Самовардэ пукты али

Самовардэ пукты али, ой, уроме,

Самовардэ пукты али, ой, уроме.

Али гинэ пуктысал но,

Кӧс эгыре чик ӧвӧл.

Али гинэ пуктысал но,

Кӧс эгыре чик ӧвӧл.

Чайдэ но пар али, ой, уроме.

Али гинэ парысал но,

Памильной чай чик ӧвӧл.

Ӝӧккышеттэ вӧлды али, ой, уроме.

Али гинэ вӧлдысал но,

Ӝуткам ӝӧккышет чик ӧвӧл.

Ӵашадэ потты али, ой, уроме.

Али гинэ поттысал, но,

Зарни ӵашае чик ӧвӧл.

Кырезьдэ шуд али, ой, уроме.

Али гинэ шудысал но,

Тальяныской си ӧвӧл.

Кышнодэ эктыты, ой, уроме.

Али гинэ эктытсал но,

Чильпам айшетэз ӧвӧл.

Чабкондэ чабкы али, ой, уроме.

Али гинэ чабкысал но,

Капчи мылкыд чик ӧвӧл.