«Кызьы меда лыктӥды»

Материал из Воршуда
Перейти к навигацииПерейти к поиску

Кызьы меда, ой, лыктӥды,

Кытысь-о тӥ вуиды?

Гажаса-а, ой, лыктӥды тӥ,

Малпаса-а, ой, вуиды?

Мынэсьтым-а, ой, мӧзмиды,

Асьтэос-а мӧзмиды?

Та коркалэн, ой, шулдырез

Ӧтем куно вань дыръя.

Адӟем потэм, ой, муртъёсы

Тӧдьы льӧмпу сяська кадь..

Яратымтэ, ой, муртъёсы

Ву дур лулпу гуры кадь.

Кызьы меда, ой, лыктӥды,

Кытысь-о тӥ вуиды?

Гажаса-а, ой, лыктӥды тӥ,

Малпаса-а, ой, вуиды?[1]

Литература[править]

  1. Калык кырӟанъёс // Кенеш. - 1999. - № 7-8. - С. 101.