пол юнме шорысь..." / кылъёссэ гожтӥз Ф. Суворов // Кенеш. – 2008. – № 10. – С. 111.

Постников Н. Варавай : "Варавай палъёсы вуыкум..." / кылъёссэ гожтӥз Ф. Суворов // Удмурт дунне. – 2009. – 26 авг. – С. 6. – (Шудэлэ тӥ, серектэ).

Постников Н. Огшоры ке огшоры : кылбур-кырӟан / кылъёссэ гожтӥз Ф. Суворов // Вордскем кыл. – 2005. – № 4. – С. 25 ; Байгурезь (Дебесы). – 2005. – 18 марта.

Постников Н. Тодам лыкто : "Пужым коръёс но дасякум..." / кылъёссэ гожтӥз Ф. Суворов // Удмурт дунне. – 2009. – 2 дек. – С. 7 ; Малпасько тонэ = А мне бы увидеть тебя : песни / Н. Постников. – Ижевск, 2010. – С. 63 ; Кенеш. – 2012. – № 1. – С. 107. – (Жингырты, удмурт кырӟан).

Постников Н. Эх, шу! : "Эх, шу! Огшоры ке, огшоры..." / кылъёссэ гожтӥз Ф. Суворов // Кенеш. – 2005. – № 9. – С. 39. – (Жингырты, яратоно кырӟанэ) ; Малпасько тонэ = А мне бы увидеть тебя : песни / Н. Постников. – Ижевск, 2010. – С. 62.

Трубачев Н. Тонэ малпай : "Турлы чебер нош пурӟизы..." / кылъёссэ гожтӥз Ф. Суворов // Кенеш. – 2013. – № 4. – С. 108. – (Жингырты, удмурт кырӟан).


Татчы 2005-тӥ арысен потэм чеберлыко статьяос гинэ пыртэмын, кылемъёсыныз тодматскыны быгатӥськоды Удмурт Элькунысь йӧскалык библиотекалэн электрон каталогъёсызъя.

Уже кутэм литература

  1. Хайдаров Р. Фёдор Суворов (1940) // Писатели и литературоведы Удмуртии : биобиблиогр. справ. / сост. А. Н. Уваров. – Ижевск, 2006. – С. 177-178.
  2. 2,0 2,1 2,2 Суворов. Автобиография // Рукопись. - 2013.
  3. Хайдаров Р. Фёдор Суворов // Советской Удмуртия. – 1990. – 17 июня. – С. 4.
  4. Атнабаева Н. Тема родины в гражданских венках сонетов // Вордскем кыл. – 2012. – № 5-6. – С. 44-47.
  5. Лебедев И. Фёдор Суворов собирает гостей // Удмуртская правда. – 2000. – 8 апр. – С. 4.
  6. Виноградова Е. Кылбура, серекъя, Суворов эш! // Удмурт дунне. – 2000. – 14 апр. – С. 1.
  7. Суворов Ф. Лопе де Педро, Лопе дон Педро, яке Лӧпшо Педунь // Удмурт дунне. – 2005. – 15 апр. – С. 6, 11. – (Удмурт кизилиос).
  8. Дарали Лели. Вормонтэм кӧ // Удмурт дунне. – 2013. – 9 апр. – С. 3.